قصائد منبريه مكتوبه 📚

قصائد منبريه مكتوبه 📚

Photo

صوره امعلّگه اتحيّر معانيها
جثل صاحبها لمّن اصفن اعليها
موش الصوره عالحايط امعلگيها
((حايطنا اتعلگ بالصوره))


نور اعيونه طش من حايط لحايط
بمحجر عينه جان الحاجب امحاوط
السيف الاعمى بي ينحد يرد باشط
((والحاجب قوت السيّافه))


اباوعله و يحيّر عيني هالمنظر
وامي تعتني صوبه اذا تنضر
و تشدّ بطارف الصوره علگ اخضر
((واتصيح ادخيلك نجّيني))


ترفع چف ويبدي امن الجفن نگّاط
و تنخه صاحب الصوره و تذب ربّاط
و اباوع شو على الحايط اثر شعواط
((ويصعد دخّان امن الريشه))


منّ الريشه دخنه ترست الصوره
وطلعت جربه وايد الساگي مبتوره
برودة ماي طفّت لأمي الحروره
((و تتشكّر من تشرب چاسه))


منو هذا انشدتها الماكو بأوصافه
اشو يسگيچ ماي ويابسه اشفافه
ماهو من سلفنا وياهم اسلافه
((شيعودلنا بلّه احچيلي))


گالت هذا عباس الكمر اسمه
وهاي الصوره خطفه اصغيره من رسمه
ابوه ربّ الوغه و ربّ الوفه امه
((و البالصوره ربّ الغيره))


ملامح وجها كلها امنگّعه بنخوه
الشارب منه ينگط مرجله و خوّه
شبل من ظهر اسد والجابته لبوه
((يتشيّم و ايخوزر حگّه))


الكفيل واسمه متوارد اوي البتّار
منّ الصغر تتلاصف جبهته بنار
ابوه شگ الجدار وابنه لمّن صار
((بنص كاروكه وشگ اگماطه))


ابو فاضل كنيته و طبعه طبع اسباع
اذا يصعد فرس رجله تِحَفر بالگاع
و مثل جرّت شعر منّ العجينه بساع
((ايجرّ بسيفه ويذبح جيمه))


گمر جرّ الشمس منّ الغمد لو صال
لمعة سيفهِ المصجول تعمي ارجال
نشمي وكون ايحارب بالالف خيّال
((وكل شيخ ايجرّه امن اعگاله))

محمد اياد سعد

www.tgoop.com/h_ameer2/28013

5.0K viewsأمِيري حُسينٌ ونِعمَ الأَمير, Feb 10 at 08:23

صوره امعلّگه اتحيّر معانيها
جثل صاحبها لمّن اصفن اعليها
موش الصوره عالحايط امعلگيها
((حايطنا اتعلگ بالصوره))


نور اعيونه طش من حايط لحايط
بمحجر عينه جان الحاجب امحاوط
السيف الاعمى بي ينحد يرد باشط
((والحاجب قوت السيّافه))


اباوعله و يحيّر عيني هالمنظر
وامي تعتني صوبه اذا تنضر
و تشدّ بطارف الصوره علگ اخضر
((واتصيح ادخيلك نجّيني))


ترفع چف ويبدي امن الجفن نگّاط
و تنخه صاحب الصوره و تذب ربّاط
و اباوع شو على الحايط اثر شعواط
((ويصعد دخّان امن الريشه))


منّ الريشه دخنه ترست الصوره
وطلعت جربه وايد الساگي مبتوره
برودة ماي طفّت لأمي الحروره
((و تتشكّر من تشرب چاسه))


منو هذا انشدتها الماكو بأوصافه
اشو يسگيچ ماي ويابسه اشفافه
ماهو من سلفنا وياهم اسلافه
((شيعودلنا بلّه احچيلي))


گالت هذا عباس الكمر اسمه
وهاي الصوره خطفه اصغيره من رسمه
ابوه ربّ الوغه و ربّ الوفه امه
((و البالصوره ربّ الغيره))


ملامح وجها كلها امنگّعه بنخوه
الشارب منه ينگط مرجله و خوّه
شبل من ظهر اسد والجابته لبوه
((يتشيّم و ايخوزر حگّه))


الكفيل واسمه متوارد اوي البتّار
منّ الصغر تتلاصف جبهته بنار
ابوه شگ الجدار وابنه لمّن صار
((بنص كاروكه وشگ اگماطه))


ابو فاضل كنيته و طبعه طبع اسباع
اذا يصعد فرس رجله تِحَفر بالگاع
و مثل جرّت شعر منّ العجينه بساع
((ايجرّ بسيفه ويذبح جيمه))


گمر جرّ الشمس منّ الغمد لو صال
لمعة سيفهِ المصجول تعمي ارجال
نشمي وكون ايحارب بالالف خيّال
((وكل شيخ ايجرّه امن اعگاله))

محمد اياد سعد

BY قصائد منبريه مكتوبه 📚