⁉️السلام عليكم عزيزتي
صايمة ووره الفطور اكتشفت الحيض تكرمون
يعني مادري قبل اذان المغرب احتاضيت او بعده
صيامي صحيح
لو اقضي؟


سؤال ثاني اني سكنة ميسان
واريد اسافر باجر لبغداد انوي اقامه عشر أيام واطلع بعد الظهر
هل اصوم باقي شهر رمضان
لان اقامة وصلاة تمام
لو افطر؟

🔹عليكم السلام ورحمة الله وبركاته.

١. تبنين على صحة الصوم ولا يجب القضاء.


٢. إذا سافرت بعد الزوال فيصح صومك لهذا اليوم وأما بقية الأيام فيصح صومك إذا نويت الإقامة لعشرة أيام فعلا في مكان واحد.

☀️السلام عليكم و رحمة الله و بركاته
بلا زحمة عندي أسئلة

١/ أختي موظفة يعني عندها راتب تصرف على نفسها و كذلك تعطي لنا نحن أخواتها مبلغ من المال كل شهر.هل زكاة الفطرة تدفعها عن نفسها لو الوالد يدفع عنها نفس قبل ما تتوظف.

٢/إذا حصل النقاء من الدورة الشهرية قبل الفجر لكن للانشغال ببعض الأمور غسلت الغسل الواجب قبل أذان الفجر بعشر دقائق تقريباً هل صح صومي في ذلك اليوم ؟

✍عليكم السلام ورحمة الله وبركاته.
١. إذا كانت الاعالة مشتركة بينها وبين والديها فالزكاة ايضا مشتركة بينهم.
٢. يصح الصوم إذا اغتسلت قبل دخول الفجر.

⬅️سلام عليكم الله يتقبل اعمالكم صيامكم طاعاتكم
بالنسبه لزكاة الفطرة ابني متزوج ويشتغل هو ويانه كاعد بس عازلين بس بشهررمضان ويانه وابني الثاني طالب ويشتغل العصر هم ينطون زكاتهم لو ابوهم

هو ابوهم كل سنه ينطي

وبلازحمه اذا احد عازل فطرتك الى ان تجي ليلة العيد وواحد من اولاده ميدري اخذ منهن بهاي الحاله شنو يسوي يحط بمكانهن لو شنو الي يسوي

✍عليكم السلام ورحمة الله وبركاته.
١. الزكاة واجبة على المعيل للعائلة وإذا كانت الاعالة مشتركة بينكم فالزكاة مشتركة بينكم.
٢. ضامن لها وعليه ان يرجعها إذا كانت باقية او يعطي بمقدارها .

📩السلام عليكم هل خروج الريح من القبل مبطل للوضوء وإذا خرج شيء مثل الفقاعات من القبل والدبر يبطل الوضوء ؟

✍عليكم السلام ورحمة الله وبركاته.
خروج الريح من القبل لا يبطل الوضوء، وخروجه من الدبر مبطل للوضوء.

📥السلام عليكم،
ماهو حكم اخذ المغذيات بالوريد و الابر بالوريد للصائم؟؟

✍عليكم السلام ورحمة الله وبركاته.
الإبر والمغذي ليست من المفطرات.

📨خلت لولب نهايه الشهر الواحد بوقت الدوره
والشهر الثاني نزلت الدوره بشكل طبيعي بس قبلها نزل نقاط دم قببل موعد الدورة
هذا الشهر قبل وقت الدوره نزل عليه نقاط دم مو مستمر وأكثر من يوم
هسة بموعد الدوره هذا الشهر نزل عليه دم بس قليل مو مثل كل شهر ٣ ايام واليوم الثالث ماكو دم
شنو حكمها الايام الفاتت وعادتي٧ ايام اصوم باجر لو لا؟
الخربطه ونقاط الدم بسبب اللولب لان دكتورة كالت لما يثبت

✍الجواب :
أ _ اذا كان الدم مستمرا ولو في الباطن ومجموعه مع دم الحيض لا يتجاوز العشرة ايام فجميعه حيض.

ب _ واما اذا كان متقطعا في باطن الفرج او مجموعه يتجاوز العشرة ايام فتتحيضين بوقت عادتك والخارج عن العادة يعتبر دم استحاضة وعليك الصوم والصلاة مع العمل بأحكام الاستحاضة بحسب حالها.

🔴سلام عليكم استاذة لو سمحتم سؤال
زكاة الفطرة اذا اخليها بالصدوق بدون ماأكتب عليها هذهِ زكاة خو ماكو اشكال ؟؟
فقط نية

✍عليكم السلام ورحمة الله وبركاته.
يجوز وضعها في صندوق مؤسسة العين ويجب كتابة قصاصة فيها مقدار المال وانه زكاة هاشمي او لا.

⬅️السلام عليكم
أنا حسبت فلوس مال الخُمس ...وسئلت هم
ف طلع ٢٨٠٠ ..يعني شگد أدفع لأن هذا رقم مُحير؟

✍عليكم السلام ورحمة الله وبركاته.
ادفعي ٣٠٠٠ الاف عما في ذمتك.

🟤السلام عليكم ورحمة الله وبركاته
سؤال اني لمن اوصل للسجدة مال القرآن شكول بيهه

وشلون يعني اكمل الاية الي تحته خط واسجد لو لا

الدم الي يطلع من الشفايف اني ابلعه هذا حرام لو لا

✍عليكم السلام ورحمة الله وبركاته.
١. يكفي ان تقولي سبحان ربي الأعلى وبحمده وتسجدين بعد قراءة الآية كاملة .
٢. يحرم بلع الدم ويبطل صومك .

🟡سلام عليكم انا مجنبه ونمت ماادري بنفسي كعدت بعد صلاه الصبح ب٥ دقائق سبحت هل صومي صحيح ام لا ارجو الرد بأسرع وقت😭

✍عليكم السلام ورحمة الله وبركاته

اذا نام المكلف ناويا للغسل فإن كان في النومة الأولى صح صومه اذا كان واثقاً بالانتباه، وإلا اذا لم يكن واثقاً فالاحوط وجوباً وجوب القضاء.