قصيده لأولاد مسلم ابن عقيل ع


صوت ما مسموع ساعات الصبح
اولاد مسلم تنتحب وكت الذبح

*•──≪᯽≫──•*

يا ورد يذبل بسيف النايبه
اطفال بجفوف الاعادي امعذبه
اليوم حتى السمه تبجي محجبه
بالحزن وجروح فاطم تنفتح

*•──≪᯽≫──•*

حسين ماعنده خبر عن المصاب
اصواتهم توصل وما يرجع جواب
الله واكبر حملوا انواع العذاب
طيور بالغربه انكسر منهه الجنح

*•──≪᯽≫──•*

الليله احزان الدليل موجره
ولدمع نهران فوك لخد جره
بياذنب ذبحوا اولاد. الطاهره
وياكل بالب الكلب ذاك  الجرح

*•──≪᯽≫──•*

لصار بيهم هدم  اركان  السمه
عليهم  الجن وانس  متألمهه
عالنهر  ياويل ضل يجري الدمه
وبالكلب هاليوم جن نابت رمح

*•──≪᯽≫──•*

بهل الجريمه ابد. مانقبل. عذر
اولاد مسلم  تنذبح تالي  غدر
نشتكي ل الله  وطه.  هالأمر
بعد شوفتهم ابد.  لا  ماتصح

*•──≪᯽≫──•*

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

اجينة لمجلس ام عباس عناية
ندك بابها وحاجاتنا اهواية
🎤🎤🎤🎤🎤🎤🎤
ادك بابها ام عباس مهظومة
تكظي حاجتي هل ليلة مالومة
احلفنها بابنها البطل جيدومة
(تكظيها كل شدة العندي)
🎤🎤🎤🎤🎤🎤🎤🎤
مكظية الحوأج دوم مكظية
باسم عباس هذا ابنج يبدوية
بجاه حسين واولادة وغوالية
(تنطينا نطلب من عدها)
🎤🎤🎤🎤🎤🎤🎤🎤
اطلبي مراد منها وصفي النية
ليلة الحوأج دوم مكظية
وتحفض كل معزي صافي النية
(وتنطينا كل طالب حاجة)
🎤🎤🎤🎤🎤🎤🎤🎤
ياام عباس اريدنج تشافيني
بحق زينب واخوها لا تخليني
خاتمتج يامولاتي تعرفيني
(تشافيها كل علة البينة)
🎤🎤🎤🎤🎤🎤🎤🎤
وبسجل الختم مولاتي تسجلون
خيعونا اليدك لحسين خيعونا
واسي ام الخدر زينب المهضومة
(وسجلونا خدام حسين)
🎤🎤🎤🎤🎤🎤🎤🎤🎤
تمت

✍️الشاعره مريم العبوديه اسيرة الاحزان 💔

فزاعيه رباط هوسه ليوم عاشر محرم

مادره العباس بيه مادره
حسين بالعاشر حزو منحره
٠٠٠٠٠٠٠٠٠٠~٠٠٠٠٠٠٠٠٠٠

مادره بحسين مرمي بالفله
ظل ثلث تيام محد غسله
ولحرم ويتام كلها معوله

(يذبحونه. شمسوي حسين)
٠٠٠٠٠٠٠٠٠٠~٠٠٠٠٠٠٠٠٠٠

نايبات الظيم هدلي الدليل
صحت يعباس ولمدمع يسيل
يوم عاشر  نوح وفراگ وعويل

(تمنيته... جفگ  عباس)
٠٠٠٠٠٠٠٠٠٠~٠٠٠٠٠٠٠٠٠٠

ولحوافر خويه تطحن بالصدر
ولشمر بطفالي ياخويه يجر
ولولي مطروح  ابحر الظهر

(ايسحگونه.. ابحافر  خيل)
٠٠٠٠٠٠٠٠٠٠~٠٠٠٠٠٠٠٠٠٠

ولحزن بالروح ياخويه سره
صحت يعباس سبع الكنطره
شوف حالي بالطفوف امرمره

( ..حيرانه  .. ولطم بالهيمه  )
٠٠٠٠٠٠٠٠٠٠~٠٠٠٠٠٠٠٠٠٠

يوم عاشر قصته  تهد  الگلب
اطفالي بالهيمه كاتله الرعب
كلي جم لوعه ابگلبي تطب

(ايطكوها. ترضها  اسگينه)
٠٠٠٠٠٠٠٠٠٠٠٠٠٠٠٠٠٠٠٠

كابعه ابهدمي جا المن اروح
ياحزن عباس  احمل ياجروح
شوف زينب حايره بهمها تنوح

( بدمعاتي خطت  عالكاع )
٠٠٠٠٠٠٠٠٠٠٠٠٠~٠٠٠٠٠٠٠٠٠٠

✍️مريم العبوديه اسيرة الاحزان 💔

.​‏❨﷽❩┈‏​‏​‏​‏​​‏•‏​
ابوذيه عن حال مولاتنا زينب ع


يمن بيك البخت ولجاه   ردناه
هدمي من الدمع مانشف ردناه
وينك يالجبتنه اردود  ردناه
كلفه بلا اخوتي اخطي البريه


الشاعره مريم العبوديه اسيرة الاحزان 💔

قصيده للامام الحسين عليه السلام

((بعنوان ميل ياشمر))


ميل ياشمر لا تذبح حسين
ميل  خله  يفتح  ليه العين

خــــله يصد عليه
متت هاي المسيه

ميل يا شمر لا تذبح حسين

•┈---★•..✵.•---★┈•

لاتذبح نحــــر وتـعـم عليه
هذا ابـن النـبي سيد البريه
لو سال الدمه يملي الوطيه

ابن الهادي تدرون
دمه والله ميهون

موته يجسم الدلال نصين
ميل ياشمر لا تذبح حسين

•┈---★•..✵.•---★┈•

خله يجر نفس طعناته  اهواي
لسانه يابس وما  ظايك  الماي
ابن امي الزجيه وحگــي بهاي

ابن امي الزجيه
مسلب عالوطيه

انظر حالتي وحال النساوين
ميل يـــــاشمر لاتذبح حسين

•┈---★•..✵.•---★┈•

شنو نفع الحيات بـدون خوان
تعمي العين اله مگطع الذرعان
لاتذبح تراهو  حسين عطشانه

خايب خلي احاجيه
وگـطرت ماي انطيه

مثله مايصح بالدنيهه اثنين
خايب ياشمر لاتذبح حسين

•┈---★•..✵.•---★┈•

مابي حيل اخـــــيي  لا تذبحه
جتال الجـرح مو سهل جـــرحه
ردت بس اوصله ويطيني لمحه

بدمعي اتوادع اوياه
اخوي المگدر انساه

وخبره اشلون بهلي العني ماشين
ميــــــــــل ياشمر لا تذبح حسين

•┈---★•..✵.•---★┈•

خليني اودعـــــــــــه گيل ليموت
ومن زينب ردت يوصله هالصوت
السهام بگلبي احس جتاله وتفوت

وبراسه تهوسون
جنكم ماتعرفون

ومن  اطهر. نسب أبن الميامين
ميـــــــل ياشمر لاتذبح حسين

.•┈---★•..✵.•---★┈•

✍️مريم العبوديه اسيرة الاحزان 💔

قصيده القمر العشيره ابو الفضل (( ع))

خويه عباس. 
خويه..عباس

هجمت  ، العدوان  ،خويه...صوب المخيم دنت
طلعت،من،الخيمه،زينب،.تصرخ بحركه وبجت
تنادي، يا كفالي
.ماتشأ هد ،حالي
❥➸➽❥❂❥➸➽❥❂

يبو فاضل كوم افزع ..للحرم ماكو كفيل
دارت  العدوان بيه..... بالخيم ظلت تعيل
غارت،علينه  الاميه....،ولطفل ،دمعه،يسيل
الليله،احتار ،بيتامه......ولحزن،خيم،يويل
ياعظيدي الغالي
ماتشاهد حالي

خويه  عباس
خويه عباس
❥━──➸➽❥❂❥❥❂

هايمه بالبر انادي،....وينه،سبع،الموزمه
خل يجي ويشوف زينب...بعد عينه مألمه
فزعت جيوش الاعادي . عالحرايم هاجمة
حزن دلالي اخبرك . ...صاير بكَد السمة
الدموع تلالي.
.ماتشاهد حالي
خويه عباس
خويه عباس

❥━──➸➽❥❂❥━➽❥❂

صرخة الاطفال تلجم . هالدليل المنجرح
العدو ياخويه ظالم،...بسيفه،يذبحنه،ذبح
الليل مايرحم يخويه  وراسك ايشيلة رمح
وجسمك مكطع اشوفة عالنهر ظل منطرح
تكطعت اوصالي
ماتشاهد حالي
خويه عباس
خويه عباس
❥━──➸➽❥❂❥➽❥❂

تمادت الاحزان بيه. والالم ينهي الكلب
اللوعه من تروح لاجن . عشره تاليها تطب
ارواح اطفالك يخويه ترجف بفعل الرعب
الدرب جتال تمشي . مارحم بينه الدرب
جدمي صار خيالي
ماتشاهد حالي
خويه عباس
خويه عباس
❥━──➸➽❥❂─➸➽❥

ولجدم،  ياخويه ،يعثر، من ،اصد ،لعيونك
ريت  سهم  الصاب  عينك  صوباني ،دونك
ياصلافة خيل خويه. غايرة يسحكونك
ريت اوصالي تبعثر.... اولا هم يكطعونك
بس هظم يبرالي .
ماتشاهد حالي
خويه عباس
خويه عباس
❥━──➸➽❥❂❥➽❥❂


✍️الشاعره مريم العبوديه اسيرة الاحزان 💔

https://www.tgoop.com/gddaogt

،، ﷽.ابو ذیات.. محرم

العــيون لفركتــك ياخـــوي،، يدمن
وظن حـــزن الكلب للدوم،، يدمــن
ايــد التشد حـبل الظــعن،، يدمــن
اید الکطع نحرك تحدي بيه
................، ،.................

بعد ياشــوف ظل عـندي،، ورك بي
ويعـــذب هـــودج احــزاني،، وركبي
شفت فوك الرمح راسك ورك بي
الشمر بتراب دمك عالوطية
................، ،.................

حــلــم نكعـــد صفينه بعد،، بالظل
وياكـــــم دليلي يــفر  بــل،، ظـــل
المـات ارتاح بس القـهـر،، بالظل
يشـيل همـــوم فــركاكم واذيـــه
................، ،.................


تمت بعون الله تعالى*
✍🏻الشاعره مريم العبوديه اسيرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://www.tgoop.com/gddaogt

،﷽. محرم(
ابو ذیات مع نعي
لعليلة الحسين ع 💔

الحزن خله الجمر يلهب وخـــله
شتظــن بالــفارك احـبابــه وخله
حگ الكلب مـــن يلــطم وخلـــه

ينوح اعله الجفو بكل مســـيه


اظل اشكف محنتي هاي ويــهاي
وحرت لاوين انطي بعد ويهــاي
ظلت بس طريقه اوياي ويـــهاي

امـــوت ولا اظـل بالهم وذيــــه

نعي👇🏻

راحو كل هلي بعيدة المسافه
اعالج بالهظم وحدي حسافه
وصيحن والدي عونه الشافه


ضعنهم حمل وطر الصحاري
وانه بالهــظم تجـويني ناري
بس كلبي يظل بالحزن ساري

يوميه اموت بسيف لفـــراگ
ولعبدالله اخوي شكثر اشتاك
اروح بالهفتي واشتم الكماط

غيـــبة والـــدي مردت دليــلي
اتاني نهاري حد مايـجن ليـلي
عليله الوحدي ومهـدوم حيـلي

حارت بالدمـع شتظم العيـــون
بفـــراك الاهـــل لمــــن يغيبون
اون ليلي ونهاري وكلبي محزون

يمـــر الليل بــجروح ومواجع
يجيني والدمــــع بالكــلب نابع
ظـــل خـــالي لنزل المــن اباوع

من الخوف وجهي اليوم صوفر
وكلبـــي من الهجر كلش تفطـــر
ريتــــه ولــــدي هالساعه يحـضر


تمت بعون الله تعالى*
✍🏻الشاعره مريم العبوديه اسيرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://www.tgoop.com/gddaogt

االحزن اية شجن بية ورايه
وتايه عگلي بهمومي ورايه
تركت عالنهر جفالي ورايه
وبگيت بحسرتي وناري السريه

✍االشاعره مريم العبوديه اسيرة الاحزان💔

سارعي بالحجز نزلت اجهزه جديدة لايجيج محرم وتبقين محتارة تعالي معي الى مكتبة عاشوراء


للتجهيزات الحسينية وما تحتاجه الملا واسعارنا مناسبة
👇 يـتـوفـر لـديـنـا 👇

أجهزة صوتية بجميع انواعها 📻
برين صوت الحديث 🔈
اكو غزل 🔈 تكنو سات 🔈

أرقى اللاقطات 🎙️

الباسمي الفضي الشور الطوك الستيل
كتب القصائد 📚
الوشاح 🎗️الكارتات 🎟️
طبع القصائد الحسينية ✍️📜
حقائب  لحمل الكتب 👜


يوجد لدينا توصيل لجميع محافظات العراق 🛵

⬇️ للتواصل والاستفسار ⬇️
@ABRAR5325
@ABRAR5325

⬇️ كروب الأجهزة الصوتية ⬇️
https://www.tgoop.com/+n-BgqsOHygw5OWNh