☜ بـسمـه تعـالى ☞

الـقصـيدة : الله يعينه الفارگ عزاز
اداء : سيد فاقد الموسوي
كلـمات : محمد الموسوي

✮✮✮✮✮✮✮✮✮✮✮✮

كون الگلب بيبان اله ونمر على الأحباب
حچيي الدمع ماينفهم من فوك التراب

أول مره السوت درب للمگبره ام عون
وتصيح من وادي النجف كل اهلي غياب

والعيد اجه هلاله ــــ والفارك شحاله
والمنشده باله ــــ جا شله بالعيد

وضلت بلا والد ــــ بالمكبره تعايد
راح الاعز واحد ــــ عن زينب بعيد

الله يعينه الفارگ عزاز

✮✮✮✮✮✮✮✮✮✮✮✮

الما مفارگ ام و أبو لا يحچي بفراگ
يفهمني بس البي جرح والگلبه مشتاگ

شايف اذا حن الگلب ويصير الغروب
وبهداي بهداي النفس من صدري ينباگ

من ينسمع نوحي ـــ وتشيب جروحي
من تنگطع روحي ـــ والشوف ابديه

من ينهدم حيلي ـــ ومحد يتجيلي
ويگضي بدمع ليلي ـــ وفراگ اسمي

الله يعينه الفارگ عزاز

✮✮✮✮✮✮✮✮✮✮✮✮

يابويه من كالو صدك تابوتك يروح
اخر نفس بيه بقى وماطلعت الروح

مادام أبو تراب اندفن واتغطى بتراب
مايكضي شلعان الگلب وتطيب الجروح

خيمة هلي طاحت ـــ ضحكة علي راحت
حته السمه ناحت ـــ بفراك أبو حسين

ما صدك فراگه__ وين الله نتلاگه
يابويه مشتاگه__لعيونك العين

الله يعينه الفارگ عزاز

✮✮✮✮✮✮✮✮✮✮✮✮

الفاگد اعزاز الگلب والظهره مكسور
والتلگه خده من الدمع ليليه محفور

والماله چاره ويه الحزن والمغر يحير
گلوله كبل المگبره يمشي لعلي يزور

يرتاح اذا شافه__ويخسر اذا عافه
حيدر علي خلافه__ ما تسوه دنياك

كل شدة راعيها__ وحيدرنه يگضيها
وهو الينجينها__ بلأخرة هناك

الله يعينه الفارگ اعزاز

✮✮✮✮✮✮✮✮✮✮✮✮

من تسمع يصير الدمع يرجع للعيون
معناها ياگلبي الامس ماتوا يردون

لا نايمين وانده يگعدون الاعزاز
ولا سافروا حتى انتظر طارش يودون

كل اهلي عافوني __ بالغربة خلوني
شيقنع عيوني __ ميتين الاحباب

تعبانه بجفاهم __ لو كلهم الگاهم
لو اموتن وياهم __يدفني التراب

الله يعينه الفارگ اعزاز

✮✮✮✮✮✮✮✮✮✮✮✮

@faqdalmawsawi

أبتي حُسين،
إنّني متألّم،
كسير القلب،
وأشعر أن ليس من دواءٍ
يهبُ السّكينة لقلبي المحترق
سواک وسوى طريقك.

-الشهيد مصطفى شمران

بسمة تعالى
۔۔۔۔۔۔۔۔۔۔۔۔۔۔۔۔۔۔۔
القصيدة :- آيات الله
أداء :- سيد فاقد الموسوي
الشاعر :- محمود الموسوي

********
قسماً بالوحِ وبالبرقِ __قسماً بسم اللَّه

حيدر اسد اللِّه الغالب سيف الله بيمناه
حيدر طب للجنَ وضلت كلها تصيح اللِّه
حيدر حلوه عيونه وترهب حيدر يامحلاه

ناموس وقاهر
عالسبعه وعابر
سيفك بالشدات
حيدر يامحلاه

علي مولا        علي مولا      علي مولا

********
حيدر آيات اللِّه وحيدر تسبيح وإذان
حيدر ممسوس بذات اللَّه وحيدر عالي الشان
حيدر سيفه يطب يتبسم لو طب للميدان
حيدر چف اللَّه البي كاتب آيات القرآن

علي مولا        علي مولا      علي مولا

********

أنتَ كليم اللِّه تكلم من قابَ القوسين
ياهو العبر موسی وطلع يونس من البين
ياهو الشك بيت اللِّه صياره غيرك يابو حسين
أنتَ الاول وأنتَ العالي وسيد عالكونين

ياراي ورايه
نازل بالآيه
حبك يابوحسين
علانه اهوايه

حيدر       حيدر        حيدر
********
ياجبروت اللَّه واياتك بالملكوت اسرار
حيدر بالميدان تخوف فقارك بيه نار
اسماء الله بكيفك صارت واللَّه يكول اختار
أنتَ الرحمٰن القيوم الواهب والقهار

حيدر محلاته
ترهب صولاته
حيدر حتی الكون۔۔۔۔۔صلة الآياته

حيدر       حيدر        حيدر

********
كبل التكوين وكبل الذر موجود أنتَ هناك
آدم شافك صاير كبله ودخيلك صاحاك
كلها بطينه وربك وحدك ياحيدر سواك
محبس صار الكون بچفك ويدور بيمناك

كون اللَّه العالي
بيدك يالغالي
مفروض اعله الناس ۔۔۔۔۔حبك يالوالي

حيدر       حيدر        حيدر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
@faqdalmawsawi
ٜٜٜٜٜ

☜ بـسمـه تعـالى ☞

الـقصـيدة : هنياله الينام الليل
اداء : سيد فاقد الموسوي
كلـمات : حمزة الحسناوي

♧♧♧♧♧♧♧♧♧♧♧♧

الله وياك راح تفگدك العين .. الله وياك ..
ما اگلك نردلك خاف ميتين .. الله وياك ..
ــــــــــــــــــــــــــــــــــــــــــــــــــــــــــــــــ

هنياله الينام الليل ويغمضهن اعيونه
ماشاف السهر ويعيش مابين اليحبونه
بالشلونك صفنه هواي محد يعرف شلونه
خاف من السياط تطيح كلمن يفگد متونه

مدري بكيفمن هالمرة ماشين
الله وياك .. راح تفگدك العين ...
ــــــــــــــــــــــــــــــــــــــــــــــــــــــــــــــــ

وصلت بالشماته وياي اسكت احجي گالولي
هاي اخت البقه بلا ثوب والمذبوح صاحولي
طلعوا شايلين گماط ماعدهم رحم ذولي
گدام الرباب الشام كل نسوانها تلولي

هوسه الشارع وهوسه الدواوين
الله وياك .. راح تفگدك العين ...
ــــــــــــــــــــــــــــــــــــــــــــــــــــــــــــــــ

ماشفنه بخرابة تنام حرمة وحرمة علوية
هسه شويه گلها نموت من تنشدني مسبية
وتگلي الشوية هواي للرجليها مچوية
كلساعة وتردلي تگول شو ماتگضي الشوية

عمه شگد بعد ونصير ميتين
الله وياك .. راح تفگدك العين ...
ــــــــــــــــــــــــــــــــــــــــــــــــــــــــــــــــ

حتى اشتم عطركم دوم واتذكرها لمتنه
بخّرت العباية حسين من دخان خيمتنه
مشتعله الخيم بس عود ردت اگعد بگعدتنه
صاحوا لا تطب النار الحگوا بساع عمتنه

ذكرني المكان بگعدت حسين
الله وياك .. راح تفگدك العين ...
ــــــــــــــــــــــــــــــــــــــــــــــــــــــــــــــــ

ياهو المثلي من ينوح يطلع گلبه وي نوحه
من يكثر ظلام الليل كلمن يحجي بجروحه
احنه العفنه جم حسين طلعت بالسحگ روحه
كل هذا وبعدنه نخاف خاف الحافر يلوحه

مرة تموت واحنه نموت مرتين
الله وياك .. راح تفگدك العين ...
ـــــــــــــــــــــــــــــــــــــــــــــــــــــــــ

@faqdalmawsawi

بسمة تعالى
_-_-_-_-_-_-_-_-_-_-_-_-_-__-_-_-_-_-_-_-
القصيدة :- مات حيلي
أداء :- سيد فاقد الموسوي
الشاعر :- علي مالك الموسوي
*"*" *"*" *"*" *"*" *"*" *"*" *"*" *"*" *"

مكطوع راسه وماهو خلصان
ولكم حسين يصيح عطشان

ردت اكوم ومات.. حيلي ردت اكوم شلون
كبالي ويذبحون أخيي.. ردت اكوم شلون

ما يستاهل حيل ابن امي.. حنين
يا ناس مبين من الدم.. حنين

بحسين هيج انتم تسوون
يامن سبع فدوات ترحون
لشواربه ودمه البل عيون

حنين. حنين

* "*" * "*" * "*" * "*" * "*" * "*" * "*" *
كمت اصيح حسين واشهك.. تعبونه حسين
هلبت عله ارقيه تلحك.. ركضونه حسين

تطلع روحي ويوكف قلبي... عليك
ذبحوك وما ضايع تعبي.... عليك

ياشوغه تنسد بل تواسيل
وماكو حلو ما داسته الخيل
ون بالنهار ثغيب بليل

عليك. عليك
*" *" *" *" *" *" *" *" *" *" *" *" *"*" *"
ياهو سوو بيه مثلنه.... شوفونه الويل
طرحو العباس ميت.... وهدو عليه خيل

ميت جا ليش تسحكونه... عجيب
مكتول وغير يعوفونه... عجيب

تعبان خويه زينب تعبان

عجيب. عجيب
*" *"*" *"*" *"*" *"*" *"*" *"*" *"*" *"*
من صدك فحطانه زينب تركض بلا وين
من صدك مهضومه زينب تركض بلا وين
تكول الم حسين واتعب وطشرولي حسين

هاي النعمه الحلوه وتنذب..... حرام
خد حسين وشيبه مترب...... حرام

نام الحسين ومات مهضووم
جي ماكدر لخيامنه يكووم
وعيونه ما شافت النووم

حرام. حرام
*"*" *"*" *"*" *"*" *"*" *"*" *"*" *"*" *
ابجي واسكت وارجع ابجي... يكضي يوم ام عون
حتى مايرضون نحجي... خويه حيره شلون

حتى ابنياتك ما سلمن... يخوي
علويات الزهره ركضن.... يخوي

ضميت عود أطفالي الصغار
كامو عليهم شعلوا النار
محتار قلب ام عون محتار

يخووي. يخووي
*"*" *"*" *"*" *"*" *"*" *"*" *"*" *"*" *"
فاركتكم وارد اموتن... والقلب متعوب
شدتي وجا وين اروحن.. . من يجيني غروب

هاي عيوني تريد تحبكم.... وموت
بس خل روحي بلهفه تشمكم... وموت

خلوني احبكم موش ترحون
والله انه اموتن من تموتون
بكلوبنه لازم تكطعون

وموت. وموت

____

@faqdalmawsawi

بسمة تعالى
-----------------------------------------------------
أداء :- سيد فاقد الموسوي
الشاعر :- معتز الحسيني
القصيدة :- يمبجي المنبر والكوفة

~°~°~°~°~°~°~°~°~°~°~°~°~°~°~°

يمبجي المنبر والكوفة
وجهك مشتاقين نشوفة

بزمنه جان الصدك مفگود وحجيتلنه الصدك انته
يشايل هيبة الساده وليل الناس نورته
كلبك والجفن فد لون اليشوفك ينسى سالفته
عوجيتك عصى موسى وصنم فرعون طيحته

صولات جفوفك معروفه
وجهك مشتاكين نشوفه

يمبجي المنبر والكوفة
وجهك مشتاقين نشوفة

~°~°~°~°~°~°~°~°~°~°~°~°~°~°~°

عباتك لمت شكد ناس ناس يبيت الوادم الفقره
رحت بس احنه محتاجيك تعال ابداعة الزهره
يعكال البخت عكبك يتيمه ضلت الغتره
خطبتك من ذوي عابس منها انطلقت الثوره

والحق شفناك انت جفوفه
وجهك مشتاقين نشوفه

~°~°~°~°~°~°~°~°~°~°~°~°~°~°~°
صوتك جنه (نفخت صور) الضمير الميت تكعده
امنهد ما غمضت عينك كوه تفتح الورده
شده غيابك وجرحك بس بشوفك نشده
يسيد والمصيبة بهاي فراغك محد يسده

يمحجي الناس المجتوفه
وجهك مشتاقين نشوفه

~°~°~°~°~°~°~°~°~°~°~°~°~°~°~°
جنت بالخطبه كل جمعه نلاكيك وتلاكينه
تحجي ومسجد الكوفه تدنكلك حياطينه
العالم ندري من يموت بموته ينثلم دينه
وانته من غبت لليوم انثلم حتى الصبر بينه

دمعتنه خلافك مذروفه
وجهك مشتاقين نشوفه

~°~°~°~°~°~°~°~°~°~°~°~°~°~°~°
يالابس جفن مرتين ومشيت برجلك لموتك
اختالوك ومتت ياحيف بس عايش بقه صوتك
جبيره اعلينه بالتشيع ما شمينه تابوتك
يايونس زمان الفات الشهاده ندري متفوتك

يالجنك جدك بطفوفه
وجهك مشتاقين نشوفه

_____
@faqdalmawsawi

﴿بسمة تعالى﴾
^~^~^~^~^~^~^~^~^~^~^~^~^~^~
القصيدة :- ﷲ يعينة الفارك عزاز
أداء :- سيد فاقد الموسوي
الشاعر :- محمد الموسوي

__

كون الكبر بيبان اله ونمر عالأحباب
حجي الدمع ما ينفهم من فوك التراب

أول مره سوت درب للمكبره أم عون
وتصيح من وادي النجف كل أهلي غياب

والعيد اجه هلاله..... والفارك شحاله
والمنشده باله.....جا شله بالعيد
ضلت بلا والد.....بالمكبره تعايد
راح الأعز واحد.... عن زينب بعيد

ﷲ يعينه الفارك عزاز

__
الما مفارك ام وابو لا يحجي بفراك
يفهمني بس البيه جرح والكلبه مشتاك

شايف اذا حن الكلب ويصير الغروب
وبهداي بهداي النفس من صدري ينباك

من ينسمع نوحي.... وتشيب جروحي
من تنكطع روحي.... والشوف ابديه
من ينهدم حيلي..... ومحد يتجيلي
ويكضي بدمع ليلي....وفراك اسميه

ﷲ يعينة الفارك عزاز

__
يابويه من كالوا صدك تابوتك يروح
اخر نفس بيه بقه وما طلعت الروح

مادام أبو تراب اندفن وتغطه بتراب
مايكضي شلعان الكلب وتطيب الجروح

خيمة هلي طاحت.... ضحكة علي راحت
حته السمه ناحت.... بفراك ابو حسين
مااصدك فراكه.... وين الله نتلاكه
يابويه مشتاكه.... لعيونك العين

ﷲ يعينة الفارك عزاز

__
الفاكد عزاز الكلب والظهره مكسور
والتلكه خده من الدمع ليليه محفور
والماله جاره ويه الحزن والمغرب يحير
كلوله كبل المكبره يمشي لعلي يزور

يرتاح اذا شافه..... ويخسر اذا عافه
حيدر علي خلافه.... ماتسوه دنياك
كل شده راعيها.... حيدرنه يكضيها
هو الينجينه.... بالأخرة هناك

ﷲ يعينة الفارك عزاز

__
من تسمع يصير الدمع يرجع للعيون
معناهه ياكلبي الامس ماتو يردون

لا نايمين وانده يكعدون الاعزاز
ولا سافروا حته انتظر طارش يودون

كل اهلي عافرني.... بالغربة خلوني
شيقنع عيوني..... ميتين الاحباب
تعبانه بجفاهم.... لو كلهم الكاهم
لو اموتن وياهم.... يدفني التراب

ﷲ يعينة الفارك عزاز

__
@faqdalmawsawi

[بسمة تعالى]
_________
القصيدة :- حرك دارك
أداء :- سيد فاقد الموسوي
الشاعر :- تحسين الخفاجي
_________

حرك دارك مو مثل ذاك الحرك
ولا طفل كدام عينك منسحك
من حميت العايلة عشت واقع كربله

بحرك دارك. بحرك دارك
°. °. °. °. °. °. °. °. °. °. °. °. °. °. °. °. °. °

نار كالو وسط دارك وكلها اجت فزعت عليها
بس تعال اخيام زينب جيب واحد يطفيها

انته هيج وحافي تتراكض يكولون
بكربله شسوي لو شفت اليحركون
عاليتامة تصيح زينب لا تعثرون

لوعة يالصادق اتكطع بالكلب
اتذكرت عماتك ودمعك يصب

وياجرح تستقبله عشت واقع كربله

بحرك دارك. بحرك دارك
°. °. °. °. °. °. °. °. °. °. °. °. °. °. °. °.°. °
نار دارك جانت اهون من تدري من الغاضريه
عافت الخيمه المصيبه وشبت النار برقيه

ياهو اليطفيها والخيل بكترها
عمتك بالطف ركض خلص عمرها
دمعت المسبيه عند الله شكبرها

حيل اديها صغار ما تعرف حبل
وعمتك بالصوط يضربها النذل

شكد رقيه مدلله عشت واقع كربله

بحرك دارك. بحرك دارك

°. °. °. °. °. °. °. °. °. °. °. °. °. °. °. °.°. °
انته كلش زين وضعك انته ماعندك غرايب
حسين علويات عنده نامن بنص الخرايب

امجتفيهن بالحبل والناكه هزله
طبت الديوان زينب والله فشله
من تطيح الشام يضحك شفته كله

لون عثرت وحده بذيال الهوه
ايطيحن اعله الكاع يالصادق سوه

ياهضم تتحمله عشت واقع كربله

بحرك دارك. بحرك دارك

°. °. °. °. °. °. °. °. °. °. °. °. °. °. °. °.°. °
حيرتك مولاي سهله وحيرة العاشر جبيره
عمتك بالغربة ضلت لا كرابه ولا عشيره

اميسره والدنيا تتفرج عليها
وعالنهر طايح اخوها مايجيها
تدري زينب كربله شمسويه بيها

صعدت التل شيبة كلب السمه
وكابلتها وضلت تون فاطمه

امن العرش صوت اعتله عشت واقع كربله

بحرك دارك. بحرك دارك


°. °. °. °. °. °. °. °. °. °. °. °. °. °. °. °.°.°
جانوا يكولون عنك بالكلب نارك لهيبه
وين ما تكعد يغالي تبجي للشيبة الخضيبه

تدري جدك رضرضو بالحومه صدره
والشمر كل ساعه عالهامه يطبره
والحوافر ساوت ضلوعه ويه ظهره

كل مصيبة تهون الا مصيبته
الله لا ينطي الخيول السحكته

بحرك دارك. بحرك دارك

_________
@faqdalmawsawi

بسمة تعالى
________
القصيدة :- قريبا في محرم
أداء :- سيد فاقد الموسوي
الشاعر :- حمزة السماوي

"*" *"*" *"*" *"*" *"*" *"*" *"*" *"*"

قريباً في محرم
نرد بالخدمه نلتم
سنه انتاني قدومه الفرحه والدمعه

يفرحنه بمواكب
يبجينه بمصايب
هلا بكد الزيارة موسم الفزعه

*" *"*" *"*" *"*" *"*" *"*" *"*" *"*" *

بقه كلي شبقه فترة قليله
ترد تكتب رسايلها العليله
هلا بشهر الركض شهر المجالس

ولكن مو هلا بسبي العقيله
عند الله كل يوم بالف بالأية من تقراهه
عد الله مات حسين أمس هنا ايته معناهه
يعني للحسين الأرض بس فاتحه سواها

شتحبه اكثر انته
اذا الله بعظمته
يكله حسين احبك يابو التسعه

جنون الخدمة واجب
يبجينه بمصايب
هلا بكد الزيارة موسم الفزعه

*"*" *"*" *"*" *"*" *"*" *"*" *"*" *"*"

عاشور النبي واحنه المدينه
ونقره طلعَ الحزنُ علينه
ماكو واحد يتاني البواجي
من ذيج السنه انتاني بجينه

ميت هلا بشهر العمر من الكلب نادينه
الما حومرت جفه بلطم المن يضم جفينه
الما شالهن وكت العزه ما شال باجر عينه

ملك يوم القيامة
اليجي بصدره علامة
الوكع من البواجي فاطمه ترفعه

ينول اعله المراتب
يبجينه بمصايب
هلا بكد الزيارة موسم الفزعه

*"*"*"*" *"*" *"*" *"*" *"*" *"*" *"*"

الحسين يوزع ادوار الخدامه
وبعد كلمن تظل هو وغرامه
ابو الموكب بده يخيط سواده
وبده الشاعر تره يحضر كلامه

كلها تموت الا الخدم يرجع محرم ترجع
كالو ابنادم لو نزل من الكبر ما يطلع
جا ليش يقره كل سنه حمزة الصغير نسمع

يا محله الوداع بهالمسيه
وعلوم المنيه
بين الفاطمي والفاطميه

ابو ماعدنه غيره
ابو جروح الجبيره
يجمعنه بعزائه الميت ايرجعه

نضل جيته نراقب
يبجينه بمصايب
هلا بكد الزيارة موسم الفزعه

*"*" *"*" *"*" *"*" *"*" *"*" *"*" *"*"

احب وجي احب عالمنبر اقره
شسوي بالثواب وجنه خضره
تره الجنه الحسين يكلي عفيه
تحولني نبي من عنده نظره

عاشور لو مو كل سنه عاشور لو يوميه
راحتنه مو بالبيت ابد راحتنه بحسينيه
وشنسوي ما نلحك ابد زينب مشت مسبيه

على زينب حجينه
شرف عدنه بجينه
اليكلك لا تبالغ هذا لتسمعه

تره المهدي يعاتب
يبجينه بمصايب
هلا بكد الزيارة موسم الفزعه

*"*" *"*" *"*" *"*" *"*" *"*" *"*" *"*"

الينقدك عوفه لتسويله واهس
السوالف الهم والنه المجالس
الحجو والما حجو عدنه عقيده
منو يوكفه الوكف بعيونه عابس

نشكر الخالق جي خدم من الزغر خلانه
وشما يضيعنه الوكت اهنا بالعزه تلكانه
الله ومحمد وعلي وام الحسن ويانه

نموت اعله الشعائر
نوقع بالمناحر
اويه ابو الاكبر كبرنه نلطم وننعه

لحد شيب الحواجب
يبجينه بمصايب
هلا بكد الزيارة موسم الفزعه
________
@faqdalmawsawi

بسمة تعالى
_______

القصيدة :- اخو السبعين
كلمات :- محمد الغزي
الذاكر :- حسن الشامي

-_-_-_-_-_-_-_-_-_-_-_-_-_-_-_-_-_-_-_-_-_-_-_

كافي اخلص المن بعد.... مطول يعمري شعجب
عافوك الدللو... شتردهم بياعتب
موت بذبح مو ذبح.... بس اخلص من العتب
ضليت مالك عرف... بس عمر اخوتي انشرب

برضاتك مو رضاتك موت المن وكتي خلاني
من الف هنيال كلمن مات والله يعين اليتاني

مشو كلهم مشو كلهم ستعجل موت ولحكهم
مشو كلهم مشو كلهم خايف تنشد عنهم

_-_-_-_-_-_-_-_-_-_-_-_-_-_-_-_-_-_-_-_-_-_-

اشتمهم ويه الهوى.... عافوني ماصدكت
مامتت موته صدك.... سبعين مره متت
الي تيتم ادري من ابو.... بس منهم تيتمت
صاحولي مالك اخو.... وي كل يخوتي صحت

حسافه وانه اخو السبعين اضل بعازت الدفان
ثنين تراهمن بيه هجركم والسيوف اخوان

صفو حزني صفو حزني المنهم روحي توجعني
صفو حزني صفو حزني الأحسهم حتى اعز مني

_-_-_-_-_-_-_-_-_-_-_-_-_-_-_-_-_-_-_-_-_-_-_-
يخواني والمشكلة.... ماكو الجرحكم دوه
اتعبون اخوكم صدك....راضين كلبه نجوه
الي يتعبه الركض....يحتاج يشم الهوه
خلوني اجرن نفس... ما الحك اركض سوه

يخوتي البي نفس خل يكوم ماضل عد اخوكم رأي
كلكم سوه ارد اوصلكم واحد والعزاز اهواي
_-_-_-_-_-_-_-_-_-_-_-_-_-_-_--_-_-_-_-_--_-_-

اريدن حل اريدن حل كلشي بدنيتي تبدل
اريدن حل اريدن حل اليدري بحالي لا يسأل

كلساع صوب التفت.... وين الله واحد يمر
مدوركم بكربله... دوارت اليدور ستر
كل شيبه بيه اخو...هل شيب مو من كبر
الله يعين المتن... شيع عشيرة الظهر

الهضم بلوه الهضم بلوه واكف وكفت الكوه
الهضم بلوه الهضم بلوه اله الله التوجعه الخوه

الكم انه هذا اليوم سويت المتن تابوت
لحد ما صاحلي الذباح ياهو يشيلك من تموت

تحملته تحملته اخوكم شده سالفته
تحملته تحملته يضيم الينهضم سكته
________
@faqdalmawsawi

{بسمة تعالى}
___
القصيدة :- قادم محرم
أداء :- سيد فاقد الموسوي
الشاعر :- محمد البطحاوي
~~~~~~~~

قادم محرم قادم
خادم يبلغ خادم
حضروا الدمع والعين
من هسه مجلس ننصب
موكب يكابل موكب
والصرخه ياحسين

الابو يكل للأبن
اجه شهر الحزن
العزه خل ينعلن
ماضل وكت
لفه بنوح والم
العطر حرك الخيم
استعدوا ياخدم
ماضل وكت

يله شدوا احزامكم ليامه
يابياض الوجهه ياخدامه
حسين بالعاشر ابلايه عمامه
طايح طايح

شهر الدمع واحزانه
والزهره بيه ويانه

قادم محرم قادم
خادم يبلغ خادم

~~~~~
القميصه والنحر
قليله عليه شهر
الحزن لازم دهر
ما ينكضي. ماينكضي

لياليه عطش
ثكل ليل اهدعش
جنازه ابلا نعش
ماتندفن. ماتندفن

الخيم محتركه وحرم مذهوله
والجثث بالترب مامشيوله
طلب منهم ماي ما جابوله
حاير. حاير

لجل الحسين الضامي
بالحزن تكضي ايامي
وسلواي الونين

قادم محرم قادم
خادم يبلغ خادم

~~~~~~

الخدم خل تستعد
كرب وكت الجرد
يضيع اليبتعد
عن خدمته. عن خدمته

المجالس والطم
يجيها المنهظم
يروحي التنثلم
لمصيبتك. لمصيبتك

المجالس لجله كون اهووايه
وشكو شارع بيه انعلك رايه
بعد جم يوم وتجي المشايه
نوكف. نوكف

كون الخدم مصفوفه
ومن الحزن معروفه
دوم محزمين. دوم محزمين

قادم محرم قادم
خادم يبلغ خادم

~~~~~~
للحسين اطلعت
اخت وتعثرت
الحرم كلها انسبت
ماتنوصف. ماتنوصف

الابوهن مو سهل
يميلن عالهزل
قرائين بحبل يتجتفن

شهر بيه تمشي الحرم مجتوفه
والكمر متكطعات اجفوفه
ضعن حيدر ناس غربه تشوفه
تالي. تالي

تبجي عليه عيوني
مااهم بلي يلوموني
لو سألوني وين

قادم محرم قادم
خادم يبلغ خادم

~~~~~~

على وجهه الصبح
فلا لايك ذبح
عمت عين الرمح
جارح نحر جارح نحر

وجودك للعشك
ابد مو للسحك
تره انته تنشهك
ما تنكتل. ما تنكتل

حسين عند الله عزيز وغالي
الكون لو ماهو ظلمه وخالي
عالترابه نايم اول تالي
اتشوفه. اتشوفه

خالي الوجود بدونه
ياعشك اليخدمونه
وحسين بس حسين

قادم محرم قادم
خادم يبلغ خادم

________-
@faqdalmawsawi

< بسمة تعالى >
القصيدة :- ها يكلبي
أداء :- سيد فاقد الموسوي
الشاعر :- محمد البطحاوي

*'*' *'*' *'*"*" *"*" *"*" *"*" *"*" *"*" *"*
ها ياكلبي شعندك حاير هاي الخدمه وهنه اثنين
تريد تحبه حسين وتخدم لو تخدم روحك بحسين

ها ياكلبي. ها يكلبي

اليحب لازم يضحي وما يدور كل مقابل
ويخلع الانه وشهرته وبخدمته ايعيش سائل
ولا تصير بدور حاكم حسين ريس انته عامل

لازم تطرد الذات اللائيمه
وروحك تنبني لمصابه خيمه
حسين وخدمته الدوله العظيمه

يحامينه. يحامينه

اخلص وياه ابدمعاتك ما ينسد ابوجهك باب
كلها تحسب لمن تنطي بس حسين بلايه حساب

ها ياكلبي. ها ياكلبي

*"*" '"*" *"*"' "*" *"*" *"*" *"*" *"*" *"*

اليمشي وياه مايعوفه حسين ابو الصحبه الطويله
منذبح مسحَوگ هيبه وشكو هامه تنحنيله
اخذ واحد جده مرسل وكال الحسين انتميله

عبد تكضي حياتك كلها يمه
مو لسمك تثقف كون لسمه
حسين الماتضيع ابوجهه چلمه

يدلينه. يدلينه

عمرك يخلص دمعه ومجلس وسولف طف ويالخدام
وكللهم زينب من طاحت ضحكت كل حلوك الشام

ها ياكلبي. ها ياكلبي

*"*" *"*" *"*" *"*" *"*" *"*" *"*" *"*" *"*
حسين نفسه شكد عزيزه المنه يكرها ورفضها
مات واكف لجل چلمه ماتركها ابنحره كضها
حسين سالفته چبيره المهدي بس هو اليفضها

خل بدموع حزنك تحچي العين
واركض للمجالس وين ماوين
فر الدنيا ماكو مثل الحسين

يوالينه. يوالينه

خل حسين يشوف ادموعك تنزل وي احجاية طاح
حسين بعاشر جسمه اتوزع بين اسيوف وبين ارماح

ها يكلبي. ها يكلبي

*" *"*" *"*" *"*" *"*" *"*" *" *"*" *"*" *"*
الچانت امه من هواء الله تخاف يوصله وحريصه
شاف زينب حافي تركض من العده باگت قميصه
بچه وكال احجايه وحده الدنيا هاي شكد رخيصه

صعبت كومته من اجروحه الهواي
والذباح جان السيف والماي
واخوه عباس من النهر ماجاي

يتانينه. يتانينه

بهاي الحاله وگال الزينب شفتج طحتي اكبال الناس
انده كلما يعثر جدمچ تلاحك زينب يالعباس

ها يكلبي. ها يكلبي

*"*" *"*" *"*" *"*"*"*" *"*" *"*" *"*" '"*"

حسين من حضن الزچيه تالي متوسد الترابه
الشام حيره بكلب زينب وماكو بيه الها كرابه
تنام المفرعه بقصره وزينب اتنام ابخرابه

العلى الهزل خواته مشن يرتاح
واذا طكوا بناته من الرمح طاح
كلها تروح بس حسين ماراح

سولف بحسين بكل يومك وخلص عمرك فكر بيه
وذب كلشي يعطلك عن حبه وحسين بكلبك خليه

ها يكلبي. ها يكلبي

__________

@faqdalmawsawi

يبنية
=====
يبنية شو گلبج يدك مو مثل الصغار
واقرة اعلة وجهج بينت مو زينة الاخبار ... مو زينة الاخبار

••••••••••••••••••••••••••••••

يبنية بتمن والتعب بعيونج هواي
لاگاني گبلج چم طفل هم يركض هواي
چنكم عطاشى وماوصل شفتكم الماي
ياهمه اهلكم وشعجب شو كلها حفاي
دخان بهدومج شني مركضينج بنار

يبنية شو گلبج يدك مو مثل الصغار

••••••••••••••••••••••••••••••
يبنية شو گلبج يدك مو مثل الصغار
واقرة اعلة وجهج بينت مو زينة الاخبار ... مو زينة الاخبار
••••••••••••••••••••••••••••••

عمي أنه علوية وتهت من هَْود الليل
وذولة الشفتهم بالدرب كلهم مداليل
نركض طلعنة بكل كتر بين المچاتيل
ياعمي والمالحكوا سحكتهم الخيل
خليني بس اخذ نفس واحجيلك الصار

يبنية شو گلبج يدك مو مثل الصغار

••••••••••••••••••••••••••••••
يبنية شو گلبج يدك مو مثل الصغار
واقرة اعلة وجهج بينت مو زينة الاخبار ... مو زينة الاخبار
••••••••••••••••••••••••••••••

هاي أنه ابوي بكل شبر فوگ الرمل نام
ياعمي شايفلك جسم ماينحسب گام
ضل كل سهم ياخذ كتر من ذيج العظام
بالدفنة باجر لازم يدفنون السهام
ياعمي باجر بالدفن دفانة احتار

يبنية شو گلبج يدك مو مثل الصغار

••••••••••••••••••••••••••••••
يبنية شو گلبج يدك مو مثل الصغار
واقرة اعلة وجهج بينت مو زينة الاخبار ... مو زينة الاخبار
••••••••••••••••••••••••••••••

تعب الركض كلش سهل نرتاح ويروح
وسهلات ذني من الحبل بچفوفي الجروح
ياعمي كون اعلية نوحك بطل النوح
عبدالله اصغر مني بس عبدالله مذبوح
مامش سهم كده انذبح بسهام الكبار

يبنية شو گلبج يدك مو مثل الصغار

••••••••••••••••••••••••••••••
يبنية شو گلبج يدك مو مثل الصغار
واقرة اعلة وجهج بينت مو زينة الاخبار ... مو زينة الاخبار
••••••••••••••••••••••••••••••

سالفت ابوي الماجرت لامرت بطيف
ياعمي شايفلك ذبح بالكيف بالكيف
ضل يذبح بنحرة شكثر ماگام ياحيف
وبذبحة گال تعطلت چي كالي السيف
بسيفة من كتر الكتر كلساع يندار

يبنية شو گلبج يدك مو مثل الصغار

••••••••••••••••••••••••••••••
يبنية شو گلبج يدك مو مثل الصغار
واقرة اعلة وجهج بينت مو زينة الاخبار ... مو زينة الاخبار
••••••••••••••••••••••••••••••
للرادود : سيد فاقد الموسوي
للشاعر : حمزة الحسناوي


@faqdalmawsawi

إبليس عندما يسمع موالي ومحب لأمير المؤمنين
يقول : (ياعلي) ، يذوب كما يذوب الرصاص
ضجوا بذكر علي 🤍✋🏾

شمس الحب
:::::::::::::::::::::::::::::

علي شمس الحب ضواها من ايده
علي قرآن العشگ تجويده
علي من گد الجمال البيك اكيد
ماكو بيت اقرا اذا مااعيده

علي شراع الخير حتى الطير منك شابع
علي بيده الكون واهل الكون بس متواضع

محلاتك. علي ياأجمل. ولي
لعيونك. رحت فدوة انه. وهلي

ياحيدر ياحيدر ياحيدر ...
ــــــــــــــــــــــــــــــــــــــــــــــــــــــــــــــــ

علي محّد وَصّفاها عيونه
بس محمد والله اليعرفونه
علي يا أجمل اسم جبريل صاح
هو هذا اللازم تعشگونه

علي اسمك ماي يامولاي محلى احساسك
انت الاول دوم والباقين كلها مداسك

حيدر يا أسد شحچيلك بعد
انت اول عشگ ياحيدر مدد

ياحيدر ياحيدر ياحيدر ...
ــــــــــــــــــــــــــــــــــــــــــــــــــــــــــــــــ

علي اسمك راح اصوغه گلاده
روحي دوم بحضرتك نَشّاده
من ازورك ليش ما اسلم عليك
ايدي ما ارفعها يم الساده

استحي من الباب داحي الباب غير گبالي
وعلي من الخوف بيك يطوف بس خيالي

اوگف ع الدرب سلّم ياگلب
منك مستحي خجلان من اطب

ياحيدر ياحيدر ياحيدر ...
ــــــــــــــــــــــــــــــــــــــــــــــــــــــــــــــــ

علي ياهيبة علي الجبّارة
الله من عيونه خالق ناره
هو ثار الزهرة ماطالع اكيد
علي باچر راح ياخذ ثاره

بأسمك الحملات والثارات ياراعيها
بالضلع والباب لو بحسين من تبديها

باچر ياهلا ثارات كربلا
لضحكات المهد نذبح حرملة

ياحيدر ياحيدر ياحيدر ...
ــــــــــــــــــــــــــــــــــــــــــــــــــــــــــــــــ

علي ياشمة هوه وشميتك
عايش المن كون ما حبيتك
علي بگد ما داگ بوب اعله الايتام
لحد موتك يلا دگوا بيتك

علي بگد ما چان بالقرآن يقرا اياته
علي جبرائيل صاح الله بگد اياته

حيدر ياعشگ بس بيك احترگ
ياروحي وهلي يا گلبي اليدگ

ياحيدر ياحيدر ياحيدر ...
ــــــــــــــــــــــــــــــــــــــــــــــــــــــــــــــــ
الرادود : سيد فاقد الموسوي
الشاعر : سيد محمود الموسوي

@faqdalmawsawi

يارب الحسين
===========
يارب الحسين .. شكراً عالحسين وآل بيتة
:::::::::::::::::::::::::::::::::::::::::::::::

عندي خلگ واخدمهم وعندي گلب ويودهم
لاتقبل اعلية الناس لو انقبل بس عدهم

ساداتي ... اهل حب وسماحة
ساداتي ... تعبهم كلة راحة
ساداتي ... جرح رايد مناحة
ساداتي ......

احب كلشي بمجالسهم يلمون العبد والحر
ازاعل ديرتي وناسي اذا ماالكة من يذكر
مصايبهم طعم گهوة تحركني واضوگ المر
اروح الباب ابو فاضل اذا گلبي يمسة الضر

:::::::::::::::::::::::::::::::::::::::::::::::
يارب الحسين .. شكراً عالحسين وآل بيتة
:::::::::::::::::::::::::::::::::::::::::::::::

دين المواكب ديني درب السما مدليني
لاتسأل اعلية منين چلمت عبد تكفيني

خادمهم ... اسم محد يشيلة
خادمهم ... ترة الچلمة ثكيلة
خادمهم ... جعلناها وسيلة
خادمهم ......

بنيت احلامي بالموكب وصارت سولتي الخدمة
ماعدنة عزاء يحوم بس فاتحة ابو اليمة
مكروه الجزع عالناس المايجزعلة مو زلمة
المامچوي بحوافر خيل لايحچيلي بالزحمة

:::::::::::::::::::::::::::::::::::::::::::::::
يارب الحسين .. شكراً عالحسين وآل بيتة
:::::::::::::::::::::::::::::::::::::::::::::::

كلما تهيج جروحي حيل استلذ بنوحي
لو جابوا الهم طاري مقتل يصير بروحي

ابچيهم ... بچي الطفل اعلة امة
ابچيهم ... دمع ماعندي اضمة
ابچيهم ... وشكو بحالي اهضمة
ابچيهم ......

اذا اسمع نواعي الهم اصب عيوني والبيهة
احزم عيني بالدمعة والماتبچي ابچيهة
حرام ينشفن عليهم وحرامي دموعي اغطيهة
وحگ الشيبتهة الشام كون نشيب اعليهة

:::::::::::::::::::::::::::::::::::::::::::::::
يارب الحسين .. شكراً عالحسين وآل بيتة
:::::::::::::::::::::::::::::::::::::::::::::::

ماعندي چانت قيمة راعي وضعت بالهيمة
والخدمة لزمت ايدي ودلتني باب الخيمة

متمسك ... انه بحبل السفينة
متمسك ... لكيت الطف مدينة
متمسك ... حوت گلبي بونينة
متمسك ......

انه العندي شهر عاشور وغيري كلشي ماعندة
انه العلاني طين حسين ينطي محد بكدة
عشكت ايامي وسنيني وصارت عِشرة مو مُدة
اهد كلمن يكض ايدي بس حسيني ماهدة

:::::::::::::::::::::::::::::::::::::::::::::::
يارب الحسين .. شكراً عالحسين وآل بيتة
:::::::::::::::::::::::::::::::::::::::::::::::

الرادود :سيد فاقد الموسوي
الشاعر : شاكر الصيمري


@faqdalmawsawi

{ فَأَمَّا الْيَتِيمَ فَلَا تَقْهَرْ‌}

ولكن رُقيّة يتيمةً كفًّا علىٰ خدِّها تُسطَر! 💔

سلامُ اللّٰهِ علىٰ شبيهةِ الزهراءِ خَلْقًا وألمًا .

مسلم ياحميدة
============
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

جيت مگصر الخطوات امشي ومستحي من حسين
وجهي يصب عرگ خجلان واحجي النايبة بيا عين
گليلي يبنت الناس كونج للحجي تحفظين
حفظي الجايبة وسمعي صعبة بحلكي اكولنة

:::::::::::::::::::::::::::::::::::::::::
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

صاحت يارسول الشوگ جيتك موش جيت خير
چنك ماتريد تگول عندك ناقص التعبير
انه ابنت رسول الله عگلي موش عگل صغير
سولفلي التريدة وروح وانه العمي اوصلنة

:::::::::::::::::::::::::::::::::::::::::
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

كلها يفتت الدلال حالف مااكول شصار
من طبع الانذال تخون تهدم للاشراف ديار
مسلم حاوطوه الآف برماح وسيوف ونار
وحبال وتجرة الخيل والشمات تتعنة

:::::::::::::::::::::::::::::::::::::::::
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

ردت خانگة العبرات تتعثر بمشيتها
سدرت من ابوها اخبار والنسوان لاگتها
صاحت وين عمي حسين يحضر هاي ساعتها
عندي من الحچي المشكور بية ومايسر جنة

:::::::::::::::::::::::::::::::::::::::::
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

من مر الخبر لحسين رك حيلة وهوى للكاع
اجهر بالدموع وصاح سيف من الهواشم ضاع
يانكبة بني عدنان مسلم للسفينة شراع
بيها نحار الريح وبيه بحر الضيج اطرنة

:::::::::::::::::::::::::::::::::::::::::
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

صاحت ها ياعمي حسين شنهي الخبر حاچيني
ترة انه نفت صميم حچاي واختلت موازيني
ابوي يرد بعد لو راح عني وصار ناسيني
اشوفك تمسح اعلة الراس عني وكاطع الضنة

:::::::::::::::::::::::::::::::::::::::::
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

كلها من الصبر مريود ليج وكفي الآهات
نوحج وبعد شنهي يفيد مايرجع بنوح المات
باچر عمج تشوفين دمة مخضب الشيبات
وچفوف الكفيل تطيح بالدم غاد تتحنة

:::::::::::::::::::::::::::::::::::::::::
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

موش اليوم اهمن بيچ باجر ياحميدة الخوف
منهم عالحرم وعليج لو طاح الگمر مخسوف
وانه مسيلب من الثوب وتطوف اعلة جسمي سيوف
راسچ من يمسحة وراح الچف البيه امسحنة

:::::::::::::::::::::::::::::::::::::::::
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
:::::::::::::::::::::::::::::::::::::::::

الرادود : سيد فاقد الموسوي
الشاعر : عدنان الغزي

@faqdalmawsawi