فزاعيه للقاسم ( ع)

رايح للحرب جسام
طفو شمعته الليله



مو وكت الشمع يمه
يو داع الولد ظلمه
فگدك يمه ماهظمه

ايخليني / للدوم ابلوعه



جاسم يابعد عمري
ابچي بفرگتك دهري
لولـح يالولد قهري

محتاره // شبت نيراني




بعرسه الولد متهنه
لا زفه اله وحنه
انه اجذب الونه

بترابه// امخضب دمه



عمري خلافك شيسوه
ايجرني الهوه گوه
بلوه روحتك بلوه

ياليله // بفراگك اهدا




ياچفن الگدر يغمض
وصواب الكلب يعرض
امك بعد ماتنهض

مجروحه //بمصابك يمه




يانجمي وسحر ليلي
وينك جاسم احجيلي
اشرحلك مواويلي

حاجيني //ياسلوت روحي

✍️مريم العبوديه اسيرة الاحزان 💔

💔 .​‏❨﷽❩┈‏​‏​‏​نعي للقاسم ع


يمه  يالولد حاجيني جلمه
انطيني  خدگ خل   اشمه
عليك العين يجسام  تعمه

شبساع  يمه تروح  مني
حال  اليموت  ليوم  جني
صكعات الدهر زودن وني

عازات  الولد  يايمه عازه
عله متونه ايشيل الجنازه
صعبه عالكلب يفگد  عزازه

بعرسگ  ييمه  ما  تهنيت
طفو شموعگ وانه  ونيت
و لموت  ياخذني  تمنيت

طفو شمعتگ يابعد عمري
ونيران الكلب بالروح تسري
يمه يالولد مو خلص صبري

مضيعه الولد ولحيل مهدوم
مكسور كلبي وخاطري اليوم
للقاسم اون ابكلب ملجوم

حال  اليتيمه اليوم  حالي
غالي  الولد .وشگثر غالي
بعيوني احس ظلمه ليالي

شبساع مني تروح شبساع
يالب الكلب ماريد الوداع
ترف خدك  وخلوه  عالكاع

✍️مريم  العبوديه اسيرة الاحزان 💔

فزعيه مزدوجه بهوسات للقاسم (ع)


.​‏❨﷽❩┈‏​‏​‏​‏​​‏•‏​فزاعيه للقاسم ابن الحسن ع


طفو شمعتك وبنار خلوني
موتك يالولد عاميها اعيوني



يالعايش بروحي وسلوتي وعمري
نارك بالگلب جسام هل تسري
گلت انه ازفك وفرح بدهري

ايهظموني //چا ليش بفگدك




ياغصن  الليالي المنكسر  مني
دهري بفرحتك جا ليش حارمني
لوعني مصابك حيل لوعني

مفجوعه // و بموتك يمه


يالعريس وينك طايح مگطع
بمجان الهلاهل نايبات اجرع
حزني عالخيام اليوم يتوزع

حاجيني // يالغالي اشويه



شفتك عالترابه غارگ بدمك
جا شنهي اليظل گلي بگلب امك
الطم بالترابه بحسره وشتمك

يوليدي // يماي العين



ياسباح گلبي شويه حاجيني
بعدك يالولد عميه تظل عيني
ماريد العمر يايمه وسنيني

شيعوده// الراح وغرب


✍️مريم العبوديه اسيرة الاحزان 💔

قصيده  ثكيله للقاسم ابن الحسن (ع)


شمعتك من طفوها
روحي بجمر خلوها
ياروحي لا لتهيدي راح الولد من ايدي


كلبي  تركته للعلل والحسره
اخلافك الدنيا  يجاسم مره
دمعاتي يابعد امك تصب حمره

يالشيبت دلالي
عني رحت يالغالي
ياروح بالون زيدي راح الولد من ايدي


المن جبت لشموع وي الحنه
گلت افرح وبيك الگلب يتهنه
تاليها خيل الغايره يسحگنه

والحنه صارت دمه
سهم الدخل گلب امه
آثار حزن بچيدي  راح الولد من ايدي


مشتاگه احضنه ولزم انه اجفوفه
لو بيدي تدري يالولد ماعوفه
تمنيت  اعجن حنته بجفوفه

وزفه كون ابيدي
يوم السعد ياعيدي
يالرحت غفله منيدي ياروحي بالون زيدي

ناديت ولمد مع يصب بعيني
ابروحتك يمه الولد تاذيني
ماريد بعدك انه سنيني

مشتاكه احضنه الساعه
يصعب عليه اوداعه
يالشوفتك ياعيدي  ياروحي بالون زيدي


لجيتك يجاسم بالوجع اتأمل
لو طال شخصك مدري شنهي اليحصل
مثل العشب اتگطع انه واذبل

يالماكو مثل اوصافك
لا ماي لاح اشفافك
بموتك احسن گيدي راح الولد من ايدي


ماشفت من عمرك يجاسم فرحه
كل امل لازم هالزمان ايذبحه
جرح الگلب ميطيب عگبك جرحه

روحي بقهر ممروده
ايامي عگبك  سوده
يبچي الگطه وعويدي  راح الولد من ايدي

✍️مريم العبوديه اسيرة الاحزان💔

اللهم صل على محمد وال محمد
،، ﷽.قصائد محرم(  )
قصيده حواريه
❥✿•┈• • ★{★ • •┈•✿❥


يخويه محمد احجيلك . عن الآلام لو تدري
الدموع بعيني مجراها  قصص تتكسر بصدري
❥✿•┈• • ★{★ • •┈•✿❥
مشينه والجروح اهواي . من يانايبه ابديلك
خافن يالعشت مهظوم . ماتهجع اظن ليلك
اصيحن والجمر بالروح كافي احزاني ادخيلك

جبت الدنيه ظيم ابظيم . هيج معلمه بزغري
يخوية امحمد احجيلك . عن الآلام لو تدري
❥✿•┈• • ★{★ • •┈•✿❥

يخويه من شفت حالج .لطمت الراس بيديه
صدك هاي العقيله اليوم تمشي بركبه محنيه
يهزهه الريح من تسير تلجم جم جرح بيه

يختي ريت هذا اليوم  بعدج لا عشت عمري
يخويه امحمد احجيلك . عن الآلام لو تدري
❥✿•┈• • ★{★ • •┈•✿❥

حالي اتشاهده بعينك . وحزني ما اظن ينقاس
بمرارتة لوعة الاحزان . تشمت ياعضيدي الناس
شسولف وانه شفت حسين . طاح تلاحكَ العباس

وبقية ابسجت الدمعات . يخويه وحايره بأمري
يخويه امحمد احجيلك . عن الآلام لو تدري
❥✿•┈• • ★{★ • •┈•✿❥
ياكعبه حزن هالكون . الله ايعظم احزانج
كبال اعيونج الله يعين  شفتي مذبح اخوانج
مشيتي بهيبه الكرار . ما همتج عدوانج

مثلج ماشفت مهموم . يابت حيدر ابدهري
يخويه امحمد احجيلك . عن الآلام لو تدري
❥✿•┈• • ★{★ • •┈•✿❥
شحجي بلوعة الايام . يمحمد بعد كَلي
هم سامع كبل هليوم . علويه  انسبت كبلي
مجان العايش بهالروح . حاجيني شنو نخلي

اظلن لاخر الانفاس . لوعة كربله تسري
يخويه امحمد احجيلك . عن الآلام لو تدري
❥✿•┈• • ★{★ • •┈•✿❥

شفت بكربله اهوال مامرت على الخاطر
شمر يذبح نحر الحسين انظره ولدمع ماطر
جن زلزل بيه الروح تهدم كل ضلع صاير

تاليتي يضي العين . هلكوم اجهلت قدري
يخوية امحمد احجيلك . عن الآلام لو تدري
❥✿•┈• • ★{★ • •┈•✿❥


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

فزاعيه رباط هوسه للسيده زينب ع


امشنه الكربله زينب نواسيها
نلطم بالتراب  ومانجازيها
🔥🔥🔥
نلطم بالتراب لفكد  وليها
وين الي بجت ودموع تجريها
عيني بت علي هاليوم عينيها

[مهظومه>> تبجي عله اخوتها]
🔥🔥🔥
مهظومه وتنادي ليوم عينوني
لبن امي الذبيح. لطفه  اعيوني
واسوني بمصابه اليوم واسوني

[طفاها>> اعيوني ابن امي]
🔥🔥🔥
طفاها العيون حسينها الغالي 
تكول الموت ريت وياها اشوالي
يحلالي الطم عل الوالي يحلالي

  [عينوني>> ياشيعة،، حيدر]
🔥🔥🔥
عينوني بمصابه حيل. مابيه
ومن حبل الماسي مورمه اديه
وعالعباس زيدو الونه حربيه

[خليته<< عالشاطي  مكطع]
🔥🔥🔥
خليته طريح  ومسد الحومه
هذا كافلي وعليه،، مندومه
يايوم  الاخو يصعب تره يومه

   [ابجاله «« تتنومس اخته]
🔥🔥🔥
باجر بت علي  تترسها. اديجن
وتلم  ادموعجن  ولله وبواجيجن
وبيوم الحشر كلجن تجازيجن

[سجلينه خدم.. وعندج زينب سجلينه]
🔥🔥🔥

الشاعره مريم العبوديه اسيرة الاحزان 💔

.‏❨﷽ قصيده لعلي الاكبر رباط هوسه

علي الاكبر شجاع وزلزل الحومه
ابن حسين هذا وتشهد علومه

[من علومه ترجف عدوانه ]
🩸🩸🩸
نزل للمعركه. جنه عمه العباس
تشهد صولته كل الخلك ياناس
ساحات القتال ادموم ماتنقاس

[هداته.تسطر. كل. عايل ]
🩸🩸🩸
يو م الصال. خلاها  الجثث طشار
جن صاعق نزل،  وبا يده  البتار
خله الروس تله. ويسحك عله النار

[الطف  اهتز. من صولاته]

🩸🩸🩸
كاع الطف تميل بيوم طباها
روس ويه الجثث طشار خلاها
محله رايه عله متونه. محلاها

[من عيونه، طاحت، عدوانه]
🩸🩸🩸

خله اعداه تركض حايره وين
مايدرون. هذا. شبل الحسين
عاصف جن نزل ولشرده منين

[فنهم هاليوم. . يلاكونه]
🩸🩸🩸
فنه. الي تدنه ولوصل حده
ابن سباع. هذا وهدته. هده
طير روسهم عيد. واجهه العنده

[هذا الزلمه الفارس. فنه ليوصل ليه]
🩸🩸🩸

✍🏻الشاعره مريم العبوديه اسيرة الاحزان

نعي للاكبر ع

اباب الخيمه اناطر وندعيلك
من حيلي اخذ خله عله حيلك
احير المن اروح شلون اجيلك

اجت ليله تنادي بصوت يبني
يالاكبر يمه  ياجتلك فجعني
طول الدهر لا مايفل وني


ابجن ياخواته ودكن اعليه
غاب البدر الحلوه محاجيه
لو ينسام الولد بالعمر  اشريه

ياحلو المحاجي وحلوا الاطباع
يجروحك ترها يمه اوساع
ظاع الربه يبني  وياك  ظاع

شلتك ابطني تسعه، اشهور
رتك يالولد خيمه وتظل. سور
تالي غفت عينك بالكبور

كلت يكبر ويجازيني عله ارباهه
تالي التعب ظاع الولد وياهه
نامت عينه وخلاني بالأااه

✍🏻الشاعره مريم العبوديه اسيرة الاحزان 💔

.‏❨﷽قصيده للقاسم ابن الحسن رباط هوسه😭😭

تمنيت الولد عريس اشوفنه
وعماته وخواته يعجن الحنه
🪶🪶🪶🪶
تمنيت الولد انصبله الكله
وخواته وعمته اشموع تشعله
عطر وياس للقاسم  يطشله
تالي يروح مجتول بزغر سنه

(( محنيها    اجفوفه بدمه))

🪶🪶🪶🪶
يحلو الطول ياروح وكلب امه
يمن عطر الجنان بهدمه اشتمه
يالقاسم ييمه العين الك تعمه
اظلم ليلنه... غاب البدر  عنه

(( طفوها اشموع القاسم  ))
🪶🪶🪶🪶
طفو شمعته وهدمو صيوانه
وهاي امك تون هاليوم حزنانه
يفراكك هظمنه  ابنار. جوانه
بسيوف الاعدي اوليدي كطعنه

((   ايدفنونه   ابدلة  عرسه  ))
🪶🪶🪶🪶
شباب الماتهنه ابزفته وعرسه
لكيت الخيل  متونسه عله رفسه
شلون انسه ظحكته اوليدي وحسه
الطم بالتراب وساعه اشمنه

(( حسبالي   الموته. الامك))
🪶🪶🪶🪶
حسبالي ييمه انته  التباريني
ليش بتالي عمري انته. تخليني
مطفيه بوداعك  يالولد. عيني
غاب اليوم.. ماسمع بعد حسهه

(( شينساها  الظحه ويبني))
🪶🪶🪶🪶
شلون انسه ظحكته وذيج ايامه
محتامه الشوفه الروح محتامه
ياهاذا، الكلب  زيدت  الامه
ياونت الكلب  ونه  عله ونه

  (( تخليني  للهم. ولحسره  ))
🪶🪶🪶🪶
بعدنه ماشبعه مسامر وياااه
يحلو الطول يمه محله عيناه
شباب يموت شنهو،  الحصليناه
نوايح زفته وظلمه منازلنه

(( حسبالي.. تباريني من اكبر ))

🪶🪶🪶🪶
✍🏻الشاعره مريم العبوديه اسيرة الاحزان 💔

فصیده نــــــزلــــه للامـام العــباس ع

الحـــومه ابو فاضل.. من تعناها
خـــيل تردم خيل. سيفه خــلاها
ـــــــــــــــــــــــــــــــــــــــــ

مـــن يــفزع.  مايرجــع  لمن غـضب
شـــن غاره. وبكــــتاره تــوگع رگــب
لف گومـــه.  بالحومه سواهم حطب
وزعهــــم. برزخهــــم  بيدينه اقــترب

محــــرقــه للكوم.  جفه ســواها
الحـــومه ابو فاضل.  من تعنــاها
ــــــــــــــــــــــــــــــــــــــــــ

دلاله.  وآمــــاله.  لبــــن النـــبــــي
ينطـــي الدم.  مايهتــم. لجل العبي
ماينصــــد.  مايــــنرد.  هالطـــالبي
جيـش الشر. والمنكر. يحــبي حــبي

السعيـــر الـــنار. دز رعاياهــــا
الحومه بــوفاضل. من تعنـــاها
ــــــــــــــــــــــــــــــــــــــــــــــب

بزنـــــوده. مـــوجوده. غيـرة  علي
گل لختــــه.  بــــعاطفتـــه.  تدللــي
اصلبــــهم.  ودفنــــهم. بالـــسافــلي
بسيــــوفي. وجفـــوفي. خل تنــولي

. بسيفه المبــشط.  مــن تولاها
خيــــل تردم خيــــل.من تعـناها
ــــــــــــــــــــــــــــــــــــــــــ

يفنيـــــه.. يســــويها.. نــار الصــقــر
بنفـــــــاسه عــــباسه. المـــوت نذعر
یحـــصدهـــم. واحـــدهم. این المــفر
یلاویهــــم یفنــیهم. ویــنـه الحـــضر

ایـــد کلمن عال اهو کــصاها
خیل تردم خــیل. من تعنـاها
ــــــــــــــــــــــــــــــــــــــــــــ

★

تمت بعون الله تعالى*
✍🏻الشــاعره مـــريم العــبوديه اسيــرة الاحـــزان💔
نسالكـــم الدعاء بتــعجيل الـــفرج لصاحب العصر ولـــزمــان،، ع،،
غير مـــبري الذمــه من يـحذف الاسم

.​‏❨﷽❩موشح┈‏​‏​‏​‏​​‏•‏​‏​​‏قصيده ┈ليلة العاشر


اه يايوم الطفوف وجمرته
تعذب الدلال والله مصيبته
*•──≪᯽--᯽--᯽──•*

بگصة الايام محفوره بنقش
تموت هالارواح شالوها بنعش
شحجي عن العاشر وليل اهدعش

اسمع اكليبي يون بحسرته
*•──≪᯽--᯽--᯽──•*


يون كلبي، من المأسي ومايهيد
لوعة مصاب الجرح بيه تزيد
عفت اهلي مطرحه فوك لصعيد

ولكلب ناح بحزن من ونته
*•──≪᯽--᯽--᯽──•*

افكاري بمصابك يبو الاكبر تضيع
وجرح هاي الروح لجروحك وسيع
احجي عن النحر. عن دم الرضيع

عن ظلوع بخيل جسمك رضته
*•──≪᯽--᯽--᯽──•*

اسهام نبتت بالكلب فوك السهام
ينفرش جسمك ورضوها العظام
بعد  چتلك هالكفر حرگت خيام

ظلت اعيالك ابخوف امشتته
*•──≪᯽--᯽--᯽──•*

يوم عاشر ماجره مثله مصاب
مطرحه اجسام  لغولي عالتراب
ياعذاب، الروح يافكدالشباب

شلون حالي يوم حزو ركبتهه
*•──≪᯽--᯽--᯽──•*

جن صليل الاه بجروحي سره
ولاخوا  هاليوم عني مادره
شكثر تحمل زينب وهيه مره

شوف كلبي شلون تسعر لوعته
*•──≪᯽--᯽--᯽──•*

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

، ـ​‏❨﷽❩┈‏​‏​‏​‏​​‏•‏​‏​​‏┈┈•✬​


اقــريت وجهك يحسـين...  جنـك بعـد ماترجــع
ياهــــو يظـــل للايتـام...  كلبــي بقــهر يتگــطع
★••══✼┅┄••★.ا

هــو الــوداع الجــتال.  ريـته لــون مايحـصل
عگبـك يبو سكيـنه انـوب. هــروش الفـواطم تذبل
لليسر مانــدري نــروح  .  مانــدري شنهي اليحصل

ارقــيه متـعودة اعلـيك..  مـن شوفتك خـل تشبع
اقريـت وجهك يحـسين...  جنـك بـعد ماترجـع
★••══✼┅┄••★.ا

صبــري بنـيته وفــركاك  للصبر خــويه يــهدمــه
ابحالتـــك شفـتك هــاي...  من كلـبي طاحت ثلـمه
اشحال لـو من اطيـح.  ونحـرك اعايـن دمــه

شــويــه الجــرح باللجمات. من كــربـلا يــتوسـع
اقــريت وچهــك یحسین،.. چــنك بـعد ماتــرچـع
★••══✼┅┄••★.ا

ايشك الدمــع چـرف العیـن. لو فارکته اعیونک
یاخویه یاراعي الــزود  مارهــم انــه بدونک
هذا الوداع الجتال. وعدك ميرحـمونك

صبري ونظر هـاي العين. بيـن اليتامه مـوزع
اقريت وجهك يحسين. جنك بعـد ماترجع
★••══✼┅┄••★.ا


يحسين خــويه بفــركاك  هذا الكلب يسبيني
تدرينـي خويه بلياك.  ماعيش خــو تدرينـي
ياريت سهم الاجـال  وياكـم ايـوديني

المـن احير  برجــواي.  لياطفله احیرن افزع
اقريت وجهـك يحسين. جنـك بـعد ما ترجع
★••══✼┅┄••★.ا

ما احچي كلشي اللي صار.  ادريك ماتتحمل
كلبي نعصر باللوعات.  وياك چان امدلل
من دمعي هاي الاحزان. درب بمشينه تبلل


جم طفل يصرخ ويلوع.  من الاعادي تروع
اقــريت وجهك يحسين.. جنك بعد ماترجع
★••══°✼┅┄••★.ا

★.ا

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://www.tgoop.com/gddaogt