اجت ام البنين ودكت الباب
تگلهن خل اشاركجن بلمصاب
تلكتها العقيله.. ولمدمع تسيله
كفوونعمين منج يم الاطياب
✏️✏️✏️✏️✏️✏️
ماعرفت الحره من مصايبها
گضاها حسين يومه حيل شيبها
فگد اخوانها زينب مألمها
عنهم لاتنشدين.. يم اربع ميامين
وفو بلربه والامل ماخاب
✏️✏️✏️✏️✏️✏️
تكلها يلعقيله شصاير بحالج
اجيتي خاليه ومغيره الوانج
اشوضعنج خلي جاوين كفالج
زينب لطمة الراس...
يمه راح عباس
ظل بكربله غاطيه الاتراب
✏️✏️✏️✏️✏️✏️
ريتج حاظره ام عباس وياي
وتونين علماشربو الماي
سبونا وللحرم مابقى حماي
حركوكل خيمنا.. وماتت كل اهلنا
ايسي وگطعي الضنه امن الاحباب
✏️✏️✏️✏️✏️✏️
يزينب گابليني اوني بحسره
خل ننصب عزا علمنكطع نحره
اتمنى كون عندي امن الولد عشره
كلهم فدوه لحسين
عزيزي وگرت لعين
فگد حسين صوب گلبي اصواب
🏴🏴🏴🏴🏴🏴
تمت بعون الله بقلم شاعرات اهل البيت ام حسن وام ايناس الساعدي ونسألكم الدعاء 🤲🏻



https://www.tgoop.com/fssduuuhdAAaDdffgghjdaakkAasyuuy

قصيده على حب الشباب القاسم وعلي الأكبر عليهم السلام..


عالشبان يحله لطم المتون
هذوله عالمنايه مايهابون:


كفو ونعمين يربات النشامه
من جدهم علي اخذو علامه
جنت ادعي يرجعون بسلامه
علي وجسام ياوسفه يرحلون


هذوله اربات حيدر داحي الباب
عليهم ياگلب زينبهم انعاب
طبك عنهه رحلو ماتحمل اغياب
عليهم كل وسف ولد اليثنون


يرهبون العده بدخلت الميدان
يشبهون ابوفاضل كمر عدنان
ويضل تاريخهم ثابت العنوان
صدك حنان وعمتهم يفكدون..


ماتركو حسين ولابقه وحيد
عدهم الحرب حسبالك العيد
لاخافو الموت بوجهك يزيد
شرب بالموت شربو مايملون


صاحت زينب أولادي يلسباع
وسفه وجوهكم اتلوحهه الكاع
ياحلئ من الورد وشبابكم ضاع
تمردونه لگلبي من تونون


شلون انعوكم ياعمه وانروح
تبقى عله الارض ادماكم تفوح
أجساد مطبره ونسوانه اتنوح
من بجي اليتامه گلبي محزون


بقلمي✍️ خادمة الإمام الحسين عليه السلام المله والشاعره ام باقر السراي غير مبري الذمه أمام الزهراء ع من يحذف الاسم

https://www.tgoop.com/fssduuuhdAAaDdffgghjdaakkAasyuuy

اللهم صل على محمد وآل محمدﷺ
قصيده الوفـاة الامام الـسجاد
عليه السلام


يـاشــيـال نـعشـه ريـض اشــواي
علـي السـجاد هـذا صـيرلـه فياي

ـــــــــــــــــ ❁ 💔 ❁ ــــــــــــــــ


يهـاذ ابـن الحـنين خل اودعـنه
علي السجـاد اسمعه يجهرابونه
يشيـال الحــمل بصوت انـدهنه
تحـمل كـل مـرار وضـيم بلـواي

ـــــــــــــــــ ❁ 💔 ❁ ــــــــــــــــ

عمت عـيني الـعليل تحمـل الام
ولارحــمـو بحــالـه الكوم ظـلام
حسافه اليوم شأل وعاف الايتام
وترك زينب وحيـده وزاد البجاي

ـــــــــــــــــ ❁ 💔 ❁ ــــــــــــــــ

ويـلي عـليج ياحــره شتـحملين
فكـد عبـاس لـو فكـدج للـحسين
وجملهه عـلي وعــافـج بلــونيـن
عمت عيـن الدهـر بجـالي عـيناي


✍🏻بـقلـم خادمـة الحسـين
الـملا ام بـــاقـر
ـــــــــــــــــ ❁ 💔 ❁ ــــــــــــــــ

سـمـو جــبـدتـه ويـلي وحـسـافه
ولاحـضـرو هـلـه ولـحـد الـشـافه
يـلوج مـن الالـم يـابسه اشـفـافه
صعبـه عـليه هــذه هـموم دنياي

ـــــــــــــــــ ❁ 💔 ❁ ــــــــــــــــ

سطره فـوك سطـره سطرت البين
احا يحسين خـويه صحت بونين
يــهذا ابـنـك اليـوم يـديـر بالعين
علي السجاد صعبه حـالته هـواي

ـــــــــــــــــ ❁ 💔 ❁ ــــــــــــــــ


صـعبه حـالـته ويـاحـاله اشــلونه
رايـد كـل اهلــه يـمه يحـضـرونه
يريدحـسين ابـوه يغمض عـيونه
يـوسـد راسـه ويعــدلـه بـهــداي

✍🏻بقـلم خادمة الزهراء ام عهـد💔

ـــــــــــــــــ ❁ 💔 ❁ ــــــــــــــــ


تمت بفضل الله وٲهل البيت عليهم السلام
✍🏻بــاقــلام خـادمات الزهراء ع
✍🏻الــمـلا ام بـــاقــر
✍🏻وخادمة الزهراء ام عهد💔


ونـسـال الله القـــبول والتــوفيق🙏

غير مـبري الذمـة من يحـذف الاسماء


https://www.tgoop.com/fssduuuhdAAaDdffgghjdaakkAasyuuy

اللهم صـل على محمد وآل محمـد ﷺ
قصيده لمولاتي رقيه «عليها السلام»
ع طـور مـلاباسـم الكـربلائـي
«خطـار اجانـي ياهـلا بـجـيته»


💔🕊﴿••༻😭 ༺••﴾🕊💔


عــمـه يــزينـب لا تــتـركـيـنــي
وبـالـشـام وحـدي لا تـعـوفـيني

تـهـضم يـعـمه سـاعـة الـفـرگــه
ابـقه وحـيـده وتـكـتل الحـرگـه

عــــمــــه ةةةةةةةةة

💔🕊﴿••༻😭 ༺••﴾🕊💔


عــمــه انـــه رقيه العزيزه وانتـي تـدرينـي
مشتاگه لملگه الغالي ابوي حسين ضي عيني
الفرگه حرگـه وعليك بـويه سـالت اعـيـوني
هضمه وغربه بـشـام وحــدي لا تخلــيـني

الكـربــلـه ويـاكــم اخـــذونــي
ويــه ابـويـه اهـنــاك ادفــنـوني

اغفه علئ صدره.وتغمض عيوني
وانــه الـعزيـزه بنـيـته تــدرونـي

عـــمــــه ةةةةةةةةة

💔🕊﴿••༻😭 ༺••﴾🕊💔


انحـب اعتـب وادري العتب ياذيج اعذريني
اندب واحسب وياكـم امــشي وماتـخـلونـي
نـايـب ذايـب گلبج عليه لـو عـلـه حـسيني
غياب ومصاب صـعبه علـيه وضيع اسنـيني


عمـه يـعـمـه مـاتحــاجـونـي
انـــده وراكــم ماتـسمـعـوني

بـشـام وحــدي لاتـتـركــونــي
وانـه العزيـزه بنيـته تــدروني

عــــمـــه ةةةةةةةةة

💔🕊﴿••༻😭 ༺••﴾🕊💔


طفله نحيله بهاي الخرابه ليـش عفتوني
بـليله ظلمـه اصـرخ وراكـم ماسمـعتونـي
صعبه بغربه لشوفت الغالي اشتاگت عيوني
خنگه وشهگه وعليك بـويه الروح تاذينـي

تـاذينـي بـويه وزادت جروحي
غمـضة عـيونـه طلـعت روحـي

وبـعدك يـاغـالـي.لگـوم هضموني
وانـه الـعـزيـزه بـنيـته تـــدرونـي

عــــمـــه ةةةةةةةة

💔🕊﴿••༻😭 ༺••﴾🕊💔


دمعي بعـيني من نومي افـز بصوت نـاديته
بطيفي جـاني ايشـوف حالي وياهضم بنـته
انـي حسيني ابنحـره ابوي حسـين شـميته
ويلـي ياذيني ويسيل دمـه مخضب لحيـته

صحتك انـه يالغالي حاجـيني
شنهو الجـرالك يانـظـر عيـني

ودمــه يسيـل بـمـوته اذونـي
وانـه العـزيزه بنـيته تـدروني

عــــمـــه ةةةةةةةة

💔🕊﴿••༻😭 ༺••﴾🕊💔

رحتي مشيتي وياج عمه وصيتي وصليله
حـالي للغـالـي لـورحتي يمـه هـناك احجيله
عنـي خبـري كـل الـجــره يـاعـمـه گـليلـه
ويلي بحضني ماتـت رقـيه بهضمـه ونحيله

ماتـت رقيـه ويـابسه اشـافـهه
والشــام غــربـه وبـي دفـناهـه

ابـوني ودمعتي انـه غسلـوني
وانـه العـزيـزه بنيـته تـدروني

عــــمـــه ةةةةةةةة

💔🕊﴿••༻😭 ༺••﴾🕊💔


تمت بفضل الله وٲهل البيت عليهم السلام
✍🏻بقـلم خادمة الزهـراء ام عـهد 💔
✍🏻وبـقـلم المــلا ام بـــاقــر
ونسـال الله القبول والتـوفيـق🙏🏻
غير مـبري الذمـة من يحـذف الإسماء

https://www.tgoop.com/fssduuuhdAAaDdffgghjdaakkAasyuuy

#قصيده مولاتي زينب (ع) تخاطب رقيه بعد قتل الحسين(ع)


عمه رقيه
طاح ابوج حسين برض الغاضريه
عمه رقيه
وابوفاضل عالنهر جفه رميه

عمه رقيه٢..... عمه رقيه٢

تحضري لسوط عمه من بعد وليانه
راح تولينه الاعادي يحركون خيامنه
نمشي وياهم سبايه والحرم ويانه
من يصطرونج اشوف دموم بلترجيه

عمه رقيه٢..... عمه رقيه٢

عمه لاتبجين فدوه ولاتهيجين الجروح
عين ابوج تصد علينه لوسمع وحده تنوح
وين انطي لوجه عمه بقيت انه بلايروح راسه معلك كبالي وتصب دمعاته جريه

عمه رقيه٢..... عمه رقيه٢

جنه يحجي وياي زينب ديربالج علبنات
ومن تكعدن بلخرابه رقيتي بحضنج تبات
راح تسئل عني خويه راح تقهرهه شمات
يجيبولهه راسي بطشت هناك تلفيهه لمنيه

عمه رقيه٢..... عمه رقيه٢


اخاف اتركج بلخرابه وحدج بين الغرب ارجع لكربله بدونج موقفي كلش صعب
ولو يسئلوني شكلهم نومتهه بلترب
ادري يجرح گلب ابوج وخاف يزعل عليه

   عمه رقيه ٢. ....  عمه رقيه ٢

تمت والحمدلله بقلم✍خادمة الحسين عليه السلام المله والشاعره ام باقر السراي

اللهم عجل لوليك الفرج القريب ياالله 🤲

https://www.tgoop.com/fssduuuhdAAaDdffgghjdaakkAasyuuy

بلخرابه دنيا ضلمه وكاعدات
خويه خبريني يزينب علبنات

ااه ياذيج المسيه
لاذت سكينه برقيه
شلون زينب من بقيتن حايرات ٢
😭😭😭😭😭
اه يزينب سولفيلي اشسوه حر الشمس بيج
وانتي تعبانه ومشيتي وبلحبل مشدوده اديج
وعلهزل لمن ركبتي شبحت عيوني عليج
حتى شفت النوك تبجي عرفت بلوعة شبيج

النوك تبجي لهضمتج وتعتذر جي شالتج

وناكه وصت ناكه بيج وحايرات ٢
😭😭😭😭😭
خويه شحجيلك شكلك تدري گلبي ممتحن
خويه علناكه وسكينه تعاين راس وتوم
خويه يحسين ورقيه دمهه يجري من الأذن
وعني لاماريد اخبرك لااسولف علمتني

شرد اكلك علرباب
نكضهه وترد للتراب

تكول عكب حسين ماريد الحياة ٢
😭😭😭😭😭
خويه تنشدني رقيه عليك تنشدني بحنين
تاخر اهوايه وأعرفه بدوني ماتغفاله عين
دنيا ضلمه وطفله تبجي تكلي جا عبدلله وين
اخذ عبدلله وتركني بابا وينك ياحسين

عمه زينب وين بابا
تكلي واحنه بلخرابه

والله حيره من اكلهه حسين مات٢
😭😭😭😭😭
خويه يحسين الخرابه ضلمه مابيهه ضوه
وانا وايتامك يخويه كاعدين نون سوه
والعطش يبس لهاتي وگلبي بس هم رأوه
ضاكت بعيني الوسيعه ونكطع حتى القهوه

اه لو تدري شجرالي
من عكب عزي ودلالي

كاعدات بنص خرابه وخايفات ٢
😭😭😭😭😭
الفاتحه ع روح والدي😔

لااعرف شاعر هذا القصيده لاكن عاشت وياي احزان مولاتي زينب😔

قصيده ع وزن النصاري لمولاتي زينب (ع)

مفاعيلن مفاعيلن مفاعيل

لزينب بت علي انصب عزيه
ماعدهه ولي راحت سبيه

***************
راحت للغرب من غير وليان

ظل حسين جثه بلايه دفان

علشاطي لكفيل بلايه ذرعان

عفه الحره مشت لبن الدعيه

***************
لحرمه شحالهه لماعدهه والي

مهظومه تضل عگب الغوالي

يعافتهم جثث بحر البراري

ومتكفله بحرم يدرون بيه

***************
محتاره بااراملهم والايتام

گلبي للاخوان اليوم محتام

عافوني بحزن والليل مانام

من عگب الاهل اصفك بديه

***************

كعدنه بنص خرابه لمالهه باب

ولا يمنه أهل لا يمنه احباب

اعتب والعتب لاوده لاجاب

عمري انطي لو ردو عليه

**************

ميردون وراحو مني للدوم

كظو سم وكتل الگلب مالوم

واحد منذبح والثاني مسموم

وكع علنهر عباس الشفيه

***************

تمت بعون الله تعالى بقلم✍️ المله والشاعره ام باقر السراي غير مبري الذمه من يحذف الاسم

تم اعاده توجيه القصائد من جديد لشهر محرم👆

قصيده ثكيله لمولاتي فاطمه العليله ( ع) تشكي حالها عندما رحلو أهلها وتركوها في الدار


فزيت ولكيت اهلي يحملون
صحتله ها يبويه وين تردون
►✺┅●✥✥●┅✺◄
محمل كل خواتي وانا ناسيني
ليش تعوفني بويه يضي عيني
ادري شكد تحبني وماتخليني
اعاونكم يوالي بسرج الضعون
►✺┅●✥✥●┅✺◄
متحملون اروح وحيلي عدمان
وانتو محملين اطفال رضعان
مشيتو بلضعن وانضر للخوان
واكولن ياهلي يمتى ترجعون
►✺┅●✥✥●┅✺◄
بقيت لوحدي واتنطر الباب
بلكت لئن خبر منكم يلحباب
احن ليامكم والگلب عطاب
رساله لو خبر ليه تودون
►✺┅●✥✥●┅✺◄
مريضه ورايده حبيبه تباريني
تفرش الفراش ودواي تنطيني
ولو سمعت ابچاي تهود ونيني
اهلي بهل سفر خيبتو الضنون
►✺┅●✥✥●┅✺◄
بقيت مكابله الحيطان وحدي
بقت بس صور موجوده عندي
ولاضلي اخو اليكعد بسدي
صفيت اصفك اديه شلون بشلون

كلماتي المتواضعة المله وشاعره ام باقر السراي✍لايجيز حذف الاسم الفاتحة على روح والدي😔
اللهم عجل لوليك الفرج القريب ياالله
https://www.tgoop.com/fssduuuhdAAaDdffgghjdaakkAasyuuy

بصوت الرادود باقر محمد السراي

قصيده للعباس ع وزن دارمي

راح الحنين الجان ينشد عليه

عينه غفت عباس مايدري بيه

؛؛؛&&&&&&&&&&&&&&&&&&

راح الكفلني راح ليه شيعوده

كطعو ازنودي ريت اوتسلم ازنوده

ما شفت منه اقصور وافه بوعوده

و ميعوفني الضرغام لو ما المنيه

الخادمه ✍🏻 زينه الگريشاوية
&&&&&&&&&&&&&&&&
وسفه اخذاك الموت يا طيب الذات

وخلاني للونات راعي الكفالات

ما ضن بعد يعود ويجبر الكسرات

منين اجتني منين الغاضريه

ام✍🏻 زين العابدين لمحمداويه
&&&&&&&&&&&&&&&&
وسفه الحنين الراح خلاني وحدي
بس الدمع ياناس يجري عله خدي
ضحه بحياته وكال لوفي بعهدي

عمري فده انطي لزينب هديه

المله وشاعره ام باقر السراي ✍️
&&&&&&&&&&&&&&&&
خلاف الحنين الشال بالهظم حالي
ابجي واون اعليه طول اليالي
محد بعد عيناه يرحم بحالي
خلاني من فركاه اصفك بديه

ام ✍احمد الحسناوي
&&&&&&&&&&&&&&&&
انطه العمر عباس ونطه الجفين
وصاح انه افدي اليوم عضيدي الحسين
وصتني امي عليه خلفت الطيبين

ما حسبت عباس ينفي الوصيه

ام ✍🏻رحمه الگاظميه
&&&&&&&&&&&&&&&&
ماحسبت عباس يتركني ويروح

ويخلي بالدلال من فرگته اجروح

عمري عليه اگضيه بالونه والنوح

ماتنشف الدمعات بالخد جريه

✍️ ام احمد المنصوريه
&&&&&&&&&&&&&&&&
امنين اجتني امنين ارضج يالطفوف
حسين ضل مذبوح گطعته السيوف

وعباس فوك النهر امكطع الجفوف

امشي بعد عينه اليانويه

✍ام مرتضى الخزرجي

&&&&&&&&&&&&&&&&
تمت بعون الله بأقلام شاعرات رابطة سيد الشهداء عليه السلام


،✍️الشاعره ام زين العابدين المحمداويه

قناة تحتوي على جميع القصايد الحسينيه

قصايد رجاليه ◇ نسائيه ◇ على كافة الأوزان

موشحات ◇ تجليبات ◇ نعي ◇ فزاعيات

بأشراف وتدقيق الشاعره ام زين العابدين المحمداويه
https://www.tgoop.com/fssduuuhdAAaDdffgghjdaakkAasyuuy

@قصيده ثكيله لمولاتي فاطمه العليله (ع)


اتنطر يجوني// اهلي الفاركوني

ولاجني عزيزه عند الحسين
تركني والدي والدمعه بلعين

اتنطر يجوني// اهلي الفاركوني

عافوني وانا زغيره عله الفراك
ويدروني حنينه والهم اشتاك
يوميه العصر امشي عله راك
اناطر والدمع غرك عيوني

ويدريني عليله ومحمل ونين
تركني والدي والدمعه بلعين

اتنطر يجوني// اهلي الفاركوني

فركتهم طويله وتعمي العيون
وادري احباب گلبي مايعودون
ولا منهم خبر ليه يودون
وكولن ياهلي يمتى يجوني

ولاجني عشت وياهم سنين
تركني والدي والدمعه بلعين

اتنطر يجوني //اهلي الفاركوني

انا اشتاكيت لامي وكل خواتي
وبعدهم ماريدن كل حياتي
يرجعولي بسلامه ادعي بصلاتي
وخافن لا هلي بس لانسوني

إن ادري عليه الوالي حنين
تركني والدي والدمعه بلعين

اتنطر يجوني//اهلي الفاركوني

اشم ريحت عطرهم بقت بلبيت
وتخايل يجوني شكد تمنيت
خايب يادهر گلي شخليت
مريضه والحزن هدم متوني

كضت روحي عليهم من الونين
تركني والدي والدمعه بلعين

اتنطر يجوني//اهلي الفاركوني

بقلم✍ المله وشاعره ام باقر السراي لايجيز حذف الاسم الفاتحة على روح والدي

اللهم عجل لوليك الفرج القريب ياالله 🤍
https://www.tgoop.com/fssduuuhdAAaDdffgghjdaakkAasyuuy

بصوت القارى باقر محمد

قصيده للأمام للعباس (ع) ع طور خدام كلنه لفاطمه طلب من أحد.الخدمه


عباس عباس عباس طاح علثره
وتكول وتكول زينب يسبع الكنطره

من ركض عباس طاح عله نهر ٢
كال اجيب الماي لو راسي نطبر ٢

انا لخاطر زينب اسحك علجمر
ولاخلاف حسين اريدنه العمر

والماي والماي والماي ماضوكه تره
عباس عباس عباس طايح علثره

المله✍️ وشاعره ام باقر السراي
•───✧◐◐✧──
ليش يا دهري شديت الحرب

خذت كل اهلي من ايدي غصب

والله يا دهري هل موقف صعب

ضلو احباب كلها اعله الترب

والعين والعين تبجي امساهره
عباس عباس سبع الكنطره

ام✍🏻 زين العابدين لمحمداويه
•───✧◐◐✧──
شال جوده الكافل وشال العلم

بس الف ياحيف مارد للخيم

تنتضر زينب رجوعه والحرم .

تكله خويه حسين شخبار الشهم

والعين والعين والعين مدمعهه جره


الخادمة زينة الگريشاوية
•───✧◐◐✧──
صال عباس وبرز للمعركه.

وخته تدعيله بدمع وتشاركه.

هاي ساعه للشهاده مباركه.

وانا بحبال العزم متمسكه.
وروح وروح بيك امأثره.
عباس عباس سبع الكنطره


ام فاطمة الزهراء
•───✧◐◐✧──

بس الف يا حيف هالجف انكطع
جتي زينب ليه محنيه الظلع
وابو اليمه عليه دلاله انصدع
ظل عالمسناه الكافل ما رجع
ياخوي ياخوي ناري موجره

ام سجاد الاعرجي
•───✧◐◐✧──

انكسر ظهر حسين لعضيده الكفيل

يوم شافه اعلى النهر دمه يسيل

اجفوفه مكطوعه ويفت الدليل

ولشمر من بعده علحوره يعيل

واجفوف واجفوف منه اموذره

عباس عباس سبع الكنطره

✍ام مرتضى الخزرجي
•───✧◐◐✧──

تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او يتلاعب بيها
قناة تحتوي على جميع القصايد الحسينيه

قصايد رجاليه ◇ نسائيه ◇ على كافة الأوزان

موشحات ◇ تجليبات ◇ نعي ◇ فزاعيات

بأشراف وتدقيق الشاعره ام زين العابدين المحمداويه

يشرفنا انظمامكم الينه
https://www.tgoop.com/fssduuuhdAAaDdffgghjdaakkAasyuuy

السلام عليكم ورحمه الله وبركاته عظم الله أجورنا واجوركم بذكرى استشهاد سيدي ومولاي أبا الأحرار الإمام الحسين وأخيه ابوالفضل العباس وأهل بيتهم السلام عليهم أجمعين ونحن نعزي مولانا صاحب العصر والزمان عجل الله فرجه الشريف ويجعلنا وياكم من خدامهم والمتمسكين بين يديمهم

قصيده فزاعيه برباط الهوسه للعباس عليه السلام


صاح حسين//ورج الكون عباس
كال الماي//اجيبه لكطع الأنفاس
▪️▪️▪️▪️
وياخذ جربته ويتعنه للشاطي

كال انه لموصه وجنت بكماطي

اليوم اوفي العهد ونفذ زماطي

وتتباها// لاخلي الحره
▪️▪️▪️▪️
لخليها الزلم طشار بلحومه

وليوصل اخيي هل كرب يومه

هذا حزام ضهري وبن جيدومه

وبفعالي//جن شافو حيدر
▪️▪️▪️▪️
انا ابن البطل وابن الفحوله

لخلي بكربله العدوان مذهوله

ومااخلف وعد انه من اكوله

اخليها /ابحور من الدم

ام باقر السراي ✍
▪️▪️▪️▪️

انه ابن ام البنين الطاهره الحره

الضحت بالبنين لخاطر الزهره

الوصتني باخوتي وزينب الكبره

يابو الغيره//لتعوف اختك
▪️▪️▪️▪️
انه الجابته امه الما الي ثاني

انه لهذا اليوم الكرار رباني

ماخلي عضيدي حسين وحداني

وجفوفي // للخوه افديها
▪️▪️▪️▪️
انه ابن القتل مرحب والكل يعرفونه

تشهدله المعارك مو فرار كرار اليسمونه

الابو حيدر علي هنياله والف خيعونه

سيفه مجرب//كل الناس اتسولف بي

ام حسين الفريداوي ✍
▪️▪️▪️▪️▪️

تمت والحمدلله بااقلام الشاعرات خادمات الحسين عليه السلام ..ام حسين الفريداوي ✍وام باقر السراي✍لايجيز حذف الاسم.

اللهم عجل لوليك الفرج القريب ياالله
https://www.tgoop.com/fssduuuhdAAaDdffgghjdaakkAasyuuy

قصيده تهيئة مجلس لمولاتي زينب تقرا بطور الشوررر

يااازينب يااازينب
لاخافت ولاذلته عدوان
يااازينب يااازينب
ولاهابت يزيد بين ديوان
يااازينب يااازينب
تبقى شامخه بت علي وعنوان
يازينب يازينب
ضلت تاج عالي عله نسوان
يااازينب يااازينب

*زينب بت علي لاماتنولي 2*

يااازينب يااازينب
شافت ابن اخوها وهلت العين
يااازينب يااازينب
بقه سجاد محتار بنساوين
يااازينب يااازينب
بس منظر فجعهه شافت حسين
يااازينب يااازينب
لاظله جسم لاراس لادين
يااازينب يااازينب

*زينب بت علي لاماتنولي 2*

يااازينب يااازينب
تعنت للنهر اتشوف عباس
يااازينب يااازينب
وكع يمه الدرع وسيف الطاس
يااازينب يااازينب
جفوفه مگطعه ولاعين لاراس
يااازينب يااازينب
كالت حيف خدري بعدك نداس
يااازينب يااازينب
شلون امشي سبيه بين لارجاس
يااازينب يااازينب

*زينب بت علي لاماتنولي 2*

يااازينب يااازينب

كلمات المله وشاعره ام باقر السراي✍️ لايجيز حذف الاسم الفاتحة على روح والدي

اللهم عجل لوليك الفرج القريب ياالله
https://www.tgoop.com/fssduuuhdAAaDdffgghjdaakkAasyuuy

لطميه فزاعيه للكاظم عليه السلام
ـــــــــــــــــــــــــــــــــــــــــــــــــــ
ضل اعله الجسر مطروح
محد شال تابوته
┈┉┅━━❀❀━━┉
امدد محد ايشيله
روحه كاضيه انحيله
وبرجله زناجيله
وماحضرو هله موته

✍ام احمد الحسناوي
┈┉┅━━❀❀━━┉
ما قبلوا يشيلونه
الكاظم سلهم اعيونه
راداهم يشيعونه
خبروهم تجي خوته

ام✍🏻 زين العابدين لمحمداويه
┈┉┅━━❀❀━━┉
تابوته بشمس ايام

هاذا ابن نبي الاسلام

نصبوله عزه واعلام

شال وهل خفه صوته

✍ام مرتضى الخزرجي
┈┉┅━━❀❀━━┉
عافو عالجسر وحده
ميت لا اهل عنده
صعبه وتكلف الشده
ادخيل الكاظم امروته

✍🏻 ام زينب الأسدي
┈┉┅━━❀❀━━┉
خلوه عل درب مطروح
جسمه كله مملي جروح
موسى كضت منه الروح
وسفه اختفه صوته

ام✍🏻 سلام
┈┉┅━━❀❀━━┉
صعبه مصيبة المسجون
مسموم بسجن هارون
خلو شيعته يونون
عليه روح مفتوته

ام باقر السراي✍️
┈┉┅━━❀❀━━┉
خلي انوح للمضلوم
بطامورة الولي ومسموم
والرضا عليه مهضوم
وتحضر شيعته الموته

العلويه✍🏻 ام حسين
┈┉┅━━❀❀━━┉
لبن بت النبي ونينه

مته تظهر يمهدين

وتـاخذ ثـار والينه

نريد الاثار ميفوته
الشـاعـرة✍🏻ڪـــلثوم الســاعـدي
┈┉┅━━❀❀━━┉
تمت بعون الله بأقلام شاعرات رابطة سيد الشهداء عليه السلام

،✍️الشاعره ام زين العابدين المحمداويه

قناة تحتوي على جميع القصايد الحسينيه

قصايد رجاليه ◇ نسائيه ◇ على كافة الأوزان

موشحات ◇ تجليبات ◇ نعي ◇ فزاعيات

بأشراف وتدقيق الشاعره ام زين العابدين المحمداويه

https://www.tgoop.com/fssduuuhdAAaDdffgghjdaakkAasyuuy