نعي للمسير😭😭
اعله الظعون

صاح  المسير اعله الظعون
ونه اكتب رسايلهم بالعيون
بعيني  اتفكرلهم   يحملون

سارو بالمسير وبجت عيناي
بس ام البنين البكة وياي
يوداع الاهل ايذوب جلاي

ناديته يبويه تكرب الساع
خليتي اشمك شمت اوداع
ياهذا المسير ايهد الاضلاع

يبويه المريض يريد عوانه
من اهله واخونه يدارونه
رجبو  يالظعن لا تخلونه

يبويه وياك خليني اسافر
تبكه  داركم وحشة مكابر
انوحن  وحدي وكسر الخاطر

كعدوني يم  سكنه وحميده
يسندلي الظهر  ونتي شديده
لاتمشون وتعوفوني وحيده

يبويه فراكم فركه جبيره
ونته ماشي وماخذ عشيره
المن بعد الناظر  اديره

صديت النظر ولكلب ممرود
اخذني وياك ياراعي الجود
مني هالكلب ياعمي ممرود

يكللها يعمي  مو  بدينه
ياهذا الامر من الله ونبينه
محتم.  هالسفر.واجب  علينه

الشاعره مريم العبوديه اسيرة الاحزان 💔

البيك ياحسين
✨✨✨✨✨✨

عن حب اوعقيده صرت........رادود
ويدروني  الخلك لحسين......رادود
اظل  وياه  الحد الموت.......رادود
(( فلا عوفه وحق امه الزجيه ))



اتمنه اويه الخدم محسوب.......خادم
وتذم الناس كلمن صار..........خادم
يحسدونه الخلك يحسين.........خادم
(( وانه بخدمته الف هنيال اليه ))


حبك بالنبض بالروح..........يحسين
نظل كل يوم نهتف احنه.......يحسين
على الصاحت اعله التل خويه....يحسين
(( تعال الخيل هجمت عالثنيه ))

#✍اسيرة الأحزان💔
مريم العبوديه

قصيده للسيده زينب ع 😭😭

يوم الحزن يايومه  .. عد زينب المظلومه
ماتنحمل ونتها.
. ولظيم فت مهجتها

.......
ياجرح التشده وزينب ابحيره
محنت بت علي مامرت بديرة
مشهد هالحزن يصعب تصاويرة
المن هلنظر متحيره  اتديرة

تتلفت لمصرعهم.
. تراب ودم امغرگهم
كل الاهل عافتها.
.....

اكبال العين صرعه كل اهلها تشوف
وعباس الگمر ما باچي عنده جفوف
محتاره بيتامه  البيها حاط الخوف
تگصد للجسوم وبالدموع تطوف

للغالي شنهي تخبره.
لا يمنته ولا يسره
متحتره بحالتها


الله يعين زينب بالجره والصار
الصبر منها صبح بالنايبة طشار
تشوف اطفال مرعوبه بلهيب النار
وادموع الجفن تنزل مثل الانهار

بالطف تگوم وتوگع
. تشوف  العضيد مگطع
تشم الاخو بلهفتها



تشاهدهم ضحاياه ويلي فوك الكاع
وبشهگة حزن تكسر ليها اضلاع
لم عون الجروح النابعات اوساع
تجر گوه النفس من شدةالاوجاع

فگد العضيد الكافل..
نار ومواجع شاعل
تبچي الصخر قصتها


بنفس اليوم فگدت بالطفوف احيود
احسين  وعضيده    راعي الحود
سبيه اعله الهزل منها الكلب ممرود
الكون بعين زينب ويلي ظل مسدود

تشجي بدموع الحسره.
مفجوعة بت الزهره
نيام كل اخوتها

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

ودعتهم.. احبابي الأغله من العيون
ودعتهم.. لاجن بكلبي يظلون 

عني راحو مادريت
فاركوني اشكد بجيت
ودعتهم   ودعتهم
╌──═❁═──╌
رويحتي نترست حزن يوم الجفوني
احن ليهم  وانتظر بلجن يجوني
والاحبه يا خلك بجه
عيوني
ماحسبت بيوم  ويخيب ظنوني

اشكد احبهم.فاركوني ومادرو بيه شجره
اشكد احبهم ..ساهرت اليلي ودمع عيني جره
ودعتهم ودعتهم✨
╌──═❁═──╌

شنو ظلتي بالعمر واحبابي  غياب
لاسمعت الهم خبر  لا دكت للباب
احسب ايام  العمر .ماشفت الاحباب
كمت شمنهم عطر ويه الهوه الهاب

ايطيح دمعي.. من الجفن نار  بهجرهم
ايطيح دمعي... ياخلك ظايع خبرهم
ودعتهم ودعتهم ✨
╌──═❁═──╌


تلملمت كل المصايب ولله عل الراس
لاخبر من والدي ولاعمي عباس
ااه يحزان الكلب مالها مقياس
ليش يلجمني دليلي هواي يناس

ليلي ليلي  بيه مايطلع بدر ويضوي دنياي
ليلي ليلي اسود ايمرني بحزن
وجروحي اهواي
ودعتهم ودعتهم ✨
╌──═❁═──╌
العين مني مساهره ومحاربه النوم
 تلفي نكبات الكلب بالخاطر تحوم
حيل اشتاك الرقيه وسكنه اليوم
ريته الساعي يجي وينطيني اعلوم


بكلبي حسره. .مفاركه احبابي الاحبهم
بكلبي حسره.  ريت لو اسمع  خبرهم
ودعتهم ودعتهم✨
╌──═❁═──╌

تبدت احلام العمر من بين اديه
ابروحي مخونك النفس كل مغربيه
ااه ياليل الجفه   وشسوه بيه
ريت لو عبد الله ابحظني المسيه

صعبه ولله.. محد المنهم اجه ودالي مرسول
صعبه ولله..  خايفه عله حسين ابوي هناك مجتول

ودعتهم ودعتهم ✨
╌──═❁═──╌

✍️الشاعره مريم العبوديه اسيرة الاحزان 💔

‏مقطع صوتي من 💔

،، ﷽،،

قصيده لمولاتنا زينب عليها السلام عندما خرجت ليلاً لمصرع اخيها أبا عبد الله الحسين عليه السلام وكأني بلسان حالها تقول


يحسين وينك يحسين بين الجثث دوريتك
تعبانه روحي بهاليوم من الهظم  ملكَيتك

عاين يخويه الحالي
ميته يريت اشوالي
يحسين وينك يحسين بين الجثث دوريتك

   ⊰᯽᯽⊱

ناشدتك بدمعي اليهل حاجيني
بيا حال ادورك يا منابع  عيني
تعبانه ولجسمك منو ايدليني

دامي وعليك التربان  غطت ملامح روحك
لا طعنه وحده ولثنين  مكدر  اعد اجروحك
 
بعدك يخويه الغالي
بعيني الدموع تلالي
يحسين وينك يحسين  بين الجثث دوريتك

   ⊰᯽⊱⊰᯽⊱

عيوني تعمه ولاشفت الموذر
بذاري التراب من الحزن اتعثر
ناديت خويه ولكلب مني انطر

كمت انخه خوي العباس  ابنخوته المعروفه
لاجن عضيدي بياحال  ومكطعات  اجفوفه

بعيني الدموع تلالي
ميته يريت اشوالي
يحسين وينك يحسين بين الجثث دوريتك

   ⊰᯽⊱᯽⊱

ابروحي حسره ولحزن  هداني
من شفت كلهه إمطشره  ولياني
هاجت يخويه بحركه كل احزاني

مجبوره اعوفك بدماك   وتحسر اعله امصابك
ادري البعد هم جتال   يذبحني خويه غيابك

اتحطمت  آمالي
ميته يريت اشوالي
يحسين وينك يحسين بين الجثث دوريتك

   ⊰᯽⊱᯽⊱

فاركتك ابجرح الكلب فاركتك
لو بيدي خويه صدك  ولاعفتك
ياهظم تحمل بعد عينك اختك

سهم النوايب جتال  سهم بضلع صاباني
اثيابك تسلبت ياخوي   وانه الهظم غطاني

شنهي البعد يحلالي
ميته يريت اشوالي
يحسين وينك يحسين بين الجثث دوريتك

   ⊰᯽⊱⊰᯽⊱


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

#فزاعيه للسيده زينب(ع)♂️
____
__

الله يساعدج زينب
جم هم التحملينه

......•┈•••۪۫‌•৩••৩ ✿✿✿৩•۫৩•۪۫‌•••┈•
فكتي واحد اوسبعين
وبن امج ظوه هالعين
صحتي من مرار البين
خويه حسين رد لينه

الله يساعدج زينب
جم هم التحملينه

......•┈•••۪۫‌•৩••৩ ✿✿✿৩•۫৩•۪۫‌•••┈•
عفتي خوان عالغبره
وروس مكطعه اوتبره
مرميه الجثث عشره
كلبج الله ايعينه

الله يساعدج زينب
جم هم التحملينه

......•┈•••۪۫‌•৩••৩ ✿✿✿৩•۫৩•۪۫‌•••┈•
خذوج مشدده بحبال
مكسورة ظهر ياحال
تصيح اطفال ياكفال
انهض عاين اشبينه

الله يساعدج زينب
جم هم التحملينه

......•┈•••۪۫‌•৩••৩ ✿✿✿৩•۫৩•۪۫‌•••┈•
يابن امي ينور العين
زينب فكدت الطيبين
حنان وعل الكلب زينين
تناشد ردو اعلينه

الله يساعدج زينب
جم هم التحملينه

......•┈•••۪۫‌•৩••৩ ✿✿✿৩•۫৩•۪۫‌•••┈•
تبجي بالوعه وبحسره
كلبج الله يصبره
زينب ولنعم حره
مثل صبرج فلا لكينه

الله يساعدج زينب
جم هم التحملينه

......•┈•••۪۫‌•৩••৩ ✿✿✿৩•۫৩•۪۫‌•••┈•

عظم صبرج يمهيوبه
عليج العين مسجوبه
شفتي اخوان مصيوبه
عمرج ضايعه سنينه

الله يساعدج زينب
جم هم التحملينه
......•┈•••۪۫‌•৩••৩ ✿✿✿৩•۫৩•۪۫‌•••┈•

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://www.tgoop.com/gddaogt

نزله

دهر ما يرحم عجيب بحالها
زينب امچلب جمر بذيالها 
*•
اه يادهر العجيب اشكد بشع
كلب زينب بالحزن ظل منگطع
مثل ماي الغيم صبتهه الدمع
والكدر والنوح تارس بالها
*•
هاي بنت المرتضى تغص بالالم
من الطفوف الحيل منعدها انهدم
ظلت بلوعة تباريها الحرم
فوگ هم الكلب نوح اطفالها
*•
بگطع نحر حسين شابت بت علي
تعيش مالومه وسف بت النبي
ولچمر طایح وسافه اعله العبي
اه للمحد لمح لخيالها
*•
بطيحه الجفين عد ذاك النهر
بعد مابيها عتب من القهر
تراكمت لحزان والهم والگدر
تكطعت من الهظم اوصالها
*•
یاعذاب تحملت من الطفوف
بکلب زینب یاچرح منهن نروف
ذبحة الخون لو کطع چفوف
ولهظم من حملوها اعیالها
*•
اليفگد الغالي يطش روحه بوحل
ايعين زينب عالجره اهناك وحصل
فكدت الخوان وي كل الاهل
وفكدت بطف كربله آمالها
*•
بکلب زینب بایت الهم ولوچع
وسوط غادر فوک  الظهر نطبع
شلون حاله الطاهره بذاک الفزع
ضیعت فوک النهر کفالها
*•

★•••★.ا
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://www.tgoop.com/gddaogt

❨﷽❩┈‏​‏​‏​‏​​‏•‏​قصيده للحسين ع 😭😭
صدر الحسين

ولج ياخيل عوفي صدر الحسين
هو شظال بي ونتي تدوسين
هشمن صدره
هشمن صدره
حوافر خيل اميه... هشمن صدره

ياخيل...😭 الاعادي رحمن ابحاله
حوافرجن يطشرن صارن اوصاله
تدمع هالعيون  لجرحه هماله
محد يگربه ومن الترب شاله

لظال بالحومه... الظال بالحومه
اتحرگه الشمس.. الظال بالحومه


مالابس  درع لتلجمن اجروحه
اخونه بالسيوف تفرحت روحه
انه من الحزن ياچف اللي يلوحه
مثله بالقهر ياخيل مذبوحه

چابوجن ثجيله.... جابوجن ثجيله
الما عدهم.رحم  جابوجن ثجيله


من دم الوريد الروح احنيها
مو دمعات لجل الغالي ابچيها
ياخيل الاعادي الجثه عوفيها
شجاج وهالضلوع انتي تطحنيها

اسوايت عملتج ... اسوايت عملتج
محد يسويها ... اسوايت عملتج


صدك ياخيل انتي ماتعرفينه
محمد جده وبحافر تدوسينه
هذا حسين النطه دمه الدينه
عليه كل مسلم ليله جرت عينه

مسلبه اهدومه...  مسلبه اهدومه
ابن امي حسافه مسليه هدومة

الميت ليش هاي الغايره اتدوسه
ضلوعه بالحوافر صايره هوسه
جنت انه بوجود حسين محروسه
هسه بالقهر والنوح محبوسه

بروح مالومه....... ابروح مالومه
اعاين جسم اخويه بروح مالومه


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده للنزول  ظعن الهواشم ع

نزل ضعن الحسين ونوخ الحادي
بده صوت الونين ومظلم الواداي

━━━━▣◤◢▣━━━━
زينب حايره والديره  مو الها
وبخيمات كـــــل العايله تلمها
چن هجرة اهلها بكربله تشمها

ياطف المصايب تبچــــي وتنادي
نزل ضعن الحسين ونوخ الحادي

━━━━▣◤◢▣━━━━

من خيمه تروح الطاهره لخيمه
بداية هالحرب مرسومه بالهيمه
لا ظــــــل اليفي ولا اجت غيمه

حزينه والدمع منها يظل   سادي
نزل ضعن الحسين ونوخ الحادي

━━━━▣◤◢▣━━━━

بس عدهــــا الگمر عباس ما تهتم
يرد الروح اخوها وعطره من تشتم
تشوفه بالضعن هــوه اللي يتجدم

فديته بمهجتي وبعمري وولادي
نزل ضعن الحسين ونوخ الحادي

━━━━▣◤◢▣━━━━

تأمن روحها من تشوف ريشاته
اخوها وتكسر العــدوان نظراته
محد يگربه  لو يوصل لــــذاته

بـــــدور العيله همه واظلم البادي
نزل ضعن الحسين ونوخ الحادي

━━━━▣◤◢▣━━━━

لچـن گلب العقيله داوي بناره
ودمعاتها تظل للدوم تجــاره
محتاره عليهم حيل محتاره

شبت بالگـــــــلب الـنـار  وافادي
نزل ظعن الحسين ونوخ الحادي

━━━━▣◤◢▣━━━━

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://www.tgoop.com/gddaogt

نعي عن لسان حال مولاتنا زينب ع
عاشر محرم 😭😭💔

يعاشر محرم لاتجيني
معميه عالخوان  عيني
زينب انه وزايد ونيني

ونيت ولجمه ابدليلي
عالوليان  مهدوم حيلي
عالخوان  يادمعات سيلي

ثلث تيام عالغبره  رميه
يحسين خويه اشلون بيه
ابحر الشمس ماشرب اميه

افيله  أبطراف  العبايه
ماظاك العذب احسين مايه
عاشر  بيك خواني ظحايه

اشوفن بيگ لوعات الحزينه
سبايه وبالحبال مجنفينه
ولسجاد تهمل دمه عينه

ابشوفتگ  تلفيني  النوايب
ومني لجبد يحسين  ذايب
وكلبي عله الخوان لايب

✍️مريم العبوديه اسيرة الاحزان 💔

https://www.tgoop.com/gddaogt

لطميه لام البنين عليها السلام

ياشيخة النسوه يم الاطياب
الج ميدان يحله بهذا المصاب

ميدان اللطم منصوب لم عباس
هاي اللي تداوي جروح كل الناس
اصيلة ام الاطايب نرفع الها الراس

نواسيها بولدها العنها غياب
ياشيخة النسوه ياأم الاطياب

نواسيها الشفيعة ونسجب العبره
فدت اربع ولد للي انكطع  نحره
كرامتها اجت جي خادمه العتره

مدمعها يظل للمولى سجاب
ياشيخة النسوه يم  الاطياب

كحيله امصلصله ويحله الطم ليها
ام عباس مترد الي ينخيها
هاي ام البنين شمحله طاريها

متقصر ابد مترد  الاحباب
ياشيخة النسوه يم الاطياب

مابين الكلب لنفاس محبوسه
تنوح عله الطريح وخيل الدوسه
لم عباس خل نهوس الهوسه

ذاب الكلب لجلج بالحزن ذاب
ياشيخة النسوه يم الاطياب

محلات الطم للجابت الشجعان
غيره ومرجله وربات هم  ديون
عفيفه وياهلا أبشيخة النسوان

جرحج بالكلب ينزف  ولاطاب
ياشيخة النسوه يم الاطياب

محروگ الكلب لمصيبت اولادج
يفجع كل كلب ياحره امصابج
اجينه بشوك ننعى ليله ابابج

ندك بابج نريد الساعه الاجواب
ياشيخة النسوه يم الاطياب


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده للامام المهدي المنتظر عجل الله فرجه الشريف..

طال لغياب.. يالمنتظر
طال لغياب.. يالمنتظر
✼ــــــــــــــــــــــــــــــــــــ✼

مهج لهفانه يمهدينه حياره
ونورك الوضاح احنه بنتظاره
شوكت سيفك يصدح بلمعة فقاره
الكلب ينظرك بليلة ونهاره

كلبي نفطر... كسره انكسر
طال الغياب.. يالمنتظر
✼ــــــــــــــــــــــــــــــــــــ✼


ابدعاء الندبه الك يامه قرينه
وندعي تعجيل الفرج طالت سنينه
الك يالمهدي  بحزن ندعي وبجينه
وبظهورك كل موالي تقر عينه

بروحي جروح. دمعي  نهر
طال الغياب.. يالمنتظر
✼ــــــــــــــــــــــــــــــــــــ✼

مصيبة الرضعان گد توجع دليلك
ادري تلهب نار جتالة بغليلك
ايعين صبرك ياهو يتصبر مثيلك
غايب انته والكلب ظل يشتكيلك

وي لدموع.. طاح النظر
طال الغياب.  يالمنتظر
✼ــــــــــــــــــــــــــــــــــــ✼

مخزنه اجروح الكلب بالصدر عبره
اخذ ثارات الزجيه ويه العتره
هواي عدنه اعداء يامولانه كثره
عجل وسل سيفك اليتار اشهره

انادي بصوت.. طول الدهر
طال الغياب..يالمنتظر
✼ــــــــــــــــــــــــــــــــــــ✼


هالدهر بالجور يامولانه غارگ
والظلم يالمهدي مالحظة يفارگ
الشمر جم خيمه الك جم باب حارگ
حته ظحكات الثغر من عدنه سارگ


نسحگ الويل.  بدروب الخطر
طال الغياب  .  يالمنتظر

✼ــــــــــــــــــــــــــــــــــــ✼

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://www.tgoop.com/gddaogt

قصيده لقضاء الحوائج
للسيده  ام البنين عليها السلام

دعيت وايدي مرفوعه
بام الاربعه أتوسل
ادري ماترد خايب
بفضلها كلشي يتحصل
كرم والجود
تفك اكيود
بفضلها. كلشي. يتحصل
⊰᯽⊱┈─•••─❊╌─•••┈⊰᯽⊱


المصايب حامت بروحي. وصليل النايبه توسع
بعد ماعندي اي حيله. الكلب بهمومه يتكطع
شديت الامل بالروح. نخيت لعدها ولد اربع
التجارب تحجي بالازمان. فضلها بكل دهر يلمع


المدح ما يوصل لفضلج
وحقج يعجز.. الساني
الحقيقه من انسأل عنج
الفضل بالدنيه برهاني

بلاية احدود
تفك اكيود
بفضلها كلشي يتحصل
⊰᯽⊱┈─•••─❊╌─•••┈⊰᯽⊱

اجيتج ولكلب حيران.. ولمدمع ترس خدي
وكفت. ابابج الليله... مثل وكفات لمجدي
الج يام البنين انخه. غيرج كلشي ماعندي
بجاهج ادعي عند الله. من حزاني أنمرد جبدي


نطيتي ابدور لحسينج
الله خصج بلطفه
شمعة من الكرم تضوي
بطول الدنيه ماتطفه
رضا المعبود
تفك اقيود
بفضلها كلشي يتحصل
⊰᯽⊱┈─•••─❊╌─•••┈⊰᯽⊱

بكتاب الله تنص آيات.  يفصل محكم القران
الوفه والطيب مردوده.  وجزى الاحسان بس الأحسان
الوفية الصابرة الحرة.  الما ﺨلفت رضا الوليان
رفعها الباري بالدنيه.  وخدمت سيد الشبان


اهنا يالتخدم احسينك
. اخذ منانه هالعبرة
اذا رايد فخر تفخر.
واسمك رايد اتكبره
بضميرك عود
تفك اكيود
بفضلها كلشي يتحصل
⊰᯽⊱┈─•••─❊╌─•••┈⊰᯽⊱

هاي ام الكمر عباس. منها كل ضي اتفرع
الوفه رابي عله الجفين.  بحضان الابا اترعرع
اذا امه بحر عطاي. الابن چا شنهي من يطلع
منابع للكرم والجود.  وقانون الوفه اتشرع


جريمه تنهظم فاطم
جريمة تروح محزونه
وكلبها يدمي بالعبره
الچفن تتلاطم اعيونه

باسم لحيود
تفك اكيود
بفضلها كلشي يتحصل
⊰᯽⊱┈─•••─❊╌─•••┈⊰᯽⊱

الدهر من تعصف اهمومه. وشرار الهم يغطيني
انخاج بكلب مالوم.  وبجيج   بدمع عيني
ادري ما ارد مهظوم. حاشه انتي ترديني
يسايرني الامل وياج.. وعطفج ظل يمشيني

انتي للارض رحمه
وجودج معجزة وآيه
المناقب من يعددها
بفضلج صارن اهوايه

كنز موجود
تفك اكيود
بفضلها كلشي يتحصل
⊰᯽⊱┈─•••─❊╌─•••┈⊰᯽⊱

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

#قصيده . للام البنين ( ع)🍃رباط هوسه

هاي أم البنين اشعندك انخاهه
وحق عباس تنطي الضايع ادواهه
•••••••••••••••••••••••
•••••••••••••••••••••••
مولاتي علينه ضاكت الوسعه
من ايدج اريد امراد يانبعه
بجاه الجود والجفين والكطعه
(( وحلفيهه بعيون الكافل ))
•••••••••••••••••••••••
•••••••••••••••••••••••
اسمج من اذكره تسهل الحاجه
يبحر الجود يم عباس وامواجه
عدنه هواي مرضه اليوم محتاجه

(( وعينينه وبجاه حسين ))
•••••••••••••••••••••••
•••••••••••••••••••••••
نقره الفاتحه الهه نهل مدامعنه
ونصيح ابصوت مولاتي تعذبنه
مهمومين من هل دنيه تعبتنه

(( تفرحينه كل حاير حيره ))
•••••••••••••••••••••••
•••••••••••••••••••••••
متمنين الج مرقد وازورنه
واخذ رايه الج يالحره وتعنه
وحط ايد عله شباجج  وهزنه
(( ودكيته بابج يالشفجه ))
•••••••••••••••••••••••
•••••••••••••••••••••••
ابكلبي  هموم يم عباس حليها
ومشكلتي جبيره تحيرت بيها
ونخيتج ونه ادري ماتخليها
((حليها مشكلتي بجاهج))
•••••••••••••••••••••••
•••••••••••••••••••••••
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://www.tgoop.com/gddaogt

.‏❨﷽
قصيده للعليله ع

انه جويعده   ولدمعه بالعين
يحملون بظعنهم وين ماشين

انه جويعده وحمل ظعنهم
شو جني غريبه وموش منهم
عيوني تصب دمع تتفكر الهم
صحت لاوين هالساعه مرحلين

اجتني سكينه  ودكلي يخيه
حان اودا عنه يختي المسيه
تشبكني الحنينه وتشم بيه
عليله الوحدج  باجر تظلين

ولتمن خواتي فرد  المه
صحت لاوين، خبريني يعمه
تهل دموعها. وخدي تشمه
احسنه الكلب  انفطر  نصين

صحت يابوي اخذوني وياگم
احط باليل لو.جلجل  عشاكم
تظيگ  الروح لو ماشم هواكم
تدريني عليله بويه. يحسين


✍️خادمة الحسين ع
الشاعره
مريم العبوديه اسيرة الاحزان 💔

،،،❨﷽)،،،

قصیده لمولاتي العليله عليها السلام كاني بلسان حالها

وزن  عكيلي


لا تنســوها    لا تنــسوها
بــتكم بالهم  لا تنســوها

○•┈---★•..✵.•---★┈•ـ○

عانيــت الهــم وي العـــله
شيكول الفاجد كل اهله
فركتـــكم لا ماهي سهــله

روحي اتصوبت من عفتوها
بتكم بالهم    لا تنسوها

○•┈---★•..✵.•---★┈•ـ○

حيــلي بهاي الفرگة تــهدم
كمت اهمل دمعات ويالدم
دمـع العين ازيد من زمزم

تجري بفيض الدم خلوها
بتكم بالهم   لا تنسوها

○•┈---★•..✵.•---★┈•ـ○

محــترگه بنيـران التلهب
يومــــيه بلوعات اتـــعذب
چم دوب عليكم آنه انحـب

روحي اتحن ونتم تدروها
بتكم بالهم   لا تنسوها

○•┈---★•..✵.•---★┈•ـ○

بهــــموم الـــدلال اتعـثر
وي ذرات الريــح اطشر
مگــدر يهلي لا ما اگـدر

بتـكم يايــوم تشوفوها
بتكم بالهم   لا تنسوها

○•┈---★•..✵.•---★┈•ـ○

اتهدم صبري بيوم الشيله
ويــن الغالي ارد اشكــيله
اعليـلتكم بالدار انحـيله

ولــروح وياكم خــذتوها
بتكم بالهم   لا تنسوها

○•┈---★•..✵.•---★┈•ـ○

مسلوبـة خاطـر تـــدروني
وتصب مثل انهار عيــوني
اتغير مــن روحتكم لونــي

يمکن صـارت مـتعرفوها
بتكم بالهم   لا تنسوها

○•┈---★•..✵.•---★┈•ـ○

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

.‏❨﷽❩┈•‏قصيده للسبي


تعبانه خويه حسين تعبانه
سوطه الشمر بالمتن  اذانه
مسبيه خويه اخذوني
خلوها  زرگه امتوني

...............

تعبانه من كد المشي  موجوعه
ولروس تمشي اكبالي ومرفوعه
وطفالي تحدي وي الشمر مفزوعه

بحبل الخشن شدوني
خلوها زرگه امتوني


............

طوال الدرب راس الولي يماشينه
لو شمر يضربله طفل صد  عينه
جنه يكلي عينج اعله سكينه

وين  أخوتج نشدوني
خلوها  زرگه امتوني


..... .......

ولسوط مطبوع اعله ظهر ارقيه
يوم الشفتها حيل ماظل بيه
رجليها من جمر الخيم مجويه

ترضاها ايشتموني
خلوها زرگه امتوني


..............

ابرمح راسگ جنه يحاجيني
جنه  يكلي  خويه لا  تأذيتي
من يصب دمعچ نار تجويني

ابراسك يقهروني
خلاها زرگه امتوني

...............

زينب انه  واحزان  هدت  روحي
ابجي  عليك وليلي اخلصه ابنوحي
و شكد جثير عليك خوي جروحي

اتصب دموع عيوني
خلاها زرگه متوني

.............

ناوين حرگ اكلبيي مثل  اخيامي
اشلون اشوفك خويه وتظل ظامي
زيدت ناري  بالكلب  وألامي

تالي يسيره اخذوني
خلاها زرگه امتوني

.....................

سونه  فرجه باليسر  للرايح
ولدمع  بحظاني يخويه  طايح
نادو علينه وكثروه  الصايح

بحر الشمس  خلوني
خلاها زرگه امتوني

✍️الشاعره مريم العبوديه اسيرة الاحزان 💔