ديوان مصائب الزهراء ع الجزء الاول
https://youtube.com/watch?v=e7LxAGGs26k&feature=share

قصيدة لاولاد مسلم ع متوفرة في ديوان مصائب الزهراء ع بصوت المبدعة ملا خدي...
https://youtube.com/watch?v=w76W1ndruCo&feature=share

نعي للاب بصوت الملا خديجة القاسمي وكلمات الشاعرة فاطمة علي الحلفي
https://youtube.com/watch?v=4tK6fN7z-qE&feature=share

تلحين قصيده آيالهلال متوفرة في ديوان مصائب الزهراء ع بصوت المبدعة ملا خد...
https://youtube.com/watch?v=5y2hX-HjsWc&feature=share

تلحين قصيدة للعباس ع من ديوان مصائب الزهراء ع
https://youtube.com/watch?v=mlJX3W6E-dQ&feature=share

قصيدة للشباب بصوت الملا خديجة القاسمي وكلمات الشاعرة فاطمة علي الحلفي
https://youtube.com/watch?v=IhwInV5kbYA&feature=share

*من ديوان مصائب الزهراء ع الجزء الاول*

فزاعية سريعة لليوم الاول

عالضامي عزانه اليوم
واللطمه حسينيه

لبن الزهرة ونتنه
ايحسين صرختنه
قصتك والله اذتنه
يامحروم الاميه

هذا الماتم انصبناه
اعلة امصابك الف ويلاه
يومك ابد ماننساه
نبجي اعليك يوميه

موبس نبجي ابعاشور
يومية ندگ الصدور
نذكر راسك المنحور
ونلعنهم بني ميه

نلعنهم الف لعنه
يظل يسيل مدمعنه
الصابك حيل فاجعنه
وخلة الروح محنيه

نجدد كل سنة ذكراك
الشيعة يالولي تهواك
نبجي ونلطم وننعاك
عليك العين معميه

لو تعمة العيون اعليك
مانتعب نظل نرثيك
بالدم والولد نفديك
ونواسي العلويه

نواسي فاطمة البضعه
بمصابك يبو التسعه
وياها نهل دمعه
ولطمتنة جماعيه

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيده لبدايه محرم

كرب عاشور خل نتحزم احزام
نون اعله الذبيح ونلطم الهام

واجب نستعد ليوم عاشور
عالهامه ندك وفوك الصدور
اليبجي اليوم عالمظلوم ماجور
عالغبره بقه مطروح ايام

يحله النوح للماشاف تغسيل
نايم عالتراب ودمه ايسيل
واتكسرت اضلوعه ابحافر الخيل
ونبتت بالصدر اشكال الاسهام

تحضر بالمجالس امه وتنوح
وتنادي اوليدي مات مذبوح
كل ونه تونهه تذووب الروح
حكهه الوالده والله متنلام

حكهه لو بجت واتهل الدموع
عمت عيني وتدك فاطم عالضلوع
ياكلب الزجيه اشكثر موجوع
عالعاف العقيله وعاف الايتام

واجبنه يشيعه بشهر الاحزان
نعازي فاطمه وحيدر الريسان
حسين مصيبته بجت الاكوان
ماننساه ابد ليه احنه خدام

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيده محاوره بين العليله ع ورقيه ع بصوت المبدعه ملا خديجه القاسمي وكلمات...
https://youtube.com/watch?v=UysgY7oLwu0&feature=share

#حصريا من ديوان مصائب الزهراء ع متوفر في جميع محافظات العراق

مربوعة او فزاعية جنوبية للعباس ع (بساع ودعنة)

وگومن والكفيل ...ابساع ودعنة
هذا اخر وداع وماتشوفنة

گومن ودعنة ياعزيزاته
لو عنچن مشة ميرد يخياتة
تشتاگن ترا لصوته وضحكاتة
وتدورن عليه وما تلاگنة
(لوراح الكافل شيعودة)

لوراح البطل مالة بعد جية
يازينب تعاي ابساع ياخية
ويارملة ويليلة وبوية يرقية
وياسكنة ويچلثومة دلحگنة
(هالليلة اعليچن ميشومة)

هالليلة گصيرة وحيل ميشومة
باچر اسود وماينحمل يومة
اخوچن عالشريعة تنزف ادمومة
اسهام البين بعيونة يصيبنة
(ويتغسل من فيض دمومة)

ملن شوفچن خوية من اعيونة
باچر بالسهم شوفة يطفونة
وچفة الگوم ياوسفة يگطعونة
ينام اعلة الشريعة ومايعود النة
(وهناك ايظل تغفة عيونة)

شمن منحرة وايديه حبنهة
ودمعتچن علة الخدين هلنهة
ماجورات والونة دعلنة
باچر والوجه كلچن تلطمنة
(الگلبة احنين مضيعاتة)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

المبدعه ملا خديجه القاسمي وكلمات الشاعرة فاطمة الحلفي
https://youtube.com/watch?v=v7ewplAVGe0&feature=share

بصوت الملا خديجه القاسمي وكلمات الشاعره فاطمه علي الحلفي
https://youtube.com/watch?v=E8TmTuubYJk&feature=share

تلحين قصيدة للعباس ع من ديوان مصائب الزهراء ع
https://youtube.com/watch?v=mlJX3W6E-dQ&feature=share

الامام الحسين ع وهو يروي ذهابه لمصرع العباس ع

رحت ليه المصرعه. شفت اديه مگطعه
راسه مصيوب ابعمد. صاح ادركني اسمعه


حافي للحومه اركضت. چني اسمع ونته
وصلت يمه وباوعت. بدمه غرگت جثته
آه ياخويه صحت. اگعدت اقبل هامته
دمه جامد عالوجه. وكل جروحه توجعه

عمت عيني يالاخو. حالته اتبچي الصخر
طاح حيلي بطيحته. وگلبي وظهري انكسر
بعد تدرون اشفت. سهم طفاله النظر
نابت ابعينه وحرت. شلون بيدي اطلعه

حالته اتفت الگلب. آ يخوي ومنظره
بعد ايديه اديه. . عالتراب امشمره
حرت وين انطي الوجه. بيش اضمده واجبره
ردت اشيله للخيم. ويم خواته ارجعه

بحضني راسه ويحتضر. وچن يحاچيني ابهمس
گلي وصلي سلام. لزينب وضاگ النفس
لاتگلهه ابطيحتي. خاف اخيتنه تحس
بموتي خافن تنفجع. اعليهه صعبه الفاجعه

خلني ابحضنك اموت. گلي بحسره الحنين
وعدت سكنه ترتوي. لاكن انگطعت الادين
لاتردني للخيام. خلني اهنا ياحسين
هاي هيه وصيته. گال ويهل مدمعه


*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

لسان حال سيدتي ومولاتي زينب"ع"في طريق المسير وهي تخاطب الامام الحسين"ع"

راسك عالرماح وعيني اتشوفة
وانة عالهزل وايدية مچتوفة
*گلبي ينهظم حيل ...خوية ودمعتي اتسيل*
روحي اشگد الك يحسين ملهوفة
راسك عالرماح وعيني اتشوفة


خانگني الحنين وروحي مشتاگة
اول مرة هيچية احنة نتلاگة
اشوفنك ولاكن من على الناگة
گلبي ماكو مر ياخوية ماضاگة
*اباوعلك على ارماح ...وگطّع گلبي النياح*
وروحي اشگد الك يحسين ملهوفة

خانگني اشتياقي وحيلي فاگدتة
بالطف الدلال وياك ودعتة
هسة انة غريبة والبچي سكتة
وذباحك ينور اعيوني رافگتة
*جسمك ظل عالتراب ...وانة بولية اجناب*
وروحي اشگد الك يحسين ملهوفة

كون اگعد وياك واشكي الحال
ولامرة غيابك هاكثر طال
صوتك مااسمعة ماهي بالبال
چنت اترافگ اختك مثل الخيال
*يالمن زغري وياك ... حن گلبي لحچاياك*
وروحي اشگد الك يحسين ملهوفة

احس بيك انة وادري ياضوة العين
شگد گلبك علية يالولي احنين
يخوية والدليل اتجر الونين
تدري من الضرب متورمة الايدين
*حتى وانت مذبوح...عينك صوبي متروح*
وروحي اشگد الك يحسين ملهوفة

اشوف اشگد علية دارت عيونك
ومن گد الخجل هالمنخطف لونك
تعاين حالتي مهظومة من دونك
تگلي سامحيني وذابلة جفونك
*چن تگلي صبري... والي مشتاگ ادري*
وروحي اشگد الك يحسين ملهوفه

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيدة للامام السجاد عليه السلام

*اه يالوعة مصابي شلون اهيد*
*ولسة اذكر والدي الذبحوه شهيد*

والله ماانسة الجرة بطف كربلة
من بقة المظلوم ما واحد الة
وذبحتة الگوم وبقة بحر الفلة
من القفا ياناس گطعولة الوريد

شفتة ذاك اليوم مرمي عالثرة
وجثتة بحر الشمس متوذرة
اضلوع صدرة ويلي كلهة مكسرة
منة ماسالم ضلع لاحتى ايد

حتى من ايدة اگطعولة اصبعة
الخنصر الضاع ابفجيعة مصرعة
من رحتلة وجسمة بيدية اجمعة
ابقيت ادگ عالراس وبوني ازيد

مصايب المرت علية مو قليل
من خذونة لليسر وانة عليل
گبالي ركبو عمتي فوگ الهزيل
ومن دخلنة لمجلس الطاغي يزيد

هالاجاني الموت وانة ابياوضع
حسرة خنگتني وعمة عيوني الدمع
مانسيت احسين من ظل منصرع
ولانسيت اهلي واخوتي والعضيد

اخ منك يازمان شهالمحن
ماسلم منك بزر ام الحسن
شگد مصايب علة العترة تكاثرن
عتاب وي هذا الزمن لامايفيد

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

لطمية لام البنين"ع" (امك من لفاها الموت) طور ادور اعليك يبن امي

امك من لفاها الموت صاحت يالولد يبني
يايمة تعال ابساع جيب اچفان والحگني
وكت الموت تحضرني
يايمة وتگابلني
وبيديك الحنينة ذيچ عد گبري تنزلني

ساعات المنيه تنوح ظلت تجذب العبره
حسرتها تهد اجبال وجرح اگليبها اشكبره
چا ياام سمعتو هيچ وحدها ماتت ابحسره
لايمهه ولد ويصيح يمه والدمع يجره
لايمهه البنات اليوم
ويلي امقدر ومقسوم
خنگاها النفس واتصيح چا وين الولد عني

رايدته الحملته اشهور هذا اليوم يلفيني
يامانه سهرت اعليه ولحضه ماغفت عيني
اطلبه رايده ابتعبي عزيز الروح ايجازيني
اخر مره اشوفنه واحاچيه ويحاچيني
اشوفنه ولو ساعه
حته اشبع امن اوداعه
اگله الفرگه چتاله وسهم اجفاك صوبني

عازات الولد عازات يناس الوالده تريده
وابني مااظنه يعود چنهه ادروبه ابعيده
هيهات الحنين ايرد وايشيل النعش بيده
ماينفع ونيني هاذ اموتن چني اوحيده
شيفيد العتب والنوح
وابني بكربله مذبوح
گطعو منحره العدوان ويومه حيل عذبني

چنت امأمله ياناس انه اربع ولد عندي
يحضروني بمماتي كون عود ابكبرتي ودي
ياوسفه والف ياويل تاليتي اظل وحدي
اموت بحسرتي وهمي ودمعاتي على خدي
هانت وانطفت عيني
راح اتلاگه ببنيني
يم الله سويه انظل ولا واحد يفارگني

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

لطميه لام البنين"ع" حوار بين الحسين والعباس"ع"

وية دمعك دمعتي خوية تسيل
مثل ماهية اْمك امي يالكفيل

مثل امك ماكو خوية بكل زمان
مرت ابونة بس ترة كلهة حنان
بعد فاطم بيهة حسينة الامان
الهة ياعباس لا ماكو مثيل

الزهرة من راحت انا گلبي انكسر
ومن اجتنة امك يعباس الگمر
يبوفاضل كسري حسيتة انجبر
عوضتني عن غياب امي الطويل

دللتنه اشگد يسبع الگنطره
شماتسوي اهيه تحس امقصره
شمحله ذيچ العشره ويا الطاهره
الهه جمره تستعر وسط الدليل

شلون انسه ايامنه وياها سوه
چانت الجرحي مثل ضمد ودوه
اليوم گلبي اعليهه ياخويه انچوه
آجرك الله بهذا المصاب الجليل

خل نون اعليهه وانعلي البكاء
ونعقد المجلس يخويه بكربلاء
وتبچي ويانه ملائكه السماء
وتحضر الزهره ويه حماي الدخيل

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f