☜ بـسمـه تعـالى ☞

الـقصـيدة : الداگ صدره
اداء : سيد فاقد الموسوي
كلـمات : محمد النواس

♧♧♧♧♧♧♧♧♧♧♧♧

اخدم حسين بزمانك
فرصتك هاي وامانك
حسين يكتب على الگبر بجروحه
الداگ صدره النار فنها تلوحه

♧♧♧♧♧♧♧♧♧♧♧♧

هنيال اليخدمك صدك
يحسين الف خيعونه
انته الوسيلة البلگبر
للباچر يدفنونه

♧♧♧♧♧♧♧♧♧♧♧♧

ميت جديد بحفرته
هم خادم يسئلونه
اي خادمك تكبر سمعته
لمن يطب بحفرته

يحسين كلش خدمتك مملوحه
الداگ صدره النار فنها تلوحه

♧♧♧♧♧♧♧♧♧♧♧♧

يحسين امس چني متت
بالطيف موته بعيده
وعزازي دفنوني ومشوا روحي بگت وحيده
منكر اجه شايل سجل گلالي اسمك عيده
بس گتله خادم جنت الك طاح السجل من ايده

♧♧♧♧♧♧♧♧♧♧♧♧

شال كل ذنوبي عني
يتعذر فوگاها مني
ذنوبك يگلي وعلي ممسوحه
الداگ صدره النار فنها تلوحه

♧♧♧♧♧♧♧♧♧♧♧♧

تخبل خدمته والتعب فرصه الله حطها لناسه
وبطوعه اضربلك مثل طبت الجنه بطاسة
والخادم النايم تعب يعرفه من انفاسه
لعمامة نازعها يجي يفرشها جوه راسه

♧♧♧♧♧♧♧♧♧♧♧♧

يگله من يشوفة غافي
مهنى يالنومك عوافي
ويسمح بأيده التعب عن روحه
الداگ صدره النار فنها تلوحه

♧♧♧♧♧♧♧♧♧♧♧♧

يا معجزاته الما تفض من گلب ماشيله
من يتعب المشاي اله بشيبه يجي يتچيله
يوصل ضريحة مبتسم شريد گال انطيله
لو شافة مابيده علگ شگ ثوبه ويوديله

♧♧♧♧♧♧♧♧♧♧♧♧

ماكو من گلبه وحنانه
نطلع وعينه ورانه
يگول وعيون البقت مشبوحه
الداگ صدره النار فنها تلوحه

♧♧♧♧♧♧♧♧♧♧♧♧

الله يالحسين شكثر فضلك علينه هوايه
خليني خادم اقره الك كل ما تصير قرايه
الف نعمة الله اشكرك من گلبي موش حچايه
يا عشگك الما ينتهي تعرضلي وي كل مايه

♧♧♧♧♧♧♧♧♧♧♧♧

گلبي يوجعني عليك
بس الف هنيالي بيك
يالعشگ روحي صفت مذبوحه
الداگ صدره النار فنها تلوحه

♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـقصـيدة : دفعوا بابي
اداء : سيد فاقد الموسوي
كلـمات : محمد النواس

♧♧♧♧♧♧♧♧♧♧♧♧

دفعوا بابي و فز المحسن .. لون شموع
سد اذنه وليدك گال اسمع .. صوت ضلوع

ساعتها المحسن شتريده
ودّله وياي يطلع ايده

دفعوا بابي .. دفعوا بابي

♧♧♧♧♧♧♧♧♧♧♧♧

توني ارد اصلي واندفع
بابي وزلم لزمت سره

من گلبي طلعت ياعلي
وبانت ملامح مگبرة

ادفع و ارد گوة اندفع
حد ما شفتها مكسرة

ضلوعي ويبس دم محسنك
من حايطك للآخرة

بسمار تخوصر بضلوعي .. وسطرت عين
طاح المحسن وجهه يخبل .. چنه حسين

گلبي يصيح اسم الله وليدي
باوعلي و راد يحب ايدي

دفعوا بابي .. دفعوا بابي

♧♧♧♧♧♧♧♧♧♧♧♧

كلشي گبل بابي حترگ
لمّن عفتني انت ورحت

حسيت اكو بعينك حزن
من تمشي گمت وتلتفت

طحت وشلت ايدي الك
مو عونة ادعيلك چنت

الله يعينك ياعلي
معناها اموت انت المتت

اول مرة بعمرك تبچي .. بهذا اليوم
ردانك خلصها اعله عيونك .. بسك گوم

شمسوي بعينك موضوعي
ما طايحلك كسر ضلوعي

دفعوا بابي .. دفعوا بابي

♧♧♧♧♧♧♧♧♧♧♧♧


ماخذني وين ليا گبر
لم عينك وغض الجفن

غير انت ابو تراب اعرفك
لازم علي بيك اندفن

من مرت ايدك ع الضلع
فاضت معانيك حزن

شيبك طلع بالمغتسل
حسيته من گد ما تون

شوية ارتاح و ريح حالك .. ضهرك مال
تدري الميت يثگل وزنه .. من ينشال

دفني بأقرب نقطة بگلبك
خل ترتاح الزهرة تحبك

دفعوا بابي .. دفعوا بابي

♧♧♧♧♧♧♧♧♧♧♧♧

الله يصبرك ياعلي
وانت الچنت معنى الصبر

گدما بچيت اعليه احس
بالفاتحة تغص على الگبر

رد اعلى زينب ياعلي
وقنعها اجيها بأي عذر

باچر وراها شگد تعب
باچر وراها شگد جمر

گللها تشم نحر حسيني .. هواي هواي
من يفز تگله اسم الله .. من الماي

باچر كل الخيل تريده
و بچفه يذبحون وليده

دفعوا بابي .. دفعوا بابي

♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـقصـيدة : أنسـاهم
اداء : سيد فاقد الموسوي
كلـمات :

❀❀❀❀❀❀❀❀❀❀❀

انساهم والله ما ينطيني گلبي انساهم
فرگاهم حارگه عيوني دمع فرگاهم
يا ليالي المحنة ما يرجعون اهلنة انساهم

❀❀❀❀❀❀❀❀❀❀❀

سافروا وتشاهدت روحي بدربهم
شما اشوف الي خذاهم ما يردهم
ماله داعي العمر يطول من بعدهم
كون اموت واندفن ذكرة بصورهم
يلوم حگه الما عرف اهلي وعجبهم
الله چان يحبهم لطيبة گلبهم

وياهم حسرة حسرة اخذوني اموت وياهم
ملگاهم ولله كل العافية بملگاهم
الي يعيد حزن ما يرجعون اهلنه

❀❀❀❀❀❀❀❀❀❀❀

هاي ليلة بدونهم وشلون ليلة
بيها يكصر عمري والفرگة طويلة
عاتبتهم والسفر مابيه حيلة
ما يحنون على دمعات العليلة
وين ابوي حسين مشتاگة اشتكيلة
غير بس النوح ماعندي وسيلة

الگاهم عايشين بروحي دوم الگاهم
معناهم رحمة الله الواسعة معناهم
من تفرگ شملنة ما يرجعون اهلنة

❀❀❀❀❀❀❀❀❀❀❀

ياهو الي يصبرني ياهو يحن علية
بيوم واحد كلشي ضايع من ادية
انه بنت حسين ابو النفس الزكية
اسمع الوادم تگول شگد خطية
الشوگ ضعفني وگمت ما اشيل ايدية
ادعي بعيوني يرب شلون بيه

محلاهم تارسين عيوني يا محلاهم
شرواهم بايعة سنيني وردت شرواهم
والحلم ما ضن ما يرجعون اهلنة

❀❀❀❀❀❀❀❀❀❀❀

@faqdalmawsawi

☜ بـسمـه تعـالى ☞

الـقصـيدة : نجمة وگمر
اداء : سيد فاقد الموسوي
كلـمات : سيد محمد الموسوي

☆☆☆☆☆☆☆☆☆☆☆☆

هايه نجمة لو گمر لو علي الأكبر عثر
لو نزف دم السمه لو حزن امه كبر

يا ضوى ولاية وفارس وراية يا گمر عالج كل مدينه
امك شلونها تشوف بعيونها وليدها الغالي ذابحينه
يا بزر شيبي ويا هوى عذيبي راسك گبالي رافعينه

يا ربى عيوني وطيحت متوني
تالي ما تالي كاتلينه
تالي ما تالي الربه جثه ابني مسلبه
لو نزف دم السمه لو حزن امه كبر

☆☆☆☆☆☆☆☆☆☆☆☆

چانت شفايفة تحلي كل سالفه ودورت الحاجب ولله حلوه
وبسمه عيونه وذبت متونه ورفت الشارب كلها نخوه
للنبي خدوده لعمه بزنودة من الحرب راهد زلمه يسوه
يا ندى اغصاني ويا دفى احضاني حگي لو اعاتب وليدي هوا

تدري لو راح الأبن عثرت الوالد حمر
لو نزف دم السمه لو حزن امه كبر

☆☆☆☆☆☆☆☆☆☆☆☆

يا بعد ليلي ويا مراسيلي الما قرة عيونه الما قره الثار
بالحرب سيفك ما يرد ضيفك وليلاگونك كلهم صغار
چف رسول الله جاب حيل الله وحطه بمتونك علي الكرار
هيبة حسينك واگفه بعينك واليشوفونك فهموا النار

بالعشگ لونك ترف بالحرب ولله كلف
لو نزف دم السمه لو حزن امه كبر

☆☆☆☆☆☆☆☆☆☆☆☆

يا سفينة نوح واگف ومذبوح ضلت حجايه هيه الأحساس
يا امام الحيل تعبتها الخيل من شلت راية كلها نوماس
بيك اشوف ثنين علي ولون حسين وعلي مسنايه انته عباس
ما يطيحونك ما يذبحونك يبن الهواية رفت الراية

بالوجهة شفتك نبي بالستر تنزف عبي
لو نزف دم السمه لو حزن امه كبر

☆☆☆☆☆☆☆☆☆☆☆☆

@faqdalmawsawi

☜ بـسمـه تعـالى ☞

الـقصـيدة : لا تذكر العشره
اداء : سيد فاقد الموسوي

✮✮✮✮✮✮✮✮✮✮✮

لا تذكر العشره وتفز احلامنه
باريتك الذمة على ذيج ايامنه
من جان حسين السهر
من جنت اشبهك بالكمر
من جانت امنه وجانت حيدر لامنه
من جان ياخذنا السهر لو كلبي يمك سير
وليل يتغير صبح بس انته ما تتغير
غمض يمن عينك طفت

{ شيعود الايام الگضت }

✮✮✮✮✮✮✮✮✮✮✮

شنبدل رسمومك يبعد رسومي
اذاني گلبي وگلي زينب گومي
تلچمني روحي بلا جرح
ثاري الهوا يحرك الرمح
واليمي كلهن چلبن بهدومي
نسوان والتفتر غرب ما يمنا زلمة نعرفه
عباس من كد التعب عمت عيني نايم وگفه
هنيالك عيونك غفت

{ شيعود الايام الگضت }

✮✮✮✮✮✮✮✮✮✮✮

تذكر چنت ما تغفى اذا مو بيدي
يل ما مخلفتك واگول وليدي
يلتوك متعب الوحي
يابس عطش لو مستحي
مو بيدي بس صعبه من اگول شبيدي
يا گلبي حگك تحترگ لا تحجي ضيمك يمهم
چم خطوه اوصل للنهر واهل العطش كاتلهم
زينب خطية تحملت

{ شيعود الايام الگضت }

✮✮✮✮✮✮✮✮✮✮✮

خلينب اذكرك بلكي تكعد لينا
تانيتك بگد ما چوو رجيلنك
رجلنية يچويها الرمل يعين الله جسمك منمطل
عود احنه نركض والرمل يچوينه
تمنيت موقف شوفتك لو ميته لو ما اشوفه
چا هو غير المنچوي لازم تعينه چفوفه
مو حلوه كلش خلصت

{ شيعود الايام الگضت }

✮✮✮✮✮✮✮✮✮✮✮

مو كل السوالف عليك احجيها
بس هاي الحجايه ارد اگعدك بيها
من عدها احس كلبي نهضم
جابو جربتك للحرم
لو ما جربتك چاب وجهك شفيها
هضمتني عباس وعلي شوفتها حزت بيها
بس بيه اشوفن جربتك يل جربتك علوية
بمتونك شكد چلبت

{ شيعود الايام الگضت }

✮✮✮✮✮✮✮✮✮✮✮

@faqdalmawsawi

☜ بـسم رب الحجـة ☞

الـقصـيدة : بالليالي الزينبية
اداء : سيد فاقد الموسوي
كلـمات : سيد محمد الموسوي

♧♧♧♧♧♧♧♧♧♧♧♧

بالليالي الزينبية تحترگ لازم عبي
شلون اواسيها لاقيل وامي ما شافت سبي شلون اواسي ام الخدر وامي ما طبت قصر ذيج هية مدلله وهذا انه ابنها ونحر بيه ذيج هية وهذا انه نحر بيه

شماله راسي بلا رمح شعطلانه على الذبح
وهذا صدري ليش ما داسته الخيل الأعوجية كون احطن لأمي خيمة حتى اعيش الطب صدك واحرگ على امي العباية وافتهم معنى الحرگ واحرگ الخيمة الضهر وامي تركض على الجمر

يا زينب … يا زينب

♧♧♧♧♧♧♧♧♧♧♧♧

كون افز مگطوعه أديه وعيني ماكلها السهم واهلي كلهم بالصحاري وماكو ماي ولا خيم وما يضل عندي الأبو ولا خوات ولا اخو ولا كرايب وچم مره تضلو يتامة بالخرايب ونار وخيول وعطش وليل

چن ليل هدعش وشتايم عليه وعلى واهلي تجينه من الاجانب غيرتي ما تسمح اقره امي ميتة وتنشتم وما اتخيل حتى اكولن اختي ما بين الزلم ما اتخيلها بهليل يعينك الله يا علي

يا زينب … يا زينب

♧♧♧♧♧♧♧♧♧♧♧

ادري بعيونج بالقصر ما غمضن
كفت النار العباية رقية رجليها نچون
من المخيم للقصر طافي فوگاهن جمر وركضوها لان ما طاحت رقية درفعوها عثرت كبال الغرب وجان عاگول الدرب وطب اديها وفوگ ما دمي على اديها
چتفوها يعين كلبج يالعقيلة شضامة بگلبج حچي مرت عليج الليالي مايعبرهن بچي عزازچ وكلهم مشو وشنو صاير ما درو

يا زينب … يا زينب

♧♧♧♧♧♧♧♧♧♧♧♧

ساعد الله لغسلنج شافن وبله شلگن
لابنج شسوت زلمهم والسياط شكد كلن
شكد مشيت مچتفة شكثر دم متلفه من الحسين شكد زلم وشكد تباوع بالدوادين من بجيت تمضحكو وانتي بنت حيدر درو اخت عباس وانتي عين الزهره وانتي عرض الحسين حجاية وحدة بكلبي تاكل
وادري مو هينة عليج الچتف ايدج يالعقيلة بلا بس لا جاس اديج ارد اوضح بالعقول الصايرين لبنت البتول

♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـقصـيدة : كرم الحسين
اداء : سيد فاقد الموسوي
كلـمات :

❃❃❃❃❃❃❃❃❃❃❃❃❃❃

يحسين اسولف بالكرم ياهوه راسه عالي
يبدي بعلي الأكبر فده من يبدي يبدي بغالي
الشوگ والحب والفدوه والحسبالي
لحسين كل هذا الضوى هاي الشمس من تالي

هذا الگمر حلفهم من تاس
عباس جان وبعده عباس

❃❃❃❃❃❃❃❃❃❃❃❃❃❃

صحبه انته وي الرمح ما شايفك حسسته
صح انه ابجي على الذبح بس انه احبك انته
الليله اسولف للهوى ونسولفك للسكته
بگلبك شلت حتى العطش چا ياهو ما دللته

امنيتي انشده السيف وارتاح
مو ذمه ليش برگبتك طاح

❃❃❃❃❃❃❃❃❃❃❃❃❃❃

عايش احبك ما عشت لو ساعه ما حبيتك
متواضع لحد الخيم والسمه باب البيتك
هيبت خيم لا سولفت لا يا شرف جازيتك
يحترگن وما فرعن حتى الخيم تربيتك

اشتاگلك وانه على بابك
يا لذة الدنيا بعذابك

❃❃❃❃❃❃❃❃❃❃❃❃❃❃

يا ترابك الما ينشبه يا جرحي الما طايب
بس واحد يشبهك صدگ يحسين لاچن غايب
تنداس تنطگ تنذبح يمكن وجعكم واجب
يحسين غيرت المثل عينك جزت على الحاجب

لا تصعد على الحاجب العين
وبالسحگ صعدت عين الحسين

❃❃❃❃❃❃❃❃❃❃❃❃❃❃

خوف وركض والخيل تفتر
كلساع حرمه براسي تعثر
منين اجيبن حيل للبار
غافي على غفله حسين ونجر

مشدوه من الخوف بالي
بالخيل متطشر حلالي

شلون نلگاه … وكل وصله بونيه
ياابا عبدالله … ياابا عبدالله

❃❃❃❃❃❃❃❃❃❃❃❃❃❃

الخيل ما يرحم ركضهن
لو بيك حيل تنده عنهن
نموت من نسمع كسرهن
ضلوع صدرك ولله احبهن

صدرك درب للخيل باجر
حسين اخاف من الحوافر

وتگدر تگوم … اذا شفت الحوافر
ياابا عبدالله … ياابا عبدالله

❃❃❃❃❃❃❃❃❃❃❃❃❃❃

@faqdalmawsawi

☜ بـسمـه تعـالى ☞

الـقصـيدة : بـسـم الله
اداء : سيد فاقد الموسوي
كلـمات : حمزه الحسناوي

☆☆☆☆☆☆☆☆☆☆☆☆

بسم الله بخرناه عن عيون الناس
لو من خيل زينب طالع جا كلنه العباس
جاسم كالوا لان شايل سيف الحسن

☆☆☆☆☆☆☆☆☆☆☆☆

طالع من الخيمة يبرج بالحرب يقرة الحمد
رملة صلتله ودعتله خايفة عليه يحنسد
هذا ابن اخر عظمهم عابر عظام وجلد
هذا ابن لو ظيف اجاهم تشوفه يسمن من يرد سئلوا وگالوا وجمالة و الهوى يطش حتى العيون التشوفة تنسى ترمش

هذا منين خطفة عين
مو كلش شفناه عود ملثم
فات عليهم صاحوا ما شاء الله
عيوني الشافوا حلن شايل سيف الحسن

☆☆☆☆☆☆☆☆☆☆☆☆

يا هلا بزين الهواشم هذا ابو ملاگة الصعب
گمرة وحيل وثگيل وبس اله ولأهلة الحرب
حده نشرب هو يعطش امده الماي ينشرب
هذا الما تنحز رگبته هذا ابن الحرب ينذبح بس الخيمهم عينه تفتر شلون الك جف وتذبحه الله واكبر

هم مجروح هم مذبوح
يحلى وگالوا زاد كلكم صيحوا
اللهم صلِ من عيون الحساد شايل سيف الحسن

☆☆☆☆☆☆☆☆☆☆☆☆

ماكو شي يشبه وسولفت بي نينوى
كلشي شفنه وما لگينه ابن ادم يشمة الهوى ولله دنيا البيها جاسم هو والحافر سوه كالوا من نحز وريدة ينزف ويا الدم ضوى هذا لبگلبي وحجيته وهذا اوصفة
گلهم الشيل يشبهك اتمنى اعرفة

هو صغير من يغير
ما سامع بالخوف جاسم اكبر من توصفة واكبر من الشوف ياهو الشافه صفن شايل سيف الحسن

☆☆☆☆☆☆☆☆☆☆☆☆

سولف الگاطع وريدة من عسى بعينه العمى روحة من طلعت شفتها نجمة رجعت للسمه صيح حسين على حيلة وينك وين الدمه ترسوا الگاع النحبهم هذا تعبج فاطمة توه يشبه عين ابوه وتوه يحلى من الاكبر واغلى وانته اغلى

كالوا صاح يمه وطاح
وتيه دربه منين كاسر گلبه
حسين بكبره يركض حافي حسين
غير الما ينحجن شايل سيف الحسن

☆☆☆☆☆☆☆☆☆☆☆☆

واهس حسين وضحكتة جوه الخيول نفرش انته گمره وزينب انته الما طفت ليل اهدعش ما يموت ومن يموت الدنيا تتفصل نعش ما يموت ومن يموت الدنيا تتفصل نعش يايس لحد الهضيمة وعابر خيالة العطش هدت سهام على صدرة
وبيها همة هذا جانت امه تصغير من تشمه

دارت حيل هسة الخيل
تعثر بي وتكوم كل ايام الدينا بصفحة بس العاشر يوم هيبة حيدر مشت شايل سيف الحسن

☆☆☆☆☆☆☆☆☆☆☆☆

@faqdalmawsawi

☜ بـسمـه تعـالى ☞

الـقصـيدة : ابجي هواي
اداء : سيد فاقد الموسوي
كلـمات : سيد محمود الموسوي


❀❀❀❀❀❀❀❀❀❀❀

يحسين … يحسين

ابجي هواي على اسمك يالعايش بأيامي
واتبدى على عيونك ماي بكد احلامي
يا عشگ الله شلونك بس لا بعدك ضامي

❀❀❀❀❀❀❀❀❀❀❀

انته اول حب عشگته وعالجرح خطيت اسمه
الله خالقني علموده واحلى شي عندي الخدمة
عمية يحسين الحوافر سحگتك وانته النعمة

❀❀❀❀❀❀❀❀❀❀❀

سلام على جرحك والراية
الحمام يمك سوه قراية
غريب بس انت تلم بينه
هيام دربم بي مشاية

❀❀❀❀❀❀❀❀❀❀❀

غالي وكلشي بابك يرخصلك يحسيني
خادم واعلى عتابك ناذر كل سنيني
ما مسلوبة ثيابك كون انه مسلبيني
خادم وابجي على بابك مجسلك اندل دربة
يا حبيبي الگلبه ضامي والسهم طشر گلبه
انه بگماطي وعشگتك من ضگت طعم التربة

❀❀❀❀❀❀❀❀❀❀❀

عجيب يا ماي معطشينة
غريب بالحومة مطشرينة
هواك بي دخان خيامك
سليب ثوبك يابو سكينه

❀❀❀❀❀❀❀❀❀❀❀

عبدك وابجي بيومة جرحك هل هلالة
باجر ياهو يلمك لو جتك خيالة
جسمك دامي وجسمي ما مسحوك شمالة
خنصرك بالطف لگيته يكتب الزينب ايه
وراسك برمحه ويرتل بالكهف يقره هوايه
ضعنك اليرسم خلودك سوه درب المشاية

❀❀❀❀❀❀❀❀❀❀❀

اجيت أسال بيك شصاير
لگيت ضلعك جوه الحافر
امان من گلبك ما تنطيني
ونسيت وحدك يوم العاشر

❀❀❀❀❀❀❀❀❀❀❀

@faqdalmawsawi

☜ بـسمـه تعـالى ☞

الـقصـيدة : يالعليلة
اداء : سيد فاقد الموسوي
كلـمات : سيد محمد الموسوي

♧♧♧♧♧♧♧♧♧♧♧♧

يالعليلة بمحاملها الج من حدوا
چي دعيتي حرز من دعائج خذوا
صعدوا بضهورة اصاللهم وسلموا

يا فاطمة .. يا فاطمة

♧♧♧♧♧♧♧♧♧♧♧♧

كلهم وجوهم عليج لحد ما جزوا
ذوله اهلج وناسج ما نزلوا راسج
يا هبية حسينج ويا زود عباسج

يا فاطمة .. يا فاطمة

♧♧♧♧♧♧♧♧♧♧♧♧

متسابگين المضايف هلج بالهلا
ماكو تضحاه عليكم يهاشم على
والگمر مو حلو محد يصد اله
باوع علية ابو فاضل لذالك حله
راح الكمر لونة بدو يملونه
چي شافه عباسج كاموا يحسدونه

يا فاطمة .. يا فاطمة

♧♧♧♧♧♧♧♧♧♧♧♧

انتي لحسين اذا نحجي على المفخرة
وانتي زينب اذا گالوا مخدره وانتي حيدر اذا ينذكر خيبرة وانتي عباس اذا صادفت گنطره هاي الشيم عاده من علي وعناده والكل يسمونج فاطمة السادة

يا فاطمة .. يا فاطمة

♧♧♧♧♧♧♧♧♧♧♧♧

همة سبعين الف وانتي عمج هتف
انه ساقي العطاشة ونهرهم نشف
صال ابو فاضل وبالعلية حلف
شرد الجيش لحد ما جزوها النجف
من الركضة رجليهم ما لحكت ليهم
بگلوبهم كامت تركض وتجزيهم

يا فاطمة .. يا فاطمة

♧♧♧♧♧♧♧♧♧♧♧♧

من صلاتج حمام الرسايل غبش
يم الحسين وصل للجناح انفرش
خزرة بيها الرسالة وجفن ما رمش
عاش الحسين تگله ويموت العطش
ما كتبت هواية كتبتله بس هاية
واليوم يا بوية ما طاحت الراية

♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـقصـيدة : حبني وتعال
اداء : سيد فاقد الموسوي
كلـمات : حمزه الحسناوي

☆☆☆☆☆☆☆☆☆☆☆☆☆

حبني وتعال ……… زاعل الصحره اشتهيتك
حبني وتعال ……… ياعزيز البيت بيتك
حبني وتعال ……… فوگ كل منبر دعيتك

دير بالريه هوه وخليني اهيم
ابين واهلي وجاي احس روحي يتيم

☆☆☆☆☆☆☆☆☆☆☆☆☆

حبني وتعال ……… حبني وتعال ……… حبني وتعال

☆☆☆☆☆☆☆☆☆☆☆☆☆

باجر يعود ……… ادري بيه ذنبي خذاه
باجر يعود ……… بجاه كلمن عنده جاه
باجر يعود ……… ندري ياهو الزعلاه

ندري ياهو الزعل عيون الحنين
ناس بس بالعاشر تعرف الحسين

☆☆☆☆☆☆☆☆☆☆☆☆☆

باجر يعود ……… باجر يعود ……… باجر يعود

☆☆☆☆☆☆☆☆☆☆☆☆☆

وادم حرام ………… ليش ملتهيه بهواهه
وادم حرام ……… لٱ عشگ يمك خذاها
ودام حرام ……… يموت محسن من وراها

ليش كدام امه عبدالله خذوه
وهيه عود تريد ياخذ
وادم حرام ……… وادم حرام ……… وادم حرام

☆☆☆☆☆☆☆☆☆☆☆☆☆

مابيه حيل ……… الشيب يم طولك خذاني
مابيه حيل ……… ذنب يدفع ذنب ثاني
مابيه حيل ……… انته خليك بمكاني

خاف باجر من يهل طولك واجيك
خاف يكبر ذنبي ماسلم عليك

☆☆☆☆☆☆☆☆☆☆☆☆☆

مابيه حييل ……… مابيه حييل ……… مابيه حييل

☆☆☆☆☆☆☆☆☆☆☆☆☆

ها يالعزيز ……… تراب يم جدمك واخذني
ها يالعزيز ……… غاد يم الخيمه ذبني
ها يالعزيز ……… المهم كونك تحبني

حطني يم الخيمه وانه ارهم تراب
بلكت الله تدوسني اجدام الرباب

☆☆☆☆☆☆☆☆☆☆☆☆☆

ها يالعزيز ……… ها يالعزيز ……… ها يالعزيز

☆☆☆☆☆☆☆☆☆☆☆☆☆

يالمهدي ليش ……… ساكن بذيج الصحاري
يالمهدي ليش ……… وانته تدري حسين عاري
يالمهدي ليش ……… ماتكلهم حان ثاري

ليش ماترجع تكلهم اني جيت
وانته تندلهم يواحد بيت بيت

☆☆☆☆☆☆☆☆☆☆☆☆☆

يالمهدي ليش ……… يالمهدي ليش ……… يالمهدي ليش

☆☆☆☆☆☆☆☆☆☆☆☆☆

@faqdalmawsawi

☆ بـسم رب الحجـة ☆

الـقصـيدة : عطش رمضان
اداء : سيد فاقد الموسوي
كلـمات : محمد الموسوي

☆☆☆☆☆☆☆☆☆☆☆☆

عطش رمضان وكت المغربية يذكرني بصباح الغاضرية
بذاك الطف يرمضان حسين نذبح عطشان
وزينب بالعطش راحت سبية
هذا رمضان وذكرتك تشبه هلاله لكيتك
هلال رمضان بطلعته منحني يشبه مشيتك
من طلعت من المخيم صايم ومخنوكة ريتك
احنه نشرب ماي وانته فطرت بدمك لحيتك المغرب من يأذن تلتم الناس والطف طشر حسين على عباس يعالم گبل الاذان حسين نذبح عطشان

☆☆☆☆☆☆☆☆☆☆☆☆

انهضم كل مغربية يالبناتك عطشوها
احنة نفطر بين اهلنة وانته شفتك فطروها
بالشمس للشام راحت لمو حجار ورموها
والقصر بالخيزرانة شفافك شگد لوعوها
مثلك وين اكو يبن الزجية صايم ويفطر بدمعه رقية وفوگ شفافه نيشان حسين نذبح عطشان

☆☆☆☆☆☆☆☆☆☆☆☆

صايم يتاني المؤذن المغرب من يسمعه ينسى
وانته وجهك صار مغرب من وگفت تاني الأكبر
من اجتك ليلى تنشد هية تنشد وانته تفتر
يعينك الله من گلتها والسيوف بنچ تطير
تذكرك من يصير متانه الغروب من تانيت الاكبر وانته متعوب نبي متانيله قرآن حسين نذبح عطشان

☆☆☆☆☆☆☆☆☆☆☆☆

احنه نعطش مرة وحدة وانته مو عطشان ذابل
تعطش من تشوف زينب تصيح وينك يابو فاضل
يا غريب انته وبناتك كلها عطشانه على كافل
عطشانه على خيك موش للماي لان ماكو مثل عباس وفاي غريب مفارگ اخوان حسين نذبح عطشان

☆☆☆☆☆☆☆☆☆☆☆☆

انته زمزم ما تريده انته عبدالله زلالك
السهم طشر وريدك ونچفة من ايدك حلالك
فارگت كل الغوالي كلشي ضل يبچي على حالك
من كثر ما بيك طعنوا الضوى يمر من خلالك
موذر كلشي بيك شلون تنشال والشمس لو لاحتك ما يطلع خيال شمس طعن وسيوف عدوان حسين نذبح عطشان

☆☆☆☆☆☆☆☆☆☆☆☆

أن كنت باكياً للشيء فأبكـي للحـسين
في النوذ ذبح عطـشاناً عرياناً حسـين
رحـم الله من نادة وا حـسيناه وا عطشاناه وا غريباه

زينـب تگـول … وتگربت ليه سمعته يون وتگربت ليه ومتوسد ايديه بيت الولي ومتوسديه وادوايه لاهو جرح واحد واداويه أنه الف وتسع ميت جرح واداويه

صـاحت زينب … تعالي يم حسن يمة تعالي وشوفي كربلا شسوت بحالي وماكو جهال صاحت ياعلي ياعلي انته البلبحر والبر صياتك ترضى شلون تستلم بناتك

☆☆☆☆☆☆☆☆☆☆☆☆

@faqdalmawsawi

☜ بـسمـه تعـالى ☞

الـقصـيدة : يا سوالف
اداء : سيد فاقد الموسوي
كلـمات : حمزة الحسناوي

★★★★★★★★★★★

يا سوالف يا عشگ هذا الخذاكم ويا سوالف
هيج ناشف يا عطش هذا الفاكم وهيج ناشف

تيهن رجلية دربي الك بس دلاهن الدم
گبل لا تنذبح يمكن جنت تزحف للمخيم
ليش مكتوب اعلى زينب محد من اخوتها يسلم صدك هيج حسين نايم كون بلكي عيوني تحلم

★★★★★★★★★★★

ولله شده ما ردت يحسين كلشي ولله شده
مرة وحدة گلي زينب خاطر امشي مرة وحده
حتى اگول بخير شفته ولله ما حسبالي انته يا سوالف

★★★★★★★★★★★

تكسر الخاطر لگيتك حتى راسك مو بنحره
ماكو شي ضل بيك ينكض حتى عن الخيل اوخره مااكدر يحسين اعدلك وانته ويه الگاع صدرك موش بس انته لگيتك حتى ولدك حتى الأكبر هيج

ابشرك حتى جاسم هيج ابشرك حتى عبدالله هيج ابشرك حتى ولدي بالدرب كلهم شفتهم حتى ولدي انته عندي كلت اشوفك وارجعلهم وانته عندي بزري ما لميته عفته ولله ما حسبالي انته يا سوالف

★★★★★★★★★★★

مطشرة الوادم عفتها صعبة اطور الناس وحدي والمصيبة البيهم اعثر كلها ولدي ومثل ولدي بلكي ما ميت واجيتك گلي زينب خوية ردي ما مصدگة حسين ميت انه جم حسين عندي ولله حاير گوه گلي شلون كيفج ولله حاير يا حوافر توه مذبوح على كيفج يا حوافر جرحك كون يصير بأخته ولله ما حسبالي انته يا سوالف

★★★★★★★★★★★

طافية عيونك لگيتك خنصرك مگطوع توه جابني وتايه عرفتك خطوه غاد وغاد خطوه واخ يا جفك لكيته مدور على الگاع تچوه يدفع السيف ويردله مبين المذبوح گوه ولله منظر فوگ ما عطشان تتعب ولله منظر بلكي تگدر گوم خل تموت زينب بلكي تگدر ليش گلب اختك شلعتة ولله ما حسبالي انته يا سوالف

★★★★★★★★★★★

@faqdalmawsawi

☆ بـسم رب الحجـة ☆

الـقصـيدة : موت بكيف زينب
اداء : سيد فاقد الموسوي
كلـمات : حمزة الحسناوي

☆☆☆☆☆☆☆☆☆☆☆☆

شهم يل ما عز عليهم روحه
يمه واكف حسين بس بجروحه
يبني موت بكيف زينب من تموت
لا يعطلك غير درب الروحة

طيح … يم زينب نهر
ليل … بعيون السهر

☆☆☆☆☆☆☆☆☆☆☆☆

طيح يا كسرت گلبنه وضيمة
موش گبل حسين گبل الخيمة
موت عطشان الگمر كلش عزيز
غصباً على الغيمة فوگ الغيمة

مون … لو طاح العلم
دير … عينك للخيم
موت … بس غطي السهم

صيح… يل صوتك على
جيل … اعبر بالهلا
طيح … خضر كربلا

☆☆☆☆☆☆☆☆☆☆☆☆

امسح ارواح لتجيك ايامها
واعبر لباجر وطب احلامها
يبني كون تيه روس الگابلوك
وتركب على اجسام غير اجسامها

حيف … زينب تنهظم
فوت … بيهم للعظم
سيف … على الدم ينفطم

زود … رفرف رايتك
صوت … زينب صاحتك
ماي … عن بگصتك

☆☆☆☆☆☆☆☆☆☆☆☆

انته اول موت بي هنيالي
تعب يسوه مو تعب من تالي
انته غالي بحضني مو يم الحسين
غاد ما اكول على واحد غالي

صول … يل چنك علي
غاد … بس حسين الي
روح … يا غدوة هلي

شيل … بعيونك دمة
صيح … فدوة لفاطمة
عيش … گمرة بكل سمة

☆☆☆☆☆☆☆☆☆☆☆☆

زينب انته بكل درب تبرالها
يمه صير خيال فوگ خيالها
سيفك من گرابها بسيوف لتجيك
المهرة ما تتباوع لخيالها

دير … سابگ بالهوى
كون … تگلب نينوى
طيح … بس شيل اللوه

حير … لنك ما تفر
خوف … راسك باليسر
جيب … امك تبتشر

☆☆☆☆☆☆☆☆☆☆☆☆

شهم يل ما عز عليهم روحة
يمه واسي حسين بس بجروحة
يبني موت بكيف زينب من تموت
لا يعطلك غير درب الروحة

طيح … يم زينب نهر
فوت … بس ارجع گمر
ليل … بعيون السهر

نار … عدوانك حطب
صير … جفك للطلب
ماي … گلبك ما شرب

☆☆☆☆☆☆☆☆☆☆☆☆

@faqdalmawsawi

☜ بـسمـه تعـالى ☞

الـقصـيدة : گومي بابا
اداء : سيد فاقد الموسوي
كلـمات :

✮✮✮✮✮✮✮✮✮✮✮✮

گومي بابا بالخرابة ما ينامون
يا عزيزة گلب ابوها ونور العيون

تعبانه من درب السبي ومراكض النار
بيه ولا بيج الزراگه لفوگ المتون
نامي يبنيتي الحنينة هذا راسي بين ايديج
فاتح عيوني ارد اشوفج ميت وعيني عليج

✮✮✮✮✮✮✮✮✮✮✮✮

لا تدورين اعلى حظني بالحوافر طشروا
على الجمر ذبيت روحي شلون ما جان ارد اجيج

حافية تركضين يابوية
عاتبيني انه ابوج حسين يابوية

✮✮✮✮✮✮✮✮✮✮✮✮

بوية مو من السبي والراح والجاي
الناس والجيش وانه ابجي وتضحك هواي
عطشانه فدوه بس هظمني الگاعد يصيح
ولله وكت بنت الحسين بعازة الماي

ارد احضنك حيل واشبع نوح وملاگه وحنين
عفية موت عيونه تاخذ وين ابو گلب الحنين
بوية موتك ترس گلبي وراسك محظرلي موت موت بدون وجهك وانته سيد العارفين

هاي هية فراگنه وملگانه هليلة
هاي هية كلشي مات ويانا هليلة

✮✮✮✮✮✮✮✮✮✮✮✮

@faqdalmawsawi

☆ بـسمـه تعـالى ☆

الـقصـيدة : حلم كون اخ لو يطلع حلم
اداء : سيد فاقد الموسوي
كلـمات : احمد المشرفاوي

♧♧♧♧♧♧♧♧♧♧♧♧♧

شرد اگلك واليحبك كون غيرك ما يحب
موش شمك روحي صبخه وانته ماي الله العذب
حلم كون اخ لو يطلع حلم حسين ما عايز هدم

ياابن الحسن …… ياابن الحسن

♧♧♧♧♧♧♧♧♧♧♧♧♧

يروح كلشي وكلشي انسى وتبقى كلمة تعيش بيه شلون افتك من عذابي وچلمة اسمها الغاضرية كون يطلع حلم واكعد لا خيام ولا سبيه ولا صياط ولا خرابة ولا طشت موت رقيه كون غير الدنيا هاي حسين شابع بيها

ياابن الحسن …… ياابن الحسن

♧♧♧♧♧♧♧♧♧♧♧♧♧

هسه حاير شگلك هم اگلك يمته ثارك ناس كلهم لگو غيرك وادري من عدهم مراره من طمونن نگضي نبرد نرد نتحمه على نارك بس يمهدي الخاطر اهلك تدري زينب بانتظارك انته ابن ذاك الثغيب وهاي ما تچوي الغريب

ياابن الحسن …… ياابن الحسن

♧♧♧♧♧♧♧♧♧♧♧♧♧

كلها تلطم وانته وحدك وين عنك هاي كلها
محد يحس بالمصيبه غربه فوگ النوگ شلها
مالها وي اهلك گرايب طلابتك وانته التحلها
الثار ثار اهلك يغايب هاي ناسف خير حياته اهلها
وحدك مضيع رضيع ناسنا شعدها وتضيع

ياابن الحسن …… ياابن الحسن

♧♧♧♧♧♧♧♧♧♧♧♧♧

المشكلة نعرفك تحبنه واحنه شعدنا بينه ينحب ادري تحضر بالمجالس تحبنا چي لحسين ننحب الله لا ينطيني باجر اجر دمعاتي على زينب اجر ناخذ على الدموت وزينب تلملم ضلوع

ياابن الحسن …… ياابن الحسن

♧♧♧♧♧♧♧♧♧♧♧♧♧

ادري ما راضي عليه وادري وجهك ما تديره
وادري گلبي بعيد عنك وادري بي ميت ضميره ميت ويحضر عزاكم يفز لو گالو اسيره غيره ماكو براس لاچن سابع مسويلي غيره كلشي انسى ويبقى البي حسين بلا هدوم

ياابن الحسن …… ياابن الحسن

♧♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـنعــي : فـوگ گـبرگ گضيـت اربعيـنك
اداء : سـيد فـاقـد المـوسوي

°°°°°°°°°°°°°°°°°°°°°°°°

بـچـت عيـني … يـامـن علـيهم بچت عيني
تـگـله خويـة ونيـني الم التايهة ونيني
خوية تجيني لگــبر الغـرب گامـت تجـيني
حسـين … حسـين

تگـله فوگ گبـرك گضيت اربعـينك فـوگ گـبرك اذكـرك من كـون ما ناسـينه اذكـرك
تگـله بكـترك انـه لمـره صاحـت بكتـرك
خـوية صدرك ياذيك صـدرك انه المـره صاحـت بكـترك

°°°°°°°°°°°°°°°°°°°°°°°°°°

خـويـة جيـتك مـن بعد المـجـالس خـوية جيـتك ومـا نسـيتك لا وحـگ دات عيـونك ما نسـيتك ارد اذكـرك ان چان ناسيـني ارد اذكـرك بكـترك انـه لمـره لصـاحت بكـترك لو تواك صدرك

°°°°°°°°°°°°°°°°°°°°°°°°°°

حسيـن لا جيـتنـي ولا سـايلتنـي
ولا گـتلـي شني اخـبار متنـي
فتنـي الهضـم عبـاس حسـين حسـين آآآه لـيـل وسـبي وادم غـرب ومـداونة الـبـاب
ومچـتفـه واتفـگد عيـال لتـهضمـني يـوم أخوة هدعش ما عـندي رجـال صـارت مـدري شـلون راحـت هيـبة ام عـون

°°°°°°°°°°°°°°°°°°°°°°°°°°
حسـيـن حســين لمـنتچيه بعـيونك صـفن
فوگ المهـازيـل حچـي الشماتة بزينـبك
حســين آآآآه هاي الـليلة زينـب تروح غريية وحـيدة زيـنب تسـلم أمرها وحيـدة ماتـت حرقـة للحـسين ماتــت لفراق الحسين لبكائها على الحسـين حسـين ،،،،، حسين

°°°°°°°°°°°°°°°°°°°°°°°°°°

@faqdalmawsawi

{ بـســمة تعــالى }

الـقـصيدة : مو كلتلي الجمعه جا يا جمعه راجع
اداء : سيد فاقد الموسوي
كلمات : حسين طالب السماوي

°°°°°°°°°°°°°°°°°°°°°°°°°°°°

مثل المضيع ادورك بالشوارع
مو گلتلي الجمعة چا ياجمعة راجع

وينك حبيبي ... طول نحيبي ...

°°°°°°°°°°°°°°°°°°°°°°°°°°°

انت گتلي الجمعة ارد واتعودت
صرت اعيش الجمعة من يوم السبت
مااگلك طولت  بس طولت
زين بس شوية مر بينه شگلت

لَوَن رايد ماترد النه بسلامة
خَل نشوفك ع الاقل مقدار شامة

اتراب التدوسه ... خليني ابوسه ...
وينك حبيبي ... طول نحيبي ...

°°°°°°°°°°°°°°°°°°°°°°°°°°

الناس ماتدري بمعانات وشكو
اليتيم شعنده غير يريد ابو
امس شفت انه حلم تدري شنو
شفتك اعله العالم توزع دفو

بس بچيت من الحلم يالمهدي سكته
خايف اتدفينه بس بردان انتَ

خاف انه دفيان ... والمهدي بردان ...
وينك حبيبي ... طول نحيبي ...

°°°°°°°°°°°°°°°°°°°°°°°°°

صرت انشد يا عيون الشافته
هو واضح واختلاف بدمعته
دوم كاشف راسه ماهي اعمامته
شلون يلبسها وسبية عمته

جروح يومية على ذراعه جديدة
لان يچتفها بحبل كلساعة ايده

ينده سبية ... يرد هاشمية ...
وينك حبيبي ... طول نحيبي ...

°°°°°°°°°°°°°°°°°°°°°°°°°°

انتَ مسألتك غريبة وبيها حيرة
تملك الاكوان بس بلايه ديرة
مثل قصة عمتك ذيچ الاميرة
بين ليلة ويوم شو صارت اسيرة

مثل زينب قصّتك آه و هضيمة
تملك الدنيا لچَّن ما عدها خيمة

سيد زمانه ... بالبر مكانه ...
وينك حبيبي ... طول نحيبي ...

°°°°°°°°°°°°°°°°°°°°°°°°°°

@faqdalmawsawi

☆ بـسم رب الحجـة ☆

الـقصـيدة : حاچيني ماعندي صوت
اداء : سيد فاقد الموسوي
كلـمات : حمزة الحسناوي

❃❃❃❃❃❃❃❃❃❃❃❃❃❃

حاجيني حاجيني .. ماعندي صوت وصيحت .. حاجيني
حاجيني .. حته امشي أكلهم ما متت . حاجيني
حاجيني .. ياساعة السوده وعشت .. حاجيني

التمت الوادم علينه البارحه
لا امشي لا أوكف عدل لاطايحه

لا شارده .. لاطبكت عيوني
لاكاعده .. حته أعصر متوني
والفاكده .. كاموا يسموني

ياهلي ياهلي .. زينب بلا والي
ياهلي ياهلي .. زينب بلا والي

❃❃❃❃❃❃❃❃❃❃❃❃❃❃

لحكوني .. من يمك أركض صيحت .. لحكوني
لحكوني .. يمك وطكوني وطحت .. لحكوني
لحكوني .. غمض ولا جنك شفت .. لحكوني

ماردت أمر يمك واضيك انفاسك
بس همه رادوني انهطر يم راسك

ياهلي ياهلي .. زينب بلا والي
ياهلي ياهلي .. زينب بلا والي

❃❃❃❃❃❃❃❃❃❃❃❃❃❃

مانايمه .. خاف اغفى خويه ونحترك .. مانايمه
مانايمه .. افتحهه عيني وتنطبك .. مانايمه
مانايمه .. حلمانه زينب لو صدك .. مانايمه

يومين مرن مانمت من خوفي
افتح عيوني من التعب بجفوفي

ياخوفي .. ذبلاهه جفوني
ويا شوفي .. راح وي امتوني
وبجفوفي ..كمت أفك اعيوني

ياهلي ياهلي .. زينب بلا والي
ياهلي ياهلي .. زينب بلا والي

❃❃❃❃❃❃❃❃❃❃❃❃❃❃

شتريده .. حال اليفاركم بعد .. شتريده
شتريده .. والعنده منكم ماكعد .. شتريده
شتريده .. هو اليهفي اعلى المهد .. شتريده

ياخويه طبعت بالجمر رجلينه
أخذ رقيه وياخذون سكينه

بالهيمه .. ناس غربة ابهيمه
بلا خيمه .. حته اطب الخيمه
ياضيمه .. آخ كلبي وضيمه

ياهلي ياهلي .. زينب بلا والي
ياهلي ياهلي .. زينب بلا والي

❃❃❃❃❃❃❃❃❃❃❃❃❃❃

بيمينك .. مشتاكه احط يمنتي .. بيمينك
بيمينك .. يامحله لفة شيلتي .. بيمينك
بيمينك ..ارد ارجع اصعد ناكتي .. بيمينك

هزيت متنك بس كلت مالومك
من شفته زين ومنه شال اهدومك

ياريتك .. ترد روحك سالمه
وديتك .. للنهر بس نادمه
ناديتك .. كلبي ماتت وادمه

ياهلي ياهلي .. زينب بلا والي
ياهلي ياهلي .. زينب بلا والي

❃❃❃❃❃❃❃❃❃❃❃❃❃❃

@faqdalmawsawi

☜ بــسمـه تعـالـى ☞

النعـي : رسـالة العـلـيله
اداء : سـيـد فـاقد الموسوي

••••••••••••••••••••••••••••••

وصل سيف الشمر من العليله يگوم
بوية شعطلاكم خير وشصاير
گـلت بس اوصل يردلج علي ويريح
بوية شطوله صار خلافكم باجر باجر
بوية مللت المسافر كثر نشدي عليه
على بابي بعد ما يعبر مسافر مسافر
محرابك هدمته بكثر دمعي بچاي
ومصلايتك بي تكسر الخاطر
بوية اذا ليلة العاشر … وحده مرت بيك
انا ليليه عندي خلافك العاشر

بعد شتگول العليله

•••••••••••••••••••••••••••••••

بوية سلملي على عمي وگله وعدك وين
گله شلون گلبك طاوع الفرگه
ما شاف الضعن بي نقص وٌرده بيت
ما شاف البنات بعبره مختنگه
ما گل الرقية الوحدج تصفنين
گلبج فاگد احد گمت اشم حرگه

بعد شتگول العليله

••••••••••••••••••••••••••••

من حط الخيم ما شاف نقص حجاب
ما جيت على باله وضيگت خلگه
من وزع عبي من وصل لأسمي شگال
ما يذكرني عمي بهاي ما أصدگه
عبدلله البچه ما گلكم اسكت ليش
ما گلكم بحضني تسكته الشبگه
خذيته الحرملة مو صحت خله وياي
گلبي عليك يعتب بويه من حگه

بعد شتگول العليله

••••••••••••••••••••••••••••••

كثر هز المهد دوخت راس الگاع
ضلت عينها وي الهزه متعلگه
بوية بيت خلافكم مابي طعم مگاعد
خاف تخاف اطب بيت حسين ما الگه
الياخذني لأهلي يعتبر ناقذلي الروح
شجرة عمر خلصت بقت بس ورگة
دلوني الدرب ضلت وشالت حيل
ادري بحيلي يرجع صعب الملگه

التفارگ أبو صح خل تموت
تگله ماتت رقية مولاي
ولا تبقى يتيمه بشحه الملگة
نعم في هذا الي وگف بي الحسين نادة يا ابطال الصفاء يا فرسان الهيجاء بني عيني بني قاسم حسين حسين

••••••••••••••••••••••••••••••
@faqdalmawsawi