نزال

أم البنين الوصفوها
قصة حلمها أبيت ابوها

أم البنين ابدار/ والدها تحجي اخبار
شافت حلم واشصار / يا وادم الها

نزلت عليها انوار/ طاح ابحظنها اقمار
جان ابحلمها اسرار / والدها كلها

يبنيتي بشري ابحلمج الزين
رايح يخطبج سيّد الدين
من عنده الله ايرزقج أقمار
واسمج يصبّح أم البنين

رؤية منام الفسّروها
قصة حلمها أبيت ابوها
"""""""""""""""""""""""""""""""""""""""""""""""""
حيدر شرف طلّاب / دوّر مره وما خاب
جان العلي نسّاب / كله ابإسمها

بيت الفخر ماليه / أم البنين البيه
تدعي الله واتناجيه / ايحقق حلمها

لن ثاني يوم اندكت الباب
حيدر علي جايلها خطّاب
كلتله صار التآمر ايصير
خدامه أصير البيت ابو اتراب

تخدم علي وزينب واخوها
قصة حلمها أبيت ابوها
"""""""""""""""""""""""""""""""""""""""""""""""""
عالنسوه حكها اتشيخ/شيخه وخذاها الشيخ
متعليه عالمريخ / مثل الثريه

شالت بطنها احيود/ وين اليفدّي ازنود
بالتضحيه والجود / صارت هويه

لَبوَه وبطنها اتجيب ضرغام
بالملكه دوم ايصير جدّام
صوب المخيّم ما رضا ايفوت
بعيونه يشكف ظل السهام

بالطف حقيقه جسّدوها
قصة حلمها أبيت ابوها
"""""""""""""""""""""""""""""""""""""""""""""""""
اتشافي الجرح ليهيج / جابت زلم للضيج
وين الينشف الريج / حلفوا ب اختهم

يازينب الترديه / من عدهم اختاريه
كافل يضحي إيديه / وكالت كمرهم

الضعن العقيله جابت أبطال
عالهامه صاروا جنهم اعكال
كلهم نشامه وخصّ عبّاس
رادته زينب هوَ كفّال

يبره الضعنها لو سبوها
قصة حلمها أبيت ابوها
"""""""""""""""""""""""""""""""""""""""""""""""""
بدويه واتصيرين/ علويه واتشورين
أم الكمر وحسين / هم صار ابنها

بكماطه واتوصيه / بحسينك اتناغيه
لوحيده لتخليه / اتحلفه ابلبنها

رحمه اعله بطنج يام البنين
شالت أسود اثنين واثنين
كلهم ضمايه ابحسرة الماي
وصاروا ندى اعله اشفاف الحسين

بالطف ولدها شيّموها
قصة حلمها أبيت ابوها
"""""""""""""""""""""""""""""""""""""""""""""""""
أمك يساكي الماي/ مافشّلت نخّاي
واتوزّع إنّ افياي / والخيمه اختها

انطت ضنه لحسين/وانطها ابو الحسنين
شاره الترد ميتين / يكتل بختها

منها المحنه اتفيض نهران
مركب نجاة الجان غركان
ثوب الوجاها اعليها تفصال
من الله موش اشلون ما جان

تخلص محنها اللي نخوها
قصة حلمها أبيت ابوها
"""""""""""""""""""""""""""""""""""""""""""""""""
عزيز المياحي
أبو مهدي المالكي

🌺 مولد مولاي امير المؤمنين ع 🌺

الله مـــــن نوره خلق نور الولي
وخله اسمه الاعظم بحوزة علي
ميزه بس أبأسمه كل هم ينجلي

وخله بي كل المعاجز والفضل
........
مـــن طلع للدنيه بالبيت الحرام
وخـــــصه الله بمنزله دون الانام
بنور وجهه يستحي حــته الظلام

بدون شخصه ماكو خير ولاعمل
........
شگد عظيم وصوته بالسبعه انوجد
وتحلم النسوان تنجب مــــــثله ابد
الله واحـــــــــــد ماخلق نفسه احد

هوه غير بعلمه حيِر جم عقل
.........
هو لــــو ما صاير تضوي الشمس
يبقه شي بالكون لو مايبقه حس
الدين يحيه لــــــو بلاه ماله نفس

يعني من دون الوصي ما يكتمل
..........

عزيز المياحي