قصيده بناء طلب لاحدى الخادمات
الاحباب... 😭😭

ريت الگبر باب وقفل... ودخل.. وشوف احبابي
دمعي اليهل مـــن الجفن.. بلل.. يوبه ثيابي
▧▧▧▧❂❂❂▧▧▧▧❂❂❂▧▧▧▧❂❂

تشتاگ روحي الهم صدگ . انطي الوجه مدري المن
لو ينفتح لحظه الگبر.. وعطر الحبيب اشتمن
اعيوني مابيهن دمع.. من سيلهن هم خلصن

ماينحمل هجر النحب.. يكلف عليه امصابي
ريت الگبر باب وقفل.. ودخل وشوف احبابي
▧▧▧▧❂❂❂▧▧▧▧❂❂❂▧▧▧▧❂❂

كــــــل ليلـه.. جمعــه.. بالگلب.. نيرانهم تجويني
بالروح هجـــران وقهر.... وغيابهم ماذينـــــــي
بالله شيظل برويحتي... خلصت مدامع عيني

مجروح بعتاب الگلب.. يوجع يـناس اعتابي
ريت الگبر باب وقفل... ودخل وشوف احبابي
▧▧▧▧❂❂❂▧▧▧▧❂❂❂▧▧▧▧❂❂

يكلف هجرهم من مشو.. ولعين دم سجابه
ايموت ولله ياخلــــگ كلمن يعوف احبابه
اورود نامـت بالـــــگــــبر ونار الگلب لهابه

هم مثلي عدكم لهفتي. ردو عليه اجوابي
ريت الگبر باب وقفل ودخل وشوف احبابي
▧▧▧▧❂❂❂▧▧▧▧❂❂❂▧▧▧▧❂❂

الموت ماخـــــــله چفن... ساكن يظل مايهمل
وفرگـــة الغالي للگــلب... بلهجر ياوسفه اتذل
مصاب العزيز اللي.. مشه للعظم والروح يسل

المن ابثن شكوتي... وحــــــدر الترب غيابـي
ريت الگبر باب وقفل ودخل وشوف احبابي
▧▧▧▧❂❂❂▧▧▧▧❂❂❂▧▧▧▧❂❂

للنجف راحو والدهر. ماحمله انـــه اجفاهم
ياوسفه احباب الگلب. جوه الترب منواهم
والروح تطحن بالقهر..ويذبح جمر فرگاهم

راحوا. لوادي الغري... اعزاز الگلب وصحابي
ريت الگبر باب وقفل ودخل وشوف احبابي
▧▧▧▧❂❂❂▧▧▧▧❂❂❂▧▧▧▧❂❂

يكلف علي درب النجف.. امسح دمع برداني
سيرت لحبابي الكلب.. محد اجه تلـــــگاني
نامو بذيج المگـبره.. وظليت اشتاگ انـــــي

الدرب النجف صاح الگلب محد اجـه ودگ بابـــي
ريت الگبر باب وقفل.... ودخل وشوف احبابي
▧▧▧▧❂❂❂▧▧▧▧❂❂❂▧▧▧▧❂❂

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده للامام الحسين عليه السلام


نترجه الابو بس ينهض اشويه
ويمسح روسنه المتروس حنيه

△▼△▼△▼△▼△▼

نايم وحنه نلطم يــــاوسف يمه
نطيح عليه ابونه وساعه نشتمه
لو يگدر يگـــــــوم وتحضر الهمه

مـــــاتنهظم يـــــم حسين علويه

△▼△▼△▼△▼△▼

لتمينه اعلــــــه ابونه ونجذب الونه
وصحنه بصوت جا ياهو ليضل النه
حــــــوافر  خيل ياوسفه  يدوسنه

يموت  ومــــــاشربلـــــه گطرة اميه

△▼△▼△▼△▼△▼

بعد بشوك اله  ولسولفه الحـلوه
عمر بلايه ابونه  لحظه مايسوه
ياخيمه التلمنه  وغيره مانــهوه

اونن والگلب نيرانه سعــــــريه

△▼△▼△▼△▼△▼

الابــــــــو خيمه  ويفي  دوم العياله
عمت عيني نشوفه مكطعه اوصاله
درنه عليه دوره ونبـــچــي الحاله

شفنه مــــــوجــــرح الف وتسعنيه

△▼△▼△▼△▼△▼

درنه اعله الجسد  ولروح ملهوفه
نحـبــــــه بكصته  ونقبل اجفوفه
صدك هذا  الوداع  وبعد منشوفه

حدنه اليوم  وباجــــــر افرگــــيه

△▼△▼△▼△▼△▼

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده للامام علي عليه السلام


توجـــع الدلال حيدر طبرته
تفجع الكونين ولله مصيبته

يازينب  يازينب  يازينب

△▼△▼△▼△▼△▼

الطبرة الكرار مايحــصل دوه
وسفه من داره طفوه الضوه
العمود الواگف بحيـــله التوه

الگلب بحـزان تفجع جـــمرته

△▼△▼△▼△▼△▼

فاجـــعـــه اتهز الگلب من الصبح
جرح ابو الحسنين فياض الجرح
هالمصاب اشلـون بيـمــن ينشرح

لونه مصفر  وتغير حــــــــــالتـــه

△▼△▼△▼△▼△▼

اليوم هـــاي الدار غاطيها الونين
شال عنها يــــاوسف راح الحنين
اخلاف ابونه ماتظل لاوالله عين

دموع هـــــاي العين بالدم نزفته

△▼△▼△▼△▼△▼

الحزن غاطي الگلب وبروحي نار
باللحد هاليوم ابــــو الحنيـه صار
انـــــــــه اظل بنوح لليلي والنهـار

تــــــذبح الدلال حيـــــــدر فرگته

△▼△▼△▼△▼△▼

من الزغر هلراس من احزاني شاب
راحت امي والابو عـــن عيني غاب
وسفه ابــــو الحملات غطاه التراب

ومن دمــاه اليـــــوم حمره اعمامته

△▼△▼△▼△▼△▼

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده للامام علي عليه السلام
كأني بالسان حال مولاتي زينب عليها السلام تخاطب ابيها

عميانه العيون   عميانه العيون
      من بعد فگدك يالأبو
          عميانه   العيون
جانصبر شلون   جا نصير اشلون
          لوطول افراگك بعد
             جا نصبر اشلون
┈•┈┈★•$  ✿ $••★┈┈•
البيت مظلم يالابو  مثل الخرابه
كل گلب عگبك محترگ والله بمصابه
انصيحك وصوتك سكت ردنه جوابه
لحزان ويانه اجت عدهن طلابه

بترابه مدفون    بترابه مدفون  
       طولك يبويه ياوسف
         بترابه مدفون
┈•┈┈★•$  ✿ $••★┈┈•
خالي النزل من شوفتك يل دللتنه
نامت عيونك بالگبر وسفه وعفتنه
الاحزان بعدك يالابو جتاله اجتنه
بالگلب تطحن فرگتك بويه وتفتنه

اولادك ينحون     اولادك ينحون
        لفراگ شخصك يالابو
            اولادك ينحون
┈•┈┈★•$  ✿ $••★┈┈•
وبنيتك تنوح بقهر اسمع  حچيها
ياجلمة البويه تظل حسرات بيها
بالدنيه  أبنيتك بعد جا ياهو  ليها
لعيون ماتبطل ابد فايض  بچيها

    واصل للمتون   واصل للمتون
       الحزن بويه من رحت
             واصل للمتون
┈•┈┈★•$  ✿ $••★┈┈•
بويه الحيات بغيبتك ماتسوه كلشي
يوم الغبت عني ورحت شيعو نعشي
من دمعتي الظلت تهل مانشف رمشي
اتعوفني لهذا القهر   وبعيد تمشي

     الفرگه متهون    الفرگه متهون
           اشلون تگضي بغيتك
                الفرگه متهون
┈•┈┈★•$  ✿ $••★┈┈•
الليل يلفيني بقهر يالفرگتك مووت
من كثر وني يالرحت ماظل بعد صوت
مخنوگة بجروحي اظل وحزاني تفوت
اادعيت ربي النجه يونس من الحوت

ايهيد الكلب كون.. ايهيد الكلب كون
لو يندفن وي الابو
ايهيد الكلب كون
┈•┈┈★•$  ✿ $••★┈┈•
تمت بعون الله تعالى*
#الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

لعمل هندسة صوتية مع مونتاج لاستشهاد الامام علي( ع )وانت كاعد بالبيت وترويجها على الفيس بوك للوصول لكثر من 10 الف متابع من خلال الهاتف التواصل مع
@ahmed_alziwar0

قصيده للامام علي عليه السلام


ياغربتي وحنيني ... يابويه  مــــــاتجيني
معميه والله عيني ...  ما احمل افــــــراگ
عجل يبويه موتـك ... اشتاگ حيل لصوتك
گلبي يصيح امروتك ... يوميه مشتاگ

ـــــــــــــــــــــــــــــــــــ

الحـــــــــزن جتـال ... الدمــــــع همال
رحت والعين تنزف ... بويه مجـــبوره
لطمــــــت الــــروح ...   واصب اجروح
دعايـــــــن بتـــــك ... ابحالتها مكسوره
يريـــت الحــــــين  ...    خـــذاني البين
يريت ارويحتـــــي ... بتراب مطموره
شبعـــد ويــــــــاي ...   يبويه ابهـــــــاي
اختنگ بدموعي بويه... وشابگه الصوره

ليليه احن يالرايح وگلبي بوداعك نايـــح
براسي الالم متجمع بيه الوجع ظل طايح
بلياك شنهي سنيني يابويـــــــه ماتجيني

.ـــــــــــــــــــــــــــــــــــ

صعب هجرك ... شنو عذرك
عفتني اتعلعل... ابموجة سحب همي
اجر بــــــاهات... دليلــــــي مـــــــات
الهجر قاســــي... ونواظر والگلب يعمي
انحنى ظهـري ... ابجــــمـــر قهـــــــري
المصايب كلهـا ... من فرگاك اجن يمي
بحزن روحـــــي...  بجمر  نوحــــــــي
اخبرك من جفاك ... انه احتــــرگ دمي

الحزن لازم بابي  يطرگ جـــمر غيابي
والله يحير الخاطر من لوعتي ومصابي
اتصب الجروح بعيني  يابويه ماتجيني

ـــــــــــــــــــــــــــــــــــ

گلـــــــــي وينـــك ...    يالحنيــــنك
تارس عيونه وانه ...  يوميه اطوفك
  مساهره اليــــل  ...  ودمعــي ايسل
ريت لو بالطيف بويه...   تمـر اشوفك
تدمي روحـــــي  ....   من جروحــــي
لَوٌ يصبح بيدي ...  وٌلَآ  لحظه  اعوفك
عمري ويـــــــاك ... مكـــــــدر انـــــساك
ريت هالساعـه ...  اقبلها   جفــــــوفك

بوي الحزن هداني جندوب احمل اني
لوعه ومرار ابروحي  ماصدكت تنساني
زايد لك حنينــــــــــي يابويه ماتجيني

ـــــــــــــــــــــــــــــــــــ

بحزني اعانـــــــي  ...  من زمانـــي
ماخذ اعـــزاز الگلب ... وصفج بديه
عبــــره بالــــــروح ...   منـي متروح
بدمعي اذكرك بالصباح ...وكل مسيه
لچمــــــه لچمــــــه  ...  بـروحي ثلمه
من فرگتـك يالگعطت..  شلــون بيه
عيني تربي  ...   ونتـه دربـــــــــــــي
اشگد اتاني ...  وانتظر شو ماكو جيه

كون انسدح يم گبرك وگلبي بجروحه ايخبرك
لوبيدي  تدري   بحـــــالي عمري اضيفه لعمرك
ظليت افـــــــر بيدينـــــــي  يابــــويه ماتجيني

ـــــــــــــــــــــــــــــــــــ

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

نعي للامام علي عن لسان حال  زينب عليها السلام


زينب والهظم  يركض وراها
امها شالـــت وهسه اباهــــــا
ابحزنها تگبعت موش بعباها

ـــــــــــــــــــــــــــــــــــ 💔

دمعتها  تغــــــورك ويلي  الخد
بچت زينب لبوها والبچي شگد
حيـدر هالمسيـــــه مفارگ الحد

ـــــــــــــــــــــــــــــــــــ 💔

تگله الشوفتك تدريني حنيت
متت وياك بوي والله ياريت
مظلم هالمسه وموجر البيت

ـــــــــــــــــــــــــــــــــــ 💔

ما ريد العمر مگـــــــدر اكمل
لفرگتك ياعلي تريني محمل
دمعتي الگاع ياحيـــدر تبلل

ـــــــــــــــــــــــــــــــــــ 💔

راح الحـــيل   ومابيها الروح
ياعلي بويــــه الگلب  مذبوح
دمعتي لوتهل اتخلي  اجروح

ـــــــــــــــــــــــــــــــــــ 💔

من حزني يبويه الگلب يرعش
وصوات المصاب بخاطري توش
الحمامة تشيط من تضيع العش

ـــــــــــــــــــــــــــــــــــ 💔

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

ابو ذيات لللامام علي عليه السلام 💔

ونارين
يمن جلماتك اتربي ونارن
فكدك للكلب جمره ونارن
تدوي ابراسي هالطبره ونارن
راسي مشتعل من هالرزية
"" "" "" "" "" "" "" "" "" "" ""
الحزن چن نازل لروحي وحلها
وشد النايبة بصبري وحلها
روحي مگدره عكبك وحلها
حال الضيم يالمبعد عليه
"" "" "" "" "" "" "" "" "" "" ""

احتارت عيني دم لو هم شتملي
ومن دهري بعد يهلي شتم لي
عكبكم كل عدو غادر شتلمي
وترس اذني المسبة بكل مسيه
"" "" "" "" "" "" "" "" "" "" "" ""
الحزن چا بيش امثلنه وشبها
ورموش الطفل كبرها وشبها
جم نار الترك بية وشبها
من كل صوب يلسع جمر بيه
"""""""""""""""""""""""""""""""""""
الحزن بيه صبح بالروح  يولاه
وگلبي انواع من الهظم يولاه
يبويه اترد اليه بعد يولاه
لو  ابقه بجمر فگدك عليه
  """""""""""""""""""""""""""""""""""""
الحزن لازم سگف روحي مهدها
وجرح فكدگ الم دهري مهدها
بتك صايره الجمرة مهدها
طريحه وتحرگ النيران بية
 """"""""""""""""""""""""""""""""""""""
يعتني الحبل بجفوفي ولدماه
تسيل وكلبي بفراگك ولدماه
بس بنتك بقت بالهم ولد ما
بقالك راحو بشاطي المنية

 """""""""""""""""""""""""""""""""""""
حرايم والحبال اسحبت يدهن
وعگل كل عالم بهالقهر يدهن
السبايا المشت بين ارجال يدهن
النبي المختار سيدها البريه
 
 """"""""""""""""""""""""""""""""""""
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده للامام علي عليه السلام 😭😭

الليله...  الليله ...  الليله

گلبي مشتاگ لعلـــــــي بهالليله
وحزن روحي والهموم اشكيله

ادري يسمعني الحنين
فگده ما خـلالي عين

ليل ونهار الچفن يبجيله

الليله ...  الليله  ... الليله
┈┉┅━━━━┉┉┈

طالت الفرگه وكبر حزن الگلب
والله بغيابك عشت هجر وغرب
البيت من غير الابو كلش صعب
ماتشوف العين لو تمشي بدرب

الحسن ناح ويلحسين
فگده ما خلالي عــين
ليل ونهار الچفن يبچيله

الليله ...  الليله  ... الليله
┈┉┅━━━━┉┉┈
الليله دمعات الحزن  تجرح جفن
الليله يوم وداع وفراك وحـــــزن
گلبي مشتاگ العلي  ابحسره اون
بويه يفراگك طحن گلبي طحن

صحت ابحـسره وانين
فگده ماخلالي عين
ليل ونهار الجفن يبجيله

الليله ...  الليله  ... الليله
┈┉┅━━━━┉┉┈
مثل حــــايط طين وبماي انهدم
گــــــلبي باللوعـــات والهم منثلم
بسهم فگد المرتضى ظل منجسم
وبمرار النــــــــوح نحــلان الجدم

ابراسي دگيت الاديــن
فگـــــده ما خلالي عين
ليل ونهار الچفن يبچيله

الليله ...  الليله  ... الليله
┈┉┅━━━━┉┉┈
أجمعت الاحزان بيه بكل كتر
ولگلب مشتاك يلهب جن جمر
شلون صابو هامتك اهل الغدر
بعد عينك بويه  بس هم اليمر

نزل  دمـــــــه  عالجبين
فگده ما خلالي عيـــــن
ليل ونهار الچفن يبجيله

الليله ...  الليله  ... الليله
┈┉┅━━━━┉┉┈


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده سريعه للامام علي عليه السلام 🔥

اليوم زينب ينهدم كل حيلها
ساعه مانامت يولي بليلها

راح ضنوتها رحل صوب الگبر
ايعين زينب هالكسر ماينجبر
تشرب الجمرات ويلي ام الصبر
لوعت الغرگان والله تشيلها
اليوم زينب ينهدم كل حيلها

شيبت  من الزغر  زينب بالم
من عمود البيت بالطبره نهدم
فاجده  حيدر علي راعي الشيم
شلون تحجي بغير حامي دخيلها
اليوم زينب ينهدم كل حيلها

ياعذاب الشافته بفركت علي
دموع جن جمرات من عدها تهلي
شلون حيدر منطبر  هذا الولي
طبرت المحراب هدت حيلها
اليوم زينب ينهدم كل حيلها

طاح بالمحراب حماي الدخيل
ولدمع بالعين مابطل يسيل
ياصبح  اظلم عليها جنه ليل
تصيح روحي من الهظم ياويلها
اليوم زينب ينهدم كل حيلها

هزت املاك السمه يمصييته
بالدمه  تخضبت  حيدر شيبته
انفطر كلب العقيله  الطبرته
بعده احزان الكلب شيشيلها
اليوم زينب ينهدم كل حيلها

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

اجمل القصائد لاستشهاد الامام علي (ع )
كلمات القصائد تخبل لا تفوت فرصة الاشتراك بالقناة قبل حذف الرابط
https://www.tgoop.com/Jafar_Jafar_ssss

قصيده لفقد الاخوا😭😭

خويه خويه....شمحله هاي الكلمه من يلفظ لساني
خويه خويه ....عمري يفداك يغالي وكل حناني
خويه......💔......،.خويه

حيل يشتاك الكلب اليكم يغياب
وانه عل الفركه شسوي دمعي سجاب
بس صور ظلت اشوفن خويه عالباب
من اصدهه روحي مني تروح يحباب
ابجي وامسح دمع عيني
وانتظر طيفك يجيني
خويه.........💔.......خويه

غالي ياناس الاخو وشكثر غالي
اشلون انسه العايش وساكن خيالي
اه فكدك من رحت غيرلي حالي
ولله ذل العين يفركك  يوالي
بيش اصبر الروح كلي
واني شلي بعمري شلي
خويه.......💔........خويه

بروحتك ياخويه عظمي بهاي سليت
البيت بعدك ياضوه اظلم تره البيت
موتي كبلك ردته انه شكد تمنيت
بحزني لمن رحت خويه بية شدريت
ريت روحي وياك ميته
ولا ينوح اكلبي عفته
خويه .......💔....خويه

الاخو لوراح  من عندي شيعوضه
من خواته النجف ماخذ ضوه وشمعه
من بعد خال الولد  اهمل الدمعه.
لخته وسفه من الكبر محد يطلعه
عايف اليله اطفالك
وليحب يبجي عل حالك
خويه .......💔...خويه

الخادمه الحسينيه اسيرة الأحزان
مريم العبوديه💔

*قصيده للأم 💔😭😭

يمه تانيني   يمه تانيني
لاتخليني    يمه تانيني
روحي ذبلانه. حيل لهفانه
لاتخليني.......  يمه تانيني
○--★•..✵.•-★┈•ـ○

يمه بطلي نومتج يحبيبه يمه
شلج بنوم الكبر ولوحشه ظلمه
ينكسر مثل الغصن ليفارك امه

يكثر اونيني  يكثر اونيني
ياضوه عيني......  لاتخليني
○--★•..✵.•-★┈•ـ○

بعد مثلج مايصح ليه حبيبه
يم سوالف دافيه واكلها طيبه
مثل شخصج يم هلا امنين اجيبه

ظلمه اسنيني ظلمه اسنيني
ياضوه عيني......  لاتخليني
○--★•..✵.•-★┈•ـ○


بالدار محله كعدتج يمه وايانه
من تليمنه سوه ونحط عشانه
لومرضنه يمه انحسج دوانه

ردي حاجيني ردي حاجيني
ياضوه عيني....... لاتخليني
○--★•..✵.•-★┈•ـ○


يمه من ابرد  تغطيني بعباتج
حيل انه اشتاكلج يصعب مماتج
يمه ردي بالهظم يبجن بناتج

الفركه تاذيني. الفركه تاذيني
ياضوه عيني......  لاتخليني
○--★•..✵.•-★┈•ـ○


مااطب البيت ماشوفن اعيونج
ونه ساعه يمه مارهم بدونج
شلونج هسه بالكبر يمه شلونج

شلوي امهليني  شويه مهليني
ياضوه عيني...... لاتخليني
○--★•..✵.•-★┈•ـ○
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

نعي للاحباب بيوم العيد😭😭

احن ليكم وانتم جوه لتراب
بعد ياعيد اريده ويدخل الباب
روحي تون الكم  يغياب
─═❁═─
الناس  تفرح من يجي العيد
وتلبس بالثياب التشتري جديد
وانه عيدي المگابر والبچي يزيد
─═❁═─
مكسور كلبي وخاطري اليوم
مظيعه  هلي ولحيل مهدوم
فركاهم سلب من عيني النوم
─═❁═─
يغياب  العمر ماصرت اريده
ياونت الكلب ولله شديده
احبابي بالنجف صارت بعيده
─═❁═─
عاندني الوكت ابفركت الزين
خذه اعزاز الكلب التفتح العين
گلي اشلون عيدي وربعي ماشين
─═❁═─
يكون الموت وياكم  اخذ ني
بجفاكم هظم فركاكم شدهني
بواچي العيد يحبابي عمني
─═❁═─
اظل انطر تجون وما تجوني
نطمت بالدمع والهم عيوني
انادي احبابي غابو مالفوني
─═❁═─
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

تنقري نعي او قصيده
لحساب القبر..

باجر موت خلي ابالك الموت
لتغرك بعد يبنادم اموال

الدنية العافها حيدرنه ابو حسين
دوارة تظل من حال للحال

باجر بالگبر ما تاخذ افلوس
باجر تندفن ابطرگ الاعمال

وسط المگبرة اتزول الالقاب
بس تدخل امغيسل كلها تنشال

عندك مايضل بس جفن وياك
وينسونك هلك لو تربك انهال

وعالجثه يضل متفرعن الدود
وياكل بالعظم ويمزجه برمال

ومنكر والنكير هناك يلفون
ويحاسب بالكبر عالقيل والقال

يضيق الكبر والعصرة والويل
بخوف المگبرة ترعب والاهوال

انا العبد الفقير ورحمة الله
بس هيه التخفف لوعت البال

انه عندي رصيدي خدمة حسين
ابجي ابدمعتي للطايح اوصال

ولطم بالمجالس وهمل العين
لزينب والخدر ابسبي لعيال
╌────═❁═────╌

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من ينسب الكلام اليه

قصيده لواء الحسين عليه السلام


كون ياروحي تصيحين بفخر
خادمة للدوم  وبچي عله النحر


الناس  من تلوم  خليها   تلوم
انه غير حسين مايحلالي يوم
لجل نحره تزيد بجروحي الهموم

خدمته هيه الشرف طول الدهر
كون ياروحي تصيحين بفخر



خادمه  الحسين اظل  وعترته
ابد   ماننسه الجره  بمصيبته
نصيح  يامولانه تفجع  ذبحته

وليحب احسين بعماله ظفر
كون ياروحي تصحين بقهر


يل خدمت حسين صفي نيتك
كون بخلاص  وشرف كل مهنتك
بالك   تخلي  تجاره   بخدمتك

حساب باجر عندك بيوم  الحشر
كون ياروحي تصحين بقهر


ياگلب  لا تخجل ابحبك  ابد
وي اسم حسين صير عله الوعد
يوم  لا ينفع بعد  مال  او ولد

خدمته هيه التشرف كل بشر
كون ياروحي تصيحين بفخر



ابصوت حزنك ياگلب بالمحنه صيح
حسين ابن الهادي ياوسفه ذبيح
الكون كلمه لحالته اصبح جريح

اجبال مهضومه لمصابه والشجر
كون ياروحي تصيحين بفخر



ابخدمة المظلوم لحد يستحي
بخدمت المذبوح ذنبك ينمحي
اعياله بعد الصار زينب تنسبي

لمجلس الطاغين مشاها القدر
كون ياروحي تصيحين بفخر



تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://www.tgoop.com/+PZwpTt2HLXcvUQZh

------------------------------------------------------