رسالة لقَلبك ♥️.
ربُنا راح يعوضك على كُل
دقيقة تعبت بيها. اطمئن.

أذا دِفنوني أسَولف بِيكَ للمَيتِين ديِوان بِمحبتكَ أنِصب هِناك.

يهل طيفك يمر باليقضه والنوم 

ويهم حبك امر من كل الهموم 

انا ادري بيك وفي وماياخذك لوم

مثل طبع الكمر ماتاخذه غيوم


لـ كاضم الرويعي

‏ويظل طرواك نسمة بر
لا يرخص شرفها ولا هي تتعثر

- عريان السيد خلف

روحتك شامه علة خدي
و شامه الحياطن صورة

-باهر جنديل

سكته علة سكته تمر الايام
لا تنشرة ولاچذب تنسام
تدفع بعمرك دفع جدام
حتة الحلم مل منك ونام

-ناصر البدري

امنيتي اعرف براس ابو الميت شكو

و امنيتي اعرف الصحرة شنهو وتستلذ بيهة البدو


-حسين الحبتري

ولا جنك يكَلبي بكَلبك النار
ولا جنك ثلج من عاشرت نار
خلص عمر المواسم والنياسين
وظل بس
الغنه الصامت ... والاسرار
نام
وصبح الناعور مشلول
لا ... ماي النهر يصعد للشفاف
ولا بيه حيل يكَدر حيل يندار
جان الفرح عدنا طير محبوس
ولكَـــــــه فرصه وتعلكَ بالسما .... وطار
ولا جنك يكَلبي فوك الارماح
معلكَ... خلصت عمرك بالاسفار
ومادامك يكَلبي فوك الارماح
ولا عندك حبيبه
ولا الك دار
شيفيدك لو تجر كل المواويل
شيفيدك لو تردد كل الاشعار
شيفيد ...!!
تمر نهر بولايه مهجوره
شيفيد ... !!
تمر محابس بيد مبتوره
شيفيدك ....؟؟
يا .... يول
يا كافي ... يا كَلبي
تظل مثل الارض يوميه إلك ...دوره
وشمتانيه الروح ...؟
وبعدها متانيه ...؟
واسنين تكَضي من العمر
كل ... ثانيه
واحلام ياخذها الدمع كل مشوار
وبيوت ياخذها المطر كل مشوار
وانت ...؟ !
انت يكَلبي تعيش للحين
ولا جنك ثلج ومعاشر النار
آنا وياك خلينا غريبين
سولتنا الجكاير... والصبر زين
وبليل الشته يصير الحزن ...حار
دافي ياحزن
للفاركَ اثنين
صاحبته وشبابه انكتلوا ازغار
آنا وياك خلينا غريبين
نحلم بالحبيبه ... وعتبة الدار
وإذا شفتك يكَلبي ... بيوم فرحان
هذا اول عتاب
وآخر
إنذار

_كاظم سماعيل كاطع

لا تســـحك عتبتي ولا تدك باب

وفضل منك اذا بالطيف ما جيت



_عبد الكريم القصاب