لطميه ثكيله للقاسم ابن الحسن عليه السلام
عن لسان حال امه رمله وهي تنعى على فراقه
~

اوداعت الله وياك يمه بهالمسيه

وين شايل يالولد ريض اليه

فركتك تاذيني..... ريض وحاجيني

وين شايل يالولد ريض اليه
➖➖➖😭➖➖➖

وين شايل يالولد وامك عفتهه

ضلت بلوعه وحزن يالفاركتهه

نار فكدت بالكلب تسري وجوتهه

نار فكدك يالولد.... تسعر وكلبي نمرد

افراك صار اوياك يمه وهاي هيه

✍️ ام حسين العامري
➖➖➖😭➖➖➖

صار الفراك وكسر گلبي وچواني
من رحت عني الدهر بعدك ولاني
مدري يمه وين ضماها زماني

تروح مني وانحرم ... كلبي يالغالي نهشم

هم ترد يايمه هم نكعد سويه

ام ✍️ علي الموسوي
➖➖➖😭➖➖➖

بعد ماترجع علي يالولد هيهات
ماترد ايامنه وذيجه الكعدات
حكه كلبي الفركتك يجهر الونات

رحت مني يلولد..... والكلب حيل انمرد

كوم يبني وشوفني وارجع عليه

✍🏻حوراء الكناني
➖➖➖😭➖➖➖

وداعة الله يمن حنتك بالدمه
اني بفراكك الروح مهدمه
شلك بنوم اللحود المضلمه
يبني مالايك الك
الرمل حار يغيرك
تروح ذيج رسومك الحلوه البهيه

ام ✍️علي الموسوي
➖➖➖😭➖➖➖
تروح عني رسوم وجهك من وكت
مهجتي مذبوحه يبني من رحت
يارباي وهدلت متوني صحت

يالنمت فوك لثره
هاي روحي محسره
ضلت امك بالمصايب والرزيه

ام علي الموسوي
➖➖➖😭➖➖➖

اعليك يمه العين مايبطل دمعهه
يوم فكدك يالولد كلش صدعهه
روحي حزنانه ويومك هالفجعهه

ابعيد عني سافرت.... ماكلت امي ورحت

بعد ماترجع صدك يالغالي ليه

✍️ ام حسين العامري
➖➖➖➖➖➖➖➖

من رحت وياك كلبي انت خذيته
تمشي بيه الروح لكن انا ميته
والحسبته راح ذاك انا لحسبته

راح كل ذاك التعب وحالي من بعدك صعب
ورايحه للشام يايمه سبيه

✍️ام محمد الحسناوي
➖➖➖➖➖➖➖➖
تمت بأقلام شاعرات رابطة قتيل العبرات

غير مبري الذمه من يحذف اويغير اويتلاعب بالكلمات اويحذف اسماء الشاعرات وينسب الكلام له


خادم منبرك يحسين يامولاي

اقبل خدمتي وسجلهه يمك هاي

✍️ ام حسين العامري

https://www.tgoop.com/fvyhbib

نعي للقاسم ابن الحسن سلام الله عليهما
~~~

جاسم يروحي ونور عيناي
عمله الدهر سواها وياي
ماخذ عزيزي ولبت احشاي

~~~

الطمت صدرها تصيح ويلي
اطلبك رباي وسهر ليلي
راح الفكر وانهد دليلي

✍ام اسعد الشمري
💔💔😭💔💔

جاسم ييمه وياضوه العين
اشبر بطولك صارلي سنين
منين اجتني كربله منين

~~~

يالولد يالبعدك شباب
شلك ييمه بنوم التراب
حيلي ركد والگلب عطاب


✍🏻 #_علويه ام منتظر الجابري
💔💔😭💔💔

ياحيل رمله هدميته
تعبي ورباي ضيعته
ياريت كبل اليوم ميته

~
امك يجاسم كوم ليها
تالي العمر عالو عليها
اكعد يالمدلل احميها

ام ✍️ علي الموسوي
💔💔😭💔💔

تعب رباي من عندك أريده
الوالده ضلت وحيظه
حنت لديها من وريده

~

يبني بفركتك شيب الراس
طفو شمعتك حركو لياس
ماعدهم رحم يايمه هالناس

✍🏻حوراء الكناني
💔💔😭💔💔

ياعمود بيتي وزهرة البيت
وحيده ييمه انه ظليت
كون وياك تاخذني تميت

،،،،،،،،،،،،،،،

يافرحتي ويانور عيناي
يمه بكبرتي تكون وياي
وتشيل الجنازتي يالولد منواي

✍️ ام محمد الساري
💔💔😭💔💔

جسام ابني اشمحله اسمه
وجهه حلو يامحله رسمه
جنه بدر عالشفه بسمه

**

سبحان من خالق اوليدي
يسباح يالشوفتك عيدي
خان الزمان اصفگد بیدي

✍🏻 ام زينب الأسدي
💔💔😭💔💔

اه يلولد أمك جبيره
والحمل عكبك من يديره
لاعندي ابنيه ولاولد غيره

،،،،،،،،،،،،،،،،،،،،،،

ردت الولد للكبر وياي
يباريني ويعدل اغطاي
وكت المنيه ينكط الماي

ام كرار مناذره
💔💔😭💔💔

ردت الولد لايام شيبي
وسفه انكطع منه نصيبي
جاسم ييمه وياحبيبي

~~

يبني يجاسم يغصن بان
مايلوك لك نومة التربان
الف ويل وحسره عله الشبان
✍🏻سلمى أم جعفر
💔💔😭💔💔

مذبوح يبني بين الجموع
نارک ييمه بين الضلوع
والحنه عجناها بالدموع

~
منك حرمني غادر البین
حنتك دمه. امحنی الچفین
نایم ییمه وسلهم العین

✍🏻ام هاجر الفرحانی
💔💔😭😭💔💔
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء

https://www.tgoop.com/fvyhbib

فزاعيه للقاسم ع
➖➖➖➖➖

رمله تنادي يلولد
الفراك ماريده
➖➖➖➖
رمله تنادي اومعوله
بدموع ويلي هامله
حشمت ويالعايله
طيحتك يبني امجيده

ام ✍️علي السماوي
➖➖➖➖➖
ارجع يبعد امك الي
ضليت يبني بلاولي
بالدنيا من بعدك شلي
غيبتك يمه بعيده

ام ✍️ علي الموسوي
➖➖➖➖➖

ابعيده يمه شوفتك
موتت گلبي ابطيحتك
خاب الرجه من جيتك
يالحضني بعده ايريده

✍️ام زينب الأسدي
➖➖➖➖➖
خلوني ابوسه بكصته
عدلي الولد يا عمته
جسام محله گعدته
خلیني ابوس اٌوريده

✍🏻 ام زينب الأسدي
➖➖➖➖➖

اه یالولد ومصابه
صارت دماه اخضابه
نارالگلب لهابه
هذا العرس ماریده

✍🏻الشاعره ام هاجر الفرحانی
➖➖➖➖➖
خليني اشمن منحره
نار الكلب متوجره
نايم وليدي عالثره
بدماه حنو ايده

✍🏻حوراء الكناني
➖➖➖➖➖
نايم ومحله نومته
ومن دمه صارت حنته
تراب الوطيه مخدته
گلبي اعليه شيهيده

✍🏻 #_ علويه ام منتظر الجابري
➖➖➖➖➖➖
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء
https://www.tgoop.com/fvyhbib

نعي للقاسم ابن الحسن
~~~~

جسام يوليدي يمحروم
ماهي ييمه ساعة نوم
فاركة ذيج الحلوه الرسوم

~
اكعد يبعد امك واهلها
امك غريبه منهو الها
تريدك تجازيها تعبها

ام ✍️ علي الموسوي
😭😭💔😭😭

غالي الولد وغله من العيون
جناز ردته وي اليدفنونه
ويشل نعشي فوك المتون

~~~

انده يجاسم كوم وياي
وي الغريب اشلون ممشاي
اريد اليباري ابهون بهداي

✍️ام كرار مناذره
😭😭💔😭😭

تمنیت لولیدی اعرسنه
ونصب كلته واعجن الحنه
اویلی علی ابنی الماتهنه

~~

جسام یاشمعة الشبان
ياحوفتك حومة الميدان
زفتك يبني اخيول عدوان


✍🏻الشاعره ام هاجر الفرحانی
😭😭💔😭😭

متكوم يبني وتحاچيني
يمحروم فكدك ياذيني
منهو لبعدك يباريني

~~

وين الحنينه تخليها
بفركاك الحزن والنوح غاطيها
ماتكدر على الفركه تدريها

*✍🏻خ_ألحُســـــينيه*
😭😭💔😭😭

اريدك الي يبني عكازه
وتشيل يايمه الجنازه
ياعازتك هاليوم عازه

~~

ياعازتك يبني يلوليد
بعدك لعمري ابد مااريد
غفله رحت مني يلوحيد

✍🏻حوراء الكناني
😭😭💔😭😭

يجسام يبني اوحيد امك
من الموت يبني وين اضمك
منحي عليك حسين عمك

~

يمه الولد يافتشف العين
جابك ييمه عمك حسين
يمفارگ اعيوني يالحنين

خادمة اهل البيت ام ابراهيم الحلفي
😭😭💔😭😭

لتعوف امك يالوحيد
والدنيه بعدك ماتفيد
لأفرح اخلافك ولا البس جديد

~~~

عيني عمت يالولد يمه
گلبي انكسر وكثران هضمه
گلت الشباب الشیبي اضمه

✍🏻 ام زينب الأسدي
😭😭😭😭😭😭😭😭
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
الفاتحه الى ارواح الشهداء
https://www.tgoop.com/fvyhbib

اجنوبي القاسم ابن الحسن عليه السلام
~~

ضمي اهدوم عرسه القاسم اليله
وطلعي للحرب يا رمله ودعيله

🖤🖤🖤🖤🖤🖤

ضميهن اهدوم الولد يارمله
وطفيهن اشمعوه وگشعي الكله
تره ياقصة العريس موسهله

صيوان المعرس لاتنصيله


خادمة ✍️اهل البيت ام ابراهيم الحلفي
◾◾◾◾◾◾

صيوان العرس ألمن تحضرينه
القاسم راح يارمله يالحزينه
للعريس هليله تعازينه
دم دموم للعريس نبجيله

✍🏻حوراء الكناني
◾◾◾◾◾◾

تحلم بعرس ام جاسم تزفه
وتلبسه هدوم العرس الترفه
سهرانه وتفكر بيه ماتغفه
باسمه تلهج وبكل وكت تدعيله

✍️ ام محمد الساري
◾◾◾◾◾◾

لتنصبين كلته مو وكت عرسه
رايح جاسم وشم الهوا ابنفسه
ياربي اوليدي ابعينك اتحرسه
گامت للولد تبجي و تنعيله

✍🏻 ام زينب الأسدي
◾◾◾◾◾◾

ويلاه يالشباب وهظمته هظمه
جابه الخيمته محني الظهر عمه
هاذا ابنج يرمله غارك ابدمه
وابدال الفرح حزن ودمع سيله

✍ام اسعد الشمري
◾◾◾◾◾◾

حسبت حساب وبعرسه يهنوني
اطش املبسه مبارك يكلولي
وتالي عالثره وبيه فجعوني
لاعندي ولد غيرك أني امشيله

✍️ام كرار مناذره
◾◾◾◾◾◾◾◾
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tgoop.com/fvyhbib

لطمية في القاسم ابن الحسن وبكاء امه رملة
◼️◼️◼️◼️◼️
اسم الله عليك يبني ويانضر عيني
شايل يالولد واني عله ونيني
◼️◼️◼️◼️◼️

ميته ريت يبني وثمر دلالي
يدفنوني ييمه وياك يالغالي
يغصن البان بعدك خابت آمالي
فجعني الدهر وسفه وضاعت سنيني
✍🏻سلمى أم جعفر
◾◾◾◾◾◾

يغصن البان صارت حنته دمه
وبعرسه يويلي انفجع گلب امه
ماضنيت ترجع لأمك مدمه
وبعرسك بعد ياهو اليهنيني

خادمة اهل✍️ البيت ام ابراهيم الحلفي
◾◾◾◾◾◾

عفاني حيل من شفت الولد بيه
ممرود الكلب يبني وجلاويه
فلت عشرتي وياك عجليه
ماني أمك جبيره من يباريني

✍️أم كرار مناذره
◾◾◾◾◾◾

عبالي يايمه افرح بعرسك
بعد منين اجيبه يلولد مثلك
محضره منصتك بيدي عجن بحنتك
راحت شمعتي الجانت تضويني

✍🏻حوراء الكناني
◾◾◾◾◾◾

اريده للكبر للشیب اعتازه
مسرع ما اجاله الموت وتوازه
تالیها انه امه اشیع الاجنازه
هان علیك يايمه تخليني

✍🏻 ام زينب الأسدي
◾◾◾◾◾◾

يبني شلون خليت بغرب امك
ماني للكبر يالولد ذاخرتك
لوضمني لحد يبني ولاضمك
شلي بالعمر وعداك سابيني

إم ✍️علي الموسوي
◾◾◾◾◾◾◾◾
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tgoop.com/fvyhbib

قصيده مربعه للقاسم ابن الحسن
~~

رمله ام الولد كومن نعزيه
على الشايل غفل الله يكويهه

~~~~

رمله تنتحب وتصيح اه يبني
يومك هدماني وحيل عذبني
شفتك منذبح والحيل فاركني
جثتك بالشمس يبني امخليهه

✍️ام علي السماوي
⭐⭐⭐⭐⭐

جسمك بالشمس يبني مخلينه
فراكك بلكلب يجوي ويأذينه
يومك صعب يوليدي ويبجينه
على فكدك ييمه الروح مابيهه

✍🏻حوراء الكناني
⭐⭐⭐⭐⭐

جثتك من عفتهه ورحت حزنانه
وي ناس الغرب والروح خلصانه
ماني أمك جبيره وحيل تعبانه
تمشي باليسر عكبك يواليهه

ام ✍️كرار مناذره
⭐⭐⭐⭐⭐

عيني شلون تنضرلك يلوحيد
نايم بالشمس يايمه ومدد
ندهتك ليش ياجسام ماتگعد
بعد ذيجه الجهامه وين الاگيها

ام ✍️ستار الكعبي
⭐⭐⭐⭐⭐

بعد وجهك ييمه مايلاكيني
ياتعب السنين ويانظر عيني
روحي وياك راحت يلي ناسيني
عيوني بروحتك يالولد تعميها

ام ✍️ علي الموسوي
⭐⭐⭐⭐⭐

گومن خل نعازي رمله هالليله
عالرايح شباب المدمع نسيله
ثوبي من الحزن مابيه انه اشيله
شمعات العرس ياعمته طفيها

الخـ✍️ــادمه ام زيد الشمري
⭐⭐⭐⭐⭐⭐
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له

https://www.tgoop.com/fvyhbib

~قصيده الامام القاسم ع لسان حال امه رمله ع~
~~

بزفافه مفرحت يالولد يايمه
جابه للخيم محني الظهر عمه

~~~

بعرسك يالولد محرومه خلوني
حرموني العده يوليدي حرموني
اصيح بصوت ياجاسم ضوه عيوني
جنت محضرتله الحنه اوهدمه

✍🏻حوراء الكناني
⭐⭐⭐⭐⭐

ربيت الولد ذخري وامل دنياي
من اكبر سند روحي ونظر لضواي
راح اويه الولد عمري وعمت عيناي

هظمه يالولد يومك الف هظمه

✍ام اسعد الشمري
⭐⭐⭐⭐⭐

جنت احلم ابعرسك يالولد يبني
تدري يوم عرسك والله شيبني
اجيت لكربله والدهر سلبني
بعد منهو اليگلي بجلمة اليمه

خادمة اهل✍️ البيت ام ابراهيم الحلفي
⭐⭐⭐⭐⭐

ماادري الولد هيجي يجافيني
لاعندي والد غيره ويباريني
كلت يشيل نعشي هو يواريني
رمله عليك تدري عيونهه تعمه
✍️ام كرار مناذره
⭐⭐⭐⭐⭐

حاسبتك تظل للضيج والعازه
على متونك ييمه اتشيل الجنازه
حاربني زماني عليك وتوازه
الدنيا خلاف وجهك يالولد ضلمه

✍️ام كرار مناذره
⭐⭐⭐⭐⭐

نظل خدام لم جاسم المحزونه
ابخدمتكم يغاتي أني ممنونه
وكل طالب امراده ابساع تطونه
واليوم العزه للحنته من دمه

✍️ام كرار مناذره
⭐⭐⭐⭐⭐⭐
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tgoop.com/fvyhbib

هوسات لعبدالله الرضيع
~~~~~

خليتو ااولد عطشان وينوني
عبد الله الطفل يا مدمع عيوني
اشما اكتب وكول لا تلوموني

((يذبحونه جا شنهو امسوي))

ام ✍️زين العابدين لمحمداويه
🔰🔰🔰🔰🔰🔰

تشيب غصته ازغيرون من يبجي وشبح عينه

لاينطق واگله اشبيك جرح اليوجعك وينه

الله يعين ابوالسجاد ابحضنه الگوم رامينه

( بجفوف احسين //ترف روحه)

ام ستار الكعبي
🔰🔰🔰🔰🔰🔰🔰

يلوب ابني ويدير العين ليه
يريد الماي وإني اعيوني مجريه
صحت يحسين أخذه وشربه اميه

(((وبحظن حسين يذبحونه ))

أم كرار مناذره
🔰🔰🔰🔰🔰🔰

حزو منحره مارحمو الطفلي
يادمعي عله الخدين ظل يهلي
صحت بصوت يلوليدي نذهل عقلي

((يحرمونه//من عذب الماي))

✍🏻حوراء الكناني
🔰🔰🔰🔰🔰🔰🔰

روحه شايغه لمن اجه سهمه روحه فرفرت عبدالله بعد امه
اینازع بالمنيه هظمته هظمه

((ايرفرف// من حر اصوابه))

✍🏻 ام زينب الأسدي
🔰🔰🔰🔰🔰🔰🔰🔰
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها


https://www.tgoop.com/fvyhbib

فزاعيه للرضيع

آه يــا يفراگ الرضيع
بالگلب صاباني
▪️▪️▪️▪️▪️▪️

گابلت مهده و اون
خالي يوليدي الحضن
اعيوني لفراگه عمن
اعليك ابجي وماتفل احزاني

ام ستار الكعبي
➖➖➖➖➖

عليك مابطله الدمع
نارك بين الضلع
شفت نحرك منكطع
ياريت عميه يالمتت بحظاني

ام ✍️ علي الموسوي
➖➖➖➖➖

گطعه مني ومهجتي
بعده نزلت دمعتي
حان يبني فركتي
متأمله و متاني

✍🏻 ام زينب الأسدي
➖➖➖➖➖

خالي ضل منه المهد
راح عبدالله السعد
اشضاملي دهري بعد
ابجي واون الوحدي خلاني

حوراء الكناني
➖➖➖➖➖.
ابجي واون الفركته
زغير بنحره ضربته
ابكلبي صارت فجعته
صار الهظم عنواني

✍🏻سلمى أم جعفر
➖➖➖➖➖

ياريت حزولي النحر
لاشايفه ادمومه تخر
يحسين ماعندي صبر
سهمه الي صاباني

أم كرار مناذره
➖➖➖➖➖➖➖
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tgoop.com/fvyhbib

نعي العبدالله الرضيع(ع)
==========

صحت صوت رد يلولد ليه
ردتك الي عون و تجيه
شوف الزمان شعمل بيه

~~~

تدفني يمه ردت بيدك
اريدك يبعد اهلي اريدك
من رجعت ينزف وريدك

~~

لوليدي انه اليوم حنيت
يردلي الولد ولله تمنيت
ضليت انوح اعليه وابجيت

✍🏻حوراء الكناني
😭😭💔😭😭

ونيت للاجله وزاد وني
ناغيتلك عبدالله يبني
فركاك يا يمه ضهدني

~~~~
ضاهدني فراكك يمدلول
ناغيتلك يبني دللول.
جابوك الي يوليدي مجتول

ام علي الموسوي
😭😭💔😭😭

مكتول يبني اوماي عيني
عليك مايبطل ونيني
در صدري لجلك ياجنيني

~~

دللول يوليدي دللول
عليك الفكر يالغالي مذهول
امك عگب عيناك شتگول

ام احمد المنصوريه
😭😭💔😭😭

يمه الولد يانور عيناي
وسفه بنبل ذبحوك علماي
ياماي عيني ولبة حشاي

~~~

عن المنيه وين اظمه
تراهو الولد مريود لمه
يكبر يزيل الگلب همه

علويه أم منصور
😭😭💔😭😭

اهز المهد يبني ولولي
يمه الولد يابعد طولي
مذبوح ابنج يكلولي

~

عمرك سنه ماكملتها
امك ييمه فاركتهة
بسهم المثلث لوعتها

خادمة اهل✍️ البيت ام ابراهيم الحلفي
😭😭💔😭😭
تم بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له

https://www.tgoop.com/fvyhbib

لطميه للرضيع سلام الله عليه

يريد الماي عبدالله
الزغيرون
~~~~~
ضامي ويابس اللسانه
وخديداته ذبلانه
وامه بيه حيرانه
اشربنك تگله دمع العيون

✍🏻 ام حسين العيساوي
◾◾◾◾◾
رايده شربت اميه....

ون بركبه محنيه...

مارحمو بني اميه...

كطعو ركبته المايرحمون

✍️ ام حسين العامري
◾◾◾◾◾

كطعوو منحره الغالي
من جابه الي الوالي
من. شفته نشده بالي.
لااضل حيل بيه بحالتي شلون.

ام علي الموسوي
◾◾◾◾◾

الرباب اعليك مهظومه
تون واتگلب اهدومه
منك ليش محرومه
يبني من رحت شيبت الجفون

ام ✍️ستار الكعبي
◾◾◾◾◾

يبني اوياثمر گلبي
بموتك ضيعو تعبي
اون وشتكي لربي

اهزن بالمهد والگلب محزون

خادمة اهل✍️ البيت ام ابراهيم الحلفي
◾◾◾◾◾

ياريع الكلب انته
بحضاني لولد ردته
انوح عليه انه و عمته

تنوح مكابلتني عمتك ام عون

✍🏻حوراء الكناني
◾◾◾◾◾◾◾◾
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له

https://www.tgoop.com/fvyhbib

قصيده فزاعيه العبدالله الرضيع(ع) لسان حال رباب«ع»
❛ ━━━━━━･❪ ❁ ❫ ･━━━━━━ ❜
جابولي الولد مذبوح
يـزغيرون يايمه
❛ ━━━━━━･❪ ❁ ❫ ･━━━━━━ ❜
جابولي الطفل مذبوح
ودمه فايض ومسفوح
يحلالي عليه النوح
وحيل اعليه متألمه
❛ ━━━━━━･❪ ❁ ❫ ･━━━━━━ ❜
اصدن للمهد خالي
وبس الحزن يبرالي
مذبوح ابنی اگبالی
جابه فايض بدمه
❛ ━━━━━━･❪ ❁ ❫ ･━━━━━━ ❜
عبدالله یلزغيرون
عگبک اصبرانه اشلون
تبجيلک دمه لعيون
زايد هلگلب همه
❛ ━━━━━━･❪ ❁ ❫ ･━━━━━━ ❜
شيصبر روحي ياهلناس
شاب الگلب ویه الراس
مني راح ورد الياس
الدنيه صارت امضلمه
❛ ━━━━━━･❪ ❁ ❫ ･━━━━━━ ❜
راح فرحت ايامي
من ذبحولی احلامي
ردولی الولد دامي
ماخلونی اظل یمه
❛ ━━━━━━･❪ ❁ ❫ ･━━━━━━ ❜
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*✍️الــشاعـره حـوراء الكـنانـي*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tgoop.com/fvyhbib

هوسات العبدالله الرضيع~ع~لسان حال الحسين«ع»

~~~

عبدلله نذبح ياويلي كبالي
شنهو الصار بيه مابقه بحالي
نزل دمعي على الخدين ويلالي

((فايض بدماه جابولينه))

🚩🚩🚩🚩🚩🚩

فايض بالدمه الولد من جابوه
زغير الطفل عمره الكفر مارحمو
بسهم الغدر العدوانه ذبحوه

((عطشان شذنبه تذبحونه))

✍️حوراء الكناني
🚩🚩🚩🚩🚩🚩

شنو ذنبه العطش ذبلهن شفافه
ويلي شكال كلب حسين من شافه
ذبوحه بسهم ومغيره أوصافه

((وبحضن حسين ورامينه))

🚩🚩🚩🚩🚩🚩🚩

بحظن حسين اجاه السهم بوريده
الله يساعده من ينضر وليده
يلمع منحره ودمه خذاه بيده

((وللباري يرفع جفينه))

🚩🚩🚩🚩🚩🚩🚩
رفع جفه الحسين يكطر دمايه
شنو ذنبه الزغير وحالته هايه
اذا يرضيك يارب ارتضي بهايه

(((مذبوح وليدي بياسايه))

ام ✍️ علي الموسوي
🚩🚩🚩🚩🚩🚩
تمت بفضل الله وعونه بأقلام خادمات الحسين
حوراء الكناني+ام علي الموسوي
غير مبري الذمه من يحذف الاسماء أو ينسبها لهhttps://www.tgoop.com/fvyhbib

~هوسات المسير~

شد الرحیل حسين وزينب حيل محتاره
تنظر الخوان هيه والدمع منها ايتجاره
تدري هناك ابذبح اخوها والنسه تبقى حايره

((محتاره//اتظل يا واليها))

✍️حوراء الكناني
🏴🏴🏴🏴🏴🏴🏴🏴
شال من ارضج يطيبه حسين گاصد کربله
ماخذ اطفاله وبناته وياه كل العايله
عافه اهل المدينه وناوي لديار الفله

((گاصد للموت// ابرجلینه))

✍️ام زينب الأسدي
🏴🏴🏴🏴🏴🏴🏴🏴
اليوم حسين وهله الكربله ناوين
خذاها الغافله متجهه هالحين
واجه الامه فاطمه اودعها ابدموع العين

(للموت امحملها// ضعونه))

✍️حوراء الكناني
🏴🏴🏴🏴🏴🏴🏴🏴
ماشي يادرب المنايه حسين ماخذ كل هله
مسرع ورايح بخوته ومعتنيها كربله
وزينب اتعاين اخوها والمدامع هامله

((والگاع اترحب//بالعيله))

✍🏻 ام زينب الأسدي
🏴🏴🏴🏴🏴🏴🏴🏴
تمت الحمدالله🤲🏻
بقلم خادمات اهل البيت ع
نسالكم الدعاء🙏🏻 بتعجيل الفرج الصاحب الزمان /عج/https://www.tgoop.com/fvyhbib

اروحن النجف لحبابي
يوم العيد
〰〰〰💠〰〰〰
اروحن وانعه لحبابي
ومايسمعونه لعتابي
مايگعدون غيابي
العيد بدونكم مااريد
〰〰〰💠〰〰〰
يهاذ العيد مااريده
علتي بگلبي شديده
جرح بروحي شيهيده
بعد ما البس جديد
〰〰〰💠〰〰〰
هاذا العيد مو النه
ابد ماابطل الونه
احلف مااعيدنه
نصيح احبابنه انريد
〰〰〰💠〰〰〰
اتعنه امشي المگابرهم
وگعد وحجي وياهم
دهري وين وداهم
ماتو سكن البيد
〰〰〰💠〰〰〰
سكنو ذيج الگبور
اهلنه الچنهم ابدور
منهم خالیه الدور
حزنه للاجاويد
〰〰〰💠〰〰〰
اجاويد ابعجل شالو
لا سألو ولا گالو
یالبینه الغرب عالو
وحنه الهم انريد
〰〰〰💠〰〰〰
تمت الحمدالله🤲🏻
بقلم خادمات اهل البيت ع
✍️الشاعره حوراء الكناني
✍️الشاعره ام زينب الاسدي
نسالكم الدعاء بتعجيل الفرج الصاحب الزمان🙏🏻🙏🏻 عجhttps://www.tgoop.com/fvyhbib

بهذا العيد ابونه موش ويانه
عليه مكدره واليوم حزنانه

****
حزنان الگلب للعايف ادياره
فارگه نار يالما تنطفي ناره
اصباح العيد دگو بابه خطاره
اتون اعليه كلها وتبجي جيرانه

*****
بويه اعليك تبجي اليوم جيرانك
ماینسون کل طيبك وله احسانك
يبو گلب الحنین اتريدك خوانك
من بعده الفرح لملم ولا جانه

****
الفرحه تكتمل له بوجود والينه
وهذه العيد غايب محد ايجينه
صارت بالنزل فيته تأاذينه
بعد هيهات يرجع يگعد احذانه

*****
بعد هيهات ترجع ذيج گعدتنه
بهذا العيد شايل ویلي هيبتنه
البيت اضلم اخلافه انطفت شمعتنه
بعد لمن اعيد راح ملفانه
*****
بعد المن اعيد واجي لاوین
موگلبي تگطع بويه یحنین
عليك انوح مني تدمع العين
حتى النوم عگبه لیش جافانه
*****
الدنيه مظلمه من شال راعينه
شلت يابويه وعدمن مخلينه
هذا العيد ابد ماهو معيدينه
بس النوح سهمي يوم خلانه
*****
تمت الحمدلله🤲🏻
بقلم خادمات اهل البيت ع
✍️الشاعره حوراء الكناني
✍️الشاعره ام زينب الاسدي
نسالكم الدعاء 🙏🏻🙏🏻بتعجيل الفرج الصاحب الزمان عجhttps://www.tgoop.com/fvyhbib

~نعي حوار بين ام الشهيد وابنه بمناسبة العيد~
~~~
شتكله//
والعيد اعيده بعدك اشلون
مانشف ابدا دمع العيون
اخوتك ييمه عليك يبجون

😭😭😭😭😭😭😭😭
لسان حال الشهيد
لاتونين

حبيبه عليه لاتونين
مشتاكلج يايمه تدرين
على دربج تراني شابح العين

😭😭😭😭😭😭😭😭

لسان حال الوالده ام الشهيد

شتكله
لفركاك يبني عمت عيني
لمن رحت ضاعت اسنيني
اعليك يمه ماهاد اونيني

😭😭😭😭😭😭😭😭
لسان حال الشهيد

مروو عليه وزاوروني
من ريحكم لاتحرموني
بكعداتكم هم تذكروني

😭😭😭😭😭😭😭😭
لسان حال الوالده ام الشهيد
شتكله

بكعداتنه لا مانسيناك
ياريت ميته وشلت وياك
تجوي بدليلي نار فركاك

😭😭😭😭😭😭

جواب شهيد

ذكريني وكت المسيه
لوناشدوو ربعي عليه
كولي يمحروم الدنيه

تمت بفضل الله وعونه بأقلام خادمات الحسين
ام علي الموسوي+ حوراء الكناني
نسألكم الدعاء والفاتحه الى ارواح الشهداءhttps://www.tgoop.com/fvyhbib

قصيده الام بمناسبه العيد
●▬▬▬ஜ۩۞۩ஜ▬▬▬●
ييمه العيد من دونج مريده
وخلافج يشفجه شلون اعيده
●▬▬▬ஜ۩۞۩ஜ▬▬▬●
وخلافج يشفجه كلبي موجوع
توجعني يبعدج حته الضلوع
من رحتي ييمه طفت الشموع
علتي بغيبتج صارت شديده
●▬▬▬ஜ۩۞۩ஜ▬▬▬●
عمري بغيبتج يصعب بلياج
اتمنه مشيت ورحت وياج
خذيتي كل سنيني الجانت احذاج
ونوحن والونين اعليج ازيده
●▬▬▬ஜ۩۞۩ஜ▬▬▬●
ونوحن والحزن مابطله اعليج
عالضيمي اجيتج اشتكي ليج
يايمه دمع من دموم ابجيج
شالت گشختي غمضت بلحيد
●▬▬▬ஜ۩۞۩ஜ▬▬▬●
عفتيني ومشيتي ليش امي
لتموتين اريدج عمري يمي
رجعي ابساع شيلي اوياي همي
اعاتب من غصب العتب ميفيد
●▬▬▬ஜ۩۞۩ஜ▬▬▬●
ميفيد العتب للمات هيهات
ولا يرجع زمان الي مشه وفات
ضوه الدنيه انطفه وكثرت الجمات
من بعد العزيزه يبجي لوليد
●▬▬▬ஜ۩۞۩ஜ▬▬▬●
نبجي للحنينه ليل ونهار
عافتنه نون ونوح بالدار
امنه الدللتنه ازغار واكبار
بعد مانفرح ولا نلبس اجديد
●▬▬▬ஜ۩۞۩ஜ▬▬▬●
~تمت الحمدلله🤲~
~بقلم خادمات اهل البيت«ع»~
*℘(✍)⇣✿ ℘الشــاعرة*
*حوراء الكناني*
*‏℘(✍)⇣✿ ℘الشــاعرة*
*ام زينب الاسدي*
~نسالكم الدعاء🙏🏻🙏🏻 بتعجيل الفرج الصاحب الزمان ٪عج٪~https://www.tgoop.com/fvyhbib

💫 قصيده اول محرم للهلال 💫
🖋️🖋️🖋️
عاشور بین ياخلگ
والحزن بان ابیانه

🏴🏴🏴🏴🏴

لهلال مغبر. هلته
ناوي اعله شر ابطلعته
الذبح الحسين وصحبته

من شوفته اذانه

✍🏻 ام زينب الأسدي
🏴🏴🏴🏴🏴

هذا الشهر بيه ننفجع
بحزان ونهل الدمع
بخواني گلبي ينصدع

شهر الحزن عنوانه

✍🏻حوراء الكناني

🏴🏴🏴🏴

هلال الگشر ياهلي
وادري يخوتي انولي
ماعندي والي يظل الي
وكلبي يظل باحزانه

ام مصطفئ ناصريه

🏴🏴🏴🏴🏴

بشهر الكدر آل النبي
النسوان كلها تنسبي
ويحدينه باجر اجنبي

وگلبي تزيد احزانه
العلويه ام زين العابدين

🏴🏴🏴🏴🏴
بهل الشهر گال المصطفى
ينذبح ابني من الگفئ
وخيل اميه اترظرظئ

جيش ايزيد واعوانه

ام منتظر الركابي خادمة اهل البيت ع

🏴🏴🏴🏴🏴

لاتهل يهلال الكدر
ايخون بينه الدهر
ونبقئ بحزان وقهر
ويسبونه عدوانه

✍️فاطمه المطر أم زاهر

🏴🏴🏴🏴🏴🏴

تمت بحمد الله بأقلام شاعرات رابـــطة مواساة الزهــــــراء عليها السلام

https://www.tgoop.com/fvyhbib