tgoop.com/h_ameer2/24170
Last Update:
بحر طويل
زينب لفت يم حسين... لاجن گابعه بالهم
تگله ياهو دگ الباب... وعليمن هالفزع ملتم
///////////////////////////////////////
تعنت خايفه لحسين من سمعت الباب اندگ
طبت گعدت اگباله وتهل ادموعها وتشهگ
تگله اشعدهم اويانه وعلينه هجمو أبيا حگ؟!!!
سولفلي يماي العين
لاتخفي عليّ يحسين
عليمن هالفزع صوبين
وليش اگلوبنه انعصرت وكلشي بدارنه غيّم
/////////////////////////////////////
اويلي من سمعها احسين شبگها واختلف وضعه
يگلها اشلون اسولفلج واعرف گلبج وطبعه
يختي اليمشي يم الباب يرجع منكسر ضلعه
الله اليدري والكرار
شثگلها يختي باب الدار
واخاف أيخونه البسمار
والله ايساعد المعصور عالعاصر الما يهتم
//////////////////////////////////////
تگله وجارنه يحسين شو ليهسه ما فازع؟
يخي شمتاني اول جار و الله اموصي بالسابع
يگلها ابداره ضل كاعد الأمس لاگيته بالجامع
تگله جا نسه العشره!!؟؟
الماكل خبزة الزهره
اشگد أعمى الحدر صدره
الهضيمه البارحه الكرار ابابه واگف امحزم
///////////////////////////////////////
يگلها خايف احجيلج يمهومه على همي
محسن ينذبح بالباب ويضل فوگ الثرى مرمي
تگله من هذاك الباب اضمن وين ضلع أمي
يگلها صَبّري صبرج
يزينب شام ينتظرج
اهناكه محد يحضرج
والله ايعين گلبج من اسم المصطفى ينذم
///////////////////////////////////////
يگلها كل خشب بالگاع وگف عالباب يتحّضر
شيغير نية الحطاب النوّه ايمّوت گلب حيدر
ومدري اشجم ضلع منها يزينب راح يتكّسر
أمن اليوم أنسي كل فرحه
وضمي المهد والرحه
صباح الله انعصر صبحه
وماندري الحياه يالون گدما شفنه لون الدم
///////////////////////////////////////
ويختي باجر البسمار رمح يتحول بصدري
َيرجع كل حطب يفزع على اخيامي وعلى عطري
وباجر كسر ضلع امي تشوفي واضح بظهري
نار اليوم احفظيها
ورسالة ضيم احسبيها
باجر ما تطفيها
وقرار أخذي ألمن اتصيرين من تشب بالمخيم
تضمين الشاعر عبد الحسين الشرع
أحمد ماجد الكلابي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبه 📚
Share with your friend now:
tgoop.com/h_ameer2/24170