بسم الله الرحمن الرحيم
اللهم صلِّ على محمد وآل محمد

(المحاضرة التاسعة والثلاثين)




«ما يلفظ من قول الا لديه رقيب عتيد»

-اكو حكيم سال ابنه گاله بني شنو اخبث شي بالانسان گاله اللسان گاله ها زين شنو اطيب شي بالانسان گاله اللسان عجيب شلون


هل الامر نوضحه بكلامنه ان شاءلله
📚الاخلاق والاداب الاسامية ص ٣٠


اللسان عضو من اعضاء الانسان وعضو مهم ومهمته، مهمة عظيمة وجبارةنفس الوقت

شوف شكد مهم هل اللسان ولهذا الله عزوجل،، جعل اله موظفين اثنين من ملائكته عتيد ورقيب. لكل انسان ملكين. طيب شلون اللسان اطيب شي بالانسان وشلون اخبث شي بالانسان


يعني العبادة، مثل الصلاة جزئها الاكبر من اللسان، يعني انته لوما هل اللحمه (اللسان) تگدر تتكلم مع الله، بما انه احنه مرينة بالصلاة سورة الفاتحة او السور القصار بالصلاة اذا قرائته لفظه يعني مو صحيح الصلاة بيه اشكال، لازم اتعلم القراءة الصحيحة.

فاللسان معبر،يعني يعبر عن مشاعرك عن احاسيسك عن غضبك يعبر عن حزنك، تعبر لله عن فقرك واحتياجك اله ، مو الامام السجاد
في دعاءالسحر يگله الحمد لله الذي اناديه كلما شئت لحاجتي واخلو به حيث شئت لسري بغير شفيع، فيقضي لي حاجتي.

فتعبر عن فقرك عن حاجتك مثل ما گلنه ، تقر بذنوبك، تطلب المغفرة بلسانك فلسان يترجم الاشياء الي بداخلك

مثل واحد يجيب جهاز مترجم من اللغة العربية الى اللغة الانكليزية.. دواخلك تضهر عله لسانك ، ممكن بلسانك بكلامك توصل للقمة، وممكن لا.



امير المؤمنين عليه السلام يقول : مغرس اللسان القلب ومستودعه الفكر،ومقومه العقل ومبديه اللسان وجسمه الحروف،ونظامه الصواب.

📚الاخلاق والاداب الاسامية ص٣٢

اكو ناس اصحاب فكر سليم اصحاب مبدأ ذولة ما يهتزون باي كلام مغلف، يوسف النبي عليه وعلى نبينا السلام، من اجت اله امراة العزيز وطرحت عليّ امور واشياء وحاولت ببعض الكلمات الحلوة تعرض نفسه، ويوسف رجل وشاب واعزب مو، وهاي زليخا امراة جميلة وصاحبة جاه ومنصب وصاحبة مال وجائت ليوسف باجمل ما يكون افراش حرير وكل مؤهلات الاغراء، يوسف شنو كله على هذا الكلام والفعل
يوسف گال جملة جداً راقية، قال معاذ الله انه ربي احسن مثواي انه لا يفلح الظالمون.
كلام يوسف مبدأ ايمانه وارتباطه بالله، هل الجملة عبرت النه مدى ارتباط يوسف بربه، يوسف كان يحچي عن امتنانه لله تعالى،يعني كانه يگول الله تعالى بعد ما اعطاني وهداني ورباني، اجازيه
بهل الفعل القبيح،، ولهذا تشوف يوسف طلب من ربه گله اللهي السجن احب اليه مما يدعونني اليه ... ليش، لان الكلام وحدة مو كافي، لازم تكون صاحب فكر وفكر عميق، يعني يوسف لو ساكت كان ما اله ذاك التاثير.



فاليوم البعض يتاثر ببعض الافكار المغلفة بعض المفاهيم المبطنة، من يجيبولك بعض الكلمات ويلبسوها ملابس اكلاسيكية
عل الموديل،البعض يتاثر ويصدك
ليش، لان قد يكون ما عنده فكرة صحيحة،عقيدته متخلله مو ثابته

يعني اليوم مثل مفهوم اللواط صار ينعم بمفهوم المثلية، ومفهوم السحاق ينعم بمفهوم المثلية، والناس مصدگة هاي الخدع الواهية والمزيفة
الي يرفضه العقل،
فطرة الانسان ما تتقبلها فضلاً عن ان الدين والشريعة رافضتهن.

يعني هسه شنو ممكن تقدم شريحة مثل المثلية للانسانية حته يتم قبوله كافراد بين المجتمع. اصلا مجرد التفكير تحس بالاشمئزاز اذا انت انسان فكرك سليم.
بالتالي احنه كلنه لازم نرفض هذا الفكر ونحاربه وما نسمح يدخل الى بيوتنه لانه اصبح ك الشبح
ما تحس الا وهو في بيتك
اعزائي تابعوا اجهزة ابنائك لا تخلوهم عرضة لهذه الافكار المدمرة، المنحرفين، دا خلهم تعبان ويحتاج الى ترميم.
اذن من هنا كان اللسان موضع عناية المشرع لان اله تاثير عله المجتمع.



نرجع للاية الكريمة
ما يلفظ من قول الا لديه رقيب عتيد


موسى النبي يوم سال ربه گاله اللهي اريد ارى خالص خلقك؟؛
قال له تعالى: اذهب لساحل البحر هناك تشوفه، يگول طلع موسى فشاف طير عله غصن شجرة ورگبته مايله للبحر، مشغول يذكر الله يسبح ويحمد ويهلل ما يفتر عن ذكر الله، موسى گله للطير شگد صار الك عله هل الحالة، گاله منذ ان خلقني الله، يگول صفن موسى انوب گله هم اتمنيت امنية؟ الطير گله اي تمنيت امنية وحدة، گله موسى وشنو هي؟
گاله اشرب من هذا البحر ولو قطرة!

هنا موسى تعجب! يعني ماكو بين منقارك والبحر شي ليش ما تشرب؟!
گاله الطير اخاف اشرب واخاف انشغل بلذة الماء فتمنعني لذة من لذة ذكر الله.

📚- الاخلاق والاداب الاسلامية ص٨١

بالنتيجة الذكر اله هواي واقع بنفس الانسان، وتاثير عله المخلوقات، يعني احنه نعرف الدنيا تلهي ومشاغله هواي، تخلي الانسان يسهو وينسه.... واحد صلاته تفوته وهو ما ملتف.


⬇️تابع.

هاي ذاك اليوم شفت برنامج يلتقون بالناس يسالونهم
اشوكت اخر مرة ذكرت صاحب الزمان، يجاوبه يگل ما اذكر يمكن قبل سنة، واحد لاخ ما اذكر اشوكت... ليش هيج بعيدين عن ذكر صاحب الزمان، ذكر صاحب الزمان هو ذكر الله.

والذين يذكرون الله قياما وقعودا
وعلى جنوبهم ويتفكرون في خلق السموات والارض

يعني البعض يشتكي مخنوك، صدري مقبوض، القران يجيب

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ

عيشتك تصير صعبة امورك ما تتيسر لان بعيد عن ذكر الله
الا بذكر الله تطمئن القلوب، الذكر يخلي القلب يشعر بطمئنينة.


(اسمعي هاي الرواية)

ينقل احد الموثوقين، يقول كنت متعود عله الصلاة على محمد وآل محمد ما ينقطع اللساني منه، ويوم كنت بالحسينية اسمع لخطيب گال، يوم القيامة ينادي منادي اين قراء سورة الاخلاص فيؤمر بهم الى الجنة، فقررت اقرا الاخلاص بدل من الصلاة على محمد وآل محمد وبدات بيه..
يگول بعالم الرؤيا شاهدت نفسي وكانه اني بيوم القيامة والناس صايرة طوابير طوابير... واكو طابور طويل هواي والناس واگفين ينتظرون يدخلون للجنة
فسالت شنو هذا الطابور ومنو ذولة
كالولي هؤلاء الي يقرؤن سورة الاخلاص منتظرين اذن الدخول للجنة. يگول اني اجيت ووكفت وياهم باعتبار هو بدل ذكر مالته من الصلوات للاخلاص.
فجائني ملك، قال انت مو هنا مكانك روح لذاك الطابور... يگول باوعت شفت طابور قصير جدآ
والناس قليل ويدخلون بسرعة.. يجي واحدهم ركض يدخل.. فرحت وياهم.

📚 الاخلاق والاداب الاسلامية ص٧٦

بالنتيجة ذكر محمد وآل محمد
يفرج الهموم يكشف الغموم
ويزيد الحسنات ويمحو السيئات
وفي كثرته،تجي زيادات من الخير بالدنيا والاخرة.وكل مسجل بكتاب لا يغادر صغيرة ولا كبيرة
فلازم المؤمن يكون دائم الذكر لله
مسلم اموره لله، حته الله يحفظه يبعد عنه السوء.




فالامام الحسين عليه السلام في عاشوراء عندما نظر إلى جمع الاعداء كأنّهم السيل المنحدر، رفع يديه بالدعاء قائلاً:
" اللهم أنت ثقتي في كلّ كرب، ورجائي في كلّ شدّة، وأنت لي في كلّ أمر
نزل بي ثقة وعُدّة، كم من همّ يضعف فيه الفؤاد، وتقلّ فيه الحيلة، ويخذل فيه الصديق، ويشمت فيه العدو، أنزلته بك، وشكوته إليك، رغبة مني إليك عمّن سواك، ففرّجته وكشفته، فأنت ولّي كلّ نعمة، وصاحب كلّ حسنة، ومنتهى كلّ رغبة "

وأقبل القوم يجولون حول معسكر الحسين عليه السلام وينظرون إلى النّار تضطرم في الخندق، فنادى الشِّمر بن ذي الجّوشن بأعلى صوته: يا حسين، تعجلتَ بالنار في الدنيا قبل يوم القيامة.

فرفع الحسين عليه السلام رأسه قائلاً:
" من هذا؟ كأنّه الشِّمر بن ذي الّجوشن؟ "

فقالوا: نعم.

فقال عليه السلام :
" .. أنتَ أولى بها صليّاً "

فقال له مسلم بن عوسجة: يا ابن رسول الله، جعلتُ فداك، ألا أرميه بسهم؟

فقال عليه السلام :
" لاترمه، فإني أكره أن أبدأهم بقتال "

وجاء رجل من بني تميم يقال له عبد الله بن حوزة، حتى وقف حيال الحسين عليه السلام ، فقال له: أبشر يا حسين بالنار!

فقال عليه السلام :
" بل أُقدم على ربّ‏ٍ رحيم وشفيع مطاع.



واما عن حال مولاتنا زينب عليها السلام وكاني بها
تخاطب اخيها الحسين بعد مصرعه.


شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس


بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ


ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول

*---------------------

*تمت المحاضرة بقلم*
*خطيبة المنبر الحسيني*


*✍ام فاطمة الشويلي *

*لا اجيز حذف الاسم*

--*-------------------*النعي بقلم
✍خـادم الـحـسيـن ع
الشاعر رعد الجريخي

https://www.tgoop.com/fatame00

بسم الله الرحمن الرحيم

اللهم صلِّ على محمد وآل محمد

(المحاضرة الاربعون)


(يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ)



✍بقلم ام فاطمة الشويلي.

📌بعض الأمم سابقاً كانت عدهم تصورات عن المراة قاسية، لم ينصفوها للمرأة. كان يعتبروها مخلوق ناقص مخلوق مو متكامل، نظرتهم اتجاة المراة،يعني عدهم المراة فد.شي هامشي لا يستحق الاحترام والتقدير، تعاي نشوف شنو هاي التصورات، بعضهم يگول ان الله خلق المراة من اجل الرجل! يعني لولا وجود الرجل بالحياة ماكو معنى لوجود المراة! بمعنى ادق هي وجودها بالحياة بس علمود الرجل، هسه ما اعرف؛ يقصدون؟ يعني قصدهم حته تلبي رغباته
لو تخدمه، عله كلاً، بعد
يكولون المراة لازم اطيع الرجل في كل صغيرة وكبيرة، صح خطأ، المهم تمشي وراه وهي مغمضة،
هسه احنه نجي نشوف هل الكلام صحيح لا، نعرضه عله الروايات ونشوف صدقه من كذبه،
جيد..


(ينقل.. جاءت امراة الى رسول الله صلى الله عليه وآله، قالت يارسول الله ما حق الزوج عله الزوجة، قال : ان تطيعه ولا تعصيه، ولا تتصدق من بيته الا باذنه، ولا تصوم تطوعاً الا باذنه؛ الى نهاية الحديث..)

- هسه البعض يفسر هذا الحديث عله مشتاهه احنه ماالنه علاقة بي
احنه نباوع للحديث من ناحية الشريعة الإسلامية، يعني نريد نفهم بشنو لازم اطيع المراة زوجه
تكول الشريعة عله الزوجة ان تطيع الزوج بامور.. تطيعه مثلا ، ما تخرج من داره الا بعلمه، واحنه نعرف الحديث من خرجت من دارها بدون علم زوجها لعنتها الملائكة الى ان ترجع
بعد، الزوجة لازم اطيع الزوج، يعني تلبيله رغبته نومته مو، يعني مسالة التمكين تمكنه من نفسه ، وقد يكون هذا اهم امر بالاطاعة يعني يعتبر حلقة ربط بين الزوج وزوجته.
لكن الزوجة اذا كانت مريضة، يعذره الشرع يوكف وياهه لحد ما تتعافه


بعد يگول، ولا تتصدق ولا تصوم تطوعا يعني مستحب مو واجب ، ذني كلهن نمر بيهن ان شاء الله ونوضحهن،
هن ذني الي الزوجة لازم اطيع زوجها بيه، لكن للاسف اكو اشياء غلط.. يعني بعض الزيجات نشوفه طالعة بملابس بالگوه مدخلته،ضيقه، لو قصير لو خفيف يلالي، الحجاب طالع نص شعرها
يعني ملابسه مو مال امراة محتشمة عفيفة مفصله تفصال، خلاصة.. عرض تام وتفصيل ممل للجسده ولجاي والرايح يستمتع بالنظر لهل الزوجة
فهاي من توجه اله سؤال، شنو هل الملابس تكلك زوجي يريدني اطلع هيج، هو قابل انتم شعليكم، هذا زوجي ولازم اسمع كلامه واشوفه شنو يكول وانفذ، خو هاي خربطة واضحة وضحك عله عقول السذج، لا طاعة لمخلوق في معصية الخالق، هسه هذا الكلام بي جوابين، احنه نوجه نداء للرجل ونداء المراة

اولا : المراة العفيفة الي تربت عله الاحتشام تربت عله الالتزام ما يجي زوج او اي كان يخليه تغير مبادئها وقيمها الاخلاقية فضلاً عن ادبه الإسلامي، لكن هذا تهاون ، والقران هنا يوضح
يكول زين لهم الشيطان اعمالهم،، بالنتيجة هاي خدعة من خدع الشيطان.



- والنداء الثاني نوجه للرجل،
نكله هذه المراة الله جعلها حليلة الك خاصة بيك، انت ليش هيج،تخلي الجاي والرايح يباوعلها ،غيرة ماكو، واحد عنده ملك خاص يحوله عام ليش عجيبة، الغيرة وينه؟! الرجل اذا انزعت الغيرة صار، اشبه الحيوان. ياهو اليجي يستمتع ،، انت انسان والله كرمك ليش تهين نفسك وتتراجع؟!


_ الرجل الي ما يغار عله عرضه شنو فرقه عن الحيوانات، الحيوانات بالغابات ذكر وانثى، بالنتيجة الرجل ما يصير يعرض زوجته ك سلعة رخيصة لعيون الرجال، الزوج الي يحب زوجته يحرص عليه يحميها هي هاي شيم الرجال، فكون يلتفت الي رايح زايد بقصد التحضر والموديل وما اعرف شنو، هاي اكذوبة خدعونه بيه واحنه صدكناها.

📌القران الكريم تبيان لكل شي، يعني يبين الامور الغامضة، او الامور الي تختلط علينه.. تارة الحكم واجب، وتارة الحكم المستحب.
- السيدة اسيا زوجة فرعون، اسيا كانت تعاني من ضغوطات بحياته مع زوجه فرعون الكافر، فرعون مثل ماتعرفون دينه مختلف عن اسيا و منهجه مختلف عن منهجها ، فاسيا كانت تعاني اشد عناء من زوج متكبر وظالم.

لكن اسيا كان عليها واجب شرعي اتجاه فرعون، واجبها الشرعي يحتم عليها تتطيع فرعون
ك زوج من جانب، ومن جانب اخر لا تطيعه، وتعصيه، وكلنه هل زوج ظالم ومتغطرس وصاحب سلطة
اسيا طبعا احد المبشرات بالجنة يعني عله درجة عالية من الايمان
تعرف شلون تزن الامور تعرف هل الامر بيه مصلحة تتبعه وهل الامر بيه مفسدة تتركه.

الي اريد اكوله، هاي المؤمنة الي تكول زوجي يكلي لبسي ضيق وزوجي يكلي لا تصومين وزوحي يكلي لا توصلين امچ ابوچ
نكله شوفي اسيا بنت مزاحم شلون اتعاملت مع زوج كافر همجي ومتعصب
شلون كانت تخفي ايمانه ومرتبة وضعها المراة المؤمنة تعرف شلون توزن امورهه وترتبه

تابع ⤵️

«نرجع للاية الكريمة»

طبعاً المراة غالبا ما تكون مضطهدة في كل زمن، دائماً هي الجزء الضعيف، الا ما ندر كما نقل لا يكرمهن الا كريم ولا يهينهن الا لئيم.

الحقيقة بعض الشعوب والقبائل، يشوفون المراة الويل، يعني اذا اراد الرجل السفر، يروح يشد خيط
بجذع نخلة ليش؟ يكولون فاذا رجع تفقد الخيط اذا وجده مفتوح هذا مؤشر ودليل عله خيانة زوجته واذا لا، معناها زوجته ما خانته.
الحقيقة مثل هل النظريات تدعوا الى السخرية شنو خيط يتحكم بمصير انسانة؟! هذا تقليل لقيمة الانسان.

بالنتيجة الاسلام وتشريعه يريد يغير ويقلع كل هاي المفاهيم
هاي اوهام، هاي تدمر المجتمعات
تصنع ويلات

( اتفضلي هل الرواية)

ينقل رجل متهور ما يستعمل عقله،هذا دخل لداره ما وجدت زوجته، فتخيل خيانة زوجته، گبل اساء الظن،شك بزوجته وكام يفكر باشياء ما اله وجود، ما اله صحة راح يفتش باغراض زوجته، بغرفته، فوجد رسالة غرامية جايه من رجل اله!

- هو منا تفكيره مو منطقي ولكه دليل اوهم نفسه بي، شد رايته مثل ما يكولون وحظر سكين حته يقتله بعد اشويه اجت الزوجة
دخلت للدار باوع عليه، والشر والغضب بعيونه، كام حط عليها وقتله. يعني ما امهله حته ادافع عن نفسه ما كلف نفسه يسمع منها
بعدها راح خَبر اهلها، گلهم بتكم كذا وكذا فعلت واني قتلته. الاهل بدون دليل صدكوا الحادثة، ولا من مغيث يغيث هل المراة بشرفها يغيثها بسمعته.

عالعموم وره يوم يومين من الحادثة، رجع هذا المتهور يقرا بالرسالة من جديد، واذا بي يتفاجئ انه الرسالة كانت مو لزوجته،كانت لوحدة صديقة زوجته.


-كام يكرر القراءة كل اشويه عساه يطلع غلطان ماكو فايده صديقة زوجته مخليه هل الرسالة امانة يمها، و مو بس هاي اتذكر
زوجته لا تقرا ولا تكتب.. يكول ندم ندم شديد.. لكن الله ينصر المظلوم ولو بعد حين..

ينقلون بعد ايام..
هذا اصابه الم شديد بذراعه الايمن راح للاطباء، حاول راد..عالج.. الالم ما خف..وتالي قطعوا وصلت لحم من ذراعه وهم ما فاد.

اذن، ماكو فرق بين عقل الرجل وعقل المراة، كلاهما واحد.، الفرق بالتقوى الفرق بالايمان،ايهما اصلح،ايهما اقرب لله .. اسيا امراة لكن ضرب الله بها مثل في كتابه الكريم
وهذا المتهور رجل، لكن سيعاقب عقاب عسير عله قتل النفس البريئة.

فشوفي الشك وين يوصل الانسان
لازم الانسان يفكر يستعمل عقله.

والا هاي النتيجة...

🔹-اذن ماكو فرق بين عقل الرجل وعقل المراة، كلاهما واحد الفرق بالتقوى الفرق بالايمان،ايهما اصلح ايهما اقرب لله .. اسيا امراة لكن ضرب الله بها مثل في كتابه الكريم
وهذا المتهور رجل، لكن سيعاقب عقاب عسير عله قتل النفس البريئة.

✍ *تمت بقلم خادمة العترة*

*خطيبة المنبر الحسيني*

*ام فاطمة الشويلي*


https://www.tgoop.com/fatame00

تقرير بقلم خطيبة المنبر الحسيني ام فاطمة الشويلي



س/ هل ضرب الشمر السيدة زينب عليها السلام في واقعة كربلاء وهي على جسد اخيها.


•-لم يثبت ذلك في مفروض السؤال.

*المصدر مركز الابحاث العقائدية*
*الذي تحت رعاية*
*المرجع الكبير السيد علي السيستاني دام ضله*



•- توجد في بعض الروايات ان السيدة ضُربت في واقعة كربلاء
ماذا تقولون في ذلك.
على اعتبار ان بنوا امية، أُناس وحشيين وليس لديهم حرمة وقدسية لاهل البيت فضلا عن بنات الرسالة...
ف ناس مثل بنو امية قتلوا ريحانة رسول اللّه صلى الله عليه واله ومثلوا به، ايهابون اخته السيدة زينب الكبرى او يقدسوها او حتى انهم يعطفون عليها، وهم بكل هذه الوحشية.

البعض يستبعد هذا...!


•-يقول الباحث الاسلامي الشيخ عقيل الحمداني دامت بركاته
في احد لقائاته.
👇انظر الرابط

https://youtu.be/hoRAOFrnRdI
-----------------------


•-كما نقل السيد محمد كاظم القزويني.

في كتابه، زينب الكبرى من المهد الى اللحد.

•-ففي ساعة الهجوم على الخيام كانت النساء تلجا الى السيدة زينب

وتخفي انفسهن خلفها، وكان الاطفال ايضاً يفزعون اليها ويتسترون ورائها خوفا من الضرب بالسياط والعصي
فكانت السيدة زينب عليها السلام تحافظ عليهم على النساء والاطفال كما يحافظ الطير على فراخه......

فتجعل جسمها مانعا من ضرب النساء والاطفال وقد اسود ظهرها في مدة زمنية قصيرة بسبب الضرب المتوالي.


هذه الرواية، التي ينقلها السيد
طبعاً من عدة مصادر، انها كانت تحامي عيالات الحسين عليه السلام، فيقع عليها الضرب.


ما اريد قوله
هناك من يقول بتصوره، ونحن لا ناخذ بتصورات الناس الطبيعين البسطاء،
الذين لم يتكلموا عن دراية واطلاع تاريخي.

لا يجوز تفسير الروايات حسب تصوراتنا .

اليوم رايت الكثير من ((الملالي)) من تفسر على حسب تصورها!!

-•انتم مثل ما تنظرون الى خطباء المنبر، بان كلامهم حجة، النساء كذلك تنظر اليكن، بان كلامكن حجة فانتبهوا الى الصغيرة قبل الكبيرة.

•-كما ابلغ الاخوات المهتمات بنقل الامانة التاريخية، ان يطالعوا قبل نقل اي حدث تاريخي.




✍بقلم خطيبة المنبر
*ام فاطمة الشويلي*

بسم الله الرحمن الرحيم

اللهم صلِّ على محمد وآل محمد


(المحاضرة الواحد والاربعون)


(وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ)




-*اهل مكة العرب كانوا يرسلون ابنائهم للبادية لاجل الرضاعة
عله اعتبار مناخ جو القرى افضل من جو المدينة، يعني الطفل ينشئ صحيح البدن خالي من الامراض
ومن ناحية اخرى، العرب البدو معروفين بشجاعتهم واصالتهم
فهذا يتربى عله الاخلاق النبيلة.

يعني كان معروف العربي اذا وعد. اوفى بوعده، اذا اؤتمن ادى الامانة، يكون صبور يتحلى بالحلم.

- فمن اجل اكتساب هاي الصفات الحميدة ترسل قريش ابنائه للرضاعة في البادية؛ وهذا ايضا ينطينه انطباع بان الرضاعة اله دور في نشاة الانسان، اذا كانت المرضعة صاحبة فطرة سليمة، صاحبة اخلاق، صاحبة دين.

الجنين يكتسب منه. هاي الصفات الكمالية الي تدل عله شجاعة الانسان.

ف احنه اليوم بعضنه ما مفتهم الشجاعة شنو، او مفتهمه غلط.
يعني افرضي الاب الام يربي الولد الي يضربك وحدة ردهه عشرة
يفهمون الطفل اذا تمشي بشارع لا تخلي طفل ما تضربه صير سبع! لا تصير جبان، مفهوم الشجاعة،يصير عند الطفل هو السب و
الشتم، الضرب والعداوة!
فتترسخ هاي الفكرة عند الطفل، انه

لازم اخلي الاطفال بالشارع كله تخاف مني... عجيبة عبالك احنه عايشين بغابة. القوي ياكل الضعيف.

وهذا مسكين الطفل، بعد فترة راح يبدا يعاني من سلوكه هذا، تصير عنده اضطرابات نفسية ، لان الاطفال ما يقبلون يلعبون وياه، اكيد. لان هو الوحش المفترس بالنسبة الهم، منو يتقبله؟! سلوكه كله عنف تصرفاته اغلبها هجومية.

فمن هنا تصير العقد النفسية عند هذا الطفل وينشى ويكبر وهو يحمل العداوة والحقد والكره للمجتمع. والله وحده الي يستر من يكبر.

ليش لان العصبية هذا دربه، تاخذ الانسان للشتم، ويتعلم عل السبات
وروحه متنرفزة، وهذا الشتم مثل دين
يعني المشتوم يگله للشاتم تعال اني اطلبك.. وهاي نبقه بهل الدوامة ، ما نگدر نعيش السلام الروحي، اصياح وشد اعصاب
والدنيه مشحونة.. يعني الطفل الي عايش بهيج اجواء مشحونة
حتما راح يتاثر بسلوك،الوالدين

يشوف الاب الام، اشبه بالنار جوه الرماد، بس تهفيله، يشتعل، يگب.
خو اذا صعدت عنده لا توكف گباله..!

طبعاً الغضب والعصبية مشكلة كبيرة، لان الانسان يفقد التحكم بافعاله بعقله، ما يسيطر عله اللسانه ، لا عله ايده، بحيث لو تجيب كاميرا وتصوره، وره ساعة اذا تشوفه هل التصوير، ينصدم.

سب وشتم وصياح، العقل واگف، طبعاً الناس الي يفقدون التحكم بغريزة الغضب، ناس ضعيفة... لان الهدؤء والتصرف بساعة الغضب بتاني يدل عله حكمة الانسان يدل عله رشد هل الانسان.


-* الامام السجاد عليه السلام
ضافوه جماعة اشخاص، فامر غلمانه گلهم جهزوا الطعام، واشوو اللحم، راح احد الغلمان يحضر اللحم عل النار، فوقعت قطعة حديد حامية عله احد اولاد الامام كان طفل صغير ومات بساعته.

الغلام خاف ارتعب شلون انقتل الطفل ابوه، شلون، امه شلون؟ اجه كدام الامام، عاين اله الامام، الغلام گال للامام
والكاظمين الغيظ، الامام گاله كظمت غيظي، گاله والعافين عن الناس، گاله عفوت عنك، گاله والله يحب المحسنين، گاله اذهب انت حر لوجه الله تعالى.
الحقيقة المسألة مو سهلة، شخص قاتل ابنه گباله حته وان كان مو متعمد وخطأ.

يعني احنه لو ناخذ موقف قتل ابن الامام علي السجاد عليه السلام
وموقف الامام.. ونعرضه عله الي جاي يصير ويانه اليوم ، اذا شخص ابنه افرضي انقتل بالخطا. شنو راح يسوي الاب، شنو راح تسوي عشيرته، جيب الفصل وودي الفصل، واذا يخاف الله سبحانه
يكتفي بالدية الشرعية، يعني ارجوچ الامام ما كان يعرف الدية مثلا، يعني الامام هو اصل التشريع.

لكن گلنه الحلم والصبر
والتحلي بالصبر هاي شجاعة.
فكانه تصرف الامام يگول. مو من تكسر وادمر؛ وتصير صاحب عضلات، انت شجاع لا، هاي مو شجاعة تربي ابنك عله روح الانتقام والعداوة ويكره الناس وما يعرف يعيش ويتعايش مع الناس بسلام، الحلم والعفو هاي صفات الانسان المؤمن.


📌انت بهاي المواقف تثبت قوتك وشجاعتك الايمانية وتعلم ابنائك التسامح روح كبيرة.العفو عند المقدرة كما يقال.

-* يعني البعض هواي متقيد بالواجبات والمستحبات وتارك هاي الامور.
((هاي للطرفة))

اكو امراة فاسقة وطالعة من الطريق اجلكم الله. استوقفت رجال متدين بالطريق كالتله يا فلان اني ظاهري وباطني نفس الشيء (شي واحد) يعني كانه تكلي الناس تعرفني فلان المنحرفة
المبتعدة عن الله لا صلاة لا صيام
خوف من الله ما عندي، فظاهري وباطني واحد.

بس المشكلة انت المتدين الي الناس تعرفك بصلاتك وصيامك وووالخ،
باطنك مثل ظاهرك، لو بس حچي...
يگول هذا ضل يتامل ويفكر بكلامه شافه عميق، فيذكر انه دخل داره وما خرج منه الا جنازة.
يعني ما طلع من داره الى ان مات.

-• بالنتيجة المؤمن خل اشويه يفكر هذا الي ياذي جاره ، او الي علاقته بجيرانه مو حلوة ، جاره صايح الغوث منه.
لكن علاقته مع السجادة حلوة
علاقته مع السبحة حلوة.

نگله راجع نفسك التفت، انت مجاي تسوي تطبيق لشروط العبادة، العبادة بيه شروط...
العبادة اتكبر العقل، توسع روح المسلم ما تخلي روحه ضيگه،
العبادة الحقيقة تخليك متسامح ومتصالح مع نفسك ومع الآخرين.
حتى وان كانوا ناس ماذينك
متعدين عليك ماكلين حقك
هذا مروان بن الحكم من الد اعداء الامام علي واولاده. هواي اذى الامام علي والحسن والحسين والامام السجاد عانى منه اشد معانات...

-* لكن لما ضاگت بي السبل التجئ
للامام السجاد والامام وگفله.
طبعاً بعد واقعة كربلاء؛
الناس سوت حركة اعتراض مسلحة،ناس طلعت مسلحة ضد سلطة يزيد...صارت غوغاء، وشردوا اغلب بنو امية، مروان كان عنده زوجات واطفال فحار

وين يوديهم، راح لكبار المدينة يطلب مامن ما حصل مامن ، الجميع طرده يأس، ف التجأ للامام السجاد، والامام ما قصر وياه زوجته واطفاله اجوا كلهم تحت رعاية الامام السجاد عليه السلام

📌طبعاً يذكرون بهذه الاوضاع اكثر من اربعمية امراة وطفل دخلوا في حصن ورعاية الامام انذاك.

كما يذكر لما انتهت الفتنة.. گالت احد النساء، والله ما عشت مستقرة في حياتي كما عشت هاي الفترة في ضل الامام السجاد عليه السلام.

اذن؛ والكاظمين الغيظ والعافين عن الناس، هذا هو دليل عبادتك
اعزائي الدين سلوك، مو نظريات
تدرس في الحوزات، الدين سلوك
من يجيك الموقف وتعفو وتسامح
وانت گادر عله الانتقام واخذ حقك هو هذا الدين.


*انتهى*

تمت ✍ بقلم خادمة العترة


*خطيبة المنبر الحسيني*

*ام فاطمةالشويلي*


📚قصص وعبر ص٢٣٠
نفس المصدر ص٢٣٤

#لا_اجيز_حذف_الإسم.



https://www.tgoop.com/fatame00

السلام عليكم
لا اجيز للشاعرات طبع محاضراتي بكتبهن من هذا العام وصاعدا.