ليش من جنت احترك
ما جيت يمي؟
و هسة راجع من طفيت
من جنت محتاجلك شو ما لكيتك
من بديت انساك اجيت
المثلي ما ينعاف صعبة
والله من روحي استحيت
جنت تجرحني واردلك
هم شفت يوم اشتكيت؟

بعد بعيوني ماتحلة
شيرد لهفتي لشوفك
صعب تحيي السهل كتلة
ومثل فزة حلم گلبي
بعد ما تگدر تردله

مشيت وياك وادري بروحي مغلوب
وجانن كل خساراتي برضاتي
كسرة خاطري ودموعي والليل
وحتى الوجع جان بمشتهاتي
ردت اوصل لآخر نقطة وياك
لآخر حل احس بي ترضى ذاتي
حتى من ارجع من العشرة مخذول
آلوم بروحي مو بمعثراتي
واكولن صوجي انا انطيته تقدير
وكبرته لمن صار بعلاتي
الحرب ماخلصت وياك انا مليت
لان جان النصر مو بأمنياتي
ولا قصة خسارة وفوز وياك
الخسارة انطيتها وجنت برهاتي
بس مليت كثر الانتصارات
احس الفوز شوه كل صفاتي
بكثر مادايس عله خشوم الصكور
اضحك من تشتمني الفخاتي .

تكُلي احَميك
وانتَ ملثم مِن الخوف
تسَولف عِلى النَدى
و تحرگ بسَاتيني
تكتِل ناس چَي ما گدروا يحَبوك
و دَرس عَن الحُسين تريِد تنطيَني
تدليَني بدرب
ما تِدري دَربه منين
دندَل الدرب بعَدين دلِيني .

بعد لتصير خوش انسان
هو الخوش يتبهذل
الناس وجوهم قمصان
كل يومين تتبدل

ترى الكتمان يوصل حده مرات
بس المشكلة شتريد تحجي ؟
المايكدر يسولف يبجي يرتاح
انه حتى بجي ماكادر ابجي

بزلاتك اضم ردتك ضمير تصير
وجذبت الصدك حتى انتَ ما تخسر
وعاونتك علي من شفت عذرك خاب
وقنعت النفس كلتلها يتغير
ولا كصرك طول لا فاض بيك الطيب
لا شمسك علت والراكد اتبخر
لا مدك وصل والعين شافت نور
لا كمورك طول لا لغزك اتفسر
كدامك طحت ما شفت وجهك كام
وهاك ابسط مثال وشوف واتصور
ولك خشبه بطبر فركست جف حطاب
ومن شافت حطب كدامها اتطبر

لكَ الحَمدُ حتى تَرضىٰ
ولكَ الحَمدُ إذا رَضيت
ولكَ الحَمدُ بَعد الرِضى

ماتجين ؟
شظل بعد والمن بعد تتأملين
انتحرت النجمه بسمانا
وانذبح زاجل هوانا واعلن البلبل حداده وطائر النورس حزين
ماتجين !

انهجم گلبي وعساها ابيتكم كون
نفس هجمان گلبي البيت مهجوم
ولا من شافك الله ولا تهنيت
وعساك من الصبح لليل مهموم .

آنه من حزني أرسم الدنيا التفرحك
شعندي غيرك ؟
آنه كل همي انت تضحك

ماتجين ؟
اليحب لازم يمر مرا بحبيبه
ولمفارك هم يهزه الشوك
لحبابه ويجيبه
وانتِ ماجنج حبيبه
ولا كسر كلبج عذاب العاشكين
ماتجين ؟
عدنه شوك وعدنه خاطر نشتريلج
مزاعلتنه وليش من عدنه
العشك ماتشترين ؟

ضيعيتج
ورقه مابين الدفاتر ضيعيتج
لحظه وبساعات باجر ضيعيتج
فره وبدولاب داير ضيعيتج
نفس بألاف الجكاير ضيعيتج
ومن سألتيني حبيبي انا وين؟
بس فتحت عيوني بعيوني لكيتج

اكله شكد تحبني يكول يعني
شنو اليعني منو يفسرها اليه ؟

ادري بيك تحبني ماداعي الكلام
وادري بدموعك صدك تبجيلي

إختار السند الصح اللي يوم
تتعب
تلگاه وياك