⚡️ Новы збор на Gronka — на Навуковую прэмію «Бізон Хігса 2024»

Праз заснаванне прэміі рэдакцыя зіна Pamyłkа жадае сфарміраваць супольнасць навукоўцаў і выклікаць павагу да беларускай навукі з боку грамадства.

Што гэта будзе за прэмія?
Бюджэт — 1000 еўра. На яе могуць прэтэндаваць беларускі і беларусы, якія робяць нешта важнае ў навуцы. Намініраваць чалавека на прэмію можа любы ахвотны. У выніку з’явіцца спіс намінантаў і пройдзе адкрытае галасаванне.

💖 Падтрымаць важную ініцыятыву можна па спасылцы. У аддзяку для вас — магчымасць атрымаць нумары навукова-папулярнага часопіса Pamyłkа.

Мы прадоўжылі збор на аўдыякнігу «Зэкамерон» Максіма Знака!
Праект аўдыяверсіі па-беларуску — гэта супольная праца каманды audiobooks.by і купалаўцаў!

💖 Калі атрымаецца сабраць суму, большую за заяўленую, дадатковыя сродкі будуць накіраваны на аплату аўтарскіх правоў.

Падтрымайце збор!

⚡️ Новы збор на Gronka! ⚡️

Падтрымайце стварэнне анлайн-курса для паспяховай іміграцыі, легалізацыі і адаптацыі!

«Праект прапануе карысныя лайфхакі, заканадаўчыя парады і рэкамендацыі для паспяховага пераезду, пошуку працы, легалізацыі, адкрыцця бізнесу, вывучэння мовы і адаптацыі да жыцця ў Еўропе. У кожным курсе мы абапіраемся на актуальныя даныя і інтэрв’ю з прафесіяналамі і экспатамі, якія падзеляцца ўласным досведам і слушнымі заўвагамі», — расказваюць аўтары збору.

Сярод лотаў — запісы курсаў і нават рэтрыт у Іспаніі.

💶 Падтрымайце праект па спасылцы.

⚡️ Вітайце новы збор на Gronka!

Дзякуючы вашай дапамозе можа выйсці серыя дзіцячых кніг з матыватарамі!

«У серыі будуць кніжкі трох узроўняў складанасці: чытаем па словах, па сказах, па абзацах. Каб дапамагчы адважнаму чытачу, мы выкарыстоўваем адмысловы шрыфт, распрацаваны для дыслексікаў: літары ў ім лягчэй распазнаюцца і не разбягаюцца», — дзеляцца крэатары.

У кніжках прастаўлены націск у словах і расфарбаны склады. За займальным сюжэтам маленькія чытачы і не заўважаць, як перагорнуць апошнюю старонку. А там іх чакаюць дыплом і налепкі: прачытаць цэлую кнігу самастойна — гэта варта ўзнагароды!

У першай серыі выдавецтва Gutenberg Publisher выпусціць «Сябры ў двары» Алены Зарніцкай, «Заяц і Мядзведзь едуць да бабулі» Андрэя Скурко і «Казкі гарадскога парку» Аляксандра Ждановіча (Маляваныча).

Сума збору на выданне трох кніжак — €3000.

🧡 Падтрымайце ініцыятыву па спасылцы.

На Gronka — новы збор!

Дапаможам развіццю беларускамоўнага экалагічнага тыкток-канала «Мікразеляніна»! 🌱

Канал робіць класны кантэнт для беларускай моладзі — за год працы на «Мікразеляніну» падпісаліся больш за пяць тысяч чалавек, якія актыўна глядзяць і лайкаюць карысныя і цікавыя ролікі.

З іх вы можаце даведацца, ці мае сэнс сарціроўка смецця, ці можа глітар быць экалагічным, дзе шукаць аднадумцаў і экакам’юніці ў Беларусі і што рабіць пры сустрэчы з мядзведзем і ласём.

«На жаль, нашы фінансавыя рэсурсы скончыліся. Каб і далей рабіць ролікі ў бліжэйшыя пяць месяцаў ды пашыраць беларускамоўную і экапрыязную прастору інтэрнэту, нам патрэбна ваша дапамога!» — заклікаюць аўтары праекта.

💚 Падтрымайце збор па спасылцы і глядзіце новыя карысныя выпускі ў Тыктоку!