☜   بـسمـه تعـالى  ☞

الـقصـيدة : گلبي اليحبكم
اداء : سيد فاقد الموسوي
كلـمات : حمزة الحسناوي

✮✮✮✮✮✮✮✮✮✮✮✮

ولو بس الوكت دار خذوا روحي ومشوي
صحتهم وما اجوي .. صدگ كلبي انكسر
ادور عنهم اخبار عمت عين الوكت
شجاني وما متت كبل هذا الخبر

✮✮✮✮✮✮✮✮✮✮✮✮
كلبي اليحبكم لا تكسرونه
صعبه العزيز ايدنگ عيونه
لحد ايگله شلونك الفاگد
فاگد بعد ومبين شلونه

✮✮✮✮✮✮✮✮✮✮✮✮
افارگ وين اليفوت ... هوه بنص الگلب
ظهر وگت الحرب ... مثلهم ماشفت
صحتهم ياهو اليموت ... اجو كلهم سوه
اجو مثل الهوه ... گبل لا التفت
وحسينا .. وحسينا .. وحسين

✮✮✮✮✮✮✮✮✮✮✮✮
هيج العشگ مو واحد يجامل
حته النفس هم صاعد و نازل
بس همه يختلفون بعيوني
كلهم احبهم مثل ابو فاضل

✮✮✮✮✮✮✮✮✮✮✮✮
احب هذه الهوه الجاي ... اذا يمهم عبر
عشگهم ما كبر ... ركض مثل الضوه
عمرهم خلص وياي ... شفت بيهم ربح
احطهم عالجرح ... مثلهم يادوه
وحسينا .. وحسينا .. وحسين

✮✮✮✮✮✮✮✮✮✮✮✮
رجعني گلبي لاول ايامي
يمشون مثل عيوني كدامي
مافارگوني ابنومتي الكاهم
يرحون گبل النوم لحلامي

✮✮✮✮✮✮✮✮✮✮✮✮
رجعت من البدايات ... بدايات العشگ
گبل لا نفترگ ... منو يرد العمر
گضت هسه وحرامات ... ضعت نص الدرب
يشلعون الگلب ... و دورلهم عذر
وحسينا .. وحسينا .. وحسين

✮✮✮✮✮✮✮✮✮✮✮✮
يمشون كلهم وي شراييني
موصحبه چنهم چنهم سنيني
ماعندي راح مو غالي
ابعدهم اقرب واحد لعيني

✮✮✮✮✮✮✮✮✮✮✮✮
ولو هسه الوگت دار ... خذو روحي ومشو
صحتهم ما اجو ... صدك گلبي انكسر
ادور عنهم اخبار ... عمت عين الوگت
شجاني وما متت ... گبل هاذه الخبر
وحسينا .. وحسينا .. وحسين

✮✮✮✮✮✮✮✮✮✮✮✮
عاشر الناس التفتخر بيهه
من تبچي عينك ما تغطيهه
هيه الزلم ما تكسر الخاطر
بس المواقف ينبچي اعليهه

✮✮✮✮✮✮✮✮✮✮✮✮
موقف زلم الحسين ... ابد ما تنكتب
صدگ هيج اليحب ... يحب حد الذبح
سهم يتلاگه بالعين ... ولا واحد يهم
اخذ هيجي زلم ... يشيعهم رمح

✮✮✮✮✮✮✮✮✮✮✮✮

@faqdalmawsawi

☜   بـسمـه تعـالى  ☞

الـقصـيدة : راس السنة
اداء : سيد فاقد الموسوي
كلـمات : محمود الموسوي

♧♧♧♧♧♧♧♧♧♧♧♧

براس السنه متانينه__ يطلع صدك مهدينه

♧♧♧♧♧♧♧♧♧♧♧♧

دارت الساعه والعين تميل ويه الثواني
وكلبي مولاي بده يصيح اخذ كلبي اليتاني
كل سنه براس سنه نصيح يمهدينه ونعاهد

غير الحسين والحسين ابد ماعدنا ثاني


اصيح بسنتي الجديده
احب المهدي واريده
باسمه مسمي القصيدة __ يامولاي

يميل الساعه شبديه
اخذها عيوني الخطيه
احط للمهدي هديه __ هاي وهاي

فدوه العمر وسنينه
براس السنه متانينه

♧♧♧♧♧♧♧♧♧♧♧♧

لطلعة المهدي ياناس نراقب كل علامه
وكل سنه تدور والحسين زلم عنده نشامى

عاهديناك يمولاي إذا دارت سنتنه
نبقى خدام للحسين لحد يوم القيامى


تخدمك وادم ثكيله
ربع الصحبه الطويله

خادم خادم نجيله __ ربع حسين

عهد منطين الزچيه
ما عفناها القضيه

نبقى ليوم المنيه __ ربع حسين


خدام الك خلينه
براس السنه متانينه

♧♧♧♧♧♧♧♧♧♧♧♧

احنه مازال عله ابواب سنه وتونه ابتدينه
اتعلقوا بحسين تره حسين يظل حبه السفينه
خل نجدد ولاء النفوس الحيدريه
يلا لحسين نعاهد سوه ونرفع ادينه


اجينه انعاهد اجينه
غيرك لا ما لگينه

درب حسين السفينه __ ماعفناه

اجينه ابابك نعاهد
اجمل لحظه الله شاهد

يمك يوم واحد واحد __ اشمحلاه


غيرك ولا حبينه
براس السنه متانينه

♧♧♧♧♧♧♧♧♧♧♧♧

يلا خدام سوه نصيح هلا بصوت البساله
بس الحسين يهالناس تره الينحب جماله
خدموا الحسين يوادم تره الدنيا گصيره
علي طلكها يعني علي اموصل الرساله


العمر لو دار شحلاته
بس بالخدمة امنياته

تكضي الخادم حياته __ بس لحسين

كصيره الدنيا كصيره
محد يعرف مصيره

خدمة قمر العشيره __ احلى اسنين

من فدوه اروح لعينه
براس السنه متانينه

♧♧♧♧♧♧♧♧♧♧♧♧

كل سنه وياك يالحسين ندك للخدمه رايه
ونلبس الثوب الأسود إذا تبدي البدايه
ماعلينا بحجي الناس نظل احنه بخدمتك

صافيه اكلوبنه وياك يل اتعرف النوايا
يجي كل عام ومداره
ننوي وياك الزياره

يبقى الخادم شعاره__ يازهراء

المهدي ليمت نزوره
عجل ربي ظهوره
خل نصيح لحضوره __ يازهراء

جيته ضوه يدلينه
براس السنه متانينه

♧♧♧♧♧♧♧♧♧♧♧♧

@faqdalmawsawi

كُل عام ونحن وإياكم الى الحُسين "ع" أقرب و أقرب أللهم أجعلنا من المخلصين لهُ والثابتين على نهجة ..

☜   بـسمـه تعـالى  ☞

الـقصـيدة : موش بخير
اداء : سيد فاقد الموسوي
كلـمات : محمود الموسوي

♧♧♧♧♧♧♧♧♧♧♧♧

نايم يا مسية الخير ... غفيت و تيهتلك چم گلبك هايم
نوم العافية يحسين .. صايرلك ثلث أيام ما نايم
بصفي وأشبگ بصفك ما بيك الشبگتي ولا كتر سالم ... نايم .. نايم

من الزمك الچمك وادري تريد تشبگني
تسع مية يحسين
دخيلك هل كرم موش على گد نوحي
عمت عين الوجع والموت
أنه اختك حط تسعميتك على جروحي
تسع مية جرح يحسين
اجيتك جسد مابي روح
اذا محترگه اديه وما ادري بروحي

♧♧♧♧♧♧♧♧♧♧♧♧

خذت گلبي ومشيت وياك . وبيدي برگبتك للموت علگته
جا هذا الطعن بس بيك . ردته يموت هلبت وحده لايحته
اليموت تموت روحه وياه . شو يحسين ميت واني ماميته

♧♧♧♧♧♧♧♧♧♧♧♧

جبتني دخذني . يسابيني ارحمني
سحك وجروح وانته
تلوج هذني هواي كافي اعليه بس تموت
مدري شلون رهمت هاي
تفوت ارماح بيك وماي ماكو يفوت
شلون الخير موش بخير
تحجي بلايه صوت ومره يطلع صوت
شفتني وصحتني . بعدني مفتشه سامحني

♧♧♧♧♧♧♧♧♧♧♧♧
@faqdalmawsawi

ـــــــــــــــــــــــــــــــــــــــــــــــــــــــ
📜 القصيدة:عَايف دَاره
🎤 أداء:فاقد الموسوي
🖋 كلمات: علي مَالك الموسوي
ـــــــــــــــــــــــــــــــــــــــــــــــــــــــ
زينب عِزيز الدَار عايف دَاره
مو حِلوة اشوف الليله گلبي اخَباره
ـــــــــــــــــــــــــــــــــــــــــــــــــــــــ
مِن هَسّه اخوچ حسين واگف گلبه
متحزّم إعليه وكته بيش يِطلبه؟
مِن هَسّه زينب بِدت بينا الغُربة
يا هُوَ مِثلي ببيته تيّه دربه؟
نفس المُخيّم گلبي تلهب نَاره
مو حِلوة اشوف الليله گلبي اخَباره
ـــــــــــــــــــــــــــــــــــــــــــــــــــــــ
يبچي الحِنين وهَم بِدت تبچيله
وتگلّه ما اشوفنها تگضي الليلة !
دخيلچ يگلها و هَم تگلّه دخيله
ما بيها حيل وهُوَ دافن حيله
وحسين وَرّم گلبه مِن صياره
مو حِلوة اشوف الليله گلبي اخَباره
ـــــــــــــــــــــــــــــــــــــــــــــــــــــــ
گرّب علينا العيد هَاي اللوعة
ومبيّنة ياهي الوادم المفجوعة
مِن تلگه واحد غَارگ مِن دموعه
عزاز گلبه العَاصرين ضلوعه
محتارة رُوحي تريدهم محتارة
مو حِلوة اشوف الليله گلبي اخَباره
ـــــــــــــــــــــــــــــــــــــــــــــــــــــــ
لو نشدت الوَادم شَ ارد إعليها
وبخيره چان وصايته مغطّيها
ما تنحچي المّا هُوَ حَتّىٰ احچيها
دگّة الباب رويحتي تبچّيها !
اللهُ الاحد لو لفوا خطّاره
مو حِلوة اشوف الليله گلبي اخَباره
ـــــــــــــــــــــــــــــــــــــــــــــــــــــــ
يُوجعني كِلشي وكلشي ما ضَل بيّه
مگضية اموتن يَلّه احس مگضية
هلبّت يسيّر ظيم گلبي إعليه
شُوفة عزيزي بكل وَكت عيدية
بَس هُوَ يدري بگلبي شِنهي اسراره
مو حِلوة اشوف الليله گلبي اخَباره
ـــــــــــــــــــــــــــــــــــــــــــــــــــــــ
شِلّي بحياتي وبالعُمر هَم شِلّي؟
گطعوا الهوا ولا بيّه يگطع خلّي
مشلوع گلبي وخل اموت احسنلي
ما مِش حنين بِساع خَل يفزعلي
طَلّاب ثار وگلبي كتلوا ثاره
مو حِلوة اشوف الليله گلبي اخَباره
ـــــــــــــــــــــــــــــــــــــــــــــــــــــــ
@faqdalmawsawi

ــــــــــــــــــــــــــــــــــــــــــــــــــــــ
📜 القصيدة: على الترابة ماتت رقية
🎤 أداء: سيد فاقد الموسوي
ــــــــــــــــــــــــــــــــــــــــــــــــــــــ
-بليل الخرابة وعلى الترابة ماتت رقية-
يتيمة من الظعن نروي خبرها
تلاثة من الأعوام ينعد عمرها
راحت سبية وحرگوا گلبها
وتريد أبوها يگوم يحضرها
طفلة وسبوهـا وتريد أبوهـا..بالغاضرية
ــــــــــــــــــــــــــــــــــــــــــــــــــــــ
من وصلوا الشام نزلوا خرابة
ذكرت رقية حسين ومصابه
كل لحظة وتصيح بابا بابا
عذبني الفراگ شجرع عذابه
مابيه كل حيل لمساهر الليل..عوّد عليه
ــــــــــــــــــــــــــــــــــــــــــــــــــــــ
يا بيت الأحزان اسمع رقية
لو ونت دگول امها الزچية
وتريد أبوها بهاي المسية
ما غمضت العين بس للمنية
ياحضن الحسين بي تغمض العين..راح من اديه
ــــــــــــــــــــــــــــــــــــــــــــــــــــــ
تگاطر دمعها يم راس ابوها
تشكيله من ضيم گوم السبوها
فك عينك وشوف عيني اضربوها
مثل امك انا يوم الولوها
إسمع ونيني سطروها عيني..مثل الزچية
ــــــــــــــــــــــــــــــــــــــــــــــــــــــ
لا نشف دمعي لاشفت ضيمي ولا عني سامع
عن روحي يحسين ضليت ادافع
اشگف بدية و اجري المدامع
وبخدي مرسوم طبع الإصابع
خدي التحبه خصمك يضربه..
ــــــــــــــــــــــــــــــــــــــــــــــــــــــ
حاچيني وشلون اگطع دمعتي
وگبالي يحسين مچتوفه عمتي
مثل امي صارت واست غربتي
من انحب دگول ياعمة سكتي
تخاف السبوها لا يشتموها..شتحمل أذية
ــــــــــــــــــــــــــــــــــــــــــــــــــــــ
@faqdalmawsawi

ــــــــــــــــــــــــــــــــــــــــــــــــــــــ
📜 القصيدة: كـلشي ولاَ علي
🎤 أداء: سيد فاقد المُوسَوي
🖋 كلمات: الشاعر حَمزة الحسناوي
ــــــــــــــــــــــــــــــــــــــــــــــــــــــ
ماظل واحد إلي
بالله وبيكم هـلي
لا كلشي ولا علي..يوليـــدي .. يوليـــدي
ــــــــــــــــــــــــــــــــــــــــــــــــــــــ
نسكت گبل لو سَولفت يابعد أبوك وروحه
ما واصل لجدمك ترب ماچنت اخلهَ ايلوحه
و افترت وانا الگمت بتراب اغطي جروحه
باوعت بوية لرگبتك ماهيه مو مذبوحه
من بين السيوف بالگوة شفته
تترامض الناس كلها لرگبته
صاحوا هزوا الرمح
حتى يحس بالذبح
واخر شي ينذبح..يوليـــدي .. يوليـــدي
ــــــــــــــــــــــــــــــــــــــــــــــــــــ
لاتبقى بالخيمة مَرهَ جبت المگطع جبته
خل نبچي ونصيح بعد مو مال تخلص سكته
ياخيل بس خلي افتهم ساحـگته لو شايلته!!!
هاي الشوية المن علي عود شكثـر جمعته
شايلته السيوف ومطشره ابنه
كل خطوة بالگـاع گمت ألگه منه
صحت بدمعي اليهل
ما اريده يرد عدل
بس مو هَيچ الكتـل..يوليـــدي .. يوليـــدي
ــــــــــــــــــــــــــــــــــــــــــــــــــــ
يّدَنه شفته و كـيفت واركض رحتـله ابهمة
ثاري إبني ما ضل بي ثگـل والهـوة يدني بجسمه
لاينجمه لا يندفن لا بي مكـان انلزمه
دَفانه باچر من يرد يدفن اهدومه ودمـه
درب ابني مسدود وتراكـضوله
المالحـگوا بي من مات إجوله
مايرتاح واحد حتى لو مات
وادم بالعدّل والميت تعيل
بصدره الحـافر گعـد
و مطشرين الولد
شاخذ منك بعد..يوليـــدي .. يوليـــدي
ــــــــــــــــــــــــــــــــــــــــــــــــــــ
اكـبر هضم من تـِنكسر وانته ابو الراس العالـي
وتغطي دمعك بس يظل ظهـرك مبين خـالي
بوليدي ظليت أشتبه بوليدي ذاك الغالي
اشگد گبله ماخذ للخيم مو هوَ يطلع تـاليِ
هالمرة بس كون يوليدي انته
صاحلي رد بي مو هو جبته
صاحن صوت انسمع
هذا الگوة انجمع
هم مو ابنك طـلع..يوليـــدي .. يوليـــدي
ــــــــــــــــــــــــــــــــــــــــــــــــــــ
هالمرة ماريد اشتبه وابلي المخيم بلوة
من بين كل ذيچ الجثث لميت واحد گوة
مو مال ادور عليه بعد يا ليلة گمت اتلوه
شوفيلي هذا الجبته الچ بس كون يطلع هوَ
اي هوَ يحسيـن إبني و وحيدي
تتأكد تريد؟ من رجفة إيدي!
صحت اعليك وطحت
اي هوَ اتأكدت
من جبته وتيهـت..يوليـــدي .. يوليـــدي
ــــــــــــــــــــــــــــــــــــــــــــــــــــ
@faqdalmawsawi

☜   بـسمـه تعـالى  ☞

الـقصـيدة : بهيدة هيده
اداء : سيد فاقد الموسوي
كلـمات : محمد الجراح

ـــــــــــــــــــــــــــــــــــــــــــــــــــــــــــــــــ

بهيده هيده ريضو ★ بينه تونه جدد فاركينه

ــــــــــــــــــــــــــــــــــــــــــــــــــــــــــــــــ ★
يالمشيتو وروحي بيكم
شاخت عليه الخرابه
طبكت چفوني بهضمها
عطشت عيوني بصوركم
شلي بالماي وشرابه
طبكت چفوني بهضمها
كحلت الثاري بگرابه
مدللتكم واعز وحده
نايمه بسد الترابه
حيره حيره من بچينه
نهم بالموته بعبينه
روحي بيدك وانته بيدي
غفله باگوك من ادينه

بهيده هيده ريضو ★ بينه تونه جدد فاركينه

ـــــــــــــــــــــــــــــــــــــــــــــــــــــــــــــــــ ★
وكت خلوني على ناگه
وانه مگعاد العرش
حاسبه تردوني ليه
وفارشه بروحي الفرش
توسن بالكون ترسني
شعنده ملجنهوم يحش
صدوركم بسهام ترش
وانه بدموعي ارش
روحي روحي تونه جينه
العفه عرضة ما اجينه
العفة عرضة هالبقينة

بهيده هيده ريضو ★ بينه تونه جدد فاركينه
ــــــــــــــــــــــــــــــــــــــــــــــــــــــــــــــــ ★

موتي ياروحي الحنينة
ومن صواني الضيم اشربي
انه ذيج الما اطيحن
انخه عوج على دربي
هسه نبكيفج يناگه
طوع شورج بيه غربي
الموت حگ وانه حگه
وانه وي الفرگه حربي
سكته سكته من هوينه
شمع ياروحي انطفينه
ياهو ليدليني بيكم
حاير يصبر على حاير
اندور الينشدنه عنكم
شحت الوادم ضماير
وينه اليركدلي گلبي
نمشي كوه وهو طاير
يالچفيتو عيوني غربه
برد دمعي وجيتني فاير
ديره ديره تغربينه يم اهالينا انچفينه

ـــــــــــــــــــــــــــــــــــــــــــــــــــــــــــــــــــ ★

@faqdalmawsawi

أسـعد الله أيامكم بذكرى مولد الإمام الحجة ابن الحسن الولي الصالح والخلف المنتظر صاحب الامر والزمان المهدي عجل الله تعالى فرجه الشريف .."

ــــــــــــــــــــــــــــــــــــــــــــــــــــــــ
📜 القصيدة: سمّعوني هَلا
🎤 أداء:فاقد الموسوي
🖋 كلمات: محمّد الموسوي
ــــــــــــــــــــــــــــــــــــــــــــــــــــــــ
اللهُّم عجّل لوليّك الفَرج
ــــــــــــــــــــــــــــــــــــــــــــــــــــــــ
سمّعوني هَلا.. صفگة معدّلة
للسادة إجه الليلة گُمر چنّه علي
عينه ملّونة.. شوفتها هَنا
للديرة وصل احلىٰ خبر فرّحوا هَلي
إجه چنّه حسين.. ها وسعها العين
هلا يابن الزين.. مِثله ماكو إثنين
هَلا والله وهَلا.. صاحت السَبعة إله
يا جَماله مِن خياله صارت البَسملة
إله گلبي فِدا.. اترف مِن النِدا
ضِوه عينه هَل علينا عشگي توّه بدا
ما شاء الله ما چنّه بشر.. قطعة مِن الگُمر
ورموشه تصب.. بالجنّة نهر
اللهُّم عجّل لوليّك الفَرج
ــــــــــــــــــــــــــــــــــــــــــــــــــــــــ
عينه مَشرعة.. بياس مرصّعة
يا احلىٰ بشر ربّه خلق وجهه شَمس
بدر اربعطش.. يحلىٰ شِما رمش
ولشيعة عَلي بكل سنة ميلاده عرس
إجه تاج الرَاس.. يشبه العبّاس
عُطره ما ينقاس.. احلىٰ مِن الياس
هـٰذا شيخ الزلم.. اعلىٰ مِن النجم
هـٰذا بلسم مِشه بالدم هـٰذا هُوَ العشگ
هُوَ نبض الگلب.. هُوَ حُب وحَرب
هـٰذا گلبي وضِوه دَربي هـٰذا حُبّي الصدگ
ما شاء الله مهدينا إنولد.. صيحوله مَدد
مِن جنّة عدن.. جابوله مَهد
اللهُّم عجّل لوليّك الفَرج
ــــــــــــــــــــــــــــــــــــــــــــــــــــــــ
صار احلىٰ وَلي.. يا شيعة عَلي
فرحوا مِن گلب بيرغ مِن السادة عِلا
عيد الرَافضة.. فنّه المّا رضه
والرايد يشاركنا الفَرح ميّة هَلا
إجه راعي الثار.. هيبة الكرّار
بيده جنّة ونار.. وسيفه ذو الفقّار
موتوا موتوا قَهر.. شرّف المُنتظر
يالشِماته وشحلاته بيرغه الهَاشمي
زوده مِن حَيدرة.. سيّد الگنطرة
هـٰذا سور الرَافضية وإحنا بي نحتمي
ما شاء الله طالع عَ الحسن..دلاله سومرن
ونجوم السِما.. مِن وجهه ضِون
اللهُّم عجّل لوليّك الفَرج
ــــــــــــــــــــــــــــــــــــــــــــــــــــــــ
هالليلة فَرح.. والشارك رِبح
هنياله صدگ كِلمن بفرحتنا حضر
الليلة فَاطِمة.. تضحك بالسِمه
فَرحانة إجه القائد المَهدي المُنتظر
خَذه مِنها النور.. عِمه عين الحُور
خلّفت فُرسان.. يالحسن مَشكور
خلّفتلك امير.. هيبة كلّش چبير
إسمه آية بچفّه راية چنّها راية علي
إجه سيّد وإمام.. إسمه حُب وسَلام
مِثله ياهو والله ماكو عِدنا غيرك وَلي
ما شاء الله هَلا گولوا هلا.. بشيخ المَرجلة
وباچر ننجمع.. كلنا بكربله
اللهُّم عجّل لوليّك الفَرج
ــــــــــــــــــــــــــــــــــــــــــــــــــــــــ

@faqdalmawsawi

قصيدة : عهد لا يزال
الرادود : سيد فاقد الموسوي
الشاعر : محمد الموسوي

///////////////////////////////////

عهد لايزال منذ الازلي
في حب الحسين فليشهد علي
جيل يوصي جيل عنك مانميل
انته في الصلاة خير العمل

الله يشهد ماعفناك ولاهديناها الرايه
من عاشور لحد عاشور ومن مشايه لمشايه
خدمتك چبيره ياشيخ العشيرة

الرايه ماطاحت يحسين

يااول غريب بيك الله انعرف
انته اول سليب شرفت الشرف
لوما كربلاء مايقبل دعاء
من دونك نضيع بس ربك لطف

لوماطيحت دمك ضاع
الحگ علينا من الباطل
كلما مالت بينا الگاع
تعدلها چفوف الكافل
بيمينه وشماله قرينه الرساله

انهيبة ياطيحت عباس

انضر للبعيد يل شابع ضمه
من اخدم اريد تقبل فاطمه
مادور ثواب وانته على تراب
رايد بس رضاك يمعلي السما

ضلمه الدنيا بلايه حسين
وهوه الدنيا مسويهه
ماتبچيلك عميه العين
وانته الزهره امبچيهه
سمعتي قليله وحگ العقيله

الرايه ماطاحت يحسين

ياسر الوجود حيرت القلم
صدرك طشرو ولميت الخدم
ماشايف غريب للمضطر مجيب
يم بابك نروح نتبارى الذمم

فاتح بابك للزوار
وكلساع تفك طلابه
ذاكه يذب عليك عگال
وذيچ تذب العصابه
خدمتك شهامه يتاج الامامه

الرايه ماطاحت يحسين

شامخ مثل ابوك يمصطر الفلك
يعبر عل صراط كل خادم الك
باچر مااحير خادم للچبير
ماريد الجنان اريد اتاملك

باچر يم المحشر كون
اباب الجنه يوگفونك
ننسه الجنه ونصفن بيك
شجاب الجنه على عيونك
نضرتك عجيبه وگفتك رهيبه

الرايه ماطاحت يحسين

لاذن بالفرار ربات الخدر
وانداس الچبير بخيول الضهر
فزعه ياشباب حسين على التراب
شجاع العشيرة كسرته چبيره

انهيبة ياطيحت عباس

///////////////////////////////////

@faqdalmawsawi

ــــــــــــــــــــــــــــــــــــــــــــــــــــــــ
📜 القصيدة:شَسولفلك عَ الفراگ
🎤 أداء:فَاقد المُوسوي
🖋 كلمات: حمزة الحسناوي
ــــــــــــــــــــــــــــــــــــــــــــــــــــــــ
انام.. انام حِلم يا ناس انام
ــــــــــــــــــــــــــــــــــــــــــــــــــــــــ
شَسولفلك عَ الفراگ.. تِضل لكلشي تشتاگ
إذا جَرحك كُبر
يبيّن عَ اليحبّون.. سَواد الجوّا العيون
عَلامات السَهر
تون يم گلبك بصوت.. صدگ ساعدني خَنموت
عليمن هَـ القهر؟
يَگلبي وتسأل تريد.. بَعد عافوك شيفيد
شنو يِفيد الخَبر
يا عَملة زماني ميّت بس نخيته
ذاكَ الدّللاني بالحافر لگيته
حَرام.. حَرام يذبحونك حَرام
انام.. انام حِلم يا ناس انام
ــــــــــــــــــــــــــــــــــــــــــــــــــــــــ
جَرح ما يعرف يطيب.. مسافة وخضّر الشيب
شِجاني وما متت؟
وَكت وحسين يِنداس.. خطية تگلّك الناس
عِمت عين الوَكت
بحَرگ خيمتنا جرحوك.. رُغم ما هُمَ ذبحوك
لگيتك ملتفت
اباوع بين الخيول.. إرجعي عيونك تگول  !
بعد مِنها وخفت
ما يِقبل يهدني صوتك دوهناني
اركض بَس بعدني يحسين بمكاني
سَلام.. سَلام علىٰ عيونك سَلام
انام.. انام حِلم يا ناس انام
ــــــــــــــــــــــــــــــــــــــــــــــــــــــــ
شَمس غابت وإجه الليل.. ظَلام وخلّص الليل
بِدا شلاع الگلب
حَرَم وكبار وصغار.. كَلت رجليهم النار
يركّضوهم غَصب 
يتامىٰ وكلهم جروح.. نريد لبيتنا نروح
گضت عمّة الحرب
نحط الرُوس ع الروس.. خرابة وفوگنا يدوس
يفزّزنا الرُعب
مچتوفات إدينه ومطشّر شَملنا
والحارس علينا ذَابح كل اهلنا
خِيام.. خِيام بعد ماكو خِيام
انام.. انام حِلم يا ناس انام
ــــــــــــــــــــــــــــــــــــــــــــــــــــــــ
دَرب بي بس هُوا وخيل.. الاگيها وصحت حيل
دَخيلك يا عَلي
گلت ها هسّه ننداس وإذا مو اهلي يا ناس
مِنو اليفزع إلي؟
زلم وتسابگ الريح.. يسحگون إعله اليطيح
نحشّم نبتلي
إذا طاري اهلي جِبناه.. هلي تفزعون لو لا
يشتّمون بهلي
ما نحچي إحنا لازم يطلع گوّة صوتي
بس گتله الشتايم مو حِلوة إعله خوتي
عَمام.. عَمام مرة بعازة عَمام
انام.. انام حِلم يا ناس انام
ــــــــــــــــــــــــــــــــــــــــــــــــــــــــ
شكيت بگلب ودموع.. حچي  بليل مسموع
يَليلي تعذّبت
وحگ لمّتنا بالبيت..علىٰ المَيتين لوليت
كِثر ما ايّست
حِمل ما شالته جبال.. اطيح بكيف الحِبال
الف مرّة طحت
اچلّب بيمن احتار؟.. اطيحن والدَرب نار
إذا ما چلّبت
ويّ كل طيحة حيرة والگاع شِبعدها
والحُرمة الچبيرة صعبة الگومة عدها
سِهام.. سِهام اطيح إعله السِهام
انام.. انام حِلم يا ناس انام
ــــــــــــــــــــــــــــــــــــــــــــــــــــــــ

@faqdalmawsawi

القـصيدة : حيدر حيدر
أداء : سيد فاقد الموسوي
الشاعر : محمود الموسوي

♧♧♧♧♧♧♧♧♧♧♧♧

حـــيــدر *** حــيــدر
.................................

الـلـهُـم بِـمـولانـا حـيـدرُ فَـنــصُـرنا
بالحربِ رجالٌ نَبقئ إن عادُ عُــدنا
رايـاتُ النـصـرِ لاحت فوقِ أيادينا
سـيـفُ عـلـيٌ بـالـحـقِ وبِهِ ڪَبرنا

فالـثـارُ قريـب و الـنـصرِ
و الموتُ حَليف من يدرِ
للسيفُ رجال ڪالجمرِ ... ذوله ولدك حيدر

ذوله احنا رجالٌ حربيه
وخـيـبـرُ تنـعـاد ماضيه
زلـم الـينـهـاب طـاريـه ... ذوله ولدك حيدر

حـيـدر علي و ڪت الـحـرب
عــنــدك زلـم مــا تــنــغــلــب
❄❄❄❄❄❄
ما زالَ شـعـارُ الموتِ يـجلي أسامنا
شعلةُ حـربٍ بالحيدر مـن ذا يُطفينا
صـبـغَ التاريخُ بسـيفِ الڪرار فقلُنا
ماضـيهُم أيـن فنحنُ يشهد ماضينا

حـيـدر تــنـهـاب حـمـلاته
و تڪبيره مـوت صولاته
و سـيف الفقار شمحلاته ... لو نزل للحومه

خـاف الـشـيطـان يتصور
ويـانـا يـعــيـل مــا يـگـدر
هاي الشجعان من حيدر ... من صفات رسومه

هـاي الـزلـم مــن تـنــجـرح
مـن دمـهـم يـخضـر صبح
❄❄❄❄❄❄
الــلـهُــم انـصُــرنـــا مــن نـــصــركَ لـلـقـائـم
فالسيفُ يـذوقُ و يـجـزع من قبضهِ هاشم
تلكَ دماءُ النورِ بالحربِ صارت بالحرب ضياءُ
فـدمُ الـشـهـداءِ سـيـبـقـئ و سيلقئ الضالم

ويـن يفـرون بالمحشر
هم يتـلاگون وي حيدر
الله الله لــــــــو ڪـبــر ... و الحرب تحلاله

حيـدر بالسيف لو ناده
و الخـيل تـغـيـر بالقاده
اول ريـشـات بالـسـاده ... سـابـگ الخـيـاله

حـيـدر ولـي و اجـمـل ولـي
قـــل لا فـــتـــى الا عـــلــي
❄❄❄❄❄❄
هـوه ولـيُ الله صـِحـنـا و الاسدُ الغـالب
بل نـحـنُ العشاقُ نهوئ إبـنَ أبـي طـالب
بڪاءُ المحرابِ ڪانَ و ضحى كالحربِ
هوه اليستاهل حُبنا وحُب حيدر واجب

اسـمـك يـنـشـاف بالايه
و يـمفيـي الكون بالرايه
انطياك اثبات و حچايه ... غـيـرك ما حبينا

كل شيعي يصير بحساسه
و حـيـدرنـا الـتـاج البراسه
الحب حيدر حاب عباسه ... هوه نفس الطينه

يـهـل الـهـوه ويـهـل الـعـشگ
بـس حـب علي هـوه الصدگ
❄❄❄❄❄❄
سـيـعـدُ الـنـصـرُِ غـدانا بـلـواءِ حيدر
نـحــنُ رجـالُ اللهِ قُـلـنـا اللهُ اڪـبـر
إن صِـحـنـا للثارُ نـحُـن لبيكَ حسينا
فالمهدي بسيفُ عليٍ سيقودُ العسكر

سَيذوقوا الموت اعدانا
شـيـعـة ڪرار شـجـعانا
انــا فــرســان مــولانـا ... فـنـهـم يـلاگـونـا

نـركض عالموت خـياله
انصار حسين و ارجاله
و المهدي الثار يحلاله ... حيدر عله عيونه

حـيـدريــون ڪل حـيـن
لا نـنـسى ثارت الحسين
..................................

@faqdalmawsawi

القصيـدة : سفرة ضماير
أداء : سيد فاقد الموسوي
كلمـات : حمزة الحسناوي

♧♧♧♧♧♧♧♧♧♧♧♧
روضته گلبي من العشگ
منا لمن گال اكدر
بس گلي تعبي و دنيتي
گتله الربح من تخسر
عينك تذلها ... وامسح كحلها ... كحلها بالدخان
هل من مناصر ... وليبقه خاسر ... لا تنسد البيبان
عيش بغرامك ... حس بأمامك ... بالمجلس وعطشان
كل رفعه أيد نحس بيها نريد
حافر فوگ ضلوعك حس هيج إحساس
والطم عالعين وي كل حسين
بسهام اعله حسينك يلطم عباس
مولاي ابا عبدالله ... مولاي ابا عبدالله
----------
يا نحري سافر للذبح
ماريده بالذل موتك
اضل بعد بس چم رمح
والسفره خاف تفوتك
سفره ضماير ... والبيها خاسر ... بس البقت بي روح
واليرفض الذل ... ذباحه ينزل ... واليصعد المذبوح
والينطي كلمه ... يحسبه ذمه ... ما يرجع من يروح
ما يرجع كون اله يگطعون
نحره وكون جروحه بنص هيمه تبات
مو ياهو الچان سفره شجعان
بيه العايش ميت ويعيش المات
مولاي ابا عبدالله ... مولاي ابا عبدالله
----------
لو گعده يگعد يعثر
وهدومه من گد العطش
مو شفته التتفطر
واصل حبيبك بالتعب
هسه انته بيدك ... ناصر يريدك ... صير اعله جسمه فياي
فوگ الضمه الحر ... وانفاسه تگصر ... حته النفس بهداي
الله اكبر ... چا هوه شكثر ... من الهوه والماي
يعثر بالريح وبصفه يطيح
عبدالله المالحگ حته يناغي
وسهام كبار وجفوف زغار
يحسين من گماطه تخاف امه عليي
مولاي ابا عبدالله ... مولاي ابا عبدالله
----------
غض عينك الدنيه وهم
وانذرها بس لدموعك
وخطوط اديك من اللطم
ارسمها فوگ ضلوعك
عيش الحبيبك ... مجلس يجيبك ... والمجلس يوديك
هاي المجالس ... سواها عابس ... من عشگه خل ينطيك
لا تبقه حاير ... بس هوه باجر ... محد تره يمر بيك
لو شفت الماي گله بلا راي
عايف خيمه زينب تاگله النار
هوه انته منين من خير حسين
يمعطش له ايتامه ونسوان هواي
مولاي ابا عبدالله ... مولاي ابا عبدالله

♧♧♧♧♧♧♧♧♧♧♧♧
@faqdalmawsawi

القصـيدة : ما جابوا عيونة
أداء : سيد فاقد الموسوي
كلمـات : حمزة الحسناوي

♧♧♧♧♧♧♧♧♧♧♧♧

كل اليوصفونه ما جابوا عيونه
لو حگه ينطونه لولا يوصفون
يا كسرة الحاجب .. حنيت ظهر شايب
كل هاذه ماكاتب .. عن اليحسدون
حلو كلشي
اذا يمه حلو كلشي .. احلف الساعه لاتمشي
اجتف امياله برمشي .. اذا يمه حلو كلشي
حلو بزعله
حلو بضحكه حلو بزعله .. حلو من يجيب ثار اهله
تره هاذه الوصف ضله .. لان ما يوصف كله
يفي شجره وصبح
مطر عد الفلح
اللهم عجل لوليك الفرج .. اللهم عجل لوليك الفرج

♧♧♧♧♧♧♧♧♧♧♧♧

كد مامشه ابالي نحبه انه وخيالي
كل الاجو تالي ماترسو العين
كل الحجي الگلته .. السولفته والعفته
هوه انته تبقه انته .. تشبه للحسين
معانيه
گمر لا هم بعد بيه .. شمس لا احله بشويه
سوه ويغلبهم بضيه .. منو يسولف معانيه
عله النيه
عشگ ينحب عله النيه .. هله يمطول الجيه
يعالي والسمه شويه .. منو يسولف معانيه
يواهس كل هله
يماي بكربله
اللهم عجل لوليك الفرج .. اللهم عجل لوليك الفرج

♧♧♧♧♧♧♧♧♧♧♧♧

بالحب ولا اجامل وعيون ابو فاضل
بس انته تستاهل بالطاري ينجاب
يا سيد الساده .. يا روحي وزياده
يا ذمه وگلاده .. تنحط بالرگاب
عله عيوني
اشد حلمك عله عيوني .. واذب حلم اليحبوني
هيه الحلوه بجنوني .. احبك من يلوموني
يمهدينه
تربومن جدمك انطينه .. وعلي لوما ابو سكينه
اعز واحد عشت بينه .. اعرفك تقبل علينه
شوكت يالمنتظر
اكللهم ظهر
اللهم عجل لوليك الفرج .. اللهم عجل لوليك الفرج

♧♧♧♧♧♧♧♧♧♧♧♧

باجر يهل يومه جن حيدر ارسومه
ومخيطه هدومه ويلبس الناس
يا قاطع الساسه .. والفقره حراسه
من ينزل لناسه .. ما عنده حراس
يجي لوحده
ابو الدنيا يجي لوحده .. حرس وقصور ماعنده
يحط عالمشه بسده .. كلمن طينته بخده
يرد يكبر
عبد ماينذبح يكبر .. يرد بگد علي الأكبر
مثل عباس بس ازغر .. اذا يختاض هم يحتر
اذا رد الگمر
نهر يردم نهر
اللهم عجل لوليك الفرج .. اللهم عجل لوليك الفرج

♧♧♧♧♧♧♧♧♧♧♧♧

يا اول و اخر بي ريحه العاشر
اول طلب باجر احجيلك بهاي
گبر الحسن خالي .. بس اول وتالي
كلش يرد عالي ..  وامشيله مشاي
يرد گبره
الحسن باچر يرد گبره .. يلوح بگبته الگمره
نطوفه وتنحسب عمره .. ونحج بحضره الزهره
ترد النه
ترد أرض البقيع النه .. ونسويهه الگبب جنه
يرد جاسب بديه حنه .. ترد أرض البقيع النه
يسوونه الزلم
البقيه اوي النجم
اللهم عجل لوليك الفرج .. اللهم عجل لوليك الفرج

♧♧♧♧♧♧♧♧♧♧♧♧

@faqdalmawsawi

القصيدة : سبيت زينب
الرادود : سيد فاقد الموسوي
الشاعر :

ــــــــــــــــــــــــــــــــــــــــــــــــــــــــــــــ

كلشي رايح تعبي والشيب الذاني
لاجن انت الفوك ذبحك دوهناني
اركاض اصعده واتعب ولنِ بمكاني
ليش وحدك ذابحينك خوية واني
ماذابحك بس سيف واحد الجيش اعلئ صدرك كله كاعد
الناكة الجبتها لاختك ام عون كتالكم فوكاها صاعد

لا اله الا الله سبيت زينب


الخيمة ضلت شتسوى اذا مو انت بيها
منها اشرد حتئ لو ماحاركيها هاي انا التفتر حصيرتها باديها
شوكت تلتم جثتك ارد الطم عليها
بهذا العمر مو سهله المك من التعب ردت اغفى يمك
دمك عله السبعين الف سيف الله لحد كاضي دمك

لا اله الا الله سبيت زينب


صحت خويه هواي خويه وماكو ابشري
حزام ضهري اكعد السوط اعلى ضهري
هي مال اركض واطيحن تالي عمري
خويه الخيل نامت واحنا صاحين
شكد صيحت ويلاه يخوتي وماينسمع مبحوح صوتي
طحت اكثر من التوه يمشي وماكو كالولي اسم الله اخوتي


لا اله الا الله سبيت زينب


حدر رمحك تمشي ومدنكه السبيه
الصبرتني ميت وعينك عليه
علرماح احجار شمرو مو شويه
الماتطيح بروس اخوته تطيح بيه
التمت علينا الناس بسوك
من الهوسة كوة تمشي النوك
صاحو انزلن وحنه حفاي اشطولة الدرب للجدمه محروك
كلشي طايح المن اعتب كلها موته
شكد خطيه الماتجي بفاتحتا اخوته
حسين كون بجادر ومبحوح صوته
والله ابو فاضل اعرفه وماتفوته
بلمغتسل ضليت وحدي ولا ولد اجه ولاخال ولدي واتشيعيت شلون ماجان

لا اله الا الله سبيت زينب
ــــــــــــــــــــــــــــــــــــــــــــــــــــــــــ
@faqdalmawsawi

القصيده : تشييع الغرب
الرادود : سيد فاقد الموسوي
الشاعر : محمد البطحاوي

ــــــــــــــــــــــــــــــــــــــــــــــــــــــــــــ
انشال بمستحه تابوت الثگال
لا ديرت انگاب ولفة اعگال
هذا تشييع الغرب مستحه مو من گلب
تابوت الثگال

تشييع الغربه شلون اعله الميت ما يبچون
كلش ما يرادون الموش اخوته
ما بيهم شك الثوب ما يبجي الما مصيوب
منين تعرفه المنهوب من مشيته
ما صارت هاشم دوم زينب بت راس الكوم
غربه يشيعوهه اليوم يا حسرته
تدري بالشيعو زينب غربه مو اهل المصاب
ماكو واحد شاك ثوبه وداير اعليهه النكاب
يعني زينب يا ال هاشم شيعوهه للثواب
يا حال الغريب بساعة الموت
تمشي جنازته لا دمعه لا صوت
بگبره ما واحد يطب هذا تشييع الغرب

الما يمه اخوان تنوح من تطلع من الروح
تابوته يضل مطروح فوگ الترب
الما محسوب اعله اعزاز المن رايح جناز
الميت لاخوانه اعتاز مو للغرب
جنازة زينب تنشال لا والي ولا كفال
لا مو جلمه وتنكال منضر صعب
خطوة جدام الغريبه تنعرف وكت الحزن
ما يخطن من يشيع مسرعات اعله الدفن
حتى لو شال الجنازه بچفه موش اعله المتن
هضيمه يصير هيج وياج يم عون
ما هم هاشم الجانو يشيعون
بساع يگضون الدرب هذا تشييع الغرب

الماله احد فوك الكاع يشيلونه بساع بساع
يدفنونه بلايه وداع شما صيحت
يا محلاته اليموت اخوانه تكض التابوت
يبجون بعالي الصوت الفكدو اخت
وزينب مرفوعة راس جنازه تشيعهه الناس
ما شايلهه العباس غم الوكت
الي دافن بيده اخوته جيه لا ما ينتضر
تعباهه الشام زينب والكبر راحه وستر
ماتت وكالو عليهه بيهه خل نكسب اجر
موت الغربه والله يريد والي
والغالي تدفنه جفوف غالي
لا دمع عيني اليصب هذا تشييع الغرب

من ضيم الطف للنوك فوكاهه فراك وشوك
واحبال وطبت سوك ما تنحمل
ما تنعد العثرات ووكفت باب الساعات
الاكلف ضحك الشمات للضل عدل
يا زينب غربه وليل تركض وتلاكي الخيل
جانت كل ساعه تميل بيهه الهزل
الغربه منهه الزلم تنغث جا شلون بحال زينب
المالهه بالديره والي عايشه لو ميته تتعب
الي ماكو وياهه اخوهه من تطب للشام تنسب
بزينب لو دريتو شسوت الشام
خلوهه بخرابه تالي تنام
الشام اشد من الحرب هذا تشييع الغرب

يا طبة قصر اعداج للموت تضل وياج
الشام شكد اذاج يم الخدر
لجماتج منه هواي عطشان اكبال الماي
للعالم انتي فياي يم الستر
دارت بيج الايام تنامين بلايه اخيام
الله يلعنهه الشام وجوه الكشر
هيه مكتوب اعله زينب كل وكت ما تستراح
الجنازه تصير وحشه الماكو واحد يمهه صاح
الطلعت اعله حسين تركض لا اخو بموتتهه طاح
خنكه الشام جان يطلع الروح
والمجروح ما يداوه بجروح
الصار وي زينب صعب هذا تشييع الغرب

ــــــــــــــــــــــــــــــــــــــــــــــ

@faqdalmawsawi

القصيدة///اويلاه اعله اخيي
اداء ///سيد فاقد الموسوي
كلمات/// عدنان الغزي
//////////////////////////////////////
چنت اتصابح بعباس مصباح
يمن فدوه لصباحه
وشلنه على متني وخايفه عليه
من عيون الگباحه
اذا احلم حلم ينصاب مكروه
سنه ما مستراحه
هوه الجود واروي بشوفته ضماي
وسهم البين لاحه
اصدن للچنت من يمشي خيال
طايح والمهر من غير خيال

أويلاه اعله خيي المات متوسد وصيته
أويلاه اعله خيي المن زغر مافارگيته
أويلاه اعله خيي الشلته بيدي وگمطيته
اعاين للمعاره بطرگ الغبار
لارايه الترف لاتوصل اخبار
أويلاه اعله خيي الزرف دلالي بمنيته
//////////////////////////////////////
وحگ الصاحت بطف كربله اليوم
اااا يحسين يبني
تره الدنيا سبتني ابموت عباس
وفراگه سلبني
مهيوبه چنت مرفوعة الراس
بگلب الضيم ذبني
زامطت الدهر بخواني زماط
ومن ماتو غلبني

تعنيت الشريعه ملاگيه الخيل
شوف العين راح وچلچل اليل

أويلاه اعله خيي الدوريته ومالگيته
أويلاه اعله خيي المات متوسد وصيته
أويلاه اعله خيي المن زغر مافارگيته
أويلاه اعله خيي الشلته بيدي وگمطيته
اعاين للمعاره بطرگ الغبار
لارايه الترف لاتوصل اخبار
أويلاه اعله خيي الزرف دلالي بمنيته
//////////////////////////////////////
وادور بل وجوه وليل وصياح
ومن خوفه لخوفه
لصب چبود دمعي حالفه عليه
عباس من اشوفه
وشبگه بلا عتب خافنه ياذيه
واحس وجهي بچفوفه
وكله على الوفه عباس مشكور
ولاعاشت الكوفه
زينب يازمان تشوفهه عيون
واربات الزچيه مسلبه شلون

أويلاه اعله خيي الينتخي لوحشميته
أويلاه اعله خيي المات متوسد وصيته
أويلاه اعله خيي المن زغر مافارگيته
أويلاه اعله خيي الشلته بيدي وگمطيته
اعاين للمعاره بطرگ الغبار
لارايه الترف لاتوصل اخبار
أويلاه اعله خيي الزرف دلالي بمنيته
//////////////////////////////////////
اليل يذر ملح بفصوص العيون
لومراني ليلي
واگولن ياصبح مطلاعك شلون
ماني انطر دليلي
شصيرن وحدي بهل ضيم والراي
راح وراح حيلي
ذاكه يصيح ماي وهذا بل نار
وهاي تصيح ويلي
الوذ بيا كتر بيش اسگي الايتام
ضاگت كربله ومحترگه الخيام

أويلاه اعله خيي المادره بحال اهل بيته
أويلاه اعله خيي المات متوسد وصيته
أويلاه اعله خيي المن زغر مافارگيته
أويلاه اعله خيي الشلته بيدي وگمطيته
اعاين للمعاره بطرگ الغبار
لارايه الترف لاتوصل اخبار
أويلاه اعله خيي الزرف دلالي بمنيته
//////////////////////////////////////
تريد تنام عيني ونومهه شلون
وبذني يصيح ناعي
يحادي النوگ ريض مر بالجساد
الهن غاد راعي
بلكت من بعيد اتوادع وياه
وبيش يصح وداعي
لوهدلت الشيله الهامت الراس
ماتوصل اذراعي
انه الثوب المصايب بس الي يلوگ
اونن ياونين اليلچم النوگ

أويلاه اعله خيي الانسه روحي ومانسيته
أويلاه اعله خيي المات متوسد وصيته
أويلاه اعله خيي المن زغر مافارگيته
أويلاه اعله خيي الشلته بيدي وگمطيته
اعاين للمعاره بطرگ الغبار
لارايه الترف لاتوصل اخبار
أويلاه اعله خيي الزرف دلالي بمنيته

//////////////////////////////////////
مريت عله جسمه وشامت يصيح
زينب ياوحيده
وين الچان الچ من زغره مذخور
يحچي اليوم اريده
صول على الشريعه وجابلچ ماي
بس گصينه ايده
ايزامط بالغدر چتال عباس
ويتباهه بيزيده
حگك تفتخر راعي العلم شال
واتهدد حرم يربات الانذال

أويلاه اعله خيي اللو عدل مازامطيته
أويلاه اعله خيي المات متوسد وصيته
أويلاه اعله خيي المن زغر مافارگيته
أويلاه اعله خيي الشلته بيدي وگمطيته
اعاين للمعاره بطرگ الغبار
لارايه الترف لاتوصل اخبار
أويلاه اعله خيي الزرف دلالي بمنيته
//////////////////////////////////////
@faqdalmawsawi

"فَجَلَلْتَ عَنِ الْبُكاءِ وَعَظُمَتْ رَزِيَّتُكَ فِي
السَّماءِ وَهَدَّتْ مُصِيْبَتُكَ الأَنامَ، فَإِنَّا لِلَّهِ وَإِنَّا
إِلَيْهِ راجِعُونَ. رَضِينا عَنِ اللهِ قَضَاءَهُ،
وَسَلَّمْنا لِلَّهِ أَمْرَهُ فَوَاللهِ لَنْ يُصابَ الْمُسْلِمُونَ
بِمِثْلِكَ أَبَداً كُنْتَ لِلْمُؤْمِنِينَ كَهْفاً وَحِصْناً
وَقُنَّةً راسِياً وَعَلَى الْكافِرِينَ غِلْظَةً وَغَيْظاً
فَأَلْحَقَكَ اللهُ بِنَبِيّهِ وَلا حَرَمَنا أَجْرَكَ وَلا
أَضَلَّنا بَعْدَكَ."
عظّم الله أجورنا وأجوركم بمصابنا بأميرِ
المؤمنين صلوات الله عليه.

السلام عليكم ورحمة الله وبركاته ... عيد سعيد وأيام مُباركة وموعد يُغمر الأرواح بالفرح تقبل الله منكم كُل صالحة وخصكم بعظيم الأجر والمنح أدام الله بهجة أعيادكم بقرب من تحبون .. أسأل الله أن يتقبل منا ومنكم صالح الأعمال وأن يعيده علينا وعليكم بأفضل حال لا غيّب الله أفراحكم وأدام الله مسراتكم وجعل الله دائمًا جوهر عيدكم في صحتكم وعافيتكم وسلامة قلبكم ♥️