اتعنى لمچاني اللي گعدتة وياك
ما الگاك بس رايد أثر منك !
بلچن چلمة ضلت ما نگلها الريح
الگاها وتجاوب بالنشد عندك
لو دور عطر منك بقى على الگاع
احط نفسي عليه افيش اشمنك
أجدامي من النشد دوخن راس الگاع
يدورون أثر منك بي يتعبنك
عگدة براس فكري گلي احلها شلون؟
أيس لو أضل للموت انطرنك

سولف گول الك واهس تظل وياي ؟
واذا مالك واهس گول لا تخجل
مااقبل احبك وانتَ مامرتاح ،
وماارتاح أحبك وانتَ ماتقبل ،
فگر باليهمك و المُهم شتريد ،

انَا كل اليهمني
المهم لا تزعل
بگيفك مَن اجيت
وماجبرتك يوم
وما أجبرك بكيفك لو ردت ترحل
ما مليت منك
أگدر ابقى وياك
بَس المُشگلة خاف اني راح انمل !!
سولف گول الك واهس تظل وياي ؟

‏وأصليلك
تمر بيه ضوه بيا حد
حد الجزر حد المد
حد الما وصل للحد
يامجره الشمس گلي ضواك شگد

صرت مثلك مو حنين
وبعد متردني الأغاني
هاي أول مره اشتاقلك
وابقه بمكاني

اجيتك بشر مامحضون
استحي مـَن حضنه حزامي
اجيت وغالب الدنيا
بَـس مضحي بايامي
اجيت مـَن النهر ضامي
بَعـد شحچيلك وتقنع ؟
اذا ينكسر مايرجع
انه كلبي مِـثل جامي

لحَد الأن
‏احسك عايش بروحي
‏لحَد الأن
‏واحچّي بصيغة الموجود
‏مو بالچان
‏ولحد الأن ماناسيك
‏على گد المحبة يطول النسّيان
‏شلون انسة ؟ يَ ناسيني
‏المواقف وگفت بگلبي
‏قبل لاتوگف بعيني

آنة الما جاسَت عُيونه ألموّاعيّد
آنة البچة بوداعَك مِن العيّد للعيّد

أنا الشايل چفن
مِن ماتُمر بي
حَرب ويه النعاس يخوض يوميه
آنه گبال النجوم التّشمت بفرگاك
أغمض حتى أكِلهن منتظر ضَيه
آنه بخلكي كِلشي
ماعداك يَهون
أصبر عَ النفس
وأضحك بلا ريه
وعليه يبين فراگك
بوجهي الكاه
مِثل وجه اليفز
وروحه ماهيه

مَرهّ گتلِك يأحبَيبَي شگِد تحبَني؟
وگِتليَ بأوع للسَمه
وباَوعت ضلِمه
وگِلت يلأ يجوَز يقصِد علمسَافه
ومَأ دريتك تقصَد بگد النجَوم
بلِيله چأنت كلهه غيَم
ومأكو نجَمه

أجيت تگضي وكتك ما اجيت تحب
واصدكنك وعرفك بالحچي أجذب
ولو وياي كلك لو بعّض ماريد
انه برزق وادم غربه ما اچلب
تجازيني بهجر وحجايه المو خوش ؟
تعال عله الجروح حساب خلـ نحسب
الأگيك بربيع وبكل بلابل شوك
وتلاگيني بخريفك والهوى المغضب
واجيك بيا هلا وبعتاب من تغيب
وانه سنين اغيب وچلمه ماتعتب
كلبك موش اليه مبين اليهواك
غشيم متاني عاجر من ثديها احلب
روح مودع الله وكون لا رديت
وعساك بنار گلبي وخنكه المغرب

ظرف جابولي بي مكتوب عالخير
جايبتة الشماتة بعيد رمضان
گبل لا اعايد امي بچفي خلوا
روح فلان راح يعايد فلان
تلگيت الخبر والراس مرفوع
متهم روحي حرة رباة ديوان
لزم شباچ حيدر گلي ماخون
التهينة نطوف
تيهتة
اندرت
خان
ذيچ الساعه طاحت دمعت الگاع
وچوه سابع سمه من الحرگه دخان
حليبك طاهر؟
يبين بالفراگ
يثبت عيد اذا ضل يگلب الوان
وفضت لو بعدها طلابته وياي؟
وكت ما عندي اضيعة وگلبي خلصان

وحلات العيد اول يوم بالعيد
وحلاتك من تجيني اول الناس
أفك ريچي بصباح الخير ، يفلان
وصباح النور منك تاج عالراس
تعال وچيب خدك وإگتل الليل
وگبل خدك ضوى
خدودك ألينباس

خلص عمري بِين الادري والمدري
مِن ادنك راسي انه اتخير
ألم دموعي مَدري الطاح مِن شعري
وبِين الادري والمَدري عِشت دايِخ
حَبل اهدوّم چني مِن الشمس تايخ !
كِلت امشي اعلى وِلفّي لخاطِر اشكيلة
وعَلى هذا الحِلّم اكعِد واحجيلة
يدز أمَه تِكِلي نسافِر الليلة !
يابةة الحَسرّة البصَدرّي
بِين الادري والمدري ارجَعت مَكسور
رُغُم فايدته محَد عاشگة التَنّور
كِلت ارجَع وادِك الباب
دَگيت افتَحَتلي الباب
مِنو هَل شايِب التَعبان !
ياشايِب ترا انه فلان
سَدَت بابها بوَجهي
ولهَسه متاني بالشارِع
لهَسه مشَتت وما ادري
هذا الصار ، حِلِم - واقِع ؟

وبده يتغير عليه وأكولن
ليش؟
شنو السويته خاطر ينكر
أحساني
ويجيني بحجة المختنك والمتعوب
واجيله منين مااجاني
وهسه لو طرف ثالث خذاك
تهون
طرف ثالث طلعت اني؟

01.
صفر ع اليسره
مالك قيمة مِن تنحط
عطشان انجبرت اشرب
بماي الشط
ما اكدر أعدلك طبع منجل بيك
اجي من ارد اعدلك
ارجع مخيط
وما نرهم بعد روح
بجسد مكتول
أقلام الحبر شيفيد بيها القط؟
وما يتعب المثلي وهل مثال أفرض
جبت كل عمري اركض
بالجيديد افحط؟
حجله بيت عاجز مو
سهل تنحط
چنك نومتي شماعدللك مخربط،

ألسكتة چذبه
بروحي نار

و إذا بيناتنا بعيدة المَسافات
على النسمات توصلني الوصية
حبيبي لو ردت وصّي الهَوى الهاب
أشم بيه ريحتك من يُمر بيّة
و إذا وَحشة عليك تصير بالليل
علية الوَحشة تبدي من المِسية
و إذا دمعَك علَي ينزل بالخدود
عليك عيوني طاحن بين ايدية

علمني الزمن ما أضم
حلم بالغيم
ولا أبني وطن بگلوب محتلة
عرفت الينسحب من الحرب
خسران
وهنة ثنينهن
لو موت لو ذلة
البكلهن خسر يقنع بكلشي الجان
الما حصل عنب
يقتنع بالسلة
أحسب لليضل
ما أشيل هم الراح
ما أدلي اليروح
الباب يندلة

ويكضي بطلاع الروح يومي
وصاير مخربط حتى نومي
يطردوني كل ما اروح كومي
وصارت تغثهم يا علومي
خلاها يمي للضرورة
باكت ضحكتي وهيه صورة