قصيده فزاعيه هوسات
نخوه وتوسل بـ الامام الكاظم
((عليه السلام))

اريد انخاك…يادكتور بغداد
واصيح دخيل ياعطاي المراد
................
اريد انخاك والدمعات بالعين
ادفع كل مرض عن المحبين
يا باب الكرم بيكم امامنين

يالخايف لوذ بسد ذوله
...........
الشيعه سيدي هاليوم تنخاك
من هذا المرض مولاي بحماك
يالمسجون كل احنه ندبناك

دكتور انته وبيك ادوانه
...........
بيك انداوي كل جروح مولاي
نخينه ياكريم وضيمنه هواي
شتكولون عنه وشنهي الراي

بس يمكم نعرض شكوانه
..........
الضيم اشماكثر مانكصد الباب
عدكم تشتكي وتلوذ الاحباب
يالكاظم كلبنه من الهظم ذاب

شكاي الهم نبجي ابابه
............
يوميه بمصيبه وذايبه االروح
لومسنه الهظم يم بابك انروح
خلصان الكلب ومسطر اجروح

كضاي الحاجه وناخينه
.........

✍ام زينب كربلاء
♦️♦️♦️♦️♦️♦️♦️♦️♦️♦️♦️♦️
الناشر // الملا عالي مقامي
غير مبري الذمه يحذف اسم الناشر

قصيده فزاعيه هوسات
نخوه وتوسل بـ الامام الكاظم
((عليه السلام))

خلي انروح نكصد.. كاظم الغيض
هذا البلمكارم و الوفه ايفيض
((لشباجه مشتاكه الروح))



خلي انروح نشكي هواي حسبات
صاحب زود يا راعي الكلافات
نتعنه لحضرته و نكصد انبات ((بركانه ياعيني ادغمض))



عدنه هموم و نريد انتعناه
يرتاح الكلب لو موسى كصداه
دنيا و اخره كل احنه بحماه
((يطفيها من عدنه النار))



خدام اعله بابه ويقره الكلوب
هذا ابن الاسود الدوم مندوب
تكصده الناس من كل ديره وصوب
((يم بابه يشكون الكلفه))


سبع بغداد ميرد اليكصدون
يفداه العمر تفداه العيون
الشيعه اليوم عالكاظم يونون
((ايسمونه يا حيف شلون))



بقلم الشاعرة أم كرار الساعدي
🌟🌟🌟🌟🌟🌟🌟🌟🌟🌟
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

فرشنة سفرة المسموم
نريد امراد ينطينة

فـرشـنة سفـرتة بعبـرة
كل خادم هوة يحظـرة
بجاه الضل علة الغبرة
خلي عينك اعلينه

اندبن كاظم ال الـبـيـت
وبحـرگة گـلب ونـيـت
يل كاظم الك حنيت
اليوم السفرتك جينة

اجيـت الـيـوم عنـاية
هموم ابگلبـي هواية
عليك الماشرب ماية
نظرة نريد يلعينة

نظرة نريد من يـمـك
عندك حاجتي عندك
احلفك بلنبـي جدك
وحسين وصواوينة

عـدنة امراضنة كلفة
عليك الـگطعـو جفة
دمع الوجع شينشفة
اريدنك تشافينة

شافي اليوم كل وجعان
عليك المنذبح عطشان
واحـفظ جملـة الـشبان
بجاه المامعرسينة
—————————————————
قناة رثاء الاطهار
لخادمة اهل البيت ع ✍️الشاعرة 🎤والملا رغد البهادلي
♦️♦️♦️♦️♦️♦️♦️♦️♦️♦️
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

اجينه المجلسك مولاي
والحاجه طلبناها

📒📒📒📒📒
اجيت المجلسك عناي

جبت اهمومي كلهه اوياي

اليوم الحاجه يمك هاي

ويم بابك شكيناها

📒📒📒📒📒
يم بابك نجر ونه

حيل الوكت تعبنه
اهواي اهموم واذتنه
الفزعه اليوم ردناها

افزع لينه//باابو الكلفات. هوسه

📒📒📒📒📒
يامن فزعتك حلوه
غيور وصاحب النخوه
مرضه وطالبين ادوه
روحي المرض اذاها

📒📒📒📒📒📒
مجرب دوم الك وكفات
ويمك تسهل الصعبات
بابك مركز الطيبات
وكفاتك جثيره اهواي شفناها

مشهوده//وكفات الكاظم. هوسه

📒📒📒📒📒
اجينه والدمع بالعين
نقسم بالشهيد حسين
حيرانين. مالومين
هاي اهمومنه يمك حجيناها

📒📒📒📒📒📒
ابابك مايضل حيران
موسى ياعظيم الشان
عدك بالكرم عنوان
اليوم الحضرتك جينه وكصدناها

تعنينه//والبحر الجود. هوسه

📒📒📒📒📒📒
اتعنينه وندك الباب
ندري ماترد طلاب
مولاي بدمع سجاب
هاي ادموعنه يمك هملناها

خليته //والحمل ابابك

اكصد بابه //وتنول امراد

الكاظم يكضيهه//وخلي الحاجه يمه


تمت✍️ الشاعرة والمله أم حسين العامري
🎀🎀🎀🎀🎀🎀🎀🎀🎀🎀🎀🎀🎀🎀
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

جينه المجلسك مولاي
والحاجــــات تكظيـهــه
❥❥ـــــــــــــ❁❂❁ـــــــــــــ❥❥
تكظيهــه كفو مـڼـــك
اجيت الًيَوُمًِ اطلبنـــك
ياابــو طلبــه احلفنــك
بجاه احسين وافيــهــه
❥❥ـــــــــــــ❁❂❁ـــــــــــــ❥❥
بالمجلس واجيت انخاك
كريــــــم الًيَـوُمًِ وتـرجاك
مريضه ورايده انه دواك
كــــون العـلـه تشفيــهـه
❥❥ـــــــــــــ❁❂❁ـــــــــــــ❥❥
تشفيهــه وجيت اليــوم
يامــوسئ بكلب مالــوم
من الراحه ضل محـروم
وانتــه مـا تــــــخـلـيــهـه
❥❥ـــــــــــــ❁❂❁ـــــــــــــ❥❥
تخليهه بحزن هل ناس
وعليك البطـل عـبــاس
ابو الغيره وابو النوماس
وزينب جبـنــه طاريـهـه
❥❥ـــــــــــــ❁❂❁ـــــــــــــ❥❥
عليك ام عـون احلفنك
مـتـــردلــي طلب جنـك
اريـــد ادواي انــه منــك
وروحــي الًيَوُمًِ شافيـهـه
❥❥ـــــــــــــ❁❂❁ـــــــــــــ❥❥
❣️❣️❣️❣️❣️❣️❣️❣️❣️❣️❣️❣️❣️❣️
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

هذه لمرقده أبغداد
عنده أعلاج للعله

🏴🏴💔🏴🏴
يتعناه كل مرضان
ويوصف دوه الوجعان
يالكاظم عظيم الشان
وأبن الصادق القبله
🏴🏴💔🏴🏴
الموجوعين راحوله
ومن المرض يشكوله
شافـــــينه يـــكلوله
ويطي أعلاج ميبخله
🏴🏴💔🏴🏴
شدات المرض شده
والكاظم شفه عنده
أبو الطلبات لنكصده
وعنه الظيم ليميله
🏴🏴💔🏴🏴
ماقصرت يامسموم
شافيت العلل هاليوم
يبن الصادق المعصوم
ولبغداد نكصدله
🏴🏴💔🏴🏴
شديت العلك بالباب
كتله ضيف عندك طاب
دمعي أمن الألم سجاب
وشافيني أنه كتله
🏴🏴💔🏴🏴
يابو أعمامه الخضره
وأمك فاطمه الزهره
طيب أجروحنه الكثره
وعندك هالصعب سهله
🏴🏴💔🏴🏴
يالشافيت مرضانه
ومتشكرين مولانه
حاشا أنكول ينسانه
وتحفظ كل ولد لهله

🌸🌸🌸🌸🌸🌸🌸🌸🌸🌸
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

الكاظم مايرد طلاب
والحاجات يكظيها
.........
مايتعذر الحيران
مشكر ياعظيم الشان
يالعندك هظم واحزان
عالمهيوب خليها
........
تعنه للكريم هاليوم
صيح دخيل يالمسموم
انخاك وعليه هموم
كلي شلون ارد بيها
.........
شكيني يبوالطلبات
ضلت يمك الحاجات
بجاه الضل عالمسناة
وبزينب اواليها
..........
بزينب تنغر علينه
دخليك لاتخلينه
يالبسمك تنخينه
هموم الكلب شكيها
.........
يكضيها ونعم منه
للكلفات اريدنه
مهظوم واحشمنه
همومي وين اوديها

✍أم زينب كربلاء
✳️✳️✳️✳️✳️✳️✳️✳️✳️✳️✳️✳️✳️✳️

الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

الكاظم مايرد طلاب
تگضي الكلفه يم بابه
••••••______••••••

يبو طلبه اسد بغداد
اجيت لحضرتك گصاد
هذا الكاظم ابن اجواد
هامت روحي بأعتابه
•••••_____•••••

اجيتك والدمع سالي
نخيتك عاين لحالي
تلهب نار دلالي
يمه العين سچابه
•••••_____•••••

جاي ومعتني ديارك
مترد الذي زارك
طبيب تسولف اخبارك
يلما عايف احبابه
•••••_____•••••
ابو طلبه نخيته اليوم
عليل وگلبي مهموم
گلبي لشوفته ملجوم
جينه أنعزي بمصابه
•••••____•••••

ماخاب لگصد داره
اجينه اليوم خطاره
لكاظم يحمي زواره
طاهر هو وانسابه

~~~~~~~
💘💘💘💘💘💘💘💘💘💘💘💘💘💘
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

الكاظم يااسد بغداد
منك رايده امرادي
🥀🥀🥀🥀🥀🥀🥀🥀
منك طالبه هليوم
وسفه ميت ومسموم
الكاضم ويل يلمضلوم
احلفك بلنبي الهادي
🥀🥀🥀🥀🥀🥀🥀🥀
محله وسعي ميدانه
زهره طبت ويانه
كلنه اليوم عوانه
الكاضم لبه افادي
🥀🥀🥀🥀🥀🥀🥀🥀
الكاظم حيل لطميله
المطروح ابزناجيله
دكي حيل ونيله
تهمل ويلي دمعاتي
🥀🥀🥀🥀🥀🥀🥀🥀
اريدن حاجتي منك
بلمذبوح احلفنك
اريد امراد من جفك
اطلبه اليوم حاجاتي
🥀🥀🥀🥀🥀🥀🥀🥀
نلطم حيل هليله
للكاضم ودكيله
بلميدان هوسيله
تحله عليك وناتي
🥀🥀🥀🥀🥀🥀🥀🥀🥀🥀🥀🥀🥀🥀

الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

للكاظم اجيت اليوم
وادري بيه ميردني

ضاگت والفرج عدكم
كلنه اليوم نگصدكم
بمعصومه انحلفكم
دخيلك سيدي اسمعني

توجهنه وعدنه هموم
اجيناك الگلب مالوم
يا مظلوم يا مسموم
ادري ما تخيبني

مالومه وقسه دهري
موجوعه الدمع يجري
وانت ابعلتي تدري
وبالكلفات تحضرني

اندبك بالشدد مولاي
تسمع ونتي وابچاي
كريم وما ترد رجواي
ميخيب الرجه وظني

ابو طلبه يسمونك
بكل حاجه يندبونك
تسمعهم يعرفونك
اريدنك تأمني

📿📿📿📿📿📿📿📿📿📿📿📿📿📿
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

متعنيه واريد مراد
من بابك يبو النخوه

〰️〰️⚜️🤲⚜️〰️〰️
متعنيه وطريقي بعيد
احلفك انا ياصنديد
مليت الصبر ياحيد
يكلك زود ومروه
✍️شاعره ام روكان لشمريه
〰️〰️⚜️🤲⚜️〰️〰️

يـالـكـلـك اعـزوبـيـه
اريد الحاجه مگضيه
روحـي بالـمـهـضميه

والدلال يتجوه

ام سـ✍️ـجـاد العسكري

〰️〰️⚜️🤲⚜️〰️〰️

اجيته امعزب الخطار
يمه ما يضل محتار
يطفي من كلبنه النار
يمن روحي اله فدوه

✍️ام احمد المنصوريه

〰️〰️⚜️🤲⚜️〰️〰️

مـتـعنيه الـك يامـولاي
زادت هضمتي وبـلواي
شفت الضيم من دنياي
وانت الفزعتك حلوه

*زيـنـ✍️ـب خـضـر*

〰️〰️⚜️🤲⚜️〰️〰️

اجيت انه لسبع بغداد
ومن عنده اريد امراد
باب الحاجه وبن اجواد

بيه الحيل يتقوه

ام علي البابلي

〰️〰️⚜️🤲⚜️〰️〰️

يگوه الحيل من زوده
سـفـرته دوم مـمدوده
كـلـنه نعـرف ابـجـوده

هـذا سابـع الـعروه

ام سـ✍️ـجـاد العسكري

〰️〰️⚜️🤲⚜️〰️

🌸🌸🌸🌸🌸🌸🌸🌸🌸🌸🌸🌸🌸🌸
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

متعنيه لسبع بغداد
جيت اليوم شكايه

🏴🏴🏴🏴🏴🏴🏴🏴

وين الطايحه بشده
لموسى تروح وتكصده
تحلفه بقصته وكيده

الكاضم بيه الكفايه

🏴🏴🏴🏴🏴🏴🏴🏴

أروح واوصل اعتابه
اوصل واوكف ابابه
اصب ادموع سجابه

واكله اهمومي اهوايه

🏴🏴🏴🏴🏴🏴🏴🏴

الكاضم بالوفه معروف
ينطي امراد كل ملهوف
الكاظم بالشفه موصوف

المريض يروحله اعنايه

🏴🏴🏴🏴🏴🏴🏴🏴

مجرب يقضي الحاجات
وين الأجن محتاجات
الكاضم بالشفه موصوف

لموسى عكدي الرايه

🏴🏴🏴🏴🏴🏴🏴🏴

عكدي الرايه وتعني
اتعني ازحوف اله امشي
وكله اهمومي اذني
ويمك جيت شكايه

🏴🏴🏴🏴🏴🏴🏴🏴

المله تريد حاجتهه
ابجاه الفكدة اخوتهه
لزينب تضل خدمتهه
وتضل للموت وفايه

بقلم المله والشاعره ام علي الأماره

🌺🌺🌺🌺🌺🌺🌺🌺🌺🌺🌺🌺🌺🌺
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

متعنيه واريد مراد
من الكاظم الليله
،،،،،،،،،،،،،،
اريدن حاجتي منه
بمعصومه احلفنه
نزوره اليوم واجبنه
عل الاجدام نمشيله....
*******
جيتك يا اسد بغداد
عنايه واريد امراد
طبيبي والدوه مافاد
مرضي بيدك تزيله...
******
يبو طلبه اجيت اليوم
تفرح كل كلب مهموم
وتحضر شدة المضلوم
واترد منه العيله
*****
زيل ألهم العلينه
يامولاي نجينه
جبنه همومنه وجينه
والهم انت التشيله....
***
ناخيتك يبو الكلفات
حاشه تعوفني هيهات
جينه لباب المرادات
والينخاك حييله...
متعنيه واريد مراد
من الكاظم الليله
***
الكاظم مايرد حيران
تتعناه انس وجان
من كل صوب بالبلدان
من بعيد يوميله....
متعنيه واريد مراد
من الكاظم الليله
💕💕💕💕💕💕💕💕💕💕💕💕💕💕
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

لابن الزهره متعنين
والرايه عگدناها
___

اجــينه المجلس المسموم
نطلب حــاجه مـنه اليوم
ناخذ منه صك مختوم
الحـــاجه لــو اخــذناها

أم صــــ✍️ــــادق المنصوري
___


_عگدنها الرآية والآمال
همنه يالوصي چتال
تزيحه ولو ثگل لجبال
الشدة تزول ردناها

✍🏻العلوية أم منتظر جمال الدين_

___

___گصدت الراهب آل البيت
بـيــه او بـهـلـه اتـنـخـيـت
ومعـصـومه عليـه مشيت

الحوائج كلها جبناها

ام ســ✍ــجاد العسكري
___
منك طالبين امراد.
الفزعه يا اسد بغداد.
كلبي من الالم ما هاد.
حضرته اليوم جيناها.
✍🏻الاء الطائي

جينه اليوم عنايــه
ابابك اعگد الرايه
ننخه راعي الكفايه
البراهين احنه شفناها
ام وليــــد الموسوي
ـــــــــــــــــــــــــــــــ

ابو طلبه ونعم منه
اريد اليوم اكلـــفنه
يشيل امراضنه عنه
وحوائجنه حملناها
ام عـــــ✍🏻ـــلي البابلي
💕💕💕💕💕💕💕💕💕💕💕💕💕💕

الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

هذا معرب الجدين
والحاجات يگضيها

=========

منه نطلب الحاجات

كفو ياصاحب الشارات

نتعنه لبو الكلفات

حلفه بلكمر وحسين

😔😔😔😔

لبو طلبه اليوم انروح

نحاجيه بگلب مجروح

نگله معذبه هلروح

مريض وما اليه معين

😔😔😔😔

تعنيتك أسد بغداد

تنطينه بعجل لمراد

بجاه اجدودك الاجواد

تعبان واجيت احزين

😔😔😔😔

ابو الساده كفو منه

نروح وليه نتعنه

ابد لا مايفشلنه

معروف الكرم يازين

😔😔😔😔

بجاه الي گضه مظلوم

ارفع هل الوباء اليوم

تره گلب المحب مهموم

ارحم حال المسلمين

😔😔😔😔

دخيلك سيدي حلها

وابدا لا تعطلها

الشيعه الظيم كاتلها

حلها ياعمود الدين

=========
خادمة ال البيت الحجيه ام علي البصره
🎀🎀🎀🎀🎀🎀🎀🎀🎀🎀🎀🎀🎀🎀
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

اجيتك يااسد بغداد
والونه انعليها

♕♕♕♕♕♕♕♕♕♕
دمعتنه جرت بدموم

ها يالكاظم المسموم

نتعنه ازحوف اليوم

والزهره نعازيها

✍🏻#علويه ام منتظر الجابري

♕♕♕♕♕♕♕♕♕♕♕
اجينه نعازي البظعه

علي البسم خلص وظعه

وكله جايه تشيعه

والدمعات نجريها

✍🏻#ام محمد التميمي

♕♕♕♕♕♕♕♕♕♕
اجینه علعهد هلیوم
ندگ و انوح للدوم
ماننساک یا مظلوم
مكدره العين نجريها

✍ #علویـه ام فاضـل
♕♕♕♕♕♕♕♕♕♕
وين اهله يحضرونه
وابن النبي يشيعونه
غريب اليوم مولانه
مصابه الشيعه ياذيها

♕♕♕♕♕♕♕♕♕♕
شحال گلبك بالسجن
وانته لعيالك تحن
مسموم مولاي وتون
يل بسجن گاضيها

✍🏻#علويه ام منتظر الجابري

♕♕♕♕♕♕♕♕♕

💥💥💥💥💥💥💥💥💥💥💥💥💥💥
الناشر // الملا عالي مقامي
غير مبري الذمه يحذف اسم الناشر

قصيده فزاعيه نصف
نخوه وتوسل بـ الامام الكاظم
((عليه السلام))

ينطي امراد اسد بغداد
بلحاجات تنخينه

🥀🥀🥀🥀🥀🥀🥀🥀


ينطي امراد للفقره
كسره اجبير يجبره
عابد كضه كل عمره
وللكاضم اتعنينه


🥀🥀🥀🥀🥀🥀🥀🥀


سموه بسجن هارون
من الحيل ضل مرهون
مايمه هله يحضرون
ومطروح ابزناجيله


🥀🥀🥀🥀🥀🥀🥀🥀


الحاجه تنكضي اليله
للكاضم انه ادخيله
دكي حيل ونيله
ويلي مطبر اجبينه


🥀🥀🥀🥀🥀🥀🥀🥀


نصيح بصوت يامسوم
بلكبي مكثره لاهموم
شافي المرضه يامضلوم
عليك بحركه ونينه


🥀🥀🥀🥀🥀🥀🥀🥀


من جفك نريد امراد
ماخاب الاجه كصاد
انته من نسل لامجاد
امرادك كون تنطينه

🥀🥀🥀🥀🥀🥀🥀🥀

زينب حاضره ويانه
خل انكابل الحزنانه
ويلي روح خلصانه
من المرض تشفينه

🥀🥀🥀🥀🥀🥀🥀🥀

( يكضيه كل حاجه بجفه )

( لونينه يستاهل ون )

🥀🥀🥀🥀🥀🥀🥀🥀

بقلم خادمه اهل البيت ع
الشاعره ام كنان الهاشمي

✳️✳️✳️✳️✳️✳️✳️✳️✳️✳️✳️✳️✳️✳️

الناشر // الملا عالي مقامي
غير مبري الذمه يحذف اسم الناشر