وصية الإمام العسكري لصاحب الزمان

اوداعة الله مفارقك يوليدي
قرّب ابا ودعك وضمّك بيدي

قبل المنيه .. هاي الوصيّه
..١________________
قبل المنيه يا حبيبي تجيني
ومن المرض تقصر يمهدي سنيني
باضمك الصدري وكحّل عيني
وشبع نظر من شوفتك بونيني

وبهالمسيه .. هاي الوصيّه
....٢________________
عنك ابا روح وتعيش ابوحدك
ودموعك تصب بصفايح خدك
يا صاحب الغيبه الوصيه عندك
لا تنسى ثار حسين ابوك و جدك

الغاضريه .. هاي الوصيّه
....٣________________
بالطف وحيد يصيح هل من ناصر
وولاده حوله مذبحه بالعاشر
وبصدره داس ابن الضبابي الكافر
فوق الثرى يسحق عليه الحافر

جرحه رزيه .. هاي الوصيّه
....٤________________
فوق الوطيه يجري بالدم نحره
عطشان ويون اعله حر الغبره
والخيل يطحن بالحوافر ظهره
اموذره اعظامه وجناجن صدره

حسره بيّه .. هاي الوصيّه
..٥________________
راسه برمح و بدمه رتّـل آيه
من الرقيم اعجب يبويه هايه
بفادي حسره ولله تدري هوايه
يا يوم اشوفك بسمه ترفع رايه

ثار السبيه .. هاي الوصيّه
_٦.._________________
ثار المشت فوق الهزل مسبيه
وخيامها بنار الشمر مچويه
صعبه اذا يحدي النذل علويه
وبچفها حبال السبي ملويه

دمعه جريه .. هاي الوصيّه
.…٧________________
يا يوسف الزهره وبياض عيونها
لا تنسه نار الباب وضرب جفونها
لا وكزة المسمار وطق متونها
محسنها يعفر بالترايب دونها

ثار الزچيه .. هاي الوصيّه
....٨_______________
ياحامي الدين وحصين اركانه
ثار الوصي لا تنطفي نيرانه
بحبال حيدر قيدوا ذرعانه
حقه الخلافه وغصبته عدوانه

اول قضيه .. هاي الوصيّه
..
خادمة العسكري
فاطمة حبيب
٨ ربيع الأول ١٤٤٦ هـ

هالفرح بينه وجب
ليلة أول من رجب
مولد الباقر مولد الباقر

.
آيه من عرش الجلال ومنبعه
للعلوم وللمعارف جامعه
باقر العتره وشمسنا الساطعه
شع وضوّاها السماء السابعه
جانه باقرنه وزهر
وبرجب نوره الأغر
يشرح الخاطر مولد الباقر

.
دنيا تركع والسمه تسجد شكر
من ضوى عيونه لبس لونه البدر
كلشي بجيّت إمامي زخ عطر
ماتوفيه القصايد والشعر
والأرض واهل الأرض
للحفل تركض ركض
بالهنا عامر مولد الباقر
.

صوب بابه الليله يطوف الكرم
زمرة الأملاك نزلت بالحرم
خامس أنوار إلامامه والعِصم
نلزم أذياله عسى الهم ينصَرم
هل هو الله والحمد
مايسد بابه ويصد
بالعطا غامر مولد الباقر
.

كل ركن بالكعبة لو طب شرّفه
لو عبر يم الشمس ضيّها أنظفه
يا وصف من هيبته ما أوصفه
حبه تملّكني وبروحي غفه
دربي دربه وغايته
ماي عيني خدمته
حقنه انفاخر مولد الباقر
.

هايم وعاشق ومفتون ومحب
ذاتي غير اهل الولا لا ماتحب
عن عقيدة وفطره اعشق مو چذب
وبسجل خدامه يارب انكتب
هوَّ نبضي اللي يدق
هوَّ شريان القلب
بالعشق تاجر مولد الباقر
.

تاجر وعندي تجاره نادره
باب للخدمة وذخر للآخره
لا مقابل بيها لو اجر أنطره
هذي حروفي اخذها معطره
حرفي اقراه وبتشر
خلنه نتشارك اجر
هالذخر باچر مولد الباقر

——

خادمة الباقر عليه السّلام
فاطمة حبيب
الفاتحة لروح المرحوم والدي
ابو محمد حبيب الصايغ
١٤٤٦ هـ

((الإمام علي الهادي عليه السّلام))
طور رب العلا اختاره ..
.
_____

الهادي شع نوره والشيعه مسروره
.
دار الجواد الليله نور تلالي
علي علي علي علي
تبعث تهاني الفاطمه والوالي
علي علي علي علي
مولود لَمْحمّد بدر وهلالي
علي علي علي علي
يضوي مثل نجم الثريا العالي
علي علي علي علي

بيها انزلت سوره والشيعة مسروره

.
جبريل يمسح بالمهد جنحانه
علي علي علي علي
يقرا الحمد والبسمله بلسانه
علي علي علي علي
مِـيـكـال قبّل بالعشق عيدانه
علي علي علي علي
والحور نزلت بالورد فرحانه
علي علي علي علي

خِدامه وتزوره والشيعة مسروره

.
بـيمـن يا شيعي تفخر بميلاده
علي علي علي علي
ولمن لقلبك شلته حبه قلاده
علي علي علي علي
من هو سمي جده الورث أمجاده
علي علي علي علي
وِلْمن تِجدد محفله واعياده
علي علي علي علي

أفضاله محفوره. والشيعة مسروره

.
دمي حويته و تمشي بشرياني
علي علي علي علي
قبلة صلاتي وصومي وعنواني
علي علي علي علي
حبك يثـبّت بالقبر إيماني
علي علي علي علي
وبهالعقيده ما يزل لساني
علي علي علي علي

كلمتنا منصوره. والشيعة مسروره

.
آدم تِوسل بالنبي وبآله
علي علي علي علي
وتقبل الله تُوْبته و أعماله
علي علي علي علي
موسى بأسمكم شق بحر أهواله
علي علي علي علي
أيوب فرجت كربته واحواله
علي علي علي علي

وحنا اعلى هالصوره والشيعة مسروره

.
تمت /خادمة الهادي عليه السّلام
فاطمة حبيب
الفاتحة لروح المرحوم والدي
ابو محمد حبيب الصايغ

(( مولد الإمام علي ع ))

📜 ابوذيات علويه
(( بطور ملا علي بو حمد ))

*الطور*
https://youtu.be/niX7cGb4fy4? si=hcNxHS4IlafqFAwW

نبارك للنبي مولد حبيبه
نبارك للنبي مولد حبيبه
..

اسِدْها اسِدْها اسِدْها اسِدْها

بهالفرح داري ما بي اسدها
وباب همومي وحزاني اسِدْها
وفاطم بت اسد جابت أسدها
شق الباري كعبته الحبيبه
..
فضلها فضلها فضلها فضلها

شوصف يا بشر فاطم فضلها
على العذرا سما وزايد فضلها
علي الكرار امه وكافي فضلها
برحمها شالته النجيبه
..
علامه علامه علامه علامه

علامه الما والى حيدر علامه ؟
علي حبه إلى المؤمن علامه
جدار الكعبه بيه اوضح علامه
وهايه لصحاب الحكمه اللبيبه
..
تَعالى تَعالى تَعالى تَعالى

تَعالى و فتش بقلبي تَعالى
علي بنصّه نَجِم حبه تِعالى
ولايه له من بارينا تعالى
غديره بخم صار الولي تنصيبه
..
يحبه يحبه يحبه يحبه

أهني بمولده كل من يحبه
احب حيدر علي و اللي يحبه
شمس والنور والشادي يحبه
يضده الما طاهر أصله وحليبه
..
بدرها بدرها بدرها بدرها

أُحد تشهد له صولاته وبَدِرها
رحى الميدان لو دارت بَدَرْها
ابو الحسنين فارسها وبَدِرها
زعيم جيوشها وشيخ الكتيبه
..
عَلِينا عَلِينا عَلِينا عَلِينا

إمام وعالمله قائد عَلِينَا
وكلما صحنا يا علي و علِّينا
عِداهم كل وگت تعتب عَلِيْنَا
وما همنا سوى ليث الحريبه

فاطمة حبيب
نسألكم الدعاء

📜 قصيدة: وين زواري
✏️ لسان حال مولاتنا العقيلة عليها السّلام ((تُقرأ نعي أو لطميه ))

..

وين زواري وين زواري
زينب تنادي وين زواري
..
وينكم يهل الزياره ما تجوا . الزينبكم
قاعده بأعتابي ونطر كل سنه. سفرتكم
كل جرح بمتوني يبره لو تهل. دمعتكم
خيمة ليتامي صرت و بهالزمن . خيمتكم
وحدي عفتوني وحدي عفتوني
زينب تنادي وين زواري
..
وينها الزوار تنصب ماتمي. بالحضره
وينها اللطّامه تلطم و المواكب.تقره
الصحن خالي اشوفه والحمام .ينظره
تنعى لمصاب وحزينه بالمقام.الزهره
حيرتي حيره حيرتي حيره
زينب تنادي وين زواري
..
رجعت الشام ورجع الناصبي .يحدينه
وين كفّالي يجيني برايته. يحمينه
بعدي بالغربه وشاگف عن رقيه. وبينه
سوط ينزل بالمتون افزعلي.يا والينه
احمي مرقدها احمي مرقدها
زينب تنادي وين زواري
..
هاي رايات الحرم ما ظلت .وسلبوها
عاشر انعاد وعلَيْ باب الخيم.دخلوها
نادوا بصوت وشتيمه بت علي.سِبُّوها
لا اخوها ولا ابوها بصفها ويحاموها
ضاعت احوالي ضاعت احوالي
زينب تنادي وين زواري
..
بعده جرح الناقه ما هيّد عليَّ و. ينزف
وبسحب لغلال مفصل إيدي ناحل. يرجف
خارجيه ويا سبيه الصوت منهم . يهتف
بعدي وحدي وعلى حالي يجزي الله و.يخلف
ذايب افادي ذايب افادي
زينب تنادي وين زواري
..
شام نفس الشام والغربه نفسها. الغربه
نسل ابن سفيان وزياد وشمر وي . ربعه
وينه اليقرا عزاي و حسره تترس. دربه
ينصر المهدي إمامه ويبري نار. بقلبه
بالفرج يدعي بالفرج يدعي
زينب تنادي وين زواري
..
اااه يا مهدي دخيلك ما تسل. بتارك
الكَسَر ضلع الزچيه اليوم طب. بدارك
قوم شيل الرايه عجّل تنتظر . انصارك
نار خدري تروح من اتشيل رايه . ثارك
جمرتي اطفيها جمرتي اطفيها
زينب تنادي وين زواري
..
خادمة العقيلة زينب
فاطمة حبيب
اللهم تقبّل منا هذا القليل .،

*" حلمٌ يعانق السحاب "*

◾️◾️◾️◾️◾️◾️

شايل حلم وسط الجفن للقبه تنظر عيني
وبصحنه لصادق اون ودموعي اتسليني
وإماماه وإماماه
++++++++++

شايل على رموشي حلم
…… انظر ضريحك من ذهب
ونـظـر مناراتك تشع
…… وارمي اعلى بابك هالتعب
وعلقها رايـاتـي الخضر
…… واسـمـي بمزارك ينكتب
زايـر تـقـلي و يـا هــــلا
…… خـدامـك ابـلـيَّـه عـتـب

ماصح فرح بس الحزن وسط القلب يچويني
ليش القبر رمل وحجر لا خادم ايدليني
وإماماه وإماماه
++++++++++

احلم اشوفن بالصحن
…… زوار اجت من كل بلد
هذا اعلى شباچك يون
…… واحد على اعتابك قعد
صوت المواكب كل كتر
…… ماتنحسب كلها بعدد
كل قبه رايتها ترف
……ونجدد ابصحنك عهد

وبكل مضيف اسمع هلا والخادم ايصب مايه
چايك يبو الكاظم يصب وتذوقه المشايه
وإماماه وإماماه
++++++++++

لقرايه اردن تعتلي
…… وحضرة بقيعك بس لطُم
حي على فرض العزا
…… رغماً على أنف الخصُم
بالخدمه اردن ينقضي
…… عمري واريدن ينفطُم
واربع قبور الطاهرة
…… اتشعشع ابرغم الظلُم

يم كبرك الدمع انثره وخدي احطه بقبرك
مأجوره يا أم الحسن احچي واشمن عطرك
وإماماه وإماماه
++++++++++

ياجعفر الصادق شَمِسْ
…… سيرة حياتك ساطِعه
يا مدرسة مثلك بقت
…… بين المدارس ناصِعه
جود وحلم علم وكرم
…… كل شي بصفاتك جامِعه
ياسادس اركان الشرع
…… يا رحمة الله الواسِعه

يا سادس ابدور الشرف عبدك اظل خليني
تارسني افضال وعطف كل خيرك امغطيني
وإماماه وإماماه
++++++++++

يا حجة الله ابن الحسن
…… اظهر ونشّر رايتك
خل القباب الاربعه
……تزهي وتشع بحمايتك
ذيچ المناير للسمه
…… ابنيها تكفى وداعتك
برض البقيع الطاهرة
……احلم اشوفن صورتك

يمته الفرج يبن الحسن نفرشها يمته السفره
بين البقيع الغرقد وقبر البتوله الزهره
وإماماه وإماماه
++++++++++


تمت بحمد الله تعالى
هدية إلى سيدي ومولاي
رئيس المذهب لروح سيدي
جعفر ابن محمد الصادق
عليه السلام .
وإلى روح المرحوم ابو محمد
حبيب الصايغ .

✍️ فاطمة حبيب

شايل حلم وسط الجفن
للقبه تنظر عيني

كلمات الشاعرة/ فاطمة حبيب

بصوت. ( مسلم المطيري)

📜 قصيدة : طامورة الأحزان

طامورة الأحزان تشهد عذاباتي
من شدة التقييد تتعاله ونّاتي
..
عقلك بعد يقدر يتصور اسجوني
تحت الارض مدفون ما ينعرف لوني
عذّبني السّجان والراحه حرموني
ما واحد تحنن يمسح جراحاتي
.
اعياني ثقل القيد غيّبها انفاسي
وچتافي ما اقدر ارفعها و راسي
وبساقي المكسور اعظامي تقاسي
لا ليل ويا نهار تعرف سماواتي
.
طامورة القشرة لبواب سدوها
مية درج خلوه ولا فتحه خلوها
بس فتحه چانت لي وعداي لزموها
مايقبل السندي ابديها زفراتي
..
لو للهوا رايد اشتمه واشهق
السندي ما يقبل وبسطرته انطق
بعيوني تلقه اللون بيه الأثر ازرق
مثل امي الزهره تشبه معاناتي
..
يفريني بسوطه صار البدن ناحل
فتت لي امتوني والدم يصب سايل
بالليل يرفسني بالطالع ونازل
يشتم علي الكرار والزهره مولاتي
..
من كل محل انزف متحير بأمري
من هو يسندني ويعدل إلي ظهري
محنيّه ضلوعي ومهشمه بصدري
كثرت يهالوادم بالدنيا لوعاتي
..
بعد السجن هارون بسمومه تعده
ذوّب حشا چبدي وفادي تصده
آنه الغريب الما فزعوا له بالشده
فوق الجسر مطروح يا شيعه تابوتي
..


ثوابها لروح مولانا موسى بن جعفر
وإلى روح المرحوم ابو محمد الصايغ
نسألكم الدعاء/ فاطمة حبيب

أبيات نعي
حال الزهراء عليها السلام
وهي على باب طامورة السندي
تزور فلذة كبدها الكاظم وتنعاه 💔
..

جيتك يا العزيز وقلبي مفجوع
مثل الغيمه امطر حزني دموع
مو ضلعين كسروا مني ضلوع
كل ضلع ابّلد خلوه مشلوع

جيتك من أَرِضْ طيبة اداويك
من باب السجن ابچي وناديك
ساق مرضرضه وتنزف اياديك
قيد وسلسله وغلال تاذيك

ضاعت قوتك وتهدم الحيل
حيطان السجن اتذوقك الويل
صدرك مختنق من ظلمة الليل
وينك والفرح يا نجمة سهيل

في طاموره جابك غيظ هارون
ما تعرف نهار وليل لعيون
سوط العذّبك هشّمها لمتون
بيكم هالدهر كل عمره يخون

من طعم الهوه حرموك لرجاس
وبقلبك تغص زفرات و انفاس
لا يمك لهل وتزورك الناس
عايش بس جسم مذبوح لحساس

لمصابك تون هاي الحياطين
ونته الما إلك خيمه ونساوين
وش حال المشت ويا الملاعين
زينب دخلت بنص الدواوين

ما انسى الجرى في يوم عاشور
نيران الخيم تسليب لخدور
صدر حسين بالتربان مكسور
والراس برمح كل ديره يدور

مو اول سلاسل يبني تنعاد
اتعدى الأمر هالحال وزداد
قبلك جامعه وحبال وصفاد
اتحز بنحر جدك السجّاد
..
خادمة باب الحوائج
فاطمة حبيب

عايش بلوعه وقهر
والسجن يرسم صور
عمري ابظلمة مطامير انقضا
عظم الله ابذبحتي أجر الرضا٢
_________________
موسى بن جعفر يشيعه آنه والحالي نعيت
ابمطامير وزنازن اختنق عمري وقضيت
والسلاسل تعبنِّي ورَّمن بيدي و دويت
يحرق القيد بجروحي لله لو قمت ودعيت
بالسجود انزف دمه
والضجيج امن السمه
فاطمه ابنوح اعولت والمرتضه
عظم الله ابذبحتي أجر الرضا٢
_
انحنه ظهري وتكسر لوني غيره العذاب
ناحل ولحمي تبدل والبدن بغلاله ذاب
لا فرش ممدوده عندي والفرش حر التراب
حالي مثل البلخرابه بس فرق بين المصاب
لا كو راس ولا طشت
لا علي ماتت بنت
والولد لو راح ابوه شيعوضه
عظم الله ابذبحتي أجر الرضا٢
_
عايش بضيقة محابس لا كو شمعة ولا كو نور
والهوا لو ردت اشمه يركض السندي ويجور
بيده يلطمني ويسبني يشتم الزهره بسرور
ياعذابي لو شتمها ينكسر قلبي الصبور
لا تمر نسمة هوا
سلبوا عيوني الضوا
ساقي من ثقل الحديد امرضضه
عظم الله ابذبحتي أجر الرضا٢
_
بالسجن صورة خيالي ترسم احزان الفرات
وينه ما دير بعيوني القى طف و نايبات
خيمه وحبال وحراير حرَّقوا ليها العبات
طشروها وبالفيافي لا زلم عدها وتبات
حادي ناقتهن زجر
يضحك اعليهن شمر
ضايق بزينب وسف رحب الفضا
عظم الله ابذبحتي أجر الرضا٢
_
عايش بحزن السبيه كل وقت جرحي يزيد
ماهو قيدي اللي جرحني لا اون رطل الحديد
بالجسر شمّات اجتني من نصارى ومن عبيد
اذكرت ديوان اميه يشمت بزينب يَزيد
يضحك اعليها النذل
يضرب اسكينه بحبل
فرجه صارت بت علي يارافضه
عظم الله ابذبحتي أجر الرضا٢
____
تمت بحمد الله
خادمة الزهراء فاطمة حبيب

موسى بن جعفر سجونه
....... ما تشابه اي سجن
چم سجن شافت عيونه
...... منه ما غمض جفن

لك سلام العاشقين ... يا إمام الساجدين

(١)

چم سجن عاش بظلامه وفي عذابه چم ثوى
لاشمس شـاف ابنهاره لا تـصد عينه الضوى
والنفس مـن رِيته رَايح ينتـحب لجـله الهوى
مـن عذابات السلاسل چفه يــا وسفه التوى

متنه ازرق جلـده احـمـر
...... دمه ينزف كل كتر
ظهره محني دمعه يجري
...... زفرته تلـهـب جمر

لك سلام العاشقين ... يا إمام الساجدين

(٢)

كـل سجن يـروي عذابه لكن السـجن الأمـر
ابسجن سندي بن شاهك مثله ماكو بالبشر
انحنى ظـهـره يوسفه مـن مصايب هالـدهر
وب أثر قـيده حسافه كِل عَظُم مـنـه انكسر

قاسى انواع الشتيمه
...... قاسى انواع الهضم
تنهش ايدينه الشريفه
...... قيده ويحز بالعظم

لك سلام العاشقين ... يا إمام الساجدين

(٣)

ابرغم جـرح السلاسل ابرغم نـزف الدمه
ليله ونهاره بصـلاتـه وجـرح ايدينه يألمه
سبحة اذكاره ودعـائـه سبحة امه فاطمة
سجنه مهبط انبياء ومهبط املاك السمه

ما ثنت صبره المصايب
...... مـا كسر صـبـره الجرح
موسى بن جعفر حياته
.... شمس وتضوي كِل صبح

لك سلام العاشقين ... يا إمام الساجدين

(٤)

سـابـع الـيـمـه بهمومه چبده ذابـت وكتوت
وبلواهيب السـمـوم اجدامه وسـفـه اتمزقت
ابسجونه الزهره حضرت لطمت الهام وبجت
ضلعك وضلـعـي يـيـمـه تهشموا يبـني نعت

انت من قيد الحديد
...... وامك بباب العصر
متني ومتنك سويه
... انضربوا بسوط الكفر

لك سلام العاشقين ... يا إمام الساجدين

(٥)

عـادة المـيت ييمه يـنـزل بوسط الـقـبر
هذا ايـحـن مـن اينزله وهـذا يبچيله نهر
تنصب الماتم عليه وتهـمل دموع الجمر
ما سمعنا جنازه ظلت باقيه بنص الجسر

بلجسر ظلت رفاتك
...... والسلاسل لك كفن
ابدمع عيني غَسْلتك
...... يا غريب ابلا وطن

لك سلام العاشقين ... يا إمام الساجدين

(٦)


شيعتك ظلت تتـانـي وشالت بچـفـها الـورد
قصدت الجسر الرصافه تِحسب الوقت وتعد
ظنها تـتـلاقـى بوليها ظـنـهـا لـنـوارك تـصـد
مـا درت فـوق الرصـافـه انـت مـيـت مـا تـرد

يرفسك يبني عدوك
...... وضُحْكَه واصل للفضه
والمنادي بغيضه نادى
...... مــات امـام الـرافـضـه

لك سلام العاشقين ... يا إمام الساجدين


تمت بحمدالله تعالى
بتاريخ ٢٥-٧-١٤٤٣ هـ
تقبلها باب الحوائج
بأحسن الـقـبـول

فاطمة حبيب

*نبارك لكم الولادة المباركة لمولاي أبا عبدلله الحسين وحامل لواءه قمر الهاشميين أبا الفضل العباس وولادة سيدي ومولاي زين العابدين علي بن الحسين عليه السلام*

🌸🌸🌸🌸🌸🌸🌸🌸🌸


يا فاطمه خطار باقة وَرِدْ وزهار
نهدي تهانينه بولادة الاقمار
_________
يافاطمه هاليوم جينه وتعنينه
لحسين وميلاده نعزف اغانينه
نور الشمس وجهه وخد الورد لونه
من رمشة عيونه يوسف اخذ حِسنه
يا درة يا نوراء مبروك الچ زهراء
نهدي تهانينه بولادة الاقمار
_
فطرس زماني وجيت اتبرك باسمه
وكتب على حروفه ونذر له الخدمه
شعر وغزل وفراح كلها اجت يمه
من اقبلت ( لعيا ) انبهرت برسمه
نزلت له خدَّامه وتقبل الهامه
نهدي تهانينه بولادة الاقمار
________
حي الله بك شعبان حي الله ميلادك
بسم الحسين اليوم انسطرت امجادك
بيك السعد والطير رفرف لاعيادك
وبثاني ريحانه فرحوا ترى اسيادك
صيتك كبر بحسين وين القى مثلك وين
نهدي تهانينه بولادة الاقمار
_
بيك الوفا مفتون والغيره مولوده
بقماطه العباس سجَّل نهر جوده
من وصلَته الحورا طلّعهن زنوده
من ناغته بمهده ضحكت لها خدوده
من ريحة الخوه راضع وفا ونخوه
نهدي تهانينه بولادة الاقمار
_
بالعابد السجَّاد بيت القصيد ازهر
من خامس بشعبان عالدنيه جا واسفر
بيه العرش واللوح اتزين وانور
شما نوصفه ونقول ماندرك الجوهر
دين الله بذكاره وصلتنه اسراره
نهدي تهانينه بولادة الاقمار
_
تمت بعون الله تعالى
خادمة الزهراء فاطمة حبيب

(( ولادة الحسين عليه السلام ))

اسمه من عالي السمه
جابه الله الفاطمه
مبـروك .. مبـروك

                        🌷---------------🌷--------------🌷

ضوى بو الوجه الحلو .. حيدره اسم الابو ..
يامحب غني فَرَح.. الحسن جاله أخو
اسمه من رب العُلى … هذا فارس كربله
زينة اركان العرش .. الحسين ومحفله

ثاني فرحه قادمه
جابه الله الفاطمه
مبـروك .. مبـروك

                        🌷---------------🌷--------------🌷

مولده الحور افرحت .. والملايك سبّحت
صلت اعلى المصطفى .. من دنت له وهللت
وجهه آيات الفجر .. تسطع انوار النحر
ياجماله اشأوصفه .. حيّر أبيات الشعر

شبله حمّاي الحمه
جابه الله الفاطمه
مبـروك .. مبـروك

                        🌷---------------🌷--------------🌷

فطرس اجناحه التوى .. للمهد جابه الهوى
يدري بحسين الشفا .. غيره ما ينفع دوى
لعيا ابهذا الخبر .. ظفرت بعز الفَخَر
عافت الجنّه وإجت .. تنظر اوصاف القمر

حظها صارت خادمه
جابه الله الفاطمه
مبـروك .. مبـروك

                        🌷---------------🌷--------------🌷

النبي مــد سفرتـه .. مبـتهـج بـولادتـه
وزّع بچف السَخا… كل هديه بجيـتـه
بابه مفتوح الحسن .. وبأخوه قلبه انفتن
خاطر حسين البطل .. يعطي كل شي ابلا ثمن

دنيا صارت باسمه
جابه الله الفاطمة
مبـروك .. مبـروك

                        🌷---------------🌷--------------🌷

ياهله بريحة هلي.. ابتسم ثغره علي
بيده هاليوم الشدد .. لو لفيته تنجلي
والزيارة اتفتحت .. والأوادم زاحمت
بيت ابو الحمله علي .. وبالسلامه اتحمّدت

بالولاده الغانمه
جابه الله الفاطمة
مبـروك .. مبـروك

                        🌷---------------🌷--------------🌷

جينا عد ام الولد … نلزم اخشاب المهد
مثله فطرس من لفه .. نطلب امراد السعد
فرحه عمّت بالأفق … والموالي بالعشق
يشعل شموع الوفا .. قلبه باحساسه يدق

فرحه يارب دايمه ..
جابه الله الفاطمة
مبـروك .. مبـروك
———
خادمة الزهراء عليها السلام
فاطمة حبيب
قناة التلقرام : https://www.tgoop.com/hafhusini

(( مولد العباس))

الطور : قصيدة ألف الصلاة اعله النبي .. صالح الدرازي


ألف الصلاة اعلى النبي أحمد وآله
عباس إلى الدنيا لفى وبيّن هلاله

…

هالليله دار المرتضى بنواره مزدانه
وام البنين بهالولد مسروره فرحانه
مثل القمر وسط السمه تتلاله ذرعانه
حيدر يشمه بيمنته وبأعذب احساس

حي الله كافل بت علي وحي الله انواره
نور القمر ظل مستحي وبحاله يتواره
زينب إجتها من علي هالليله لبشاره
هذا الكفيل واسمه راعي الغيره عبّاس

بالخوه مامثله أخو طيب افعاله
الف الصلاة اعلى النبي احمد وآله

…

بسماته ورده والعطر ينبع وِفا وغِيره
بچفوفه لاحت رايه ترسم مرجله وسيره
وبعزمه حارت كل بشر تنشد لـتفسيـره
بدر العشيره وللوفا والنخوه مقياس

املاكه ربي سبّحت من فتّح عيونه
شمس الله دارت والفلك متهلل بكونه
حتى الذهب غار وعجب من صورته ولونه
امعوذ برب الفلق من أعين الناس

فرحان ابوه المرتضى من إجا وشاله
الف الصلاة اعلى النبي احمد وآله

…

هذا الحسين ابزوده ناغاه ووقف عنده
بقماطه راية كربله علّاها ابمهده
يحزام ظهري نادى وباسه على خده
ياحيّه سبع القنطره يا رفعة الراس

عباس ومحله اسمه ويا محله حروفه
صولاته بسوح الوغى بالشّدة معروفه
اوصافه سـوره وبالفخر مخطوطه بچفوفه
وراث شجاعة حيدره مايرهب ارجاس

ياهو اللي قال ابهالخلق مرّه يدناله
الف الصلاة اعلى النبي احمد وآله

…

لو بالشدايد ضيعّت اهمومك احملها
باب الحوايج بو الفضل ابعزمه ايسدها
ابّابه لوذ ولا تظن غيره لك ايحلها
نبع الكرم اصله وجوده منبع وساس

ابحاجتك اتعنه وقصد جنة الحضره
وبمولده ادعي كل بــلا يكشف إلك ضره
حلفه بيقينك واطلبه ابداعت الزهره
تاخذ مرادك من چفوفه طيب الباس

صوت الموالي بهالفرح خله يتعاله
الف الصلاة اعلى النبي أحمد وآله


——-
خادمة الزهراء عليها السلام
✍️ فاطمة حبيب
قناة التلقرام : https://www.tgoop.com/hafhusini

💛 مولد الحسين عليه السلام💛

فرحة موالين
قالوا مجانين
عشق الملايين. يا سيد حسين

…………………….
إيه احبك يالملكت احساسي
مولدك غازل نسيم انفاسي
من صغر سني محبتك ساسي
وانته ابوي وامي وهلي وناسي
عذالي يحچون
خلهم يلومون
بيك آنه مجنون..يا سيد حسين
…………………….

حاء حبك ما اعوفه بعمري
سينك قلاده تزيّن صدري
ياء يسري بكل خليه ويجري
نون ناذر لك حروفي وشعري
بالفطره شفناك
كل احنا نهواك
رحمه ولقيناك .. يا سيد حسين
…………………….

فطرس الليله ترد جنحانه
مهدك القُدسي هدم احزانه
حقّه من يتوسلك بلسانه
يعرف المرجان والريحانه
اتشافى لجناح
من همه ارتاح
يا شافي لرواح .. يا سيد حسين
…………………….

يا شهر شعبان زف لبشاره
مولد الغالي نشر انواره
نزلت العذره وخديجه وساره
بت مزاحم كلها نزلت داره
تبعث تباريك
للزهره تطريك
يا مدحه توفيك .. يا سيد حسين
…………………….

حسين ابو النعمه ملك سواني
خادمه بين الخلق خلاني
والله هيچ بهالعشق ربّاني
لو اموت بدربه ارجع ثاني
وشما يمر عام
هالدنيا ايام
ثبت لي لقدام.. يا سيد حسين

…………………….
خادمة الحسين
فاطمة حبيب
١٤٤٦

" مولد العباس عليه السلام" 💐

ليله يحلالي السهر
ليله ميلاد القمر
ابو فاضل
ابو فاضل
…………………….
خده وردة ياسمين
والضوا شع بالجبين
هذا عباس الحنين
يا جماله..

انولد حامي الخدر
ثاني ابطال الشهر
وجهه كوكب لو بدر
ضي تلاله ..

كل ضوا قباله صغر
ياهله بنور القمر
ابو فاضل
ابو فاضل
…………………….
من علي وارث خصال
مرجله وعلم وكمال
آيه موصوفه بجمال
كله نخوه ..

ريحة كفوفه وفا
تعطي للعالم دفا
كلها حب وعاطفه
جود وخوه..

هذا بن فارس مضر
ياهله بنور القمر
ابو فاضل
ابو فاضل
…………………….
هذا بن حامي الدخيل
يفرح الليله الدليل
والفرح كله قليل
لبو فاضل ..

زينب تلولي إله
ياكفيلي بكربله
والحسن يستقبله
بالمشاعل ..

مولده حسين انتظر
ياهله بنور القمر
ابو فاضل
ابو فاضل
…………………….
الحسين ايطش ورود
باست شفافه الزنود
نادى بالقلب السعود
يا عضيدي ..

قطع اقماطه وزعل
رفرف زنوده البطل
خادمك يبن الفحل
نادى تدري

قلب ابو اليمه ابتشر
ياهله بنور القمر
ابو فاضل
ابو فاضل
…………………….
خادمة العباس
فاطمة حبيب
١٤٤٦ هجري

مولد السّجاد عليه السّلام



عالوعد والميعاد. نحتفل بالسجاد
💐……….. ……….. ……….. 💐
نشعل شموع ومشاعل عيده
كل موالي بهوسه يرفع إيده
يا علي اسمك. بالقلب تغريده
وحده كافي الهج بترديده
قلبي عشقه وقّاد. نحتفل بالسّجاد
💐……….. ……….. ……….. 💐
طير طيبه غرّد بألحانه
وحنا عالعاده نصبنا اعيادنا
وحنا اخذنا حبنا من اجدادنا
نفخر اعله الوادم بسجادنا
جبنا وردة ميلاد. نحتفل بالسجاد
💐……….. ……….. ……….. 💐
حقها هاشم تفرح بأعيادها
والبتول اطش ورد سجادها
هذا عالمها وزين اعبادها
نجمه تزهي من سما امجادها
تنتظر للأعياد. نحتفل بالسجاد
💐……….. ……….. ……….. 💐
يا حلاة اسمه و جمال عيونه
صلوا عالمختار من تطرونه
ذكروا الله يا من توصفونه
من علي الكرار وارث لونه
ناخذ منه امراد. نحتفل بالسجاد
💐……….. ……….. ……….. 💐
بالشرف شعبان نال امجاده
وبعلي السجاد زان زياده
هذا خير اهل الارض يا ساده
من محمد علمه وإرشاده
الله بقدرته راد . نحتفل بالسجاد
💐……….. ……….. ……….. 💐
خذها مني وفتهم اقوالي
قبره مهما صار يبقى عالي
مو مناره وحده له يا غالي
بالضماير اربعه وتلالي
ماتضره لحقاد. نحتفل بالسجاد
💐……….. ……….. ……….. 💐


خادمة زين العابدين
فاطمة حبيب
٤ شعبان ١٤٤٦ هـ