أنا عاليٍ جاهي وقدري ماهوب صغير
‏" أعرف الدروب وكل منهاجٍ أنهج له "

‏على خوتي شوف البشر واقفه طابور
‏ولكنّي ابخص خوتي مثل عنواني .

" تكبر و تنسى " قالها كل غالي
‏و كبرت لكن ما حصل أي تغيّيـر

‏لا زال طيفه . . ما يفارق خيالي
‏من صحّ نومي لين أصبح على خير .

‏بكرا تزين ويقتفي عسرها لين
‏ وما للرخا لذّه بدون الشدايد

"الأمور الّي تنقّص قدر غالي / والله إن ودّي اموت ولا اعرفها" وبعض الناس تدور على زلّاتك الغير مرئية، وتبحث خفاك وتصطنع أحداث أنت بنفسك مو عارفها..ودّك ان الغالي يحشم قيمة غلاه

دعوة اليوم " عسى الحزين اللي همومه
‏طوابير ، تمد له ضحكات الأيّـام . . يدها "

تجي لا هود الليل وتحذرني من النسناس
وعلي تخاف حتى من الهبايب يوم تلفحني !

أقبلها وانا ادري بـ أي موضع في جسدها راس
وأنا أحلف لين أموت إني ما أخلي راسها محني

في حضنك تحضر أبيات القصيد ويطرب الهوجاس
وصرت الشاعرة لجلك وفيك الناس تمدحني

يا أطيب قلب.. لا يا أغلى من الياقوت والألماس
يا أكثر شي فـ الدنيا على الدنيا مصالحني

لیا ضاقت تضيق ابي الحياة وتكتم الانفاس
وأنا كل مابكت أمي احس الدمع يجرحني

أضيق من الحياة.. ولا بعد ضيق الحياة إحساس
وأجي لأمي ، أبي من قلبها تعطي و تنصحني

تشوف بعيني الحلوة هموم الوقت ما تنقاس
تخاف الليل يهزم وحدتي ، و بطوله يذبحني

تحلفني أجيها لا لعب في صدري الوسواس
وأنا وشلون أعلمها ؟ وكيف الله يسامحني ؟

أمانه لا غدا همك كبير.. وضقتي من الناس
تعاليلي وحطي همك بصدري يفرحني

تشيل الحزن من قلبي ويسكن قلبها الحساس!
وأنا لامن سكن في قلبها وشهو يريحني ؟

لا شافت دمعتي قالت أفـا! وانتي قوية باس؟
تدس الهم فـ جيوب الليالي ثم تمازحني

"تعلّمت ازرع لغيري ولا اسأل ليش
‏أخاف يْدي تشحّ الخير عن ناسي

‏خلقت بخافقٍ يرتاعه التهميش
‏ولا يرضا يكون الجافي القاسي".

‏"مهما تغيّرتوا .. أسلوبي هو أسلوبي
‏في دروبي الآمنة و دروبي الخطرة

‏ماعرف اداهن عشان آصل لمطلوبي
‏يا زين وجه البياض اللي على الفطرة"

" للصباحــات القديمـه . . جييت كـلّي "

النفس عيّت تراخى و الزمن عيّا
‏و درس الليالي ظروف الوقت شارحته
‏َ
‏لا عاد تنشد عن اللي فيهم حميّـا
‏اليوم كلٍ يحامي حسب مصلحته :)

"هو رفيقي في متاهات الدروب ونوم عيني
‏كل ماضاقت فجوج الأرض يبسط راحتينه"

ما تعوّدت أحني الرّاس من بين الصّفوف
‏ولا تعوّدت أتذرّى وأدوّر لِيّ ذرى

‏إن وردت آرد على العدّ والعالم تشوف
‏وإن وقفت آقف على العزّ والعالم ترى

‏وإن طغت سود اللّيالي على وجه الظّروف
‏عاد لِيّ شيمة ومبدأ على وجه الثّرى

تدلّلي و اعملي لي ما تحاسنتي
‏يرضيك واللي يجيني منك يرضيني
‏عبدالله بن عون

‏في قمة احراجي وعز احتياجي
‏لا ادنق ولا فـ الرجال اتفدى

‏- راشد بن قطيما

مسـاء الخير ،
‏أمّا بعد :

‏"ما انت بلحالك لو الدنيا خَلَت صَحْب وقرايب
‏معْك .. منهو يامر الغيمة توخّر لك عجاجة"

امر ضحكة في زحام التناهيت
‏في ظلمة اقدارك يـنورّك نوري

‏اغيب وأشباهي تكاثر و إذا جيت
‏يبان لك فرق البشر في حضوري