" الإحساس بالمشاركة، أن أكون موضع ثقة، أن أشاطر اللحظات العميقة والمظلمة مع شخص آخر "

‏– المعالج النفسي إرفين يالوم

‏معي سَهرٌ
‏بلا ذكرى
‏ولا جدران تحضنني

‏أنا في حافة النسيان
‏قلبي لا يذكّرني

‏سوى عينيك أنتِ
‏فهل تُرى عيناك تذكرني

‏بلادٌ لي
‏و ليستْ لي
‏ولا الخرطوم أو مدني

‏تماماً كالغريب أتيتُ من سِنّار يا وطني

‏بلا أبواب أدخلها
‏ولا أيام أعبرها
‏ولا طرقات تُرجِعني

‏.
قدورة

ما توجع قلبك..

العايزك بقعد و اللي ما دايرك بفوت يخليك..
.
.
.

ما تحنس زول عشان يفضل و أكيد ما تطلب من زول الحب ..

الجمرة بتحرق الواطيها ، وجعك بتعرفو براك

ماف زول حيقدره ، في ناس ما شايفة الجمرة اللي دايس عليها أساسا

ما تزعل منهم ، حتى لو شافوها ، وجعك حقك ما حق الناس !

…

اللي عدا عليك قدرك و كان لازم تشوفه و اللي جايي كذلك

ما اتغيرت الأيام ولا الناس اتغيرو ، اتغير شوفك للأقدار !

" أتصبر أم تكفر "

…

يمكن تخاف و ترتبك و الرحلة تصبح موحشة

ما تخاف ، يبان ليك انك براك ، بس نحن كتير ، اتحسس طريقك في العتمة ، حتعرف كتار ماشين معاك في ذات العتمة ، صحيح كل زول طريقه براه ، بس احساكم بيخليكم تتلاقو

اللي بيبلاقيك في الاحساس دة منحة القدر ليك ، ما تفارقه بالساهل

و ان حصل فارقت ، فامنحه الحب و السلام

رحلته معاك انتهت ! اتمنى ليه التوفيق

…

و اتذكر مطالب انك تحب الخير للناس ، ما مطالب تحبهم ..

حب قدر قدرتك ، الحب الأكبر من قدرتك بهزمك ما بخليك ، مع الأيام قد تزيد القدرة و تقدر تحب اكتر ، لكن لو اتهزمت عشان أصريت تدي فوق قدرتك احب أقوليك ، طعم الهزيمة ما بتنسي !

❤️

سلمى المصباح

استراتيجيات ريتشارد فاينمان الأربع للتعلم الفعال:
‏-توقف عن معرفة كل شيء.
‏-لا تهتم بما يعتقده الآخرون عنك.
‏-لا تفكر بما تريد أن تُصبح، بل فكر بما تريد أن تفعل يومياً.
‏-ليكن لديك حس فكاهي وتكلم بكل صراحة وأمانة.

لا تخف من السقوط، بل استمتع بالرحلة. أنت قادر على تحقيق كل ما تصبو إليه.
By: @annajahnet Instagram Post

أفضل ما يمكن أن تقدمه لشخصٍ هو أن تجعله يتحدث مطمئنًا.
أن تُخرجه من دائرة الحسابات، والتفكير في كل كلمة قبل أن ينطق بها،
أن يظل آمنًا من تغيُّر صورته في عينيك مهما كان الذي أفضى به إليك..

بعض الأشخاص تجتمع عليهم الكلمات فتأكلهم ولا ينطقون بها؛ لأنهم لا يجدون من ينصت ويتفهم ويحنو،
ويظل مأمون القلب والجانب.

والكثير منّا إنما يحتاج محض الإنصات إليه،
لا حل، ولا محاولة إصلاح،

فقط، تستمع إلى قلبه وتأمّن خوفه لتخبره بذلك أن في العالم مكانًا يسعه مهما ضاق به.
🌹

لا اعرف كيف اتى ذلك السمهري بسهمه على هيئة موسيقى ، انتشر الامان على هيئة معزوفة حتى انغمرت الألحان بنشوة المودة ، بدأ الناي يزرف صوته ايذاناً لتهيئة الحياة ؛ حينها انغمرت اصابع البيانو باللطف ، كأنها العودة من الموت ، حديقة مليئة بالعذوبة ، آية موسيقية ارتلها بإنتباه حين تتخذ من موضع القلب نهر كوثرها ..
كل شئ في معيتها يظل في غنائه مشدوهاً ، عليَّ أن انطق اول كلمة من اللحن ، ولكني اخاف ان تتوقف الموسيقى في غفلة ، ذلك الخوف لطالما كنت اعقده حتى لا ينساب بنا نشوذ اللحن بعيدا عن ذاكرة الايام ..
#ساجد_كمبلاوي
#SAKA

(الوجعة اكبر .. من تقال)

الشعارات.. مابتفيد.!

(الونسة )

عن سعر الدولار:
الليلة زاد..
باكر نقص..

عن الرئيس
لوكان رقص..
(الركبة)
والوجع القديم

عن الوزير
عن الضفادع
والمزارع
عن تيقا
او س للغلال..

الونسة
عن سوق الخضار
الزيت غلا..
المطرة جات
الجو حلا..
الوالي فات
الوالي جا
سقط البرير
والفاز عليهو الكاردينال..

عن ما ماذدا ..
عن المنتخب..
سيكافا ..
عن كورة الهلال..

كل السخافات ما بتفيد..!!

الوجعة أكبر من (تقال)

كل الولاءات ما بتفيد

انا عندي ياعالم سؤال؟

بالله ليه استعجلو
وبي سرعة مرقو الاحتلال؟

هسع اكان نفعو البلد
من زيفة من زيفة المصالح
والحزب. .
من الشعارات المقتقتة
بالكذب..

خمسين سنة ماشفنا غير الانحلال..

حكم العساكر مابفيد
غير الحروب الخايبة
ما لقينالنا فال...

الواطة تصبح بي حرب
والواطة تمسي على نزال..

الضرايب
والنفايات
والزكاة
دمغة جريح
ما فتنا خطوة الي الامام..

قبة وضريح
حول الامام ..
عاش ابو هاشم
ومات العاشم في التصليح..
ونحن بنحصد في الاوهام..
ورثو البلد بالفيها
باعوها الاراضي
وبالتراضي
( اتقاسمونا ) عبيد عبيد
ورثو الوطن بي حالو
وورثونا الانهزام...

الثورة
ما صوت احتجاج
(على زيت غلا)

الثورة ذي ألم الفطام..

يا نجوع ونعطش كلنا
يانثور ونمرق كلنا
يا خلو لينا (المؤتمر)
ونقول على الدنيا السلام ..

ماف زول ينق ينضم يقول :
(أسقاط نظام )
أسقاط نظام داير فعل
أسقاط نظام ما بالكلام

ندي الوطن (حق الولاء) والاحترام..
فلنتحد
او
نلتحد
نحجز قبرنا
ونجتهد بعد الف عام..
نقدر
نزيل من البلد باقي الحطام...

بس مافي زول
يجيب سيرة الوطن
او ثورة
او حرية
او أسقاط نظام
خليكم
مع (الونسة )
ومشاط المجتمع..
وباكر نتم باقي الكلام..

مــا كــل واحــد
(خت) صورة
وقال نضـــــال..!!

مــا كـــل واحــد
نادى سبتمبر تــــعال..

الصورة مابتنزل
تجيب حق الشهيد...!!

كل الشوارع
(فــاضـيه)
منتظرة الرجـــــــال..!!

#يوسف_الدوش
#sudan_lntifada