tgoop.com/h_ameer2/28086
Last Update:
اربعين مولاتي زينب روحي فداها
مشدوه فكر اهل المگابر
تحت الترب زينب تناطر
مر اربعين امن الليالي
وانه غريبه ونفسه حالي
__
ريت امن اصيحن حيهم يسمعون الاخوان
البالغربه عينه اعله الدرب لو بالگبر جان
حتى اليموت يريد اهل يقروله قران
يوميه من فجر الله فوگ الگبر اگعد
كل المگابر عدها ناس اتروح وترد
بس انه ماعندي اهل عن حالي تنشد
الميت اذا صار اربعينه
الدرب اليحبهم تبقه عينه
شو ما ذكرني ابگبري غالي
وانه غريبه ونفسه حالي
__
اعتب على الياهو واگله ليش ماجيت
وانه امن اخوتي ابكربله ولا عدل خليت
من فشلتي بين المگابر گمت تانيت
تحب الشماته اهل البلد عدلين ميتين
جن ماكو حرمه ابينهم غير اخت الحسين
الشماته ماكفاها الي طبت الدواوين
الدللو زينب گبل يدرون
ام عون ميته ادور العون
يالابد ماغبتو اعله بالي
وانه غريبه ونفسه حالي
__
جا هيه المضيعه الاهل اتنسيها الاگبور
لو موت الف مره يضل الگلب مكسور
ماعندي شي اسمه فرح من اهد عاشور
من اهد مارد المهر من غير خيال
وطبينه ما بين الزلم نسوان واطفال
نسوان گلبنه الجثث رجال رجال
ندور على المسحوگ صدره
دلتنه بي ريحت الزهره
منا بده يوشل دلالي
وانه غريبه ونفسه حالي
__
المرت گبل فوگ الهزل راحت سبيه
وما فزعت الها اهل الشيم واهل الحميه
بس انه انطر زلمه دايسته اعوجيه
يوصل الگبري ولو اجه يهيج المواجع
ولو يحط ايده اعله الگبر تسعه الاصابع
من اهد ماذبحو لهسه العمر ضايع
متانيته يوصل گبري خيال
مو راس فوگ الرمح ينشال
فوك الرمح تارس خيالي
وانه غريبه ونفسه حالي
__
جا وانه ميته امدلله لو عدل عباس
اندفن يم ديرة هلي مو يم الارجاس
يوم اربعيني اعله الكبر تتزاحم الناس
شبيدي وشسوي للدهر خلاني وحدي
خلاني من عگب اخوتي ولا اخو عندي
جلمة وحيده بالغرب تمرد ابجبدي
تمرد ابروحي غربت الشام
شوفت اعزازي صارت احلام
صعبه التموت ابلايه والي
وانه غريبه ونفسه حالي
__
ولا فاتحه ابگبري انقرت يهلي اليه
عايشه ابنصم ما نشد واحد عليه
ان جان عدله لو متت اسمي السبيه
لو ما يجي السجاد الي ابلا دفن ضليت
بنصهم سنه ونص محد المر عتبت البيت
وانه اعله حالي مكدره لا رحت لا جيت
يشبه الطف الشام اوزود
حسره اعله زينب ينشد احد
دنگت راسي الجان عالي
وانه غريبه ونفسه حالي
سيد بسام قابل الياسري
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبه 📚
Share with your friend now:
tgoop.com/h_ameer2/28086