Ahmad Farg‘oniy nomidagi viloyat axborot-kutubxona markazi qayta ta’mirlanib, foydalanishga topshirildi. Ochilish marosimida soha xodimlari, keng jamoatchilik, yoshlar va kitobxonlar ishtirok etdi.

Tadbirda so‘zga chiqqan viloyat hokimining o‘rinbosari Sherzod Polvonov, O‘zbekiston Milliy kutubxonasi direktori Umida Teshaboyeva va boshqalar mamlakatimizda kitobxonlikka, axborot-kutubxona markazlarining moddiy-texnik bazasini mustahkamlashga qaratilayotgan yuksak e’tibor haqida so‘z yuritib, mazkur ma’rifat maskanini ko‘rkam va zamonaviy qiyofa kasb etgani buning yaqqol ifodasi ekanligini ta’kidlashdi. Viloyat hokimligi tomonidan amalga oshirilgan bu tashabbus kitobxonlarga o‘ziga xos sovg‘a bo‘lganligini e’tirof etishdi.

Fergana.uz|Facebook|Instagram|Youtube|X

Ahmad Farg‘oniy nomidagi Farg‘ona viloyat axborot-kutubxona markazida O‘zbekiston Milliy kutubxonasi direktori U.Teshabayeva tomonidan Farg‘ona viloyatining Marg‘ilon, Farg‘ona va Quvasoy shahar maktablarining 120 dan ziyod kutubxonachilari bilan “KITOB, KUTUBXONA va KUTUBXONACHI” mavzusida ochiq muloqot hamda mahorat darsi o‘tkazildi.

Shuningdek, Respublika axborot-kutubxona markazi direktori A.Gaziyev tomonidan O‘zbekiston Milliy kutubxonasida mavjud ilmiy bazalar, rasmiy sahifalar hamda avtomatlashtirilgan axborot-kutubxona tizimlaridan foydalanish bo‘yicha amaliy seminar o‘tkazildi.