- ‏نرفع بك الهقوه و نحسن بك الظن
‏وإن طبت طبنا فيك يوم أنت طيب

‏وإن طحت من دون الهقاوي فلا حن
‏باللي يجيب السالفه من قريب .

- ‏مع دورة الوقت تلقاني على خبرك
‏واقف مع الطيبين اللي يهموني

‏وليا بغضني ضعيف الراس قلت ابرك
‏ما ودي ضعوف خلق الله يحبوني .

- انا والله اني ميت والعرب حييين
لكن الرجاء يالله بعفوك وباحسانك

اجامل ظروف الوقت واجامل السالين
وعلقت قلبي فيك يارب سبحانك .

- ‏لا تطلق السر من سجنه وتطلب كفيل
‏ دمار بعض القلوب البيض من طيبها

‏غير انتبه لا يجي سرك كرامة بخيل
‏ ما ينبسط لين كل الناس تدريبها .

- ‏حب البشر والكره ماهوب مقياس
‏بعض البشر لانك كفو يكرهونك

‏ومافيه احد يقدر يحقق رضا الناس
‏حتى انت ماكل البشر يعجبونك .

- ‏أستغفر الله كان إني من الظالمين
‏وان كان مانيب ظالم يالله المغفره

‏اهم شي اطلب الغفران فالحالتين
‏أستغفر الله تعالى واحمده واشكره

‏العمر ماغير مره ما يجي مرتين
‏وان طال من دون ذكر الله مافيه ثمره .

- ‏هذي هي الدنيا مقادير واسباب
‏وناسٍ ماتبغينا وناس تبينا

‏اللي يبينا فاتحينٍ لـه الباب
‏واللي مهوب يحبنا لا يجينا .

- ‏مغتني من خير ربي قبل خيري
‏ومكرمٍ نفسي و لو ما أتبع هواها

‏ومارجيت الحاجة اللي عند غيري
‏عندي أشياء مات غيري ما لقاها .

‏- محبة الناس نعمه وان بغيت الصحيح
‏محبة انسان واحد بالعمر كافيه

‏والله ما ازين من القلب النظيف الصريح
‏والخوه الطيبه والنيه الصافيه .

‏وان صدت الناس عنا ما اعترضناها
‏ما تقفي الناس عنا و نتولجها .

- ‏الكامل الله والخطا طبع الإنسان
‏والدرب يفرق عن يساره ويمينه

‏و الصاحب اللي له معزه وله شان
‏ان جاني بشينه تذكرت زينه .

- يالله برزقٍ مقدّر منك من دون حسبان
‏و من دون لا قوة و لا حول منّا

‏و بشرى يهل لكبرها دمع الاعيان
‏و نسجد لها سجدة شكر و نتهنّا .

- ‏يالله تجعل في نعيمك خلاصي
‏لاوقفو كل الخلايق على جنب
‏ِ
‏انا صحيح اني فعلت المعاصي
‏لاكنّي افعلها وانا احس بالذنب .

‏أمانه لو تمّكن بي الظما لأ تسقي عروقي
‏وش اللي منك يرجى دام ضاعت فيك هقواتي.

‏وإن ضمني قبري يا الله، سخر لي من يقف بين يديك ويرجوك رحمة ومغفرة لذنوبي ."

أما خذينا مطلب الروح بذراع
‏وإلا تعف أرواحنا عن طلبها.

‏يارب عوَّضني عن تعبي، وجازيني على صبري، وارضيني بنصيبي؛ اضعاف ما تحمِّلت.

اللهم احفظ أمي وأشغلني ببرها، فأني لا أبصر الحياة دونها، ربي إنها لي الدنيا بأكملها فلا تذقني حزنها ولا فقدها , اللهم اطل بعمرها وهي بأحسن حال.