💫 На Gronka — новы збор! Дапамажыце з'явіцца светлай, гульнявой і да таго ж беларускай аплікацыі для дзяцей 💛

💡 «Беларускія казкі» — гэта мабільная аплікацыя для дзяцей 3–10 гадоў з народнымі і аўтарскімі казкамі, прыгожымі ілюстрацыямі і інтэрактыўнымі гульнямі. Яна дапаможа дзеткам вывучаць беларускую мову і культуру ў лёгкай форме, літаральна гуляючы.

Праект ствараюць каманды алікацыі SVAE і платформы Новая Беларусь — людзі, якія любяць беларускую культуру і мараць зрабіць яе больш блізкай і зразумелай для дзяцей у любой кропцы свету.

🌹 Унутры аплікацыі:
– тэксты беларускіх народных і аўтарскіх казак
– прыгожая графіка і ілюстрацыі
– інтэрактыўныя заданні, гульні і міні-тэсты

Яна будзе бясплатнай і даступнай на iOS і Android па-беларуску, а таксама з падтрымкай англійскай і рускай моў. Частка казак і заданняў — у вольным доступе, астатнія — праз in-app purchase. Але для ўсіх, хто падтрымае праект праз краўдфандынг, — поўны доступ назаўсёды.

💶 Сума збору — 5000 еўра, яна пойдзе на аплату працы каманды, пераклады, распрацоўку і запуск аплікацыі.

Каманда ўжо працуе над апкай, але, каб зрабіць яе якаснай і даступнай, патрэбна ваша дапамога.

🎁 Кожнага, хто падтрымае, чакаюць прыемныя лоты — ад поўнага доступу да аплікацыі да персанальнай казкі для вашага дзіцяці!

Падтрымайце збор, каб нашы казкі загучалі ў сэрцах дзяцей па ўсім свеце! ✨

⚡️ Хэй! Глядзіце, які новы збор на Gronka!

У Варшаве нараджаецца новая беларуская кропка цяпла і творчасці — Кватэра.27.

Гэта не проста кватэра, а маленькі сусвет для беларусаў і беларусак: творчая майстэрня, месца для івэнтаў, вечарын, выстаў ці проста сустрэчы за кавай ды размовамі з сябрамі і сяброўкамі.

За праектам стаяць мастак Міша Шаціла і яго сябры Лявон, Вераніка, Ліза і Яна — людзі, якія сваімі рукамі аднаўляюць кватэру ў старой камяніцы, каб стварыць месца для культуры, творчасці і супольнасці.

І зараз камандзе патрэбна ваша дапамога, каб давесці справу да канца 💛

*️⃣На што пойдуць грошы?
Каб зрабіць кухню, нармалёвае святло, паставіць тэхніку і купіць аўдыёабсталяванне — каб усё працавала, гарэла і натхняла!

🫶 За вашу падтрымку — суперпрыемныя лоты: экскурсіі, малюнкі, майстар-класы, вячэры і нават вечарынка пад ключ.

Падтрымайце Кватэру.27 на Gronka — і станьце часткай новай беларускай прасторы ў самым сэрцы Варшавы 💫

Глядзіце відос і ляціце падтрымліваць 😘

5000 еўра, 20 валанцёраў і адна кватэра.

🤔 Пра што будзе новы фільм каманды SOC, збор на які ідзе на Gronka?

Расказваем!

Мы ствараем драму на беларускай мове пра старога з дэменцыяй, чый сусвет разбураецца на вачах, — і не толькі з-за хваробы, але і з-за падзей у сучаснай Беларусі. Гэта будзе цёплая, інтымная гісторыя пра штодзённае жыццё дзеда і ўнука, іх клопат адзін пра аднаго і супольнае існаванне на мяжы мінулага і будучыні.

У аснову сюжэту пакладзены адносіны хлопца з дзедам, якія жывуць разам. Усё змяняецца, калі ў 2022 годзе ён атрымлівае павестку. Ідуць размовы, што беларускую армію могуць адправіць ва Украіну. Вайна і ўсё, з ёй звязанае, — не для нашага героя, і перад ім паўстае складанае рашэнне: бегчы або застацца побач з блізкім чалавекам, які мае ў гэтым пільную патрэбу.

✨ Ужо сабрана больш за палову ад патрэбнай сумы! Ну кайф?
Заклікаем вас не спыняцца і падтрымаць маладую беларускую кінакаманду.

Здымкі плануюцца ў Вільні, у адной кватэры. Мы ставім перад сабой мэту сабраць 5000 еўра — гэта мінімальны бюджэт, выключна на тэхнічныя выдаткі: арэнду тэхнікі, транспарт, лагістыку. Уся каманда працуе бясплатна, таму што шчыра верыць у важнасць гэтай гісторыі.

Засталося сабраць усяго 1758 еўра! 😍


🎬 Яшчэ больш цікавых фактаў пра фільм, каманду і падрыхтоўку да здымак, а таксама пра тое, што ўвогуле адбываецца з беларускай кінаіндустрыяй цяпер, чытайце ў інтэрв’ю CityDog.io з Лізай — рэжысёркай SOC.

Дапамажы нарадзіцца прыемнай прасторы — і атрымай нешта асаблівае!

Выбірай свой лот і падтрымлівай наш будучы дом для сустрэч і творчасці 🧡

Кватэра.27 — гэта ўтульная прастора ў Варшаве для ўсіх, хто хоча ствараць, сустракацца, вучыцца і проста прыемна бавіць час. Тут будуць праходзіць майстар-класы, лекцыі, сустрэчы, мерапрыемствы для дарослых і дзяцей.

Каб зрабіць усё гэта рэальнасцю, нам патрэбна ваша падтрымка!

Няважна, дзе вы цяпер — у Варшаве, Празе, Вільні ці Нью-Ёрку. Вы можаце далучыцца і атрымаць крутыя падарункі за вашу дапамогу!
З любоўю падрыхтаваныя падзякі, якія чакаюць спонсараў:

💛 5 € — пагладзіць трусіка.
Так, у Кватэры жыве пушысты рэзідэнт! Падтрымайце прастору — і прыходзьце па сваю порцыю шчасця і мяккага цяпла.

💛 10 € — выпіць кавы з печывам і відам на ўтульны двор ці атрымаць паштоўку з аўтарскай ілюстрацыяй.
Запросім да нас на кубачак кавы і душэўныя размовы. А калі вы далёка — дашлём прыгожую паштоўку, намаляваную спецыяльна ад Кватэры.27!

💛 15 € — поўны шчаслівы набор: пагладзіць трусіка + выпіць каву + экскурсія па нашай прасторы!
Пачуеце гісторыі пра стварэнне Кватэры і зазірнеце ва ўсе яе куткі. Ваш ідэальны дзень амаль што прадуманы!

💛 20 € — эскіз па вашай фатаграфіі.
Мастацтва ў падарунак самому сабе ці сябру / сяброўцы. Зробім для вас цёплы скетч — на паперы ці ў лічбавым фармаце.

💛 25 € — майстар-клас па маляванні.
Падтрымайце нас і стварыце ўласны шэдэўр з нашай дапамогай. Лёгка, весела і творча — нават калі вы не ўмееце маляваць 😉

💛 50 € — карціна-сувенір з Варшавы.
Аўтарская карціна, напоўненая святлом Варшавы і цеплынёй нашай прасторы, — кавалачак натхнення ў вашым доме

💛 75 € — запрашэнне на вечарыну-адкрыццё.
Вы першымі патрапіце на адкрыццё новай прасторы! Музыка, цікавыя знаёмствы, закускі, творчасць і прыемныя сюрпрызы — у адказ на вашу падтрымку.

💛 100 € — арэнда прасторы ў будні.
Падорым 8 гадзін для вашай вечарыны, майстар-класа, трэнінгу ці проста вечара з сябрамі і сяброўкамі ў нашай прасторы.

💛 150 € — арэнда прасторы на 8 гадзін у выхадны дзень.
Ідэальнае месца для творчага фестывалю, сямейнага свята або майстар-класа на выходных!

💛 200 € — рамантычная вячэра на дваіх.
Асаблівая атмасфера, свечкі на стале, смачныя закускі і трошкі магіі — падорым вам цудоўны вечар і ўспаміны.

💛 500 € — мерапрыемства «пад ключ» для 10 чалавек.
Хочаце арганізаваць незабыўную тусоўку? Мы правядзём для вашай кампаніі майстар-клас, падрыхтуем віно і закускі — вам застанецца толькі весяліцца.

💛 1000 € — мерапрыемства «пад ключ» для 20 чалавек.
Творчасць, віно, смакоцце і шмат месца для асалоды і сумеснага адпачынку — усё гэта чакае вас у Кватэры.27 за неймаверна крутую падтрымку!


🌹 Стварайце гісторыю разам з намі!

Падтрымайце збор сродкаў на развіццё прасторы па спасылцы і атрымайце часцінку Кватэры.27 у падарунак 💖

Новы збор на Gronka! ✨

Далучайцеся да стварэння выставы «Zostać / Застацца», прысвечанай 60-годдзю Алеся Пушкіна — чалавека, які ўсё жыццё гаварыў пра свабоду мовай мастацтва.

*️⃣Што гэта за выстава?
Гэта незалежны праект, натхнёны творчасцю Алеся Пушкіна, які злучае беларускіх мастакоў і мастачак у эміграцыі. Тэмы — міграцыя, памяць, асабісты досвед. Мы разам ствараем адкрытую прастору, дзе мастацтва сустракаецца з жыццём — жывое, шчырае і вельмі актуальнае.

Выстава аб’яднае каля 20 твораў, натхнёных постаццю Алеся Пушкіна, а таксама ўласным досведам выгнання, страты, пошуку каранёў і ўнутранай свабоды.

*️⃣Дзе і калі?
Адкрыццё выставы плануецца 6 жніўня 2025 года ў Музеі Вольнай Беларусі (Варшава).

*️⃣Чаму гэта важна?
Бо свабода — гэта не геаграфія, а стан душы. І мастацтва — лепшы спосаб пра гэта сказаць. Мы ўжо маем канцэпцыю, каманду, пляцоўку і адкрыты open call.

⚡️ Засталося сабраць 3000 еўра, каб выстава стала рэальнасцю. Падтрымайце — і вы станеце часткай гісторыі! Ад паштоўкі з падзякай да экскурсіі з куратаркай — кожны ўнёсак важны.

Пераходзьце на Gronka і падтрымайце выставу «Застацца» — каб галасы беларускіх творцаў гучалі, дзе б яны ні былі! 🧡

Без цукру, але са смакам! 👌

🥨 Падтрымайце новы збор і першымі займейце кнігу, якая дапаможа зрабіць штодзённае харчаванне больш карысным і смачным.

🍴 Кулінарная кніга «Без цукру, але са смакам» — гэта 100+ рэцэптаў без рафінаванага цукру, фрыцюру і хіміі: сняданкі, асноўныя стравы, дэсерты і напоі на кожны дзень і для асаблівых момантаў.

У кнізе — фота да кожнай стравы, парады па заменніках цукру, лайфхакі, асабістыя гісторыі і раздзел з рэкамендацыямі лекара.

👩‍🍳 Аўтарка — @alesia_foodblog — гатуе з душой і ведае, як зрабіць здаровае харчаванне апетытным, простым і радасным. Яе мэта — дапамагчы і зрабіць натхняльную кулінарную кнігу для тых, хто клапоціцца пра здароўе, але не хоча адмаўляцца ад смачнага.

Мая кніга — гэта не проста рэцэпты без цукру. Гэта прадуманыя стравы, кожная з якіх прайшла тэсціраванне і апісана так, каб атрымалася нават у пачаткоўца.

✨ Гэта будзе прыгожае, зручнае і натхняльнае выданне ў цвёрдай вокладцы, з сучасным дызайнам і разумна пададзенай інфармацыяй.

⚡️ Што атрымаюць спонсары:

— друкаваную кнігу (першымі)
— сваё імя ў пераліку спонсараў
— эксклюзіўны гайд пра заменнікі цукру
— магчымасць дадаць свой рэцэпт у кнігу
— запрашэнне на прэзентацыю ў Варшаве


☀️ Падтрымайце кнігу, каб лёгка і без запаркі гатаваць смачныя і карысныя стравы.

Драма з цёплай усмешкай, дзе галоўнага героя можа сыграць Маляваныч 🎬

Якім будзе новы беларускі фільм ад каманды Sort of cinema? 🔥 Прама цяпер на яго ідзе збор на Gronka.

💟 Чытайце інтэрв’ю пра стужку аб Беларусі з рэжысёркай Лізай Чэрнік — а знімуць яе ў Вільні за шэсць тыдняў.

Мая асабістая мэта – здымаць якаснае класнае кіно, ганарыцца ім і кайфаваць ад яго. Паказаць, як маладыя беларусы бачаць і адчуваюць гэты свет. Зняць добры фільм, які я палюблю. І гэта не проста мая мэта – гэта мая мара.

«Часткай мары» стваральнікаў стужкі можа стаць кожны, падтрымаўшы збор на платформе Gronka 💛

Што зараз адбываецца на Gronka? Распавядаем!

⚡️ Пяць праектаў прама цяпер чакаюць тваёй падтрымкі!

Хочаш, каб новыя беларускія кнігі, фільмы, выставы і прасторы з’яўляліся і жылі? Тады ты ў правільным месцы — садзейнічай розным праектам на Gronka і атрымай прыемныя лоты за сваю неабыякавасць!

***

🎬 Фільм ад Sort of Cinema — кароткаметражка пра старога з дэменцыяй у сучаснай Беларусі. Стыльнае кіно, шчыры аповед і амбіцыя выйсці на еўрапейскія фестывалі.

✔️ Сабрана: €3854 з €5000. Падтрымаць.

***

🏡 Кватэра.27 — новая беларуская прастора ў Варшаве. Гэта не проста месца, а кропка супольнасці: майстэрня, выставы, сустрэчы, лекцыі, вечарыны. Збор на развіццё і больш камфортныя ўмовы для ўсіх.

✔️ Сабрана €1270 з €5000. Падтрымаць.

***

📱 «Беларускія казкі» — мабільная аплікацыя для дзяцей 3–10 гадоў з казкамі, гульнямі і ілюстрацыямі. Каб дзеці па ўсім свеце вучылі мову і культуру праз гульню.

✔️ Сабрана €487 з €5000. Падтрымаць.

***

🎨 «Zostać / Застацца» — выстава да 60-годдзя Алеся Пушкіна, якая раскажа пра памяць, міграцыю і асабісты досвед праз працы беларускіх мастакоў і мастачак у эміграцыі. 20+ сучасных твораў у Музеі Вольнай Беларусі (Варшава).

✔️ Сабрана €813 з €3000. Падтрымаць.

***

🍽 «Без цукру, але са смакам» — кулінарная кніга, якая дапаможа гатаваць смачныя стравы без рафінаванага цукру, фрыцюру і хіміі. У кнізе 100+ рэцэптаў, парады ад лекара і прыгожыя фота.

✔️ Сабрана €173 з €1990. Падтрымаць.

***

💛 Гэта гісторыі, якія могуць адбыцца толькі з тваёй дапамогай.

Падтрымай любімы праект на Gronka.org — і стань часткай беларускага культурнага руху. Бо ідэі вартыя таго, каб жыць!

p.s. будзем вельмі ўдзячныя за вашы рэпосты і падтрымку ❤️