3-----------------------


ريحة محنه فاحت خيمنه من خيمة العباس
ريح الي يمه اتمنه الزمه مو ينشهگ ينباس
ساگينه خوه حچاياته تسوه مليانه حب واحساس


هيبه ياكفالي
يااخوي الغالي
يگلي تم ياخيتي
وحچيي بعده ابالي

الريح لو مراني
وحركالي رداني
يغار وده يگطعه
چي لفه وجاساني

~~~~~~~~~~~~~~

خويه يگلي يابيرغ اهلي ادللي يم عون
ربتني امي وشكبره همي كفال انه لضعون
هاي المحامل وبنصها شايل اشرف بشر بالكون


بي بنات الساده
حكه اذا يتماده
المحمل ويتشرف
بي خوات القاده

قافله من الگمره
تمشي وسط الصحره
بيها عطر حسيني
وبيها اخيتي الحره

~~~~~~~~~~~~~~

بيده ثناها الناگه وخذاها ايدي وركع للكاع
سد لخيالي صار وصفالي والخيمه شدها بساع
يضحك يجيني ويصد لعيني وعيونه بيها وداع


بعيني اخر مده
فرگته تتعده
گلبي حس بالغربه
وكلت گلبي شعده

شيطفي گلت الگمره
والگلب بي جمره
دعيت بأمي فاطم
ربي طول عمره

~~~~~~~~~~~~~~

للخيمه لو طب حزني يتغرب ومبتسمه يلگاني
يگلي يحره خليني بره حارس
الچ اني
بروحي افتديج ومااعز عليج بروحي وله اخواني



فدوه يابت حيدر
روحي لجل الخدر
المهم انتي بنعمه
واحنه خل نتوذر

ماي لو مااحصل
دمع عيني تهطل
لوالجف لو جربه
موانه اليتعطل

~~~~~~~~~~~~~~

طالب الصالحي

تيهنه الدرب مانندل منين
من بعيد شفنه راس الحسين

عبايه تجر عبايه _وكل احنه سبايه

تيهنه الدرب مانندل منين

°°°°°°°°°°°°°°°°°°°°°°°°°°°°°°°°°°°°°°°°°°

اه واه _واويلاه محتارين بين اللطمه والدمعه
بس نسوان_وماكو امچان يلمنه وضاگت الوسعه

نيشان الدرب نگاط من دم نحر عبد الله
الخيل اثاره تمحي ودوم محد كدر يوصله


ماندري بمجانه وين ماوين

°°°°°°°°°°°°°°°°°°°°°°°°°°°°°°°°°°°°°°°°°°

بين الخيل _رحت بليل من بعيد اسمع صوت بيه خوه
ون ونه_اسمعنه_عرفته من الرمل ابن امي يتجوه

خاف بجفي اگلبنه وبيدي خاف اطشره
بيك منين ماگلبك السيف مسوي حفره


ضلوعك باقي منهن فقط ضلعين

°°°°°°°°°°°°°°°°°°°°°°°°°°°°°°°°°°°°°°°°°°

صدرك وين _خويه حسين _گلبك هذا طالع وانغمه عليه
حمره الگاع_بساع بساع_ذبل وجهك نزف واخذوني مسبيه

كل شويه امشي اوكف منك الكه وذره
مو بس جسمك مطشر اطشرت بينه عشره


عنك ماشيه وتشابح العين

°°°°°°°°°°°°°°°°°°°°°°°°°°°°°°°°°°°°°°°°°°°

بهذا الليل _گمنه نميل_وكلمن طلعت ادور اعله غاليها
بس انه_حيرانه_كلها اعزاز مدري منين ابديها.

كلهم فرد طيحه هنا بس هو الگلب واحد
شيحمل يامصيبه يريد يذكر جم طفل شارد

من هول المصايب کلبي نصين

°°°°°°°°°°°°°°°°°°°°°°°°°°°°°°°°°°°°°°°°°°

طالب الصالحي

اللحن👆

ياعباس زينب صعدت الناکه
بأرض الشام تبجي بدمعه مشتاكه


ياعباس هم تدري شحصل وشصار
بين الناس زينب تنضرب بحجار
وانت الحيد ماتقبل بهيج اخبار

بضيم تصيح خويه شوكت نتلاكه

°°°°°°°°°°°°°°°°°°°°°°°°°°°°°°°°°°°°°°°°°°

من بعد الهوادج ركبن الهزلات
ساعه بهيمه ساعه بنص خرابه تبات
وجوه الاهل ماهي وجوه بس شمات

ودموع الفگد بالعين حراگه

°°°°°°°°°°°°°°°°°°°°°°°°°°°°°°°°°°°°°°

فوك المتن سوط وايد بيها حبال
هاي المو عله الخاطر ولا ع البال
زينب والله دنيا تشوف ضلها رجال

وين الجاب ضعنج للطف وساگه

°°°°°°°°°°°°°°°°°°°°°°°°°°°°°°°°°°°°°°

اه يالليل من يجن عليها الليل
تلم بأيتامها وترجع تلم الحيل
تميل تميل زينب من حزنها تميل

بحر احزان محد يوصل لراگه


°°°°°°°°°°°°°°°°°°°°°°°°°°°°°°°°°°°°°°

ياهب ريح راسك عالرمح زعلان
شلون رجال غربه تشاهد النسوان
فزعة روس رادت تلتقي بأبدان

بس عيون فوک رماح براگه

°°°°°°°°°°°°°°°°°°°°°°°°°°°°°°°°°°°°°°

تتنخاك كلما تدخل بنص سوک
تلتم ناس وتعاين تضل من فوک
هاي منين هاي الصاعده عله النوگ

حجي الناس ذبل عمري واوراگه

°°°°°°°°°°°°°°°°°°°°°°°°°°°°°°°°°°°°°°


طالب الصالحي

القصيده لمولاي السجاد ع


المن اشكي حالي وماكو اهلنه
بعدها ابالي من بسوگ فتنه
رحنه بعزه وبذله رجعنه



بلا المن انه عايش لا اخوان ولا
حبايب

وحته التداويلي جرحي هم مشت ام المصايب

حگه يگصر عمري وانه مااصل رحم الكرايب

ياعرف ضل ويجيني واهلي ضلو
ع ترايب


لمانه بحنانه وطشرونه
من خلو السيف بنحر ابونه
وبحار الرمل طفو شمعنه


كلشي يگطع بيه حاسب اله طيفك
ماحسبته

بروحتك حته وي اهلنه عيشت گلبي بغربته

كون ساعه اعتاب عندي وياك ياسيف الذبحته

منحره درب المحنه شبيك رايح راد
انته


اوگف بالمشي وگفلي حيلي
بمشيك فحطت روحي ودليلي
تره بذبحة الغالي احنه انذبحنه



ناسي شكلك وانته واكف خذني يمك حته اذكرك

شما اشوفك تجي ابالي امدد اعله الكاع ضهرك

ارد اشوفك بويه سالم هسه ماكايلك اضحك

صوت منك مايجيني بس بذاني ايصهل مهرك


بس بذني ايصهل صاح الضليمه
ومااشمك واشم دخان خيمه
وخواتي يصيحن محرگ جدمنه



بگفه كل واحد يسافر نشوف طاسة ماي تنرش

ابالي اجت حيرتها زينب بگفه ابويه شنهو التطش

دموعها طشت وگالت يانهر بالدنيا يعطش

ياجفن گلتله اهده خل اشوفه شبيك ترمش


حگها مدللة عباس وحسين
باخر نضره ماتترامش العين
وتگله يخي جنك صبحنه


طالب الصالحي

اللحن👆

اه سبايا وصلنة الخرابة
اه عبينة كلتها الترابة

______
وصلنة سبايا لخرابتنة
وذكرنة گبل خوية لمتنة
انزلت ع الوجن جمرة دمعتنه
ويضيگ النفس لو ذكرتك


يسألوني شو غابوا اخوانج
منو الي يهونلج احزانج
وتشوفينة يتبلل ردانج
دمع دم عيوني بجتلك


خوية محد يبطل شماتة
كل عدو اتحققت امنياتة
راس الحسين مشة بصف خواتة
______
اه دليلي يذبحة مصابة
______
تلوذ الحرم بية من تعثر
ويفرقونة ياخوية بس بالجر
شكبر حيلي يبن امي واتمرمر
جبيرة وحنة ضهري حزني


مچاني عزيزة بوسط بيتي
تحاوطني اخوتي وي ذريتي
صفة في هلي حسرة وامنيتي
اخوتي يحركونة ضعني


وين اهلنه بقوا ع الترايب
لا بقالي اخو ولا گرايب
وانه ام عون صفيت ام مصايب

______
اه التهو كلمن بدم خضابة
______

النضر امضة من سيف البنحرك
علية التباوع اشو يضحك
لمن غيبوا بالذبح صبحك
بقت اختك بعين الاغراب


صعب وادم تعاين لزينب
وسباها الذبح خيها هذا اصعب
يطكها لمن توگف وتتعب
هذيج الگبل ضلها ينهاب


ضلت تدور نضرها ع الناس
وتلتفت فوگ تشوفك يعباس
عالي ونهن اويلي وعله الراس

______
اه زمن كله عجبة وغرابة
______

بطشت جابو المنحر گبالي
يغطونه بس نورك يلالي
ارفعو هالغطة واختلف حالي
اركضت عن الاطفال اضمك


رقية تگلي شنو اتضمين
يعمة شكلج شنو اتريدين
صرخت ويلي هذا ابوية حسين
اشبگتك يغالي وتشمك


تكله بوية منو الحز وريدك
وينك حضنك ودفو ذيج ايدك
ماسمعت شكثر صحت اريدك

______
اه جبيرة شيفض هالطلابة
______


طالب الصالحي

:
ردت زينب اخ شلون من ردت
من عالنوگ ماي اعلى الثره اتبدت
عالخوان دارت كربله تدور
وغير كبور للخوان ماضلت


ماباقيلها بس روس اهاليها
عز اولها شو بالضيم تاليها
وسفه الي حلم بس ماطلع ضلها
بنص السوگ اجت وي راس واليها


اجتك عالهزل متعوبه تتمايل
اجتك والدمع عالوجن يتسايل
من عالناكه ذبت روحها بحرگة
وتسولفلك شسوالها العايل


متغيره الشمس ماخلت بحالي
اطفالك تدور ابروده بخيالي
كلها اهون عليه ولايجي شامت
وعن عباس، كلسا يسال اطفالي



طالب الصالحي

#العزاء_لصاحب_الزمان_عج_بأستشهاد_سيد_الكون_وخاتم_الانبياء_ص


تبچي الدار..والغار..لفراگ النبي
والحمامات..ناحن..لوداع الابي

بالمدينة انفجاع_يارسول الله الوداع
____


ناح جبريل وفرش جنحة ورداءه
ومابقة احد ماسمع لوعة بكاءه
والله لبسها بسواد ارضه وسماءه
اليوم ميت بالارض اغلى انبياءه


سيد الكون..مدفون..الامة اتيتمت
والفقاره ..بيد..المايرحم بقت


بعدة آلت للضياع

____

اليوم حزنانه الكواكب والفلك
ونزلو يعزون حيدر جم ملك
البگة براسك لمن كالو ولهلك
ماصبر حيدر ولادمعة امتلك


فگد روحة..جروحة..بيمن تصتبر
صعب فرگاه..وعلية..مو سهل الامر


نار گلبة بأندلاع

____

ضجة صارت والامر كلش جلل
شلون بتابوت دين الله انحمل
الماعرف يسأل اجه شنهو الحصل
اشرو ع المسجد ابدمع ايهمل


خلة المنبر..انضر..ودعنة الولي
ياحزن دوم..بالروح..لا لاتنجلي


لرحيل خيرِ داع

____

انقطع وحي اللة ورحل نور الرسالة
ابو القاسم رايح لرب الجلالة
بعدة ع المغتسل والتمت حثالة
عالخلافة تنازعوا محد دنالة


ذولة الاعراب..بالباب ..محد غسلة
الجان بالعوز..دومة..جفة يمده الة


بيهم الخسة انطباع

____

من هنا تبدي الضلامة والقهر
واتفاق ضلوع ياهو التنكسرً
الكال يهجر كال اتركولي الامر
انه اكررها بوأن واشعل جمر


احرگ الدار..وشصار..ولو يوگع طفل
ومن دماها ..الزهره..لازم تنذهل


من هنا يبدي الصراع

____

طالب الصالحي

:
يابويه مااحمل بعد....هجر هجر
غيابك طويل وما الي.... صبر صبر

گلبي ذايب.... يبو القاسم
وسفه غايب... يبو القاسم

_

انه بنتك فاطم ... يمك بجف لاطم
عالوجه يابويه مااعرف شنو الصار
شفت نفسك واكف... رجف گلبي وخايف
و(علي) ماصدك متت ضل يمي محتار

يابويه فدوه لاتغمض عينك بساع
خليني اخذ من حلات عيونك متاع
يابويه يذبح بنتك فراكك والوداع

يالدللتني شمسرعك .....رحت رحت
ارجعلي بس شيفيد اذا .....صحت صحت


طفه نوره ... ضوه هاشم
وسفه غايب.... يبو القاسم

___

گبل لاتتغسل... الوضع كله تبدل
وصارت احزاب وخطط ضد اهل بيتك
الگال يهجر قادها... هي هاي الرادها
من زمان مخطط لساعة منيتك

ماشهد لله واحد الا بغايه وحساب
اگلوبهم ران عليها وفوكها حجاب
والله حرام و واحد يسميهم اصحاب

اهل السقيفه كعدو ....بكتر كتر
وضل علي وحده يجهز.....الگبر گبر


وضل علينه....جور دايم
وسفه غايب.... يبو القاسم


___

المره شگد فرحانه...مابجت ويانه
للمنيه بويه من سبلت اديك
هذا يوم تنطره ...البي تشوف الزهره
اتيتمت ودموعها تجري عليك

هاي العصابه خططت واتنفذ وصار
وعالمغتسل وبلا جفن جثتك يمختار
عينك بعد ماغمضت وشحت هالانصار

المن عفتنه وياوصيه....الك الك
تنحرک باحر دارهم.... هلك هلك

من انوحك... لام لايم
وسفه غايب.... يبو القاسم

___

السمه حزنانه... جنها تبجي ويانه
يارسول الله اختلف كلشي بغيابك
العرش ركنه اتمايل...والفلك يتسايل
ياحبيب الله الدمع هذا لمصابك

جبريل فارش بالارض جنحه ورداءه
لله انقبض هذا المسى اغلى انبياءه
والكون كله قايم بحزنه وعزاءه

اسود ارضها اتشحت و....سمه سمه
ضلت ملائك تبجي اله... دمه دمه

رحل عنها... اوفى خاتم
وسفه غايب.... يبو القاسم




طالب الصالحي

اللحن👆

:
المن عفتني ببيت الاحزان
الجانو صحابه اليوم عدوان

_________

عالمغتسل بعدك يمختار
والثاني حضر مشعل النار
ويانه عدهم بويه الف ثار
ايام وتشب بالباب نيران


__________
دمعي عليك بضيم صبيت
بعدك يبويه جنازه بالبيت
بضلوعي عصره وكسر حسبت
صحت ونعيت بگلب فجعان

_______

بعدك يتيمه وجنحي مكسور
عيني يبويه لجيتك تدور
تايه يعزنه الراي والشور
وينك يعنبر شاخت ادنان

_______

هذا الحسن يمك والحسين
يكلولك اكعد ياضوه العين
بسم الغدر لافيلك البين
سمتك الماعدها وجدان

_______

الشال على ضهره الدين مشيول
غاب وعدوه يصول ويجول
راح وسفرته تطول وتطول
دين الله منه طاحت اركان


_______

طالب الصالحي

اللحن👆

من محرم   بكسرة بعده خاطري
من محرم    يزيدة جرح العسكري

الجرح جرحين الحسن وحسين

_

گلب واحد شكثر يحمل...ولا يگدر بعد لجمة
الحزن يطلع على وجهي...اذا طف كربله اشتمه


انه المهدي وجدي مجدل
شلون اصبر وبهاي اتحمل
توني اتصبر خلص شهره
وفكد الوالد مايتمهل


ليا مصيبة   انحب واجري الدمع
ليامصيبة   لسمه لو  طحن الضلع

__

صحت بويه صدك سمك... حرگ احشائك وگلبك
ولكن مارجع مهرك... تلطخ لهلك بدمك


ماطفلك يروية دم نحره
ولاجسمك ضل فوگ الغبره
ولا خيتك ركضت بالحومة
وتخنكها من اتصيحك عبره


صح ضليمة  عالرمل بس ماتضل
صح ضليمة  بس يشيعونك اهل

__


الك سامره بدمعها ... ضجت وطلعت حزينة
لچن جدك بقه مرمي... وفرحت بذبحة مدينه


خلوه مسلوب وضل عاري
لهاي بگلبي تلاهب ناري
الله يعجل ليه الطلعه
واخذ، ثارك واخذ ثاري


مانسيته  كلشي الصار  وجرة
مانسيته العمد هامه طشره

___


اعيش بلوعة مصابي.... بگلب واحد الف حسره
بأبويه منتهى الامي... البدت من عصرت الزهره


انه الماله احد من اهله
الضلت حسراته الي تكتله
متاني الثار وامره يقيمه
ادعو لله الثار يعجلة


لله ندعي   يضهر المهدي بعجل
لله ندعي يحيي وياه الامل

__

طالب الصالحي

اللحن👆

شوگي ياخذني اعله بابك وانه واكف
گلبي رفرف وي كل طير بضريحك صفگ جنحه

الدنيا رحه
وفطرتي حنطه اعله جفك لاتذبني
اخذ روحي ولاتخليها اتلثگ
وتنتلف وتصير وكحه

ياانيسي ويااماني
وياسبب لليوم ولباجر وامس
شفرعت وشدعت طوس والله ذبلها شمس

سلاطين الگاع ذبلت
وانت سلطان الخضار
الفقره صارولك حرس

يانشيج اليتعب وياراحة اگلوب الحياره
ومنتجى المهموم ياماعون فقره

الهلا منك تجي سمره

يالرضا ابين الجبال عيون شاطت شوگ الك وبجدم هام اعليك اجتك
يالحنون وعطفك ادره

ارزقني منك شوفة لطراف العبايه
لوتراب تذرني قابل
المهم شي متعلق بشخصك اريد

انت ماتنسدلك ايد

انت ماشافك الماداخل لعالم بيه حنينك
شيكض خيرك دم وريد

#طالب_الصالحي

#السلام_على_الامام_الثامن_الضامن_ع

منين ابدي والم حيلي .,!؟
ياجف اليرد دمع الفزع هادود
شنگل ياجدم ياخوف يااهات
شيحرك الوكت ضل ساكت بلا راي
طحت طيحت الماي بماي
وبلاصوت كلشي يموت
بس گلب الفگد يتعذب بناره
يتجوه اعله كيفه من يجن الليل
ويفرح من تجي من غايبه اخباره
بس الفاكدج يازهره ماينلام
من يحسب لموته ايام
جا المن يضل الماي، لو مات الورد شنهو!
يضل لشوچهم سگاي!
علي ام فاگد وزوجه وحبيبه وبيت
علي بلسانه ماكو اي كلام يدور بس ,ميت انه ياريت
المسافه البين بيته وكبرج جم اه
جم ويلاه, جم طويت ضلع والحيل بيه مهدود ومباوگ نفس والدمع شك طول الكبر صباه
يسرح بيج كل ليله ,ويحاجيج بس مايلكه منج اي مرد يسكت ومنهو اليمه يحجيله
بابج يمه ماخذ منه كل حيله

يصد وجهه ويمر عالباب برزتها تعلک ويل
علي مكابلها كل الليل
كتال اليحبه كباله بس مجتفه اجفوفه
وكلها مغمده سيوفه
ياعملة ضلع فاطم مثلها ماكو مشيوفه
سالت عالحياطين الدمه ميزاب
وصاحت بويه الحگ بويه اجاني الباب
محد منه نزلت كطره من الحيف ولا واحد رجف جفه ولا بيهم دليل ارتاب
نار الغيض من ازمان مضمومه واجاها الحين
وامتدت لذبح حسين
وهاي النار ماتعرف شنو الرحمه
تريد تطفي شي اسمه سماحه وانتشار الدين


طالب الصالحي

مكسور حيدر كابل الباب
ينشلع گلبه وي الهوى الهاب
يصعب عليه يتذكر الصار
وکلبه لمصاب الزهره لهاب


يصرخ يزهره وداير العين
يبجي الحسن ويسكت حسين


يتحسس ضلوعه ويحس طاک
ضلعين اله وخد من الفراگ
يشتم عباتج ينشغ عليج
مشتاگ لاهفله على مشتاگ


بجفوفه يذكر جفج يصير
وعيونه تتفايض نواعير
.

يتذكرج شهکيتي دخان
ويگطع انفاسه شلون ماجان
يتمنى مايشتم هوى يموت
ولايبقى عايش بين الاحزان


عايش بيته وغربه حيدر
محد يجي بس يتنطر


يرش کبرج بدمعاته كل يوم
من غيبتج يشكيلج هموم
خلص دمعها وشلت العين
الكرار ضل انفاس وهدوم .


القالع الباب بأيد وحده
يم گبرج ترابج يهده

_____

طالب الصالحي

زهراءُ يانبضَ الفؤادِ وروحَهُ
مالي أراكِ لاتردينَ الجوابَ
أ فأسكتَ عزريلُ ثغرًا باسمًا
سيطولُ حُزني كلّما طالَ الغيابُ
تلك الملامحُ غُيبَتْ عن ناظري
يا للأسى قدْ ضُمَّ كفيّها التُّرابُ


صحت وينج...بكل مكانج دوريتج
صحت وينج...بس ولامره لكيتج
صحت وينج...ضيعيتج ضيعيتج

راح حيلي... راح حيلي
___

يا هلْ أتى ياكوثري يامصحفاً
قد هُشِمَتْ آياتُهُ والأضلعِ
لهفي لها قد ضُيقتْ أنفاسُها
من نارِ بابٍ لم يراها الأنزعِ
حمراءَ عينٍ غادرَتْ مظلومةً
لِمُصابِها ماجفَّ بحرُ مَدامعي


راح حيلي....منهد ماضلعج تهشم
راح حيلي....وعطرج بكل بيتي ينشم
راح حيلي....وعمري واحلامة اتهدم

راح حيلي... راح حيلي
__

ماعادَ لي من طاقةٍ لفُراقِها
اني أراها في زوايا المنزلِ
ماغابَ صوتُ حنينِها عن مسمعِي
لو أنها نادتْ باسمي يا عليُّ
إنْ كانَ فوقَ القلبِ همٌّ معضلُ
منها بنظرةٍ يزيلُ وينجلي


جان صوتج....يملي كل ايامي راحة
جان صوتج....هسه بس صوت المناحة
جان صونج....صدري من عنده انشراحة

راح حيلي... راح حيلي
____

ياوردةً حانَ القِطافُ لغُصنِها
لم تبلغْ العُشرينَ بعدُ وغادرتْ
تركتْ يتامَاها تلوذُ بقبرِها
وعلى تُرابِ القبرِ دمعاً أمطرتْ
ويلي على أطفالِها لو سألوا
ياوالدي أماه أين ذهَبَتْ

امنه ماكو....ليش ماتسأل علينه
امنه ماكو....بويه ماتسمع بجينه
امنه ماكو....شكثر وياها حجينه

راح حيلي... راح حيلي
__
طالب الصالحي

اللحن👆