tgoop.com/h_ameer2/28047
Last Update:
هوسات ولائيه لميلاد سيدي ومولاي بقية الله الاعظم صلوات الله عليه :
ابسباق الفرح والهوسات يل مهدي صرت الفايز
انا ابحبك صرت ملاچ او جنات العدن حايز
الف لعنه اعله ابيه الگال هاذه الفرح مو جايز
خل يبقه ابغيضه العادانه
يا في يا نبع. يا هيل ياجوري او مسچ احمر
بَسمه ابوجه ابو السجاد انت يل مثل عنبر
شقدملك هديه اليوم وانت امن السمه اكبر
قدمنه الروح اقبل بيها
يمهدي يا ملاذ الروح بيك اگليبي امتيم
خير انت او إلٓه الكون بيك اعلينه قد انعم
صلى الله على ارسومك صلاتن تامه او سلم
يا فردوس الهاي الشيعه
صلات الله عله ارسومك يمهدي الشاغل افكاري
آنه ابمحفلك محتار او غدت تتلعثم اشعاري
شگولن بيك وانت الي بيك امبدع الباري
وامخلي ابحسنك اسراره
لزمت القلم والقرطاس ردت اكتبله چم هوسه
استعنت اب آدم اويا نوح او گلت يا عيسى يا موسى
گضينه الليل بالصفنات المهدي بالله شنقيسه ؟؟؟
بس الله اليعرف مقداره
ابو فاطمة الطائي
BY قصائد منبريه مكتوبه 📚
Share with your friend now:
tgoop.com/h_ameer2/28047