أشعر بالخجل وأبكي من فضل الله عندما أرى بعض الناس يروني في صورة جميلة ويرون مني مِن المحاسن ما لا أراها أنا في نفسي ، الحمد لله الذي ستر عنا القبيح ، وجمَّلنا في عيون الخلق رغم ذنوبنا ، وإنما هذا بضعٌ من جماله يهبه لمن يشاء ، فـَ الحمد لله دائمًا وأبدًا .

الله اكبر طاح الحسين
:::::::::::::::::::::::::::::::::::

ياگلبي هذا حسين مطروح
لا ولله مو مطروح مذبوح
من كل كتر مجروح الواه
هذا جرح مو زلمة مجروح

هم تشوف ياگلبي التشوفة العين ؟
عريان الستر وهدوم ماعندة !
هم شايف اخت تدعي اعلة اخوها يموت ؟
من كد ما الخيل تجية وتردة ....

الله واكبر شفت بالعين
الله واكبر طاح الحسين

::::::::::::::::::::::::::::::::::

صاحوا عليّ هاي ام خدر هاي
وچلمة الهاي تنشف إلهاي
صحتك بكل حجاية تاذيك
لو صايحة اعلة التل حجة وياي

شايف وحدة تركض حيل وبلا حيل
نحيلة وخايفة ومن امس تعبانة
بحيث من التعب صليت كعدة حسين
بس المستحة يركض التعبانة

الله واكبر شفت بالعين
الله واكبر طاح الحسين

:::::::::::::::::::::::::::::::::::

جذبت شوفي وگلت غلطان
من شفت ترس الگاع نسوان
تلبد ورة التل ورة الميتين
هاي المرة الماعدها خوان

اركض والزلم تركض ووسعة الگاع
واعثر بالجثث والضيم ياحالي
كلشي تصورت ركضاتي ، الطيحات
بس ملگة الزلم ماجانت ابالي

الله واكبر شفت بالعين
الله واكبر طاح الحسين

::::::::::::::::::::::::::::::::::::

يحسين ماچانت بالضنون
اعثر ب(عون) ومادري ب(عون)
التهضمني ماتدرون بالحال
التهضمني اكثر خاف تدرون

شفتك ترفس ويمك اسهام هواي
صحت لاتنگلب فوگاهن اتهدة
صاحن ذني موش اسهام ي اخت حسين
هاي ضلوع اخوج الطايحة بسدة

الله واكبر شفت بالعين
الله واكبر طاح الحسين

::::::::::::::::::::::::::::::::::::

الملا : سيد فاقد الموسوي
الشاعر : احمد المشرفاوي

@faqdalmawsawi

بسم الله الرحمن الرحيم

📜القصيدة: صاح حي على الذبح
🎤الرادود: سيد فاقد الموسوي
🖋الشاعر: احمد المشرفاوي

***

صرخ بيهه وتيه عليهه الدرب
كبرت ترباتهه وحل الرعب
انفنت لايسرة ويمين ولاگلب
الله بالعباس يكشخ بالحرب

جفوفة من يلويهه
الله زامط بيهه

****
يبو فاضل ... يبوفاضل

****

دخيلة ذب عمامته وهد ولتوة
زلزل ابواديهه وبدمهه ارتوه
يموت يرجع عد ابو فاضل سوة
والمطهم يجزي ويتاني الهوة

صاح حي ع الذبح
ليل صارت مو صبح


****
يبو فاضل ... يبو فاضل
****

صاح بالعباس عباس وزمط
صفة الجو ولمض وارعد وانخبط
وكف شعرة الموت من شافو كشط
الهوة يتعب وابو فاضل مافحط

هو حيل الله وغضب
نار والوادم كصب
****

يبو فاضل ... يبوفاضل
****

الحومه من طب تيهت صولاتهه
عتهه عت وتمعلگ بياخاتهه
كام ياسحلهه لي يازتهه
يامكعدهه بجمع ياعاتهه

شلون زينب تنسبي
غير زينب زينبي

****

يبو فاضل ... يبوفاضل
****

صاح بيهه ورعد راعي الموزمه
يصول ويجول ويرد لمخيمه
تميل حومتهه غدت وي صارمه
روس كامت تنشغ وتعطس دمه

بالدمه ومذبوحهه
الكاع لعبت روحهه
****

يبوفاضل ... يبوفاضل
****

هد ابن ذيج المشايخ والحشود
بحلك سيفة النار والعسكر وگود
ابليس اميه يصيح وي ذيج الحشود
هو صاح حسين والله يكلة زود

زود ياعباسهه
زينب تهز راسهه

****

يبو فاضل ... يبو فاضل

****

@faqdalmawsawi

#صاح_جبرائيل_باعنان_السماء
تهدمت والله اركان الهدى
اليوم تستاهل يبو اليمه العزاء

وهاي الك هاماتنه مطبرينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
اليوم حزنانه الملاعب والصعاب
فاجده الضحّاك اذا اشتد الحراب
تسيل وي دم هامته ايات الكتاب

واليتامه عليه شبحت عينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
تگله زينب ياهو المخضبك خضاب
وثوبي الاسود بعده من عَملة الباب
من مصاب امسي واصبحلي بمصاب

ياهي مثلي تلوعت بسنينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
يموت ماضنيت گضّاي اللزوم
ضني يوم ينام ما حسبالي دوم
گلت باچر ياعلي گولي يگوم

ثاري باچر زينب ميتمينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
تگول زينب گمت اون يمه ويون
بويه حاچيني شع بگلبي الحزن
تحن عله الغربه اعله بتك ماتحن

ليش زينب كلكم مودعينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
بويه عود محضره شيلة فاطمة
گلت اعَيدك بيهه ياحامي الحمه
مادري تخليني بويه ميتمه

و دوم زينب للبچي مخلينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
اشبگلي امي هناك بس شبگة هضم
گلهه زينب بين اعليهه اليتم
مو تلوح ايدك ضلعها ويلچم

خاف تتصور مصاب حسينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
بويه يوم حسينكم سولفلي بي
گلي چن بخيلهم سحگوا علي
يگوم و يطيح و يرد يشكف بدي

وانتي بالطف جثته تخلينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
يمه صاحت ردي يم گلب الحنين
من يصبر گلب زينب عله حسين
و ريت بالطف كون لبنيتچ تجين

من المصايب فنچ تعرفينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
يابَطَل خيبر يبو السيف الثجيل
اليوم چنك ساكت وجسمك نحيل
بويه چنك صدگ ناوي اعله الرحيل

اعليك ضلع امي و مصاب اجنينهه

حيدر حيدر حيـدر...
حيدر حيدر حيـدر... ...
ــــــــــــــــــــــــــــــــــــــــــــــــــــ
اداء : سيد فاقد الموسوي
الشاعر : احمد المشرفاوي

@faqdalmawsawi

قناة مفيدة انصحكم بها ..

https://www.tgoop.com/alkawthar_center

أعمال ليلَة القدر الأولىٰ .

#ماكو_غيرك_ياعلي


يَ اصعب معرفة ومحد يشرحك يحيدر ..
بچيت اعله اليتامة مـو لـجرحك يحيدر ..
عَالخلگ أنتَ الولي .. ماكو غيرك ياعلي
يَحيدر .. يَحيدر
ـــــــــــــــــــــــــــــــــــــــــــــــــــــــــــــــــ
انتَ عالم ياعلي ومحّد يعلمك
الله مو امك وابوك اختاروا اسمك
الوحيد ابيت ربك جابت امك
انت كلشي وكلشي بس جيب اليفهمك

ماعدها شرف هل طلگتها يحيدر ..
بيدك چانت الدنيا وعفتها يحيدر ..
ديني وديانة هلي .. ماكو غيرك ياعلي
يَحيدر .. يَحيدر
ـــــــــــــــــــــــــــــــــــــــــــــــــــــــــــــــــ
يا أمير من الله نازل بالسلامة
يا ابو بيت أنت صاير لليتامة
ياعلي الماجاعت بوكتك حمامة
بيك مجموعة الولاية والإمامة

علي يالاسمك الوحده عبادة يحيدر ..
الماوالاك صوچه من الولادة يحيدر ..
من الولادة انت الي .. ماكو غيرك ياعلي
يَحيدر .. يَحيدر
ـــــــــــــــــــــــــــــــــــــــــــــــــــــــــــــــــ
الشمس والماي بيدك مجرياته
يا ابو ثوب مخيَّط ووحدة عباته
ياعلينه الحيّر الكون بصفاته
حتى وكت الطبرة ماعايف صلاته

علي ثوبه يخيطه چان بيده يحيدر ..
ويلبّس خادمه السلعة الجديدة يحيدر ..
مذهبي انت ومحملي .. ماكو غيرك ياعلي
يَحيدر .. يَحيدر
ـــــــــــــــــــــــــــــــــــــــــــــــــــــــــــــــــ
چنت حاكم بس تنام اعله الحصيرة
والوحيد العامل الناس بضميره
علي يالمنزلته عند الله چبيرة
الكون مثل المحبس بچفه يديره

علي الكونين رفعتلك علمها يحيدر ..
علي بكيفك تطشرها وتلمها يحيدر ..
ها يروحي ادللي .. ماكو غيرك ياعلي
يَحيدر .. يَحيدر
ـــــــــــــــــــــــــــــــــــــــــــــــــــــــــــــــــ
غير حيدر ياهو يستاهل نتبعه
المن يأذن چانت الكوفة تسمعه
باب خيبر كلها ماگدرت تدفعه
وهو وحده وقالعه ابطارف اصبعه

يحلال الشدد يا ليث الحروب يحيدر ..
من الجن والانس مايوم مغلوب يحيدر ..
غيركم مايحلى الي .. ماكو غيرك ياعلي
يَحيدر .. يَحيدر
ـــــــــــــــــــــــــــــــــــــــــــــــــــــــــــــــــ
لأجل يرضي الباري يخدم مو سياسة
علي اكبر چان من كرسي الرئاسة
الخدمة المحتاج تنراد الفراسة
مو اله يرحون فدوات لمداسه

علي ينطي فطوره لليتامة يحيدر ..
ويخلص الليل ساجد ماينامه يحيدر ..
ديني وديانة هلي .. ماكو غيرك ياعلي
يَحيدر .. يَحيدر
ـــــــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : محمد البطحاوي

@faqdalmawsawi

كل عام وانتم بخير الحسين ..

(#اول_امير)

#ليش_تعطش_من_اجلنه
احنه مانستاهلك يحسين حگ
هـــواي اشــوفـنّـك تـحـبـنـه
ها يبو صدر البالخيول نسحگ
أنــت مــاتـحـتـــاج وادم
العنده الأكبر بيش يحتاج الخَلَگ

أنتَ يا أول أمير الخدم عنده يعاتبونه
ـــــــــــــــــــــــــــــــــــــــــــــــــــــــــــــ

اليگصد بحاجة لضريحك
شرايد اباله يصير
واعله بابك كلها توگف
لا زغير ولا چبير
يملك الدنيا بكبرها
يم ضريحك يزدحم وي الفقير
انت اول شيخ يفرش
للضيوف المايجونه

أنتَ يا أول أمير الخدم عنده يعاتبونه
ـــــــــــــــــــــــــــــــــــــــــــــــــــــــــــــ

بيك هايم واجب ومومستحب
بيك الهيام
شكثر شايل
بيك حنية وسلام
عگلي حاير
النخل عافه.. وساكن الگبه الحمام
ليش اليشگ ثوبه لاجلك
بعض ناس يحاربونه

أنتَ يا أول أمير الخدم عنده يعاتبونه
ـــــــــــــــــــــــــــــــــــــــــــــــــــــــــــــ

طشريت اهلك لاجلنه
فدوة لترابك هلي
الهوا البالطف يچوي ريجك
ياهو مثلك مبتلي
الماي شنهي ينعز عليك
عود يارية علي
المثلك يعبدونه لازم
موش ضامي ايگطعونه

أنتَ يا أول أمير الخدم عنده يعاتبونه
ـــــــــــــــــــــــــــــــــــــــــــــــــــــــــــــ

شنهي اليطخ راسه لاجلك
عود ترفع راسه
شنهي اليگصدك يزورك
الكل تبوس امداسه
شنهي اليخدمك بيومه
يصير سيد ناسه
هذا انت وياهو مثلك
الماشي ليك يقدسونه

أنتَ يا أول أمير الخدم عنده يعاتبونه
ـــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : احمد المشرفاوي

@faqdalmawsawi

على حب علي خوش قصيدة وبيها دمعة

☜ بـسمـه تعـالى ☞

الـقصـيدة : عالم الخدمة
اداء : سيد فاقد الموسوي
كلـمات : محمد البطحاوي

♧♧♧♧♧♧♧♧♧♧♧♧

ضيع بعالم الخدمة
واربط اسمك بأسمه
لاتكبر على النعمة .. بحب الـ انه

تحمل واحتمل واصبر
بحسن العاقبة تبشر
حسين بغيره لتفكر .. طول الوكت

طفل عيش بمحبتهم يحس دوم بذنب
تره الكلشي تقدمه الهم بديهم ينحسب
مدح ربعك حچي رايـح يظـل الينكتب

خل يرضى الحسين شيفيد المدح؟
والخدمة يعرف بيها راعي الجـرح

هذا ديني ومااضن
قيمة سوتلي ووزن .. ياخدمة حسين ...
ــــــــــــــــــــــــــــــــــــــــــــــــــــــــــــــ

من تخدم عدل روحك
ياهو اليگدر يلوحك
ذب كلشي اعله مذبوحك .. ماتنغلب

صح ميت لچن شايف
وبكل الخلگ عارف
وبصفه يأمن الخايف .. من يوصله

اخذ واحد حچه راسه على سن الرمح
وعلى زينب نزل دمعة وضحك وكت الذبح
تره الخدمة على الخادم مثل نسمة صبح

هنياله كلمن خلصاها بشرف
مادوّر الشهرة نعرف مَنعرف

وين ماصارت احن
قيمة سوتلي ووزن .. ياخدمة حسين ...
ــــــــــــــــــــــــــــــــــــــــــــــــــــــــــــــ

ابعد عن اليقدسك
يريد بدنيته يحبسك
بالك من هوى نفسك .. من تنعرف

عيش الخدمة تتعلم
الدمعة علاج الدم
شما تخلْص فلا تسلم .. من الحچي

دعيت الله على الخدمة اظل بوگفتي
وعلى الزهرة قسم اقسم تسجل دمعتي
گبر باچر وراي انه على الله وخدمتي

باچر قيامة وتنتهي دنيته
بس الحسين اليشفع وخدمته

ابيض بلون الگطن
قيمة سوتلي ووزن .. ياخدمة حسين ...
ــــــــــــــــــــــــــــــــــــــــــــــــــــــــــــــ

لوذ بصايته وسلّم
و رايد بس الك اخدم
شما تسمع نعي خيّم .. حَضْر الدمع

خايف كله الك شارد
ويم بابك اظل گاعد
انتَ حسين بس واحد .. يسوى الحچي

علي سحگت حوافرها ويقدم كلشي الي
الفخر منه الاجه ليه انه و ولدي و هلي
يبدلني فلا اريدن دخيلك ياعلي

خادم اله طول العمر انه اظل
وعالمنبر اقرت من يجينه الاجل

بموتي لا ماامتحن
قيمة سوتلي ووزن .. ياخدمة حسين ...
ــــــــــــــــــــــــــــــــــــــــــــــــــــــــــــــ

حسين وكربلا وعاشر
عطشان وجرح حافر
چان بحاجة الناصر .. لاجل الخيم

طايح عينه لاطفاله
ولايمه اخو الشاله
الله يعينه الحالة .. بنص كربلا

يظل طفك على الخادم مثل جمر العشگ
الحفظ نفسه على دربك يظلك محترگ
لان جرحك جزه العالم تظل ماتنشبگ

ابقى انه بدموع العزه اتوسلك
ولغيرك انه ماصرت بس الك

بروحي عشگك ينعلن
قيمة سوتلي ووزن .. ياخدمة حسين ...
ــــــــــــــــــــــــــــــــــــــــــــــــــــــــــــــ
@faqdalmawsawi

نسألكم الدّعاء كثيراً .

كل عام و قلوبكم تُزهر بالخير و العطاء ،كل عام و قلوبكم عامرة بالنقاء و الصفاء ،كل عام و السعادة تطرق بابكم.. 
عيد أضحى مبارك🤍.

كل عام وانتم على حب علي وعلى دين علي .. جعلكم الله من السائرين على نهج علي والمشمولين بشفاعته

☜ بـسمـه تعـالى ☞

الـقصـيدة : بس عشگ
اداء : السيد فاقد الموسوي
كلـمات : حمزة الحسناوي

☆☆☆☆☆☆☆☆☆☆☆☆

اتمنى اكتبك بس عشگ
لازم تضل بلا نعش
يطلع مثل وجهك سرح
وتموتكم وابن العطش
وانسى العطش وانسى الجرح

☆☆☆☆☆☆☆☆☆☆☆☆

بيت القصيدة الينكتب
يطلع مثل وجهك سرح
بس بوسط هذا الحچي
يعرفني راسك على الرمح
اكتبلي بيت ولو كمل
بالثاني لازم تنذبح
لازم تضل بلا نعش .. ياابا عبدالله

☆☆☆☆☆☆☆☆☆☆☆☆

نفرض كتبك مبتسم
بس الصدگ ما تنعقل
شمس الله لو كض طيحتك
لو ظهرك لما ينعدل
لو بل يسر حرمه وطفل
وبصفها هم حرمه وطفل
خاطر يطيحهم سوه
چتفهم بنفس الحبل
ذاك الركض ذاك انسحگ
والضل من الخيام احترگ

☆☆☆☆☆☆☆☆☆☆☆☆
جروحك ولا يتشابهن
يتشابهن بس بالنزف
جرح السهم گد السهم
جرح الرمح يملي شكد كلف
ذني وبعد ، سيف وبعد
خيل وبعد سبعين الف
بس الحوافر مو جرح
لا هم جرح بس منخزن
شتفيدك وروحك گضت
جرح بجرح گالوا تشد
هلبت تشد ايدك ردت
وخر الطفل لا ينمرد
يالميت صاحوا بعد
لحد يضم سيفه ويرد

☆☆☆☆☆☆☆☆☆☆☆☆

الله اكبر يا علي
علي ميت تهل
يتنافسون على الذبح
ياهو اليسوي اكبر جرح
عيش بكثر ما سولفوا
حس بطعم هذا العشگ
مو ضمه هيه وتنتفل
والزهره مامك منسفك
سحگوله حد ما هوسوا
تريد الصدگ هذا الصدگ
بالخيمة مو بس العبي
حتى الحرم شبعت حرگ
تعرف خواتك يا شهم
توجعهن عيون الزلم
ياابا عبدالله .. ياابا عبدالله

☆☆☆☆☆☆☆☆☆☆☆☆

@faqdalmawsawi

{بسمة تعالى}

اسم القصيدة :- رايات العزاء
أداء :- سيد فاقد الموسوي
الكلمات :- محمد البطحاوي

____

رفعوا رايات العزاء
استقبلوا طف كربلاء
بالدمع

محرم ياخدم اجه واهلاله دم
الحضر دمعته وحزامه خادم

الباني چادره يبلغ المادره
تره شهر الذبح ياناس قادم

حضروا لحسين الدمع لبسوا السواد
بعد چم يوم وتجينه ايامه

إلي ناسي ومامحضر روحه زين
ليش يحسب روحه من خدامه

خادم لخادم يروح
يكله اجه شهر الجروح
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°

الاسود ينلبس على الضل بالشمس
وانكثر العزه لبن الزچيه

المجالس قائمة. بكثر نجم السمه
وتصير الشوارع حُسينيه

وين ما فارغ شبر ننصب عزاء
وتنسمع لطمتنه كون بصوتها

روحي تركض وين مامنبر يصير
وماكو مجلس للحسين يفوتها

الصرخة تبقى ويالسنين
خالد ايضل الحسين
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°~

على الحب والعهد نضل وللابد
بدمعنه انلاكي عاشور المصيبه

محرم بي جرح. نحر شاله رمح
وبي زينب يسموها الغريبه

كون عام يصير عاشور الحُسين
حتى بالخدمه نخلص ايامنه

والچوادر تبقى مبنيه بسواد
وبالحداد تضل ترف اعلامنه

هاي امنيتي اكول
كون تقبلها البتول
بالدمع

رفعوا رايات العزاء
استقبلوا طف كربلاء
بالدمع
°~°~°~°~°~°~°~°~°~°~°~°~°~°~°~°~

وصل شهر الدمه. اليبچي فاطمه
نحر مكطوع منه. وشيب دامي

قميصه ينشر. سبوا حتى الخدر
وفوك السحك. جان حسين ضامي

حسين طايح والحوافر بيه تدوس
راحت وردت يعالم فوكه

كون يلطم يكضي ليله والنهار
اليدري هيجي صاير ابمعشوكة

حسين عاشوره چبير
مو نعش چثته ابحصير
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°~

السبي الماينحمل على النوك الهزل
والايتام بحبل. مجتوفه كلها

الخرابه والقصر. يريدلهن عمر
يابواچي الي ترد. زينب لهلها

لو نكضي اعمارنه نبجي وننوح
ما نوافي عثره من اجدامها

بعد ما طاح الحسين وسلبوه
على زينب احركوها اخيامها

ويالسبي لازم نطوف
هذا قانون الطفوف
بالدمع

رفعوا رايات العزاء
استقبلوا طف كربلاء
بالدمع

__

https://www.tgoop.com/faqdalmawsawi

نهدي ثواب هذا العمل الى المرحوم
(سجاد ابن يحيى)

☜ بـسمـه تعـالى ☞

الـقصـيدة : سافر الماي
اداء : سيد فاقد الموسوي
كلـمات : حمزة الحسناوي

★★★★★★★★★★★★

حـسين .. يالرايح وعايف گلب خايف عليك من الهوى
من تنزل بحضن الشمس بعدك ولا اكومن ضوى
دخان صاير مو گلب گد ما بالفراگ انچوى
غير الدوه يطيب المرض ليش انه اغصن بالدوه

بالگلب صار جمر كون يضل ما يدگ
اليعرفون شني يصير اذا نحترگ
نار الدموع والخدود نهر من جرح
يا دوه يفيد اذا صار جرح على الحرگ
بيت وحشى وبابنه انسد .. الصبح لابس لون الاسود
امس هوسة اليوم محد .. ضال يمي
سافر الماي وانه وياي .. ضال دمعي

★★★★★★★★★★★★

ارسم صوركم بالدمع هذا اليحب من يبتلي
واكتب رسايل بالعكس عود انتَ لموديها الي
كثرن ترا لخافن انسل وجروحي كلهن من هلي
واليختنگ يندب علي وانه اقرب الناس لعلي
اشبگ الگاع والاثار خفت تلبسه
وجرح العزاز يخليك تحب الجرح
يغفى بلكي الله بألف يا علي
بس الاحلام تراويك هلك ع الرمح
امس يمي اليوم هضمه
گمر عمي وماكو ضلمة
وزينب نصيحلها يمه .. شلون چلمه
سافر الماي وانه وياي .. ضال دمعي

★★★★★★★★★★★★

خل تذكر عيون الچنت وياهن مگضي الزمان
هم جبتوا طاريي ويانا كون بهل سفر
عبدالله هم يذكر گبل من جنت اشيلة على الظهر
گالولي يحجي وكيفت معناها عبدالله كبر
وانه بليل اذا نام احاجي الدمع
تغفى مرتاح اذا صوت اهلك ينسمع
ذني الجروح البروحي كلهن عرف
يحرك بروحه ثاري خيط الشمع

والله لو ماخذني يمك
اسمي راح يشيل همك
غاد من تشتاگ لأمك تصيح بأسمي
سافر الماي وانه وياي .. ضال دمعي

★★★★★★★★★★★★

شوف على دربك ما رضى واتذكر ايامك گمت
ليش من اشوفنك گبل جان الوكت
بحلامي اسافر للظعن واتخيل وياكم رحت
هم انعم الله على الحلل لو كاطع بعيني متت
اول تالي اموتن بالفراگ ترا
عود اضل ليش والعزاز مشو بالسره
همه يدرون يموتون والضعون مشت
حب الحسين بالعيون شفت ينقره
امس دهن حسين شارد للصبح خليته كاعد
خله يمهم ماي بارد .. ما فهمته
سافر الماي وانه وياي .. ضال دمعي

★★★★★★★★★★★★

يا مغرب لياخذني الك واكعد واسولفلك الاصل
وابچيلك بگد ما چنت اكتب رسايلكم واضل
ردتك تصبر للگلب مو گلبي منك ينحرم
هي انه بس ثوب وعظم وفراگك يدگ بالعظم
اخر اخبار للحسين بدت تنطرح
گاموا هواي يجيبولي طاري الرمح
عني ماريد يردون هلي من الحرب
بس ردت كون يموتون عدل مو ذبح
اخر اخبار ثگيله .. سولفولي عَ الهزيلة
والله لو ميته العليلة .. ارحملها
سافر الماي وانه وياي .. ضال دمعي

★★★★★★★★★★★★

@faqdalmawsawi

[ بسمه تعالى]

القصيدة :- لو ماخدمتك
أداء :- سيد فاقد الموسوي
كلمات :- محمد البطحاوي

_-_-_-_-_-_-_-_-_-_-_-_-_-_-_-_-_-_-_-_-_-_

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

عجيب شلون الخادم ينكر صاحب نعمته
يكول صوت النغمه ابين العالم علته
غشيم الي ابدنيا كام وبدل خدمته

هو ماهو وانته حاضر
انته هسه وانته باجر

كل وجودي بجالك أنته
وبخدمتي انه تاجر

طحت ضامي عمت عيني وتدلل بالخدم
ويغطينه ابفيايه احنه وبناته ابلا خيم
على البايع جرح منكم فلا ينفع ندم

يالمنطيني كلشي وانه متعافي
ما راكض واخيتك وصلتك حافي

كل هذا الدلال ومره انساك
شفت الخير كله انه بخدمتي وياك

خادم. خادم.

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

يصير الماعاش الحب ليش ايسولف بالعشگ
اليشوف كل محبوبه ايطشره الحافر يختنگ
يصيح اليسمع شبوا خيمة زينب يحترگ

انته باقي وكلها لحضه
والخدمكم عالي حضه
كلشي يتحصل بديله
بس الحسين اشيعوضه

على عكس الخلگ كلها يعشگ المنذبح
التعب راحه يضل عنده على كبر الجرح
الخدم كلها تره ابراحه والحسين ابرمح

لو ماطيحتك ماضل بشر واكف
مثلك ابد واحد انه ما شايف

دنيا وآخره يحسين بحماك
شفت الخير كله انه بخدمتي وياك

خادم. خادم

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

تضيع لو باجر گضاك حسين وعاتبك
شتكول وعن كل زله وياه بالخدمه حاسبك
حرام اتعب واحد ما فديوم امتعبك

تدري باجر كلها يمه
والله خالق كلشي لمه

عنده خدمتنه اتسجل
وكلمن ايعرفونه بسمه

يهل خادم تره حسين انگطع من النحر
وعمر زينب خلص بالطف على التل والنهر
وعلى الهزل خذوا كوه ضعنها ابلا گمر

بوجهه ابيض يريت الخدمه نگضيها
موش انگول انه وهو راعيها

يگلبي حسين بين الناس علاك
شفت الخير كله انه بخدمتي وياك

خادم. خادم

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

حسين موش الشخصك النه يلوگ الكتل
حسين احنه الموته وانته وطفك عدل.
حسين عميان احنه وانته الصرتلنه الكحل

انته كوثر واحنه صحره
انته عالي واحنه ذره
دربك انته ابلا خساره
ياامير اتخدمه فقره

شنو الماي وتطلبه انته ينسمة فاطمه
بطرف چفك لون داعي ينزلك سمه
الرفع صيت الرمح راسك يبن حامي الحمه

گبال عيون زينب داسك الحافر
واطول ليلة چانت ليلة العاشر

عثرت بالچثث بس همها تلگاك
شفت الخير كله انه بخدمتي وياك

خادم. خادم

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

اكيد اليرتاح بهاي الخدمه ينغلب
تريد واحد كون ايحب الثاني من گلب
شجاك احنه بخدمه موش ابساحة حرب

وزعانه وهو ادره
هذا يلطم هذا يقره

الي يركض بينه زايد
يختلف عند الله اجره

العمر عندي بلا خدمه يصير ابلاطعم
نهر كون انحسب الهم ولا اصيرن سهم
الك بيه حزن دايم مثل حرك الخيم

يحسين اللزمكم ما تتركونه
وكل الناس لجلك من يقدرونه

كون ابكل وكت يحسين ننعاك
شفت الخير كله بخدمتي وياك

_______

@faqdalmawsawi

نهدي ثواب هذا العمل الى المرحوم
(سجاد ابن يحيى)