*🗞️🔥Current Affairs🔥🗞️*
➖➖➖➖➖➖➖➖➖➖➖
⭕ભારત કયા દેશ પાસેથી એરબસ C-295MW ટ્રાન્સપોર્ટ એરક્રાફ્ટ ખરીદશે❓
*☑️સ્પેન*

⭕ભારતીય રિઝર્વ બેંકે કઈ બે બેંકના મર્જરને મંજૂરી આપી છે❓
*☑️સારસ્વત બેંક અને ન્યુ ઇન્ડિયા કો-ઓપરેટિવ બેંક*

⭕ભારત માછલી ઉત્પાદનમાં વિશ્વમાં કયા ક્રમનું સૌથી મોટું ઉત્પાદક બન્યું❓
*☑️બીજા (ચીન પ્રથમ ક્રમે)*

⭕સાઉદી અરેબિયાના રિયાધમાં યોજાયેલા પ્રથમ ચેસ એસ્પોર્ટસ વર્લ્ડ કપ 2025 નું ટાઇટલ કોણે જીત્યું❓
*☑️મેગ્નસ કાર્લસન*

⭕તાજેતરમાં રશિયાના કામચટકા દ્વિપકલ્પમાં કયો જવાળામુખી 600 વર્ષ પછી ફાટ્યો❓
*☑️ક્રેશેનિનિકોવ*

⭕AIFF અને FIFA એ દેશની પ્રથમ ગર્લ્સ FIFA ટેલેન્ટ એકેડેમી ક્યાં શરૂ કરી❓
*☑️તેલંગણાના હૈદરાબાદમાં*

⭕ભારત વિશ્વમાં કેટલામાં નંબરનું સૌથી મોટું ઉડ્ડયન બજાર બન્યું❓
*☑️પાંચમું*

⭕એશિયન શૂટિંગ ચેમ્પિયનશિપ ક્યાં યોજાશે❓
*☑️કઝાકિસ્તાન*

⭕પીએમ મોદીની કઈ પહેલે ગિનિશ વર્લ્ડ રેકોર્ડ બનાવ્યો છે❓
*☑️પરીક્ષા પે ચર્ચા*

⭕તાજેતરમાં ભારતે કયા દેશ સાથે વ્યુહાત્મક ભાગીદારી માટે 9 કરારો પર હસ્તાક્ષર કર્યા❓
*☑️ફિલિપાઈન્સ*

⭕ગૃહમંત્રી અમિત શાહ ભારતના સૌથી લાંબા સમય સુધી સેવા આપનારા ગૃહમંત્રી બન્યા. તેમના પછી સૌથી લાંબો સમય સુધી આ પદ પર રહેનારા ગૃહમંત્રી કોણ છે❓
*☑️લાલકૃષ્ણ અડવાણી*

⭕2026માં યોજાનાર 38મા બોગોટા આંતરરાષ્ટ્રીય પુસ્તક મેળામાં મહેમાન કયો દેશ બનશે❓
*☑️ભારત*

⭕ભારતીય રેલ્વેએ એશિયાની સૌથી લાંબી માલગાડીનું સફળતાપૂર્વક પરીક્ષણ કર્યું છે જે 4.5 કિમી લાંબી અને 345 વેગન ધરાવે છે. તેનું નામ શું છે❓
*☑️રુદ્રાક્ષ*

⭕કયા દેશે બ્લુબર્ડ કમ્યુનિકેશન સેટેલાઇટ વિકસાવ્યો છે❓
*☑️અમેરિકા*

⭕જેની હેઠળ તેલંગણા સરકારે તાજેતરમાં જ 7600થી વધુ બાળકોને બચાવી લીધા એ રાષ્ટ્ર્રવ્યાપી અભિયાનનું નામ શું છે❓
*☑️ઓપરેશન મુસ્કાન-XI*

⭕તાજેતરમાં 43મા રાષ્ટ્રીય લોકમાન્ય તિલક એવોર્ડ-2025 થી કોનું સન્માન કરવામાં આવ્યું❓
*☑️નીતિન ગડકરી*

⭕નીલગીરી જૂથના પ્રોજેક્ટ 17-A હેઠળ ભારતીય નૌસેનાને તાજેતરમાં સોંપાયેલા ત્રીજા જહાજનું નામ શું છે❓
*☑️હિમગીરી*

⭕કયા રાજ્યે પોતાના કર્મચારીઓ માટે દેશભરમાં સૌપ્રથમવાર પોતીકી રજાની નીતિ જાહેર કરી છે❓
*☑️સિક્કિમ*

⭕ભારતીય રેલ્વએ તહેવારો અને સિઝન દરમિયાન મુસાફરો માટે કઈ યોજના શરૂ કરી જે અનુસાર રિટર્ન ટિકિટ બેઝ ફેરમાં 20% ડિસ્કાઉન્ટ આપવામાં આવશે❓
*☑️રાઉન્ડ ટ્રીપ પેકેજ યોજના*

⭕તાજેતરમાં WHO એ કયા દેશને ઊંઘની બીમારીથી મુક્ત (ટ્રાયપેનોસોમિયાસિસ) જાહેર કર્યો❓
*☑️કેન્યા*

⭕કયા રાજ્યની સરકારે 'દિશા અભિયાન' હેઠળ માનસિક રીતે વિકલાંગ બાળકો માટે સમાન શિક્ષણનો કાર્યક્રમ અમલમાં મુક્યો❓
*☑️મહારાષ્ટ્ર*

⭕તાજેતરમાં કયા રાજ્યમાં 'અમ્મા સન્માન દિવસ' પર 'નારી અદાલત'ની સૌપ્રથમ શરૂઆત કરવામાં આવી❓
*☑️સિક્કિમ*

⭕ એક્સિસ બેંકે ઓનલાઇન છેતરપિંડી સામે રક્ષણ આપવા માટે કઈ પહેલ શરૂ કરી❓
*☑️લોક એફડી*

⭕તાજેતરના લોકસભાએ ભારતીય બંદરો બિલ 2025 પસાર કર્યું, જે કયા વર્ષના જુના કાયદાને બદલશે❓
*☑️1908*

⭕તાજેતરમાં આરોગ્ય મંત્રાલયે કયો સૂચકાંક શરૂ કર્યો જે રાજ્યોની દવા પ્રણાલીના ડેટાનું મૂલ્યાંકન કરીને દવાઓની ગુણવત્તા સુનિશ્ચિત કરશે❓
*☑️રાજ્ય આરોગ્ય નિયમનકારી શ્રેષ્ઠતા સૂચકાંક*
➖➖➖➖➖➖➖➖➖➖➖
💥💥

*⭕સ્પેશિયલ ઇન્ટેન્સિવ રીવિઝન(SIR)*

☑️SIR એ ચૂંટણી પંચનું એક ખાસ અભિયાન છે, જેમાં મૃતકોના નામ કાઢીને, સરનામાં બદલનારાઓના રેકોર્ડ સુધારીને અને 18+ નવા મતદારોના નામ ઉમેરીને મતદાર યાદી અપડેટ કરવામાં આવે છે.

☑️તાજેતરમાં બિહારમાં વિધાનસભા ચૂંટણી પહેલા a અભિયાન શરૂ થયું હતું. જેનો વિપક્ષ દ્વારા વિરોધ કરવામાં આવ્યો હતો.

☑️સુપ્રીમ કોર્ટ કમિશનને આધાર, મતદાર ID અને રેશનકાર્ડ જેવા દસ્તાવેજો સાથે મતદારોની ઓળખ સુનિશ્ચિત કરવા પર વિચાર કરવા કહ્યું હતું. મતદાર યાદી SIR સાથે અપડેટ કરવામાં આવે છે.
➖➖➖➖➖➖➖➖➖➖➖
💥💥

*⭕બિમ્સટેક⭕*
➖➖➖➖➖➖➖➖➖➖➖
☑️બિમ્સટેક બંગાળની ખાળી સાથે જોડાયેલા દેશોનું સંગઠન છે જે ટેકનિકલ અને આર્થિક સહયોગ વધારે છે.

☑️8 દેશો આ આંતરરાષ્ટ્રીય સંગઠનનો ભાગ છે.

☑️તાજેતરમાં નવી દિલ્હી ભારત મંડપમ ખાતે બિમ્સટેકનો પ્રથમ પરંપરાગત સંગીત ઉત્સવ ' સપ્તસુર : સેવન નેશન્સ, વન મેલોડી' શરૂ થયો.

☑️તેનું સચિવાલય ઢાકા (બાંગ્લાદેશ)માં છે અને સભ્ય દેશોના નામોના મુળાક્ષરોના ક્રમ અનુસાર નેતૃત્વ બદલાય છે. બિમ્સટેકને સાર્કનો અસરકારક વિકલ્પ પણ માનવામાં આવે છે.
➖➖➖➖➖➖➖➖➖➖➖
💥💥

*⭕OPEC+⭕*
➖➖➖➖➖➖➖➖➖➖➖
☑️OPEC+ (પેટ્રોલિયમ નિકાસ કરનાર દેશોનું સંગઠન) એ મુખ્ય તેલ ઉત્પાદક દેશોનો સમૂહ છે, જેની સ્થાપના 2016માં થઈ હતી.

☑️સપ્ટેમ્બર 1960ની શરૂઆતમાં, OPEC ની શરૂઆત બગદાદમાં ઈરાન, ઇરાક, કુવૈત, સાઉદી અરેબિયા અને વેનેઝુએલા દ્વારા કરવામાં આવી હતી.

☑️આજે OPEC માં 13 દેશો છે જ્યારે OPEC+ માં 10 વધુ દેશોનો સમાવેશ થાય છે.

☑️આનાથી બિન OPEC દેશોને વૈશ્વિક તેલ નીતિમાં ભાગ લેવાની પણ મંજૂરી મળે છે. આ જોડાણ વિશ્વના ક્રૂડ ઓઇલ ઉત્પાદનના 41% ને નિયંત્રિત કરે છે.

☑️તાજેતરમાં OPEC+ ના 8 દેશોએ સપ્ટેમ્બરથી દરરોજ 5,47,000 બેરેલ ઉત્પાદન વધારવાનો નિર્ણય લીધો છે.
➖➖➖➖➖➖➖➖➖➖➖
💥💥

*⭕સુઓ મોટો કોગ્નિઝન્સ⭕*
➖➖➖➖➖➖➖➖➖➖➖
☑️સુઓ મોટો એક લેટિન શબ્દ છે, જેનો અર્થ 'પોતાની રીતે પગલાં લેવા' થાય છે.

☑️ભારતીય કાયદામાં આ હેઠળ, કોર્ટ જાહેર હિત, મૂળભૂત અધિકારો અને સુરક્ષાના મામલામાં અરજી વિના પોતાની રીતે કેસ શરૂ કરી શકે છે.

☑️કલમ 32 સુપ્રીમ કોર્ટને અને કલમ 266 હાઇકોર્ટને આ અધિકાર આપે છે.

☑️તાજેતરમાં સુપ્રીમ કોર્ટે દિલ્હી-NCR માં રખડતા કૂતરાઓ દ્વારા બાળકો પર થયેલા હુમલાઓ પર સ્વતઃ સંજ્ઞાન કાર્યવાહી કરી હતી.આવું ત્યારે થાય છે જ્યારે કોઈ ગંભીર જાહેર સમસ્યા પર તાત્કાલિક કાર્યવાહી કરવામાં આવે છે, અસરગ્રસ્ત લોકો કોર્ટ સુધી પહોંચી શકતા નથી અથવા અધિકારીઓને જવાબદાર ઠેરવવામાં આવે છે.
➖➖➖➖➖➖➖➖➖➖➖
💥💥

*મોર્નિંગ મ્યુસિંગ્સ:*

કોઈ વ્યક્તિની (કે વસ્તુની) અસલી ખોટ ત્યારે જ મહેસૂસ થાય, જ્યારે તમે તેને તમારી જાત કરતાં પણ વધુ ચાહતા હોવ.

તમે જ્યારે કોઈને જીવથી પણ વધુ ચાહો ત્યારે, તમે તેને તમારી જરૂરિયાત અને ઇચ્છાથી પણ ઉપર મૂકો છો. તમે તે વ્યક્તિની ખુશી, સુખાકારી અને સંતોષને તમારા કરતાં પહેલી પ્રાથમિકતા આપો છો. આવો પ્રેમ પેરેન્ટ્સ અને સંતાન વચ્ચે અથવા આત્મીય સાથી વચ્ચે હોય છે. આવો પ્રેમ સ્વાર્થના દાયરામાંથી નીકળીને પરમાર્થની સીમામાં પ્રવેશે છે.

વ્યક્તિથી પરે, આવો પ્રેમ જીવનના કોઈ પ્રયોજન માટે હોય છે. જેમ કે દેશભક્તિ અથવા સમાજસેવા અથવા સંશોધન અથવા સર્જનાત્મકતા.
તે પ્રયોજન એટલું મોટું હોય છે કે તેની સામે તમારી જાત નાની અને નગણ્ય સાબિત થાય છે.
પોતાની જાત કરતાં વધુ કશાને ચાહવાનો અર્થ એ પણ છે કે તેને ગુમાવાનું દર્દ એટલું અસહ્ય હોય છે કે તેના વગર તમારું જીવન નિરર્થક બની જાય છે. તમે જ્યારે જાતથી પણ મોટી ચીજ સાથે જોડાવ છો ત્યારે, જીવનને સાચા અર્થમાં સાર્થકતા પ્રાપ્ત થાય છે.
*Happy Morning*

*જન્માષ્ટમી ના જય શ્રી કૃષ્ણ*

*મોર્નિંગ મ્યુસિંગ્સ:*


ઇમોશનલ ઇન્ટેલિજન્સ એટલે શું?
ધારો કે આપણને રસ્તામાં કોઈ વ્યક્તિ મળી જાય છે. તે
આપણી ઓળખાણ કાઢે છે. અથવા પરિચિતતા કેળવવાનો પ્રયાસ કરે છે.

આપણે તેને સમજવાનો પ્રયાસ કરીએ છે; આ વ્યક્તિ ભરોસાપાત્ર છે? એ શું કહે છે? મારા કામનું કશું છે? કેવી ભાષામાં વાત કરે છે? તેનો શો હેતુ છે? તેની સાથે લાંબી વાત કરવા જેવી છે? કે પછી ઉપરછલ્લી વાત કરીને. આગળ વધી જવા જેવું છે?

લાગણીઓનું પણ એવું જ હોય છે. તે આપણને અચાનક અટકાવીને ઓળખાણ કાઢે છે, પરંતુ કઈ લાગણીને પૂરતું એટેન્શન આપીને ઉચિત પ્રતિભાવ આપવા જેવો છે, અને કઈ લાગણીની હાજરીની નોંધ લઈને કોઈ પ્રતિક્રિયા આપ્યા વગર શાંતિથી તેને દરવાજો બતાવવા જેવો છે, તેનું નામ ઇમોશનલ ઇન્ટેલિજન્સ.
*Happy Morning*

👨‍💻GSSSB Various Post Exam Date Declared

#GSSSB

*મોર્નિંગ મ્યુસિંગ્સ :*
"ન્યૂરોટ્રાન્સમિશન એટલે એવી પ્રક્રિયા જેમાં એક ન્યૂરોનમાંથી ન્યૂરોટ્રાન્સમીટર રિલીઝ થાય અને બીજા ન્યૂરોન કે સેલ્સ સુધી જાય છે. નર્વસ સિસ્ટમ અને બાકી શરીર વચ્ચે સંદેશાવ્યવહાર માટે ન્યૂરોન્સની આ પ્રક્રિયા મહત્વની છે. ન્યૂરોટ્રાન્સમીટર્સ મુખ્યત્વે મગજ અને સેન્ટ્રલ નર્વસ સિસ્ટમની અંદર બને છે, પણ તેના ઉત્પાદનમાં આંતરડા (ગટ્સ)ની પણ નોંધપાત્ર ભૂમિકા હોય છે (ન્યૂરોટ્રાન્સમીટર્સ એક કેમિકલ મેસેન્જર છે, જે ન્યૂરોન્સ અને સેલ્સ વચ્ચે સંદેશાની આપલે કરીને વિવિધ શારીરિક પ્રક્રિયાઓને અંજામ આપે છે).
"તેનો અર્થ એ થયો કે મગજ અને આંતરડા વચ્ચે ઘનિષ્ઠ હિસ્સેદારી છે. મગજ આંતરડાની પ્રક્રિયા પર અસર કરે છે અને આંતરડા મગજની પ્રક્રિયાને પ્રભાવિત કરે છે. આપણી માનસિક અને શારીરિક સુખાકારી માટે ન્યૂરોટ્રાન્સમીટર્સનું સ્તર જળવાય તે જરૂરી હોય છે અને તે કામ મગજ અને આંતરડાની જુગલબંધીમાં થાય છે. શરીરની સૌથી લાંબી વેગસ નર્વ, ન્યૂરોટ્રાન્સમીટર્સ, હોર્મોન્સ અને ઇમ્યૂન સિસ્ટમ મોલેક્યુલ્સ મારફતે મગજ અને આંતરડા વચ્ચે લગાતાર સંદેશાઓની આપલે થતી રહે છે.
"ધારો કે મનમાં ગભરામણ કે ઉચાટ થાય ત્યારે, પેટમાં દુ:ખવા લાગે અને સ્ટ્રેસ વધી જાય તો ડાયેરિયા કે વોમિટ થઈ જાય. એવી જ રીતે, આંતરડામાં માઇક્રોબ અને બેક્ટેરિયાના કોમ્પોઝિશનમાં ગડબડ થાય તો મગજની પ્રક્રિયાને અસર થાય, ન્યૂરોટ્રાન્સમીટર્સને ખોરવી નાખે અને ઇન્ફ્લેમેશનને પેદા કરે.
"આંતરડામાં ૫થી ૧૦ કરોડ સેલ્સ કામ કરતા હોય છે- એટલા જ કરોડરજ્જુમાં સક્રિય હોય છે- જે શરીરનાં બીજાં અંગો કરતાં આંતરડાને સૌથી વધુ તાકાત આપે છે અને મગજની બરાબરી કરવા સક્ષમ બનાવે છે. આપણે જેને "ગટ ફીલિંગ" કહીએ છીએ તે મૂળભૂત રીતે આંતરડાનું મગજ છે. આંતરડા આપણી માનસિક અને શારીરિક તંદુરસ્તી માટે બહુ જ નિર્ણાયક હોય છે. તે પેટ કેવી રીતે કામ કરે તે જ ધ્યાન નથી રાખતું, મગજ કેવી રીતે વ્યવહાર કરે છે તે પણ જુવે છે. આપણે વર્તમાનમાં જેવા પણ છીએ, બીમાર કે તંદુરસ્ત, તે મગજ અને આંતરડાની જુગલબંધીનું પરિણામ છીએ."

Brainwashed by Your Gut: The Secret Link between Food and Mood
by Dr. Manjari Chandra

*મોર્નિંગ મ્યુસિંગ્સ:*


તમે જ્યારે કોઈ વ્યક્તિની ટીકા કે કુથલી કરો છો ત્યારે, એમાં તે વ્યક્તિનો ઓછો, તમારો પરિચય વધુ થાય છે.

તમે અંદરથી જેવા હશો, તમારી ટીકા એ પ્રમાણેની હશે. દરેક અભિવ્યક્તિ આખરે જે તે વ્યક્તિની માનસિકતાનું પ્રતિક છે.
તમારો અભિપ્રાય તમારા મનમાં શું ચાલી રહયું છે, તમારી અસલામતી કેવી છે, તમારી અપેક્ષાઓ શું છે અને તમે કેવી રીતે તે વ્યક્તિને તમારી સાથે સરખાવો છો, તેનું પ્રતિબિંબ છે.

બીજા વિશેના મોટાભાગના અભિપ્રાયોમાં તમે તમારી છબી ચમકાવાનો પ્રયાસ કરો છે. બીજી વ્યક્તિ તમને એ અવસર પૂરો પાડે છે કે તમે કેટલો સારા છો તે સાબિત કરી શકો.
એટલા માટે, કોઈની ટીકા કરવાનું જેટલું આસાન છે, તેટલું તેની સરાહના કરવાનું નથી.

ટીકામાં ગુરુતાનો ભાવ હોય છે, સરાહનામાં તમારે બીજી વ્યક્તિને તમારા કરતાં ઉપર મૂકવી પડે છે.

ઇમર્સન નામના વિચારકે કહ્યું હતું, "લોકોને એ ભાન નથી હોતું કે દુનિયા વિશેનો તેમનો અભિપ્રાય તેમના ચરિત્ર્યનો પણ એકરાર છે."

તમે બીજા લોકોને એવી રીતે જ જુવો છો, જેવા તમે અંદરથી છો.

*Happy Morning*