بعد ما موت يم عينك
بعد ماصيرلك نسمه
وتطشني بخنكة سنينك
لون ادري العذر چذاب
ما غنيتلك وينك
ولون ادري الهجر محراب
ما صليت يم دينك
لملم كلشي عكبك ضال
لم صبحك ولم ليلك
واخذ وياك اغانينه
وقصايدنه ومواويلك
وابعد حد غواش الغين
لحد مابيه ادنيلك
واذا صحناك لا تسمع
مثل ما چنه نشكيلك

رجعتلها وگلت يلة الصلح خير
وگلت ما اخشن الروح اعلى خلها
بعدني العشرة بيهن ضال دخان
واگول من ارجع العشرة اشعل الها
تخيلت من اجيها گبالي شتگول؟
اذا دمعت يمي شراح اگلها؟
گدرت ابتسامتها اعلى ملگاي
وبديت ارسم على الواهس شكلها
بنيت ظنون بيض بليلة الخوف
وموت الوساوس گبل اجلها
ابتسامة شفتي الغرگانة بالخوف
گدرت ارجع من الموت انتشلها

انا بجَبهة غيابك ضايعتلي سنين
حَرب من طرف واحد بيها متبَعثر
ومِثل الجندي يوميه التِحق بَليل
ما تطيني أجازه هموهك تحير
واتصوب واطيح وينزف الألبوم
وارد مِن صورتك لفراشي متأسّر

الليلة طلابتي طلابة
الليلة موادعك ماشوف منه
تعود چنه موادع المعدوم
لأصحابه الليله چفوفي ماتعرف
تروح لوين چنها جفوف اليدور
على صوابه واجر نفسي
بطلاع الروح وصوت
النشغة سيف و تنزع گرابه وخلگ
ما عندي اگوم لشيخ طايفتي
واذا مريتني الليلة اگوم بلا جدام
شلون الترابة سهلة البالموادع
يلزم دموعه وسهله اليلزم صفاحة
بس انطيني زلمة اليلزم اعصابة
شني عذرك بدگة الباب
خاف يعور چفوفك
انة التارس گطن بابة واحس
جايب هلي من گبورهم للبيت
اذا طاريك بسدي شخص جابة

ويخلص الليل
ويخضر ليل ثاني
بية واهس كافر وربچ هِداني
الليل شبعني سَفر وانا بمُكاني.

لا تحبني
مو بعازة لَچمة تدري جروحي متهديات گوّة
وآنة من اخر جرح عاهدت روحِي وگلت أقوة
شلون إذا حبيتَك أقوة؟
وتدري ملح الحُب عذابَة
وآنة ادري بروحي لمّن اعشگ اضعَف
بالرغم عشگي بصلابة
وخاف أحبّك
خاف أحسبنّك وطن
وگليبك يسد علية بابه
وآنة مو ذاك الگُبل
يستقبل اللَچمة برحابة
لاتحبني
وهسة اچذّب لو گلتلَك آنة اودّك
لا تحبني
آنة ما اضمنلَك
بـ سد مايي راح يعيش وردَك
لا ولا أضمن دمعتك
ما تضل تتبدّة ليلية اعلة خدّك

شكم جمعة أجت
بس انت ما جيت
واكول تعود بلجمعة الجديدة
مفاركني عمر مو يوم يومين
يا أول صعب چنت انة اريده
كمت أكتب شعر بلهفة وبشوك
ولأجل عينك عفت حتى القصيدة
هاي الجمعة كلي أتذكرك بيش ؟
عموماً يالرحت جمعة سعيده

بسك تمرني بحلم طالبني بطلابه؟
مو گتلي كلشي انتهى ومنا وغاد اعتذر
وحدك كمل الدرب ماريدك تحبني
ولمن شفتني ردت غيرك اعاشر بشر
ترجع تعاتبني وتگلي چنه وچنت
ماغزرت عشرتي؟
هو انتَ هسه منو گاعد تحاسبني؟

وين أنت ملينا النشد
والناس گامت ماترد
- جبار رشيد

هاي اخر ايام السنه
ما الك نيه تشوفنه؟
ما ترهم نحبك ولك
ومشتتين تعوفنا
احنه مرضى
وماكو دوه لهذا الجرح
مر علينه وخلي أديك تروفنه
رابع سنه تمر وتعدي بدونكم
مرولنه لو بالحلم خاطر نشوف عيونكم.

عادي يجوز گلبك مشتهي يجدد
وهيه تبينت من گمت ما تنشد
يعش يوميه اشوفن بيك واحد حاط
بذن زيجك طلع چم واحد مغرد

فاح الصبر بية وتبده
وخلگي انگطع وبيش اشدة
ما غافي ليلي صار مدة
وعيوني وحدة تخون وحدة

يطبون بصفنتي
و عَنك يدورون
يلكَوني أفكر بيك يلكَوني
صاحت كلها صاحت هذا باك فلان
ماعندي لگوك و بيك تهموني
تهموني بمحبتك والله لو يدرون
علىٰ ضيم العَليه يظل يواسُوني
مَا يدرون عَايفني بمَهب الريح
وانا وياك عفت المايعوفوني
اليحبوني شكثر
و لجيتي يتانون
و أخجل من كثر ما كَام يتنوني
وأنتَ الما تحبني شلون بله وياك
أمراً بيك ما أمر باليحبوني

سلس ما اصير و ابقى بكيفك انگاد
وحطب ما اصير وانت بعازة النار
چنت عين الشمس هسة انا صبير
ما ادير ويَ شمسك وين تندار
كاتلني العطش بس بالي مرتاح
اشرب بالرمل ما اذل الأنهار
و ويَ الگاع طولي و من تجي الريح
اضل ثابت انا وتهتز الاشجار
اذا تمري امس ما غزّر وياك
شلون اكتل نخلتي انطيك جمار
و اچذبها الجروح الگالت تطيب
و اچذب الغيم كون الغيم مطّار
جثة لمگبرة وديت الافراح
شيرجعها وتجيني بيوم خطار
اذا عالشوف جرة السيف شفناه
واذا عالثار أيّس ماكو كل ثار

صباح الخير
ع الفك ريجة بالمسطر
صباح الخير
ع الشاف ابنة من الجوع
يرسم خبزة ع الدفتر
صباح الخير
ع الدخن شكو بروحة
ورجع لكط كطوف العام
مابيهن نفس ينجر
صباح الخير
ع اليغبش يجيب اغموس لعيالة
رجع والروح كوة مجلبة بذيالة
وجهالة التمو عليه ضحك ومهامش
وكالولة يبونة ارتاح كواك الله ع المامش
يبونة يروح فدوة الجفك المتعوب
ذاك السوك متعلمين بيك انضوك
يبونة الناس شبعت عيد واحنة شوية ضحكتنة
يبونة العيد لهل العيد واحنة الضيم مالتنة
مادام انتة يمنة انعيش
صح غالي الخبز بس انتة كلي ابيش
محد مات من الجوع
نعمة من الله عدنة اليوم نتعشة تعب ودموع

انا بهذا العمر تايه نبي ودينه سوالفكم
اذب روحي حزن يمكم
وجي من الغربه كلي اعتاب والكه الله بشفايكم
على الدنيا ورد واحساس طشركم
احبكم وانتم عيوني امل مني ولاملكم
هلي وناسي وحزن كلبي ومواويلي وشعر شعبي ورصاص احمر رسم دمكم
قصايد والعمر چلمـة وحبيبة وكيف والبية تعب منكم
ماشلتو الكمر وياي ما غنيتو لسجه البعيده وياي بديت اكره منايركم
ولا أحبكم
غريبه بعيني اساميكم
عمري الراح مذبوح بجناسيكم
صدف تتلاكه بالصدفه نهر شارد من جروفه عمر مايندل احبابه قصايدكم
وضل انه السهر والخوف ولياويل والمدري ولعد ياباب
امد شوفي وكول اليوم ازاعلكم
وافاركم..
وشك الخارطة واحرك شكو بروحي واحرك كل رسايلكم
انا اكرهكم
واحب تراب رجليكم
وابوس الناس كل الناس احس الناس تشبهكم
منو الجاباكم العمري ومنو الوداكم بكلبي دخيل الله ولاينشبع من عدكم
- عزيز عسكر

چفك حمامة سمة
واچفوف أدية غصن
والمفترض نلتقي بس القدر
مشكلة
خلانه ما نلتقي وأثنينا بكربلا،
خلاك طيرة حضر محد يكلك
غلط
لو تكعد أعلى الگبب ما تلكه
غير الهله
وخلاني بالطف سهم ما شاركت
بالحرب
بس انكرهت بذنب شافوني
عد حرمله .

اخر شبگه الك حسيت بيها وداع
وگمت ما احط عطر حتى ابقى اشم عطرك
يا لغز الما عرفته وچنت دايخ بي
لوحه گبالي حلوه وغار البضهرك
وعفت كل اهتمامي بروحي واهتم بيك
ولا متوقع اتفاجئ انا بهجرك
بسرعه استعجلت بالروحه ما تانيت
واثر بوساتي مطبوعه بوسط نحرك
چنت ما اشم هوى الله اختلف عن الناس
اشم بس الهوى التفرغه من صدرك
مو انت حلفت ما چف يلزمك يوم؟
وامس شفت الچفوف التلعب بشعرك
نصحوني العشگ مو زين ويأذيك
الجگاره تزيل همك لكن تضرك
وگالولي ولك لا تدمن انت عليه
باچر من يعوفك خايب يدمرك
صگر فالح صرت بالخير انا مغطيك
وانت تجيب وتگوم علي شرك
مسحت الصور كلها البيها ذكرى وياك
شموازيني واتحمل بعد قهرك؟
شغله الهاضمتني وبيها انا الندمان
ليالي السهرتها تسوى كل عمرك