بعد انقطاع لفترة طويلة نوعا ما بسبب عدة ظروف في بلدنا الحبيب

نعود للإجابة عن مشاكلكم الدراسية و استفساراتكم عبر بوت مساعدة الطلاب لدينا
فعلوا البوت عندكم  بالضغط على ابدأ و سنجيب عن استفساراتكم 👇🏻

@Tawasol_futuredoctorsBot

#من_رسائلكم
مساء الخير
أنا طالبة علمي .. والتشاؤم عندي وصل للسمااا ..☹️💔
يا ترى الوقت يلي بقي بنلحق فيه ومنقدر نجيب مجموع الطبية !!!🥺💔


#الحل
مسا النور.. 💚💚
لسا في وقت اذا بلشتي من هلق..
مافي وقت اذا أجلتي..
ليش تتشائمي ولسا في أيام تتداركي كل التقصير لي فاتك!!
ابدأي من هلق حطي قدامك ورقة وقلم واكتبي لي مقصرة فيه ولي دارستيه..
وتابعي لدروس لي عم تاخديها هلق اول بأول وماتخلي اشي يتراكم (حاليا)
بعدها بشهر الانقطاع تحاولي تتداركي كل شي تقصير فاتك

اما بالنسبة انو بلحق وما بلحق هاد الشي راجع ألك ( كل إنسان عندو قوة هائلة بإمكانه يطلعها بالوقت الصح) لما تأمني بنفسك وبقدراتك وتوثقي بربك..
وبما انو اسا عندك شغف فأنت ببر الأمان
بإمكانك تروحي كل التشاؤم..
ابتعدي عن كل حدا سلبي بحياتك
وبعدي عن كل شي بيشغلك
وكلمة التشاؤم شيليها من القاموس واسعى وادرسي وتوكلي ع الله واكيد ربك ماحيخيبك وحيرضي قلبك ويرزقك لي بتتمنيه 💚💚💚💚


#Asmaa
@futuredoctorbacalorea

فتحت بث لنص ساعة فقط
يلي عندو اي سؤال بحب يسألوا ينضم

https://www.tgoop.com/doseofoptimismforbacalorea?livestream=e496fa9abf1f4ba819

بدأ البث على بناة المستقبل الصوتي
اتفضلوا
https://www.tgoop.com/doseofoptimismforbacalorea

@Tawasol_futuredoctorsBot


شاركونا استفسارتاكم والمشاكل الدراسية التي تواجهكم هنا على هذا البوت☘

#من_رسائلكم

السلام عليكم
شو الطريقة اني ادرس بهمة عالية بدون ما انظر الى التقصير يلي عليي كل ما اتذكر انو عندي كمية دراسة كبيرة لازم اني انجزها بينتهي يومي بكون مخلصة كمية قليلة بصير عندي فتور وضعف بالهمة واخر شي بكتئب 💔

#الحل
وعليكم السلام ورحمة الله وبركاته
اول شي لازم تعرفي انو التقصير العندك لازم انو يساعدك تشحذي همتك وليس العكس "لازم نتعلم انو نحول مشاكلنا لاستثمار" فاستثمري تقصيرك في انو تشحذي همتك كل ما تتذكري فبالتالي بيكون ادائك وتركيزك انو تقللي من التراكن الموجود.
فكري بواقعية اكتر انو انتِ اساسا مراكمة والتخلص من التراكم شي لابد منه فاستغلي وقتك ومجهودك انو تتخلصي منه.
والتراكن ماشي بنتخلص منه بين يوم وليلة الموضوع بالتدريج شوية شوية مع الوقت ح نلقى الموضوع خلص اصبري ثم اصبري ثم اصبري واستعيني بالله واتوكلي عليه.
واربطي انجازك وكذلك كل ما تخلصي جزء من التراكم العندك بمحفز انو اذا خلصتِ كمية معينة في مكافأة، اعملي برنامج مناسب ونظمي وقتك وخصصي وقت ترتاحي وتشحني طاقتك وتستعيدي نشاطك وان شاء الله امورك تمام واتذكري انو مع السعي والاجتهاد لازم نصبر على النتيجة وبالتوفيق يارب 🤍

وآسفين على التأخير

#Baraa🩺🌸
@futuredoctorbacalorea

شاركونا مشاكلكم الدراسية واستفساراتكم عبر البوت الخاص بفريقنا🌸


@Tawasol_futuredoctorsBot

#من_رسائلكم 1
اي افضل، ادرس مادة باليوم او اكتر من مادة؟


#الحل

اهلا وسهلا
كلو ممكن بس تكون النتيجة مثمرة وفيها إنجاز
بالتوفيق يارب.


#من_رسائلكم 2

تنظيم الوقت!

#الحل

اهلا وسهلا
القاعدة العامة لتنظيم الوقت تقسيم النشاطات اليومية على اليوم
بالنسة للمذاكرة ممكن نقسم الوقت كالتالي:
وقت النوم
وقت الدوام
وقت الراحة
وقت الدراسة
وقت النشاطات الخارجية
وقت المراجعة
وبعدين حسب كل وقت عندك بياخد كم من الزمن.
بالتوفيق يارب.



#Baraa🌸🩺
@futuredoctorbacalorea

#من_رسائلكم
مرحبا انا بكلوريا ادبي عم عيد حلمي ادرس حقوق بس كل ما نويت بلش دراسة بيصيبني ملل بسبب الكلام الي عم اسمعوا حتى في الي رفقات  بيشائموني صارو يقلولي مستحيل انك تلحقي ب3اشهر دراسة منهاجك كامل وازا نجحتي مستحيل تدخلي حقوق مبعرف صرت قول انو اكيد كلامن صح  حتى صرت حط برنامج وماعم اقدر امشي عليه ابدا وانا اي كلام من حدا بيأسر فيني بشكل كبير لدرجة اني بصير ابكي وقول انو انا رسبت هديك السنة مستحيل جيب حقوق كلامن صح بدي حل لهلموضوع لانو ماضل وقت كتير للامتحانات 😞😢
وما لحقت ادرس لا مادة لهلق
يعني في كتير ناس خلصت المنهاج وانا لسا ما بلشت لهلق
ويترا بلحق خلص المنهاج
بسبب الضغط من هديك السنة ولهلق من قبل العيلة والقرايبين انو صارو يقلولي مستحيل انتي تنجحي هي السنة بس قول بدي حقوق صار يضحكو ويقولولي انتي نجحي بالاول بعدين جيبي حقوق
فلهيك دايقت  كتير كل نهار قول بدي ادرس ماعم اقدر ادرس بسبب الكلام هاد
وانا بهي الفترة مريت بظروف كتير صعبة😢😔



#الحل
اهلا وسهلا ❤️

اول شي لازم تعرفي انو اي انسان بيعكس تجاربو الشخصية وامكانياتو، ووجهات النظر بتتبنى على هذا الأساس غالباً، لكن انتِ اسمعي نفسك اول وحددي موقفك وما تترددي من انو تاخدي الخطوة، لأنو الله اذا كلف أعان والتوفيق من الله وحدو والنجاح بيتطلب جهد وصبر والكلام ال انتِ بتسمعيهو هو مجرد عقبة لتوصلي وانتِ بتختاري تكسري العقبة دي او هي تكسرك بس بتحقيقك لهدفك، الوصول بيتطلب قوة وايمان في الله عز وجل وصبر ثم صبر، ومشكلة التأثر بكلام ح تتخلصي منها مع مرور الوقت.
لكن تأكدي انو طول ماعندك ارادة قوية ح تتقدمي
+ ما تقارني نفسك غير بنفسك لانو كل انسان بعيش ظروف مختلفة عن غيرو وكل انسان عندو حياة ودور بيختلف عن غير ركزي على هدف وعلى السبل.
اعملي خطة للمواد وابدئي فورا وان شاء الله مع الاستعانة بالله والارادة أمورك تمام
وطول ما تركيزك خارج محيطك اكبر من تركيز داخل محيطك ما حتستفادي شي كلام الناس ما بيخلص وكلامهم انعكاس لصورتهم عن نفسهم مابيمثلك ابدا ولا بأي شكل من الأشكال
اذا ما درستِ فسبب عدم وصولك هو الدراسة غير الدراسة ماف شي حيوصلك لطريقك وحلمك فركزي انك تدرسي.



#Baraa🩺🌸
@futuredoctorbacalorea

#من_رسائلكم

بصراحة انا طالبة معيدة انسحبت السنة الماضية ما كنت جاهزة  تمام كان عندي مشاكل ببعض المواد والسنة هي لمن بلشت ادرس ما سجلت دورات وكنت معتمدة ع دراستي الها بالبيت سجلت بس رياضيات لانو صعبة شوي ف درست مواد ع حساب مواد تانية اهملت الكيميا والفيزيا وهلأ عم حس حالي ضايعة كتير وماعم اقدر ادرس متل مابدي وخايفة اني ما جمع مجموع مليح وما دارسة كل المواد بشكل مليح ما عم اعرف قيّم مستوى دراستي وبحس اني بطيئة بس الحمدلله بفهم كل فكرة بتمر علي بس مشكلتي اني ما عم اعرف من وين بلش
بعتذر ع الإطالة  وبتمنى تكوني فهمتي علي وبتمنى تجاوبي
وسؤال اخير بلحق اخلص المنهاج  وكم ساعة لازم ادرس


#الحل

وعليكم السلام ورحمة الله وبركاته
لازم نتفق انو الفات خلاص فات ونركز على الخطة الجاية ونكون عمليين ونفكر بمنطق ووعي أكتر"
حالياً أعملي خطة للمواد ال أهملتيها وفورا ابدئي بدون تردد وتأجيل.
اعملي برنامج ونظمي وقتك قدر ما تقدري اجتهدي واستعيني بالله واتوكلي على الله واصبري ماف شي مستحيل طول ما انتِ بتجتهدي وان شاء الله بتتوفقي وبتلحقي
بالتوفيق ان شاء الله 🦋🌸

اذا التزمتِ وكثفتِ جهدك وصبرتِ ان شاء الله وبإذنه تعالى بتلحقي بس ما تضيعي وقتك، عدد الساعات انتِ البتحدديه بعد ما تنظمي وقتك.



#Baraa🌸🩺
@futuredoctorbacalorea

#من_رسائلكم

4 ايام الرياضيات يلي قبل الامتحان كيف لازم ندرس فيهن؟لازم ابدأ بأي وحدة؟بأي جزء؟طريقة الدراسه بهل ال 4 ايام؟؟؟


#الحل

عندي فكرة ممكن تساعدك "بس م اجباري":
_خصصي يومين للمراجعة
_يوم لحل النماذج والامتحانات
_واليوم الآخير بتمري على الدروس المحتاجة تركيز وحسيتيها لسه محتاجة مراجعة.

وان شاء الله بالتوفيق يارب


#Baraa🌸🩺
@futuredoctorbacalorea

#من_رسائلكم
عندي سؤال اذا بلست من الصفر هلق بلحق جيب مجموع تام وكم ساعة لازم نام وكم ساعة لازم ادرس


#الحل
اهلا وسهلا
طول ما انتِ بتجتهدي وبتسعي ان شاء الله بتلحقي بس التزمي واستعيني بالله واتوكلي عليه.
عدد ساعات النوم الطبيعية بتكون من 7_8ساعات في اليوم وعدد ساعات الدراسة بتعتمد على تنظيم وقتك ونمط يومك ووضعك الدراسي والكمية المفروض تدرسيها كل يوم حسب برنامج.
وان شاء الله بالتوفيق يارب



#Baraa🌸🩺
@futuredoctorbacalorea

رمضان مبارك 🤍
كل عام و أنتم بألف خير 🌹
اعاده الله عليكم بالخير و اليمن و البركات
و رمضان القادم نشوفكم محققين أحلامكم 🤍
طلابنا الغاليين 🌹

#HODA_SHAM

اللهم وفق طلاب الشهادات في امتحاناتهم و اجعل لهم من النجاح و التوفيق و التميّز نصيب 🤍

يا رب 🤲🏻

ادعولهم

#HODA_SHAM

وضعنا لك كل ما تحتاجه من أفكار تنظم بها وقتك و دراستك و ما تفكر به
أفكار دراسيّة ،ثقافية ❤
فريقنا معكم لنصل للعُلا ان شاء الله 👏🏻😎

لُطفاً منكم من يقوم بأخذ أي منشور ذكر المصدر مع اسم من تعب في كتابته و لكم كل الشكر الجزيل 💕.
بالتوفيق ❤💯


https://www.tgoop.com/myteamisthebest

#صباح الخير والتفاؤل والنشاط 😌💪🏻

رجعنالكم من جديد بعد انقطاع بسبب ضغط الدراسة والامتحانات😁

جمعولنا رفقاتكن وكونوا جاهزين للبوستات التحفيزية ولنكون معكن خطوة بخطوة لنحقق أحلامنا وأحلامكم😌📚
#يدا_بيد_نحو_تحقيق_الحلم😎🔥

#بناة_المستقبل_نحو_الحلم
#Saja
@doseofoptimismforbacalorea

كيف أدرس في رمضان 🤍🌙

نصائح من أجلكم 💫

🎓
https://www.tgoop.com/doseofoptimismforbacalorea/5639

🎓
https://www.tgoop.com/doseofoptimismforbacalorea/5646

اللهمّ اجعل هذا الشهر دواءً لما فعلته أسقام الأعوام فينا و هبْ لنا من لدنك رحمةً و عفواً و غفراناً عظيما
اللهمّ ارحم ضعف عبادك و امددهم برحمتك و كنْ لهم عوناً في كل بقاع الأرض و أسبغ رحمتك و لطفك و فرجك على أهلنا في غزة فليس لهم ملجأً سواك .

اللهم آمين 🤲
#Dr_Huda
#رمضان_مبارك 🌙❤️
كل عام و أنتم بألف خير 🌹

تم انقطاعنا عنكم لفترة طويلة نتيجة ظروف العمل و الضغط الذي نحن فينا 🩵
سامحونا على تقصيرنا في هذا العام معكم
و دعائنا الدائم لكم بكل التوفيق و النجاح لأنكم تستحقون الأفضل 🤍

#فريق_بناة_المستقبل