tgoop.com/h_a_almusawi/4542
Last Update:
تغيير جو :
في إحدى المناطق واحد تزوج وحده ثانية بالسر عن طريق أصدقائه الذين سبقوه في الموضوع. وكل اسبوع يقول لزوجته الاولى: رايح يم الحلال ( الغنم والجمال ) والمكان بعيد شوية..
وعلی هالرنة جان مآخذ راحته الرجل.
ٲجتي عطلة المدارس قالت له زوجته : نريد نروح أنشوف الحلال مالتك!
كاللها : تدللين
راح لجماعته وقال لهم : ورطتوني وآني ما عندي حلال شسوي؟!
گلوله :كلش سهله ولاتغث نفسك ولاتخاف.
هذا تلفون أبوصالح خابره ومالك شغله هو يرتب لك كلشي.
صاحبنا خابر ابو صالح وقال له آني من طرف فلان؟
رد عليه ابوصالح: ٲبشرْ.. وصلِت.بس انت رقمك بالدور(السره) 14(يعني بعد 13 واحد گدامك)واريد منك 200 دولار اتعاب
قال له : بسيطه ودزله المبلغ.
ابو صالح جهز الخطة ودزله العنوان.
ٲجه الرجّال ووياه زوجته و أولاده الصغار للمزرعة وكان يشتغل ويه ابو صالح رجل سوداني، والسوداني حافظ دوره علی اكمل وجه.
اول شي السوداني قال للرجل گدام عائلته
عمي تره الناقة الفلانية وُلدت والبعير الفلاني طاب من مرضه والعلف اللي جبته بقه شويه منه ياريت توصيلنه يجيبولنه قبل لايخلص الي عدنه.
كل هذا والزوجة تسمع وگلتله الله يبارك لك بحلالك
ذاك اليوم ناموا بالمزرعة وابو صالح والسوداني مداريهم آخر مداراه.
ثاني يوم الصبح ولأنو السوداني حافظ شغله ودوره جاب كم حية وكم عگرب وقال للرجل :
عمي هاي كلها اليوم كتلناهن داير مداير البيت الي نمتوا بيه ومالحگنا عالباقين لان ختلوا،
ٲول ماشافت زوجته العقارب والحيايه صاحت من الخوف والرعب :
هسه ترجعني للبيت ما ابقی ولا دقيقة هنا وبعد ٲبد لاتگلي نروح لحلالي،
وحدك تجي وتروح.
آني والجهال توبه نجي وياك يم حلالك.
المهم اذا احد منكم محتاج رقم ابو صالح آني بالخدمة..😉😂😂😂💔
BY قناة قصة و عبرة
Share with your friend now:
tgoop.com/h_a_almusawi/4542