امي اشبيها من اتشوف الماي ..... امي اشبيها تبجي اكباله هواي
تون تبجي الحبيبه ... دمع كبل المصيبه
قصة ضلع وماي ....قصة ضلع وماي
_
ها يبويه اشبيها امي تمشي محنية ضلع وايد اعلى خدها
ها يبويه اتريد ترحل جا بعد طعم الحياة شنهو بعدها
الحجر لمن تون ايون لونها
المصايب بعد والدها لونها
السما تنطبك عالبيده لونها
تدعي الله ابضلعها وبالمسيه
تكسر كلبي وتسويه اثنين ...لمن تبجي وتعاين لحسين
كلب يعلن نحيبه ...دمع كبل المصيبه
قصة ضلع وماي
__
مو طبعها تسكت امي ومن احاجيها تون وترد عليه
كلبي بزني من وضعها بويه خافن امي تلفيها المنيه
انحيي من تمسح براسي جفنها
المصايب جن جفي الدله جفنها
يناس اشلون اشوف امي جفنها
يلفها وللصلاه متوجها هيه

من اتخيل ترحل امي ابعيد. ينعد عاشر لو يوميه العيد
كضت دنيه الغريبه ...دمع كبل المصيبه
قصة ضلع وماي
__
امي ونها مو طبيعي صبح يا ناس اكثر من حجيها
من عصرها وطك ضلعها الما يخاف الله ودفع حيله عليها

صبحها انباك وانعد من عصرها
وهي سيدة نسائه من عصرها
بغيض وفعل حاقد من عصرها
لحد ما طيح المحسن خطيه

تنظر كامت لحسين العطشان. ويألمها لو شافت بيبان
ضلع ماكو طبيبه ..دمع كبل المصيبه
قصة ضلع وماي
__
ضلمه صارت من بقينه وامي ما تحجي ولا تسمع حجينه
كلشي خلص من بعدها دنيتي اليوم القيامه اتضل حزينه

عسى لا رحم ربي من بعدها
علينه ولا مثلها من بعدها
ضلمه الدنيه صارت من بعدها
يوادم راحت الزهره الزجيه

لا تلجمها بويه ابهيل اتراب .... رده ابهيده لا تتخيل باب
خلص كلشي عجيبه ...دمع كبل المصيبه
قصة ضلع وماي
__
راحت امي وبيده ابونه دفن روحه وياها ساعت ما دفنها
يا المنه من بعدها صاير اتراب الكبر بيت ووطنها
دافنها المصايب من دفنها
الم واتراب هالن من دفنها
حيدر دفن روحه من دفنها
وضل ايون على الزهره الزجيه

هال اترابه وطم الروح بروح ... ما متخيل امي بيوم اتروح
الرحل كلي اشيجيبه ...دمع كبل المصيبه
قصة ضلع وماي
_
لاتنسوا صاحب الزمان من دعائكم

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

يافاطمة 😭💔