يسالوفة ضوه بعِزّ الضلام
وشحلاة السالفه الما تنكطع

انتَ اول بشر كطعوله راس
وضل يسولف ع الرمح بين الجمع

راس رتل بالكهف باحساسه ذاك
وشحلاة الصوت لمن ينسمع

رغم كطعوا راسك ودمك يسيل
وجهك امخضب ودمك ضل يشع

راسك اول راس ضلت روحه بي
ورمحك اول رمح يرفض يندفع

روح صارت بالرمح من لامساك
وراسك ايضوي عليه مثل الشمع

يعين راسك سيدي كلبك يصير
تعطش اختك وي بناتك ، والجمع

مو بعيده وما اضن تصعب عليك
ما اشك بهاي اذا رمحك يطك الهن نبع



الخادم حسن الكريماوي ✍️🏻.

#اربعين_مولاتنا_السيده_زينب_ص_

يجي مولاي زين العابدين (ص) يزور عمتة زينب (ص) ويسولف ويه الگبر وچنه يسمع صوت عمته زينب ترد علية وتگلة….


بگبري مرتاحه يعمه محد يگلي غريبه
اربعين أيامي مرت ماشفت بيهن مصيبه
التراب اهواية أحسن لخدري طاري ما يجيبه


كون ميته وية أمي__ولا اشوف الصار بية
بعمري ماكو حچايه تجرح__تالي گلولي السبية
ريت كون اهنانه ميته__قبل ليچتفون ادية


ااه…موتي احسة اهوايه راحه
ااه…لضيمي بس هوه استراحه
ااه….ارتاح گلبي من نياحه


الله يساعدك يا گلب زينب….

_________

الموتاني وهدلي حيلي دفنتي (بهلي) بعيده
لا اخوي حسين يمي ولا گمر فاتحلي ايده
وين ماروحن غريبه؟ وين اخوي حسين اريده


ااخ ياگلبي وعذابه__تعذبت وانة الحنينه
الغربه صارت أسم لية_بگبري مكتوبه الحزينه
كون هسه اخواني يمي__راح كلشي ونتهينه


ااه…الغربه شنهي تريد مني
ااه…حتى يم گبري اجتني
ااه…كافي بية الشام هدني


الله يساعدك يا گلب زينب…

_______

علأقل من ميته اسلم (بذني) ما اسمع حچيهم
هاية؟ ماتت كل اهلهة والغرب تمشي بسبيهم
قبل چانت صح اميره! هسه ماتت من بچيهم


حيل تعبوني الشماته__وانه محتاره وأكابر
ياهو ينشدني بكفيلي__ينكسر من روحي خاطر
اسكت وتنزل دموعي__ما يجيني لدوم حاضر


ااه…لچفه ما فارگ چفوفي
ااه…مني راح وزاد خوفي
ااه…من لتعب قل بية شوفي


الله يساعدك ياگلب زينب…

______

ياجرح منهن اسولف خلصت عمري بهضيمه
ضيم عاشر وحده كافي والسبي زيدلي ضيمه
اعثر بروحي وصفنتي ترجع اتذكرني خيمه


اگبالي بس ارماح وانة__عل هزيله ونضرلهم
يم رمح عباس اروحن__ابد ما اگدر فگدهم
والحسين يصد علية__احنان يتفگدون اختهم


ااه…حسين يبچي وانة اصدلة
ااه…الشام سوه بگلبي علة
ااه…ناگتي مو وضحه؟ هزلة


الله يساعدك يا گلب زينب…

______

خادم الزهراء ص

✍️محسن الباوي
______

لحن القصيده 👇👇

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

أربعين مولاتنا العقيلة زينب(صلوات الله عليها)
حسرات الوداع والفراق …


بأخر نفس من اجتني المنية؟
تمنيت اخوتي التوسد أدية
أسدن عيوني بعيون الكفلني
تجرحني اموتن غربية وسبية


حيل مقهورة متت
عايشة وميتة چنت
شام؟ والهزلة؟ وحبل
كلهن بحلمي شفت


لاحگني لحلامي السبي..ودربة صعب دربة
ياموت اخذني شگد گلت…غربة شفت غربة
بلشام چم مرة متت…صعبة شكثر صعبة


زينب غريبة ياهلي ماتت…

___________

مو هذا موتي؟ متت من خذوني
جابو!! هزيلة وغصب صعدوني
گتلهم؟ اااانة عزيزة ااااااخوتي
وجابو!! حبلهم لديّ چتفوني

دموعي طاحت علحبل
جيت اطيح من الهزل
ما اصدگ لا!! أبد
هاي ماصارت قبل


گلولي مااااا عندچ أهل…زينب بعد زينب
وضليت الوج لوحدي…وانحب كمت انحب
لماعندة اهل بين الغرب..يتعب يضل يتعب


زينب غريبة ياهلي ماتت…
_______

من فيّ خدر وشكبرها العشيرة
ما چنت احسب اصيرن اسيرة
ما أدري تااااالي غريبة اضلن
چنت أدري؟ أسمي يضل الاميرة


ياغريبة امن اسمعت
متت حيل أستغربت
هاي ما تنگال ألي
انة زينب يا وكت


ألمن اضلن بل عمر…عدلة بعد عدلة
راح الدلال؟ بصعدتي…لهزلة صعدت هزلة
من الشام ضلت بلگلب…علة صفت علة


زينب غريبة ياهلي ماتت…
_______

گد ما اناطر متت من حسرتي
جنازة غريبة صرت يا غربتي
كلفة ليموت واهل ماكو يمة
حتى بمماتي غريبة دمعتي

ها يموتي تاخرت
ردتك بيوم الحرت
من اخوتي تذبحوّ
اهنانة عنك ناشدت


تمنيت اموتن من گضو…اهلي گضو اهلي
دون الاهل هذا العمر..شلي صحت شلي
معقولة يطلع بلغرب..ضلي وطلع ضلي


زينب غريبة ياهلي ماتت…
_______

✍️محسن الباوي

اللهم عجل لوليك الفرج
_______
لحن القصيدة 👇👇


قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

نظرة منك
ياصاحب الزمان ❤️
اقسم عليك بأمك فاطمة 🙏
دخيلك 😞