📢 تنويه هام لكل محبي الشعر الشعبي ومحبي الشاعر عباس الزاملي 🎤✨

تعرضت القناة الرسمية للشاعر عباس الزاملي للاختراق مؤخرًا، ونتيجة لذلك تم فقدان الوصول إليها.
نرجو من جمهور الشاعر ومحبيه الكرام دعمه والاشتراك في قناته الجديدة والرسمية على التليجرام، ليستمر بعطائه الشعري المميز.

🔻 رابط القناة الجديدة:
📌 https://www.tgoop.com/abbas_alzamilly

✅ دعمكم هو وفاء للشاعر المبدع، وللكلمة الصادقة التي طالما لامست قلوبنا.

شاركونا بنشر الرابط بين الأصدقاء والمحبين 🙏

مسلم مات محد غسله وشاله
يتمهه حميده ويتم اعياله
❀(•«📚»•)
❀❥ •‏​‏•‏​‏​​‏┈┈•
شجاع وما يهاب الموت بالكوفه
غريب الوحده وادموعه مذروفه
على حسين وعياله من العده خوفه

يغدرونه/لو طب للطف
✶•┈‏​┈•‏​‏​​‏❀(•«📚»•
❀❥ •‏​‏•‏​‏​​‏┈┈•
ماهاب الزلم لا رهبته اسيوف
سبع والوحده ويبارز أالوف
بشجاعة حيدره  وبسيفه معروف

طشرهه /روس الخياله
✶•┈‏​┈•‏​‏​​‏❀(•«📚»•)❀❥ •‏​‏•‏​‏​​‏┈┈•✶
مايعرف يوصل اشلون مرساله
يخبر حسين يرجع هو واعياله
وملتمه ع اجيوش خياله

مرساله //دمعات اعيونه
✶•┈‏​┈•‏​‏​​‏❀(•«📚»•)❀❥ •‏​‏•‏​‏​​‏┈┈•✶
دارت  عليه الكوم الله ايعينه
اوبحبال لبن ازياد امربطينه
من عل القصر شمروا واموذرينه

بالكوفه/جروا بحبال
✶•┈‏​┈•‏​‏​​‏❀(•«📚»•)❀❥ •‏​‏•‏​‏​​‏┈┈•✶
ابو اليمه سمع بخباره واعلومه
انحنه ظهره عليه وزادت اهمومه
وبالكوفه يموت وفاضت ادمومه

ودمعاته/من دم هلاهه

✶•┈‏​┈•‏​‏​​‏❀(•«📚»•)❀❥ •‏​‏•‏​‏​​‏┈┈•✶
تــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
مجروحين غصبن علينه

⬛️ *نواعي في حق السيده رقيه بنت الحسين (عليهما السلام)*

▪️ *مجردات* :

شافته و حضنته بالأيدين
تحاجيه ظلت بدمعة العين
تكله بعدّت يبويه عني وين

بعدك يابويه أهضموني
لو صحت بسمك أجوني
بالسوط حيّل أضربوني

عاين يبويه  لمتني و خدي
زرگ صارن و دوه ما عندي
ما سكن ألمهن و حگ جدي

انه خلافك يبويه كلبي مجروح
يكلولي بسفر رايح حبيب الروح
لنك بس راس يابويه مذبوح
وجسمك عفته عالأرض مطروح

بديها غدت تمسح دمه الراس
طفله و كلبها حيل حساس
هوت فوكه ولنها كاطعه انفاس

صدلها العليل  و كال شيلوها
نحوها اليتيمه عن راس ابوها
صاحت النسوان والصرخه علوها


▪️ *گرناوي أو عاشوري أو مجرد* :

يكللها يعمه ماتت الطفله
فراگ ابوها أبد ما تحمله
زيدي البواجي و نوح يحله
عله لحگت ابوها بهاي المحله

تكله فكد الغوالي دمع ما خله
حزني يعمه عليهم أبدا ما فله
راسي شاب مني و الكلب سله
حيلي راح عمه و الجدم شله


▪️ *تخميس* :

 بنت الحُسَين لم تَعرِف اليُتمْ
وَ لَـم  تَـدّري كَـيّفَ تَـنعىٰ أباها

وَ إنّحَنَت  فَوقهُ تُقَبلُ فاه
وَهو مِن عطفهِ يُقبِلُ فاها

- - - - *يا الله* - - - - 

*تمت بحمد الله تعالى ..*
*بقلم خادمة اهل البيت (ع)*
🖊  *#المحاضره_أم_عباس "*
*( لا أجيز حذف الاسم )*

لطميه مربعه للعباس ع

المستهل 👇👇👇

ياخال الولد مابعد الك جيه
اخاف اتروح وانه ابقى ابمهضميه

🩸🩸🩸🩸🩸🩸🩸🩸


ونته ازماطنه بلبيك افتخر انه
اخاف تروح وعداكم يمشونه
ونتم يااسف نيام تنسونه
نومتكم اخاف اطول اعليه

🩸🩸🩸🩸🩸🩸🩸🩸


ادروب ابعاد نمشي والعدو اويانه
عكبم ياعزيزي وين ملفانه
ابزود احجي جنت وخواني اويانه
انوب ابغربه عدوانك يضربونه


🩸🩸🩸🩸🩸🩸🩸🩸

ارافك وي عدونه عكب وليانه
خاف اتروح مني وضل بس انه
ماعندي كفيل ايعدل الوانه
وانه اخلافكم كل حيل مابيه


🩸🩸🩸🩸🩸🩸🩸🩸


اخاف اتروح وانه ابحال الوساده
كلهم خلصو اخواني الساده
وخوي اليوم خاف ايروح ميعاده
اونبكه اخلافكم والعدو ايمشينه


🩸🩸🩸🩸🩸🩸🩸🩸

اروح ميسره ترضه يعباس
وانت البيك غيره وبيك نوماس
يالكلك وفه ومتروس احساس
شلون امشي اسيره العدو يحدينه

🩸🩸🩸🩸🩸🩸🩸🩸

تمت بعون الله تعاله
بقلم الشاعره أم تحسين البصره
غير مبري الذمه اليحذف اسم الشاعره وينسب الكلام له
نشر قصائد حسينيه العلويه ام حيدر

قصيده للجد والحوار بين الطفل والام حول فقد الجد طلب خاص للدكتور حيدر مخلف رحمه الله

حنين وعالمحنه عللمانه
يبچي اعليه وَلدَنه وهدًمانه
.................
گعد من الصبح وايدور اعليه
يگلي وين جدي ارد احاچيه
زغيرون وشگلله وبيش اهديه
تره فراگه صعب يمه وعمانه
حنين وعالمحنه علمانه
..................
تره افراگه صعب وايهدم الحيل
مهظوم الولد مانام بالليل
يغالي شلون خليت المداليل
حسافه البين هيچي طشًرانه
حنين وعالمحنه علمانه
.................
حسافه البين من طشر شملنه
وخلانه نون ونه اعله ونه
راح الچان يفگدنه ويعزنه
موحش بيته وخالي مكانه
حنين وعالمحنه علمانه
.............. ..
موحش بيتنه وبس الصدى بييه
كتلتنه الصور والحزن غاطيه
واگولن يازماني هم يرد بييه
چنه راح لبعيد ونسانه
حنين وعالمحنه علمانه
................

راح ابعيد مايرجع علينه
حكم الموت يايمه شبدينه
بغفله بساع هيج اتفرهدينه
ننوح اخلاف عينه مادرانه
حنين وعالمحنه علمانه
.....................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات تمت بتاريخ ٢٠٢٣/١٢/١١

الناشر عباس التميمي:
للقاسم ع
.
.
.

انـه رمـله وگـلبـي ذاب ابچـي دوم اعـله الشباب
الـفارگـونه

--------------------------

انتظرنه .. الـراحـو الارض المـقابر هـم يـردون
انتظرنه .. اعـيونه اعـله الباب بلكت ليـه يـدگون
انتظرنه .. شگـد بچينه اشگـد حـچينه ومـايردون
انتظرنه .. امن البچي اعليهم مـؤكد تعمه العيون

مــايـردون الــجــواب ابچـي دوم اعـله الـشباب
الفارگونه

--------------------------

ياحــسافه .. انتـظرنـاهـم يجـون ومـا اجــونه
ياحــسافه .. مـاتكـفـي ادمـوعنه عـالفـارگونه
ياحــسافه .. النـحـبهـم باعـدو لـيش ونـسـونه
ياحــسافه .. الموت اخدهم عـنه ياوسفه وجفونه

نـامــو ابـنص الــتراب ابچي دوم اعله الشباب
الفارگونه

--------------------------

يمه يمه .. يمـه يالرحـتو وبـقه گلبي ابلـهـيبه
يمه يمه .. هـايـه زفـتكم يبعـد امــكم قـريبه
يمه يمه .. والله صـعبه الامهـات اتـظل غـريبه
يمه يمه .. من يموت الشاب هاي اعظم مـصيبه

عايشه عـمري بعـذاب ابچـي دوم اعله الشباب
الفارگونه
--------------------------

مانسينه .. الـهاجـرونه واحـنه ظلـينه ابـذكـرهم
مانسينه .. كلشي ماظـل عدنه بس ظلت صورهم
مانسينه .. والله نشـتاگ الولـدنه انـشم عـطرهم
مانسينه .. وسفه چـن عمر الورد راحو عـمرهم

لحظه ما انسه المصاب ابچـي دوم اعـله الشباب
الفارگونه

--------------------------

وين الاحباب .. احـبابنه لو ما اجونه المدمع ايزود
وين الاحباب .. الغيـبه طالت وينهم مو گالو انعود
وين الاحباب .. اعليهم انگضي العمر بثيابنه السود
وين الاحباب .. حـار اتـراب المقابر يچـوي الخدود

والفگدهم راسي شاب ابچـي دوم اعـله الشباب
الفارگونه

--------------------------

يالرحلتو .. طـاري فـرگاكـم يظـل ابينـه ايدور
يالرحلتو .. ويـنكم شـو ما اجـيتو واجـه عاشور
يالرحلتو .. چـنتو يوم الـقاسم اتـدگرن الصدور
يالرحلتو .. الحمزه تقرون بشعر كاظم المنظور

يـمــه اذكريـني مــن تمــر زفــة شباب
امن العرس محروم حنتي دم المصاب
شمعة شبابي من يطفوها
حنـــتي دمـــي والچـفن ذاري الــتراب
يمــه اذكــريــني مــن تـمر زفـة شباب
-------------------------
تمت والحمد لله في ١٧/ ٨ / ٢٠١٥
حيدر تركي الكربلائي

الناشر عباس التميمي

،، ﷽.قصائد محرم(  )😭😭
ليلة الوحشه

وحشه هالليله عله زينب بالقهر
لا حسين اكبالها  وماكو الكمر
⊰᯽⊱

الليل هندس والجروح بلا كَلب
ترست ارويحتها بس خوف ورعب
احتارت وظلت وحيده وي الغرب

الكلب  بالظيم من عدها انكسر
⊰᯽⊱⊱

حكه منها االعين لو منبع  تهل
بليله وحده وفاركت كل الشمل
الحياه مره بعد فكد الاهل 

تكَوم باللوعات  وبعله اتعثر
⊰᯽⊱⊱

ياجروحج بت علي تنزف نزف
عليج هالليله كئيب ومختلف
بديرة  الاحزان ماعندج عرف

بصدرج هموم الوكت كله استقر
⊰᯽⊱⊱

امنيه وتاهت وسط ذيج الجروح
زينب ابلايه اخو ماعدها روح
باجر المسبيه بالدمعه  تروح

لهوادجها  يون حته الصخر
⊰᯽⊱⊱

اسودت الدنيه بعد عين اخوتج
النوح والاهات زادت علتج
ينوح حتى الطير  يسمع ونتج

وجر بصكعات عالراس الدهر
⊰᯽⊱⊱

اهنا وروحج  يالعقيله تنتهي
لاجن الأحزان منا تبتدي
حزنج بهالكون صاير ابدي

وي حزن هذا الدهر قطره ابحر
⊰᯽⊱⊱


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

🌺قصيدة فزاعية جنوبية للاب 🌺
*طور فواتح*
————————————————-
ريض يالابو .. اتواداع وياك
بعدنة بعازتك وبشوك ملگاك



ريض اهنا يل تعجب حجاياك ..ريض يالابو
بعدنة ماشبعنة سوالف وياك .. ريض يالابو
عمت عين الدهر شبسرعة اخذاك ..ريض يالابو
(لجماني .. يابوية فراكك)


لجمني افراك ابوية وبهذل احوالي
دهري خان بية وصاب دلالي
انة بعازة حنين وعازة الوالي
(معتازة .. ليامك بوية )

معتازة الابو لفرگاه مابية
شلون ازلام جوة الرمل مخفية
هاي روحتك لو بعد ألك جية
(شسويتي .. يادنية اوياي )

بحزام الضهر وسفة اكسرتني
خذت مني الحنين و دولبتني
هضيمه فرگته وبيه اهضمتني
(مهضومة .. من غرب عني )

شلك بلكبر مكروه طارية
شفنة الموت شراي الكبيدية
ابوي شكد حلو وحلوة معانيه
(تذكارة .. يوجع دلالي )

امر بلدار والكة الدار خلوانة
تبجيني الصور وابجي اني بمجانة
حزنانة يروح اعليه حزنانة
(مانهواه .. بيت الشالو)

امر بديارهم بس الحمام ايلوح
وين أهل الشيم ياخايبة ياروح
عافوني بهضم وكليبي ضَل مجروح
(شيداويه .. گلبي امخزن )


————————————————-
قناة رثاء الاطهار
لخادمة اهل البيت ع الشاعرة والملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له

نعي للاب

الابو بالدار ياناس اشحلاته
خيمه اويفيي الكل بناته
هضيمه انكضت ساعه حياته
واندفنت الحلوة صفاته


اتذل البنيه ابغير ابوها
اتضل تنتحب لو ناشدوها
وين المحنه او يهضموها



مهضومه تبقه وتجر حسرات
ابهم اوحزن ابليلها اتبات
ونهارها اتكضيه حسبات
تذكر ايام اهواي حلوات
مرن عليها جنها لحضات

يابو المحنه رد علينه
جم عله مو خليت بينه
تتركنه ابد ماحسبينه

تترك بناتك ليش دحجي
يابعد روحي واني ابجي
همي او عذابي المن اشكي
اخلافك بلايا اروح امشي



تمت الحمد لله
ام غيث الذبحاوي
🌹🌹🌹🌹🌹🌹🌹🌹🌹🌹

البيرع  ون    ياشياله
اكعد يمخوف العياله

عليك امكدر خليته
شلون من ايدك ذبيته
تعرف لوطاح بتاليته
تفزع لحسين الخياله
..........

عباس وشلك بنومه
والبيرغ هالساع ويومه
ايريدك تنزل  للحومه
شلون اينام عالرماله
.........
شلون اتنام عالعيله
والبيرغ جاياهوايشيله
حسين اصبح راكد حيله
من طاح البيرغ وناله
........
اليوم عضيدك بجيته
البيرغ عدمن  خليته
ايرد لجفوفه اتمنيته
يرجع ونزامط بفعاله
.........
ياموت شعندك ويانه
من طاح الكافل وحمانه
الرايه  اتون  وحزنانه
اليوم البيرغ ينعاله

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب  الماسي الفاطميه الجزء الثامن

💔فزاعيه للوحشه


يا وسفه عافونه بغرب
            وأضلم الليل أعلينه
❥━──➸➽❥💔❥━──➸➽❥💔
وأزلام ما ضلت بعد
            والحيل من عدنه ركد
هذا اللعين أبن سعد
            بالسوط يضرب بينه
❥━──➸➽❥💔❥━──➸➽❥💔
وينك يشيال العلم
            هالليله ما عدنه خيم
نسوان صرنه أبلا زلم
            چا منهوا ليحامينه
❥━──➸➽❥💔❥━──➸➽❥💔
ياليلة الحادي رعب
            شبعينه بيهه شگد ضرب
وبسكته دمعتنه تصب
            هضمونه يا والينه
❥━──➸➽❥💔❥━──➸➽❥💔
والروس كلهه أمعلگه
            وذيچ الخيم متحرگه
وأرماد من عدهن بگه
            بحال الهضم ضلينه
❥━──➸➽❥💔❥━──➸➽❥💔
عباس يم المشرعه
            چفينه ليش أمگطعه
وأبن أمي ضل بمصرعه
            والحك يحيدر لينه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*🏴أنت المعزى سيدي يا صاحب الزمان ... عظم الله اجوركم💔

..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين ع

✒✍قصيده ثگيله ليله الوحشه


ياعيني ماترضه اتنام        يبن امي ماعدنه اخيام
ايتام ماعدهم ولي
بنص الحرب نامو هلي

ياعيـــــــــــــني ماترضه اتنام


🏴 ════════🏴════

ياعيني ماترضه اتنام خوف ورعب هاليله
يبن امي ماعدنه اخيام جاوين انيم العيله
واليفگد اهله بنص حرب مهدوم يصبح حيله
ليل ورعب خوفني
ياخويه طگو متني
ياعيني ماترضه اتنام


🏴 ════════🏴════

ياخويه طگو متني سموني المسبيه
ليل وحشه والعطش يبن امي ماثر بيه
اخذوني وياكم هلي يحسين صعبه عليه
وليل لوجلجل صعب
ايتام ماتحمل رعب
ياعيـــــــــــــني ماترضه اتنام


🏴 ════════🏴════


حرگوها يبن امي الخيم واطفال جاوين تروح
محتاره المن بالحرم لوطفل منهم مجروح
ياخلك مااحمل تره واتمنه تطلع هالروح
ضيم وهضم ضيعني
ومضيعه هم خال ابني
ياعيني ماترضه اتنام

🏴 ════════🏴════

معتوب ياخال الولد شنو الجنيته وياكم
تعوفوني وحدي بهل بله واطفالكم تنعاكم
ياخويه راح اكضي العمر انعه وابد منساكم
يالخوتك ياخوه
يبن امي كلش حلو ه
ياعيني ماترضه اتنام

🏴 ════════🏴════


بجفاك راح اكضي العمر بين الحزن والدمعات

معتوب ياخال الولد عفتوني بس للشمات
مصباح عاشر هدني هد حته الگلب بيه هم مات
مات الگلب يبن امي
وعيوني خلهن تعمي
ياعيني  ماترضه اتنام


🏴 ════════🏴════
تـــــمـت والحمـــــدللـــه
✍الشــــاعره ام حـــوراء الاسدی🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

الناشره'خادمة الزهراء.ام علي الاكبر ✍🏻نسالكم الدعاء🙏🏻

📜 قصيدة :- باجر الله يستر .
✍ كلمات :- الشاعر السيد عبد الخالق المحنة .
🎤 أداء :- الرادود محمد الجنامي .

💠💛💠💛💠💛💠💛

تعالن عوفن الخيمه ... نبات الليلة بالهيمه
بلا خيمه نريد نجرب انبات
مثل هذا الوكت باجر سبيات
باجر الله يستر

💠💛💠💛💠💛💠💛

نريد الليله نتعلم ... كأن محروگ المخيم
علينه .. يويلي .. نعاتب .. أهلنه
ظلام و يحرس القاتل ... حرسنه مو أبو فاضل
مصيبه .. يباچر .. شماته .. حرسنه

نريد نعيش ليله من السبي هسه
دخيل الله مسه باچر اذا أمسه
علينه اشما نبالغ اصعب و أقسه

صحابه و هاشم أو كلهم ... ولا واحد يظل منهم
تره عن المصيبه باقي ساعات
مثل هذا الوكت باجر سبيات
باجر الله يستر

💠💛💠💛💠💛💠💛

غدا عاي الزلم صرعه ... چثث عالغبره متوزعه
والأصعب .. نشاهد .. قتلهم .. ضمايه
إلطمن وابچن ابلوعه ... النحور الحلوه مگطوعه
ننادي .. عليمن .. زلمنه .. ضحايه

تره حتى الطفل باچر إله كسره
يرد ابحضن ابوه و منگطع نحره
يويلي يموت ضلمي بحسرة الگطره

رباب ابصدمة الغالي ... تهز مهد الطفل خالي
عسن هذا النهر قبل الطفل مات
مثل هذا الوكت باجر سبيات
باجر الله يستر

💠💛💠💛💠💛💠💛

إذا طاحوا أهالينه ... تجي ركضه زلم لينه
إتركن .. خيمچن .. و اطلعن .. سويه
اكو ينهب اكو ايسلب ... اكو بسوط الحقد يضرب
اسكتن .. و اصبرن .. و اركضن .. عليه

تره كلها تريد اتباوع الطولي
علي كلچن التمن لا ينظرولي
اصيح المن و اخوتي ما يفزعولي

إذا وحدي يعرفوني ... و إذا نلتم يضيعوني
احفظن هالوصيه يالنجيبات
مثل هذا الوكت باجر سبيات
باجر الله يستر

💠💛💠💛💠💛💠💛

علامات السبي عندي ... إذا طاح الگمر تبدي
و اشاهد .. اخويه .. يواجه .. مصيره
ألا من ناصر نسمع ... نجاوب احنه بالمدمع
يضامي .. نسمعك .. و ادينه .. گصيره

يباوع للشريعه و نظرته بحيره
كأنه يگول افزعلي يبو الغيره
الريب بكربله ما واحد ايجيره

تره إبموتي يبو النخوه ... تظل زينب بلا أخوه
ولا نسمع بعد كلمة سلامات
مثل هذا الوكت باجر سبيات
باجر الله يستر

💠💛💠💛💠💛💠💛

إذا شفت شمر صاعد ... على صدر الاخو گاعد
يطبره .. يذبحه .. يويلي .. عليه
يرفعه من شعر راسه ... ينادي وينه عباسه
يزينب .. دشوفي .. ذبحته .. بديه

يگلي ها يزينب أَرفسه بصدره
أحس أرتاح گلبي من أگطعت نحره
وأنا بيدي أگيدج وأقهر الزهرة

تره باچر يسلبوني ... سياط اتوگع امتوني
دگومن و ادعن و صيحن غريبات
مثل هذا الوكت باجر سبيات
باجر الله يستر

اللهم صل على محمد وآل محمد

#قناة نشر #القصائد الخاصه #فقط
✭ بالشاعره✭​​​متيمة✭ #عبدالله ✭الرضي

*​​​​◌‌✹✭┈✺✺---- ​​‌༄✹✭​​​​◌‌*
*الناشره✭خادمة:ال بيت رسول الله:ام علي الاكبر​​​*

🏴🎤📚رايحه عنكم يخوتي رايحه
لا لطمت ولا نصبت الفاتحه

لا نصبت الكم عزيه ... حملت عنكم سبيه
والچثث عالغبره ضلت طايحه
*........〰️〰️〰️📚🎤📓〰️〰️
رايحه عنكم يخوتي ميسره
امگابله الروس وجثثكم عالثره
گلبي مايصبر بعد شيصبره
والدمع فايض عله اخدودي وجره
اشهالمصيبه الله واكبر صايحه

رايحه عنكم يخوتي رايحه
لا لطمت ولا نصبت الفاتحه
*........〰️〰️〰️📚🎤📓〰️〰️
شهالمصيبه الصارت علينه وسدت
عشت بالهم والالم واتمرمرت
يا عذاب ويا هظيمه تحملت
مثل هاي الفاجعه لا ما شفت
روحي منهه بگت تبچي ونايحه

رايحه عنكم يخوتي رايحه
لا لطمت ولا نصبت الفاتحه
*........〰️〰️〰️📚🎤📓〰️〰️
نايحه روحي عليهم ما تهيد
اعزاز همه ويسري حبهم بالوريد
العيشه والله خلافهم لا ما اريد
اشلون افارگهم واطب مجلس يزيد
صعبه نضرات الشماته وجارحه

رايحه عنكم يخوتي رايحه
لا لطمت ولا نصبت الفاتحه
*........〰️〰️〰️📚🎤📓〰️〰️
صعبه نضرات الشماته وموجعه
روحي تحمل يامصيبه وفاجعه
عفت ابو السجاد مرمي بمصرعه
عفت چفين الكفيل امگطعه
والهضم مصباح گمنه انصابحه

رايحه عنكم يخوتي رايحه
لا لطمت ولا نصبت الفاتحه
*........〰️〰️〰️📚🎤📓〰️〰️
نصبح ونغفه عله الون والهموم
والفرح يا ناس النه ما يدوم،،
ضلت العدوان بس يمنه تحوم
خويه ياعباس وينك ماتگوم
عين اخياتك الراسك شابحه

رايحه عنكم يخوتي رايحه
لا لطمت ولا نصبت الفاتحه
*........〰️〰️〰️📚🎤📓〰️〰️
🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

فزاعيه للوحشه( وين صلت وحشته )


الليله زينب للحُسين
وين صلت وحشته
❥━──➸➽❥💔❥━──➸➽❥💔
يوم حرگوهه الخيام
وچلچل الليل أبضلام
وين صلت للأمام
وأله شعلت شمعته
❥━──➸➽❥💔❥━──➸➽❥💔
گعدوهه علتراب
والگلب مملي عذاب
فگد أخوهه أعظم مصاب
وساحگيهه جثته
❥━──➸➽❥💔❥━──➸➽❥💔
أبودهه بت عقد الوله
فاتحه تنصب أله
تريدهه أبنص كربله
ودم تهل بمصيبته
❥━──➸➽❥💔❥━──➸➽❥💔
گعدت أتلم بالعيال
والولي فوگ الرمال
طايح ودم نحره سال
وكلفاهه أبعيلته
❥━──➸➽❥💔❥━──➸➽❥💔
وحشه صار الوكت ليل
ونت أو مابيهه حيل
أفراگ أبو اليمه ثجيل
حيل صعبه فرگته
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ٤ من شهر ذي القعدة
الموافق / ٢٠٢٤/٥/١٣

فزاعيه الرقيه وخوله ع عن لسان حال زينب ع

حسين مدللاتك عذبن حالي
ياخوله ورقيه شلن احوالي

..............
تدرون البنات تريد واليها
جاياهو اليرده اليزمخ عليها
بناتك ياابن امي اتحيرت بيها
حسين اختك تهدم سورها العالي
..............
خويه المن اسولف هم العليه
ماضل كل حنين ونكعد بفيه
تدري خلاف ابوها اتذل البنيه
وانه شلون اسدن وحشت الوالي
...........
خوله بالدرب يحسين موتتها
ورقيه عله النحر صارت منيتها
صفيه بالغرب تجذب ابونتها
وانه باليسر والشمر يبرالي
.............
احشم بالحنين وليش ماجاني
خوله بيوم ونت زادت احزاني
وجعانه وتكول السوط اذاني
تحشم وين ابونه والدمع هالي
..........
احتاريت ابناتك هايبوسكينه
تيهنه الوكت جاوين اهالينه
يعمه منين اجيبه اليفزع علينه
يخوله ماسمعجن نايم الغالي
............

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم

فزاعيه الرقيه ع عن لسان حال زينب ع

زينب بالخرابه اليوم تنخاك
خويه حسين جيب الكافل وياك
.........

تعال بساع ليه وجيب عباس
بتكم ياسبع ماتت عله الراس
شبكت عالنحر وتجر بالانفاس
رقيه هواي مشتاكه عالملكاك
.........
اشتاكت يالحنين بتالي اليل
كل ونه التونها اتهدم الحيل
صاحت ياهلي والمدمع يسيل
خويه الحك رقيه وانفض اثراك
.............
نمت شلون عن اختك يمهيوب
اليوم اتريدكم يعزاز الكلوب
تدري بالدليل اصواب مصيوب
تعال بساع خن انلوذ بحماك
...............
خل تلحك عليه وين الاسباع
ياعباس كافي نومت الكاع
تعال البت اخوك اليوم فزاع
رقيه شيلها وحطها عله يمناك
..........
تعالو اثنينكم لحكو عليه
وعله امتونكم شيلو رقيه
نزلوها الكبر يهل الحميه
واشلون الكبر ياحيد ظماك
...........

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم

★★يمسح اسم
الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 ..........👩‍🚀.....................🕊

فزاعيه لرقيه بنت الامام الحسين (عليها السلام)

محتاره برقيه وين اوديها
اجيب الجثه لو بالشام اخليها
____

محتاره شكله لو نشدني حسين
ولو كلي يازينب جا رقيه وين
شكله مددتهه وغمضيت العين
يكلي شلون بيدج غسلتيهه

____

خاف حسين ع الطفله يعاتبني
شكول وشعتذر منك يخال ابني
مصابك دوهناني وحيل شيبني
وماتت عالطشت خويه وحرت بيها

____

حرت يحسين من اوصل شكلك
وتنشدني عليهه وشعتذر منك
وماتدري شجرالي من رحت عنك
روحي تنمرد لو جبت طاريها

___

تهد الحيل لو سمعيت ونتهه
صارت عالطشت يحسين موتتهه
وصارت طفلتك بالشام دفنتهه
طبعات المتن بالسوط ماذيها

____

طبعات المتن يحسين ياذيها
المغسلات مايرضن يغسلنها
سوده متونهه يحسين شافنها
يكولن هالذليله تون شبيها

____
لخادمة المنبر الحسيني ام محمد
⚪️نسألكم الدعاء

فزاعيه للسيده رقيه عليها السلام
...
يكون اهلج يزتونج ...عراضات
ماتت يا رقيه ...بالخرابات
########
بخرابه اليوم ماتت بت الاحيود
مايعلم اضنه عمهه ابو الزود
ماتت يا وسافه او عابره حدود
..( بحدوده ...ايدك الرايه )
############
الرايه تلوك بيد اهلج يعلويه
ما نرضه رقيه تموت مسبيه
بارض الشام ماتت ويلي الابنيه
..( بته تريده ..يحضرهه اليوم )
###########
كضوهه الاحدود هنا يعياله
بت حسين تفجع الحاله
يدنيا شبيج وياهم او مياله
( مياله ...الدنيا شبيهه )
########
مياله وفجعتيهم ترا هواي
صابتني برقيه اليوم دنياي
عطشانه انسبت ما ضايكه الماي
.( ما شربوه ..الماي اخلافه )
#########
ماشربت الماي او تبجي محزونه
خل نلطم سوا وانه الممنونه
خيعونه ال يعلي الصرخه خيعونه
.( انعليهه ..الصرخه اعليهه )
**
بقلمي
ام احمد ....ميسان

شكد حلوو من تشوفون قصيدة تجمع الوزن والمعنى والدرس✍

وشكد يبرد كَلبك من تشوف قصيده بيها هدف للخط الحسيني ✍

لأن الكلام مهم يكون عن دراسة وبحث والدمعة مهمه بس كون بعقيده ثابته☝️

هاي كلها راح تشوفوها بقصائد الشاعرة  لٌبابة آل ياسين 👍

اشتركوا بالقناة وخل تعمر مجالسكم بذكر آل محمد
https://www.tgoop.com/Lobabaallyassin313