tgoop.com/h_ameer2/28002
Last Update:
[[ مولود مهدينه ]]
لولادة مولاي المنتظر عجل الله فرجه
بـخمســطعش شعبان فرحـه فرحه
كل شيعي بينه يطيب جرحه جرحه
نبعث تهانينــه
مولود مهدينـه
🌹🌹🌹🌹🌹🌹🌹🌹🌹🌹🌹
سافر بشوگك يا گلب للمهدي هالليله
ما بينـه نصبر عالبعد شحت مراسيله
عين بفرح تربي اله والاخره تبچيلــه
معشوگي معشوگي
فايض اله شـــوگي
حبه مـــــشه بدمي
ما فـــارگ اعروگي
مجبل علينه الهيـل عطره عطره
البچفوفه ياخذ ثار امنه الزهــره
يا هلا بواليــنه
مولود مهدينـه
🌹🌹🌹🌹🌹🌹🌹🌹🌹🌹🌹
الما فـــــــــرح خاسر تره اولــها تاليــها
هذا الحبيب ارويحتي بنضرته يحييها
ونيران گلبي ما يصح غيره يطـــيفيها
من فدوه اروحلّه
اجمل بشر واحله
من جدمه للهامه
چــــنه علي كلــه
بوجهه غرام الــــروح يـبدي يبـدي
وكل نبضه بيه تصيح مهدي مهدي
من فدوه لعينه
مولود مهديـنـه
🌹🌹🌹🌹🌹🌹🌹🌹🌹🌹🌹
حسدوني بحبه تره ولامـــــوني عـــذالي
بس هو اغله من الذهب شيرخص الغالي
فارغ ولا بيه اي بشر ولوحــــده في بالي
مجنون بأطيوفه
هنيالي لو اشوفه
اترك هــوه الريـه
والمهدي ماعوفه
من زغري والهج بيه هذا ديني
يرجعني من الشـوگ ويوديني
شگد اله حنينه
مـولود مهدينـه
🌹🌹🌹🌹🌹🌹🌹🌹🌹🌹🌹
السمه مبتشره شكثر والگاع كالـــــعاده
اجمل انسان اعله الگلب هالصار ميلاده
بالخير يا رب والفـــرح عودّهن اعــياده
في كل سنه وكلنـه
خدامــــهم احـــنـه
والمهدي من يضهر
تحلـه محـــــافلنــه
نقراله احله ابيات فدوه لعشگه
وهلهوله بالميــلاد وي الصفــگه
الما لحضه ناسينه
مــــــولود مهدينـه
🌹🌹🌹🌹🌹🌹🌹🌹🌹🌹🌹
عبد العليلـه
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبه 📚
Share with your friend now:
tgoop.com/h_ameer2/28002