💖 Спяшаемся паведаміць навіну — завяршыўся збор на выданне комікса «Trip mit Tropf» на беларускай мове. Праект падтрыманы на 721 еўра з планаваных 3000.

— Мы вельмі рады сабранай суме. Хоць яна і не пакрывае ўсіх нашых выдаткаў, звязаных з друкам, але значна набліжае нас да мэты. У нас не было сумненняў, з’явіцца гэты комікс ці не, мы ад пачатку ведалі, што зробім усё магчымае, каб ён трапіў да беларускага чытача. І мы ўдзячны кожнаму, хто паўдзельнічаў у краўдфандынгу і дапамог нам з рэалізацыяй нашай задумы, — падзяліліся аўтаркі праекта.

🎇 Тым часам мы нагадваем вам пра апошнюю магчымасць падтрымаць два зборы, якія скончацца ў бліжэйшыя дні:

1. Беларускі ютуб-канал пра моду Fashion Lunch

У выпусках будуць абмяркоўваць гучныя падзеі са свету моды і расказваць пра беларускую модную індустрыю і нашых дызайнераў. Падтрымайце збор тут!

2. Кніга пра футбол на Аршаншчыне

Апроч фактаў і лічбаў, у кнізе будзе шмат цікавых, а часам і смешных гісторый. Чытачы тут знойдуць унікальныя фотаздымкі і звесткі пра мясцовую спартыўную гісторыю. Дапамагчы выданню вы можаце па спасылцы.


🫴 Калі вы падтрымаеце любы з праектаў на Gronka на суму ад 10 еўра, то маеце шанц паўдзельнічаць у нашай разыгранцы і выйграць круты падарункавы набор!

Да канца разыгранкі застаюцца лічаныя дні — спяшайцеся 🚀

⚡️ Новы збор на платформе Gronka!

Падтрымайце выданне кнігі пра музычны фальклор старавераў Беларусі!
Гэты ўнікальны праект рэалізуе этнамузыколаг Вольга Барышнікава.

— Вясковыя спевакі-стараверы заходняга Падзвіння пранеслі скрозь стагоддзі сваю багатую культурную спадчыну. Але тыя даўнейшыя песні знікаюць разам з іх адыходам, — адзначае аўтарка.

Кніга амаль у 100 старонак змяшчае 45 нотных і тэкставых транскрыпцый песень з навуковымі каментарыямі, уступны артыкул, архіўныя фотаздымкі, расшыфроўкі экспедыцыйных гутарак і аўдыядадатак.

💶 На выданне патрэбна сабраць 1500 еўра. Давайце разам дапаможам захаваць і шырэй распаўсюдзіць адмысловую частку народнай спадчыны!

Завяршыўся збор на выданне кнігі пра ножны шпурляк (футбол) на Аршаншчыне!

🔥 Атрымалася сабраць 2185 еўра, нават больш за патрэбныя 2000!

З 2011 года журналіст Арцём Сізінцаў карпатліва збіраў звесткі ў архівах і бібліятэках, размаўляў з гульцамі, заўзятарамі і журналістамі. У выніку атрымалася незвычайная кніга, у якой праглядаецца спартыўная гісторыя ўсёй Беларусі.

👏 Віншуем аўтара і дзякуем усім, хто падтрымаў збор!

💫 Вітаем новы збор на Gronka!

На стварэнне лабараторыі экалагічнага адзення ад праектаў Sviadomy Šyk і Art Yard Community.

— Мы створым экалагічную фэшн-лабараторыю, дзе будзем праводзіць даследаванні і ставіць эксперыменты па вырабе калекцыі адзення на стыку этнічнай спадчыны, новага бачання мастакоў і мастачак і ўстойлівага развіцця ў напрамку экалогіі, — расказваюць крэатары.

🎇 У канцы праекта будзе прэзентавана капсульная калекцыя адзення, тэхналогія па стварэнні якой можа быць прыкладам для іншых брэндаў.

Сярод лотаў — гайд па тым, як апранацца з клопатам аб планеце і людзях, экапаштоўкі, шоперы і арт-аб’екты, а таксама варкшопы па кастамізацыі адзення.

💶 Падтрымаць добрую справу і абраць узнагароду вы можаце па спасылцы.