مولد الحسن المجتبى عليه السّلام 🍃

مـيـلاده بالـدنـيـا ضـوّى
دلالـــي مـا غـيـره يهوى
يا هله بشمس الحسن ٢
ياهله بشمس الحسن ٢

         🌷---------------🌷--------------🌷
سـاكـن بـوجدانـي
بــوصـلـة إيـمـانـي
حبـه بنـص قـلـبـي
آدمــــي ســوانـــي

قــبـلــة الله وبـابـه
وآيـــه مـن اكـتـابـه
هـايـم بــأوصـافــه
عـاكـف بـأ عـتـابــه

بسماته من خـده لـولـو
وبحبـه كل شيعي يسمو
ياهله بشمس الحسن ٢
         🌷---------------🌷--------------🌷
فـاطمـه فـرحـانـه
بـالـحـسـن مولانه
مــن بحـر معروفه
أشـرقــت دنـيـانـه

جـدّه واقف عـنـده
حـيـدر يـهـز مـهـده
أول الــريــحــانـــه
يـا جمالـه ومجـده

يـا حـيّــه ثـانـي الإمـامـه
مـحـلاهـا براسه العِمامه
ياهله بشمس الحسن ٢
         🌷---------------🌷--------------🌷
الشـمـس من نـوره
صـارت بهالـصـوره
موسى بسمه توسل
من تـدنـى بـطـوره

والـقـمـر و هـلالـــه
من ضــواه يـتـلالــه
سـيّـد اهـل الـجـنّـه
جـنّـه بـــه تـتـعـالـه

من جـوده فايض عليـها
تــتـبـاهــا لو طب إليها
ياهله بشمس الحسن ٢
         🌷---------------🌷--------------🌷
افــتـخــر عـالـوادم
لــو قـبـلنـي خـادم
والـكَتَـب تـاريـخـه
بـالـقــيـامـه نـادم

غصبن اعله الـزوّر
بالـزّمـن لـــو دوّر
مـا يحـصّل واحـد
ابـكــــمـالـه شُـبّـر

نـظـراتــه هـيبـة محـمّـد
من جدّه وارث له سؤدد
ياهله بشمس الحسن ٢

         🌷---------------🌷--------------🌷
مـولــده انـهنـيـلـه
شعـشع بـقـنـديـلـه
ضـيـفـه وخــطــاره
كـلـنـه هـاي الليـلـه

مـا يـــردك خـايـب
لـو دلـيـلـك ذايــب
أحـلـف بإحـسـانــه
يروي صـدر الطالب

ديوانه واسـع مـداره
للعالم قـبـله ومنـاره
ياهله بشمس الحسن ٢
         🌷---------------🌷--------------🌷

خادمة المجتبى عليه السّلام
✍️ فاطمة حبيب

قناتي : https://www.tgoop.com/hafhusini

*(( قبر الصادق عليه السّلام ))*

للبقيع اتعنه قاصِده بالونّه
زايرك وتمنه يا إمامي الصادق


عيني تسأل بالمكان و هايه بس ابّالي
الزم بإيدي الضريح وشبقه بــآ مـالي
اقرا لزيارة وطوفه وشكي له احوالي
بالصحن قبه اشوف وچم مناره تلالي

موكب المشايه يرفع اشچم رايه
هذا اكبر غايه يا إمامي الصادق


جيت حاير بالدموع وشوقي ناره زاخر
البقيع شقد فسيح و بس اعاين حاير
وين شباك الضريح اويا الصحن والزاير
قبه تلمع ما اشوف ولا جا موكب حاسر

تربه ويا حجاره خالي من زواره
وينه راعي ثاره يا إمامي الصادق


بالعزيز وهذا قبره وحشه هاي الليله
تلفح الشمس بترابه والرمل يبچيله
خيمه من ظل الحمام تسوي له وتمشيله
من بعيد ومن يزوره تعرفه وتدعيله

تعرفه بنظراته تستمع ونّاته
للبقيع آهاته يا إمامي الصادق


الحقد رد بالزمان ورد يصوّب سهمه
بالأمس حرقوا له دار وما خلص كل همّه
ردّت اصحاب العِداء القبره ظلم اتهدمه
واليزوره من بعيد ايضم تـرابـه حلمه

الحقد لو يكبر العدو يتكرر
والضريح اتكسر يا إمامي الصادق


باچر المهدي يعود وأكبر زياره تصير
والارض من نور وجهه للسمه تشع و تنير
يبني قبره والمناره تضوي بالصحن الكبير
قبته تفوق السحاب ويعله قبره بالأخير

والخدم من تلتم تقرى يمّه مأتم
والخصم يتندم يا إمامي الصادق

_
خادمة الزهراء
فاطمة حبيب
٢٤ -١٠-١٤٤٥هـ

زيارة الزهراء لقبر ولدها الصادق صلوات الله عليهما


اول وتالي انكتب يايمه مظلوم
بالسم تموت وضريحك يبقى مهدوم
ولله صعبه .. لا كو قبه ..
ويبقى مهدوم
______

من ورى التابوت اعفر تايهه البال
ماي عيني لو ذرفته بالدمه سال
فيك رواني الدهر يالصادق اهوال
ولله والمنصور ماقصّر بلفعال
في حياتك .. وبمماتك ..
يبني مهضوم
______

مانسيت بمجلسه يوليدي أذّوك
حاسر بدون العمامه قباله سحبوك
بالعزيز اعليّه اسمعهم يسبّوك
بشيبك وتكذب يبن فاطم يقلوك
ابچي سكته .. من سمعته..
بحالي لليوم
______

يبني يوميه انكتب اعليّه احتار
والوكت من تالي عاد وهالزمن دار
بين نار بكربله ونار اللي بالدار
صارت بدارك ودمعي بالجفن حار
نار وعاشر .. خيل وحافر
عادت القوم
______


چبدك بكاس السموم اتجرع جروح
نار تسعر من حشاك وفاضت الروح
عمري كله اقرايه ليكم خله يروح
حسره لنصب ماتمك وبحزني بانوح
هذي شمعه .. جيت ابنعه
آااا يمسموم
______


جيت اوج شمع الزياره و اقعد اوياك
بالصحن وتصلي عندك هايه لملاك
وينه قبرك ليش ما لك صحن وشُبَّاك
لا مناره ولا كو حضره اتضوي مثواك
ذاب شمعي .. وسال دمعي
وقلبي مألوم

______
خادمة الزهراء
فاطمة حبيب

٢٤-١٠-١٤٤٥هـ

رسالة إشتياق ..!
ابعثها لمن يحظى بوصال
" سيدةِ قُم المقدَّسة "


اقـصـد لـقُـم يـالـرايــد الـجـنـة
زور الـكـريـمه وعـشّـهـا اتـعـنـه
ورسـل سـلامـي .. شـوقـي وهـيـامـي
يـالـرايــد الـجـنـة .. يـالـرايــد الـجـنـة
———-________

يـالـرايـح الدار الـكـرم بــالـحضـره اذكـرنـي
وبخطوه لو طفت الصحن لا تنسه تحسبني
خذ بالنـيـابـه كـفـوفـي سلم بالعشق عنـي
والـقـبـه لـو لاحـت الـك بالـدعـوه اشركني
رايــد بـشـاره .. ركـعـة و زيـاره
يـالـرايــد الـجـنـة .. يـالـرايــد الـجـنـة
———-________

من تلزم الباب ولَـعِـدْ قبر الـطُـهـر تـوقـف
اتـيـقـن بمرقدها أملاك السمه تـصطـف
هـاي الشفيعه العالمه بالعصمه تتوصف
اخت الرضا لا مو عجب عدها العقل يوقف
بـاب ومناعة .. تملك شفاعة
يـالـرايــد الـجـنـة .. يـالـرايــد الـجـنـة
———-________

لـــو لاح شـبَّـاك الـذَّهـب فزت بـزيارتـهـا
اقــــرا الـزّيـارة بقـلبـك وذوب بـمعـانيها
يا فاطمة جيت الـشَّفـاعـة ببابچ اطـلِبْهَـا
ادخيل قِـلـهـا وبالرضا غَـالِـيـهـا حشمَّهـا
لـوذ بحبلها .. وذكـر فضلها
يـالـرايــد الـجـنـة .. يـالـرايــد الـجـنـة
———-________

مـضـمـون هذا وبالخبر عن الـرضـا وارد
عن الـجواد وصادق الـعـتـره الفـضل واحد
مـن زار في قُم فـاطـمـه وبمعـرفه قاصـد
خـل يـبـشـر بـجـنـة عـدن يتنعم و خـالـد
زايرها يابخته .. مضمونه خاتمته
يـالـرايــد الـجـنـة .. يـالـرايــد الـجـنـة
———-________

لـمفـارق أعـزاز الـعـمـر بـالـفـرقـه يـتـألــم
كـل سـاعـه يـحلـم ويـا زوار الصـحـن يلتم
ويـا الحمام بـسـاحـة الحضره هـواه يشتم
خبّـرهـا ودري يالمحـب ابشوقـي هي تعلم
ويا الليالي .. انـطر وصالـي
يـالـرايــد الـجـنـة .. يـالـرايــد الـجـنـة

———-________


خادمة الزهراء
فاطمة حبيب
مولد السّيدة المعصومة ١٤٤٥ هـ

تترادف الأقلام وتنزف وجعاً
وتصف المشاعر لوحة فنيّة ملامحها رضوية
تحن في يوم مولدهِ
لتلك الأيام السالفه
الّتي كنا نجتمع فيها تحت تلك
الغيمة الثامنة الّتي فاضت لطفاً ورأفه ..
فأخذت تمطر بغيث ماءهـا على افئدة
*القلوب الرضوية* الوالهة لمولاها
اللهم إنّا نسألك يا إلهي فرجاً لنجتمع في جوارهِ
مع المؤمنين 💔

🌸🌸🌸🌸🌸🌸🌸

نذكر سنين الزياره
والقلب مشتعله ناره
يبتهل ليـلـه ونهـاره
يـارب تـعـود الزيارة
.

بـالـسـفــر كـنـا نـقـلـد
الـدعـاء الـكـل زايــر
نسأله في وين رايح ؟
بالعشق أي ديره طاير ؟
للرضا لو قـال نركض
ونحـجز اوياه التذاكـر
نجتمع كلنه في مشهد
ونوقف بذيچ المناره
يـارب تـعـود الزيارة
.

حلـوه أيـام الـزيـارة
بالصحن مـن كـنا نـقـعد
وحده تقرا ابيات ومجلس
هذي للشباك تقصد
راية الخضرا بضريحـه
من تـروح ببـابه تعقـد
وهذي يم باب المراد و
تطلب الحاجه بجواره
يـارب تـعـود الزيارة
.

نقعد بـأعـتابـه سـاعـه
للسـكـن نرجع ثـوانـي
منه لكن مـا شبـعنه
وللـضـريح نـروح ثـانـي
خطوه مليانه مشاعر
نمـشي وبشـوق الأماني
نـعايـن القبه بوجـهـنا
تسطع ونوقف حـيارى
يـارب تـعـود الزيارة
.

حيره من انـشـوف قبته
تسـطـع بنور الجلالـه
شمس وحظها طوس فازت
ابثرى قبره وجماله
هذي قبه شلون وجهه
يشرح الـخاطـر خيـالـه
جنة السلطان شـوصف
مـا تِـوصّفـها العبـاره
يـارب تـعـود الزيارة
.

هسه اتـغـيـر وضعنه
عشنا بالأفكار غـربـه
جنة السلطان صارت
أمنية و بالروح صعبه
يـــا وگــت نرجع نـزوره
والبـدن يشتم ترابه
ربي يــا قيوم عطـنا
تـذكـره ونوصل دياره
يـارب تـعـود الزيارة
.

لحظه تسوه الدنيا كلها
يا عشقنه الما نمله
والقمر من طاري اسمه
ومولده هالليله يحله
حضرة القدس الإلهي
عد ثرى الضامن تحصله
بـابــه مفــتاح الكرامه
والـكـرم دايــر مــداره
يـارب تـعـود الزيارة
.

خادمة الزهراء
فاطمة حبيب
مولد الإمام الرّضا ١٤٤٥ هـ

" استحضار الإمام الجواد لمصيبة جده الحسين في آخر حياته"

الطم على الچفين
عطشان اون يحسين
..
ميّت عطش وبريتي مايعبر هوى
حر السّم و شمس الظهر فوقي سوى
يا جدي دلالي انفطر چبدي انچوى
والغربه ماخلت لدمعاتي دوى

وبقلبي جرح اثنين
عطشان اون يحسين
..
ازحف وون يا وكت اوصل للسطح
ومن الألم اتساوى ليلي او يالصبح
وشلون بيك ووذر اعضاك الرمح
الف وتسع ميه جرح فوق الجرح

ظامي وتدير العين
عطشان اون يحسين
..
ياجدي هاي القاع ماخلت صبر
خدي احترق ماعندي فرش واحتضر
وبلوعه اتقلب مثل حبة جمر
وذكرته نحرك يعتفر بيد الشمر

وبرجله داسك وين
عطشان اون يحسين
..
مر بخيالي صوره لك فوق الرمل
حر الظهر، سهم القلب ، ذيچ النبل
ماحد لفه بالماي وجا بحلقك يبل
واعله السهم تلقه الچبد هَم منفصل

من الچبد ثلثين
عطشان اون يحسين
..
اتشابه الموت وجثثنه امعطله
آنه ابأرض بغداد وارضك كربله
يبقه الفرق لا خيمه عندي وعايله
وبقلبي ما واصل مثلث حرمله

لاح الأجل والبين
عطشان اون يحسين
..
ما تخلص بموتي الرزيه والمحن
وبقه ثلاثه ما يغطوني بكفن
مطروح ويفوح المسك من البدن
وهل الغدر ترميني من فوق السكن

لا ناصر ولا امعين
عطشان اون يحسين
..
ما صار مثلك بالمله لكن ابد
عشرة حوافر لعبت ابلحم الجسد
ماقصّرت طحنت لأضلاعك بعد
راسك على راس الرمح دمه جمد

يمعفر الخدين
عطشان اون يحسين
..
تمت بعون الله
خادمة الزهراء
فاطمة حبيب
٢٩ ذو القعدة ١٤٤٥هـ

اقترب عاشور ..والقلب مسجور .. على حسين
بسمه صيحتنه.. تـحـلــه الــونَّــه .. على حسين

____
من يهل عاشور وهلاله نظرناه
صحنه والزهره عهد بالدم كتبناه
للأبد ولله ما ننسى حسيناه
آخره ودنيه حسين نعيش وياه
سلوة الحاير .. صيحة العاشر .. على حسين
هذي غايتنه .. تحلى الونه .. على حسين
____

نعمه من الله عظيمه وتاج عالي
خدمة المظلوم غاية كل موالي
كل سنه الشيعه تعزي و ماتبالي
وبلطم لصدور تقضيها الليالي
كل منازلهم سوده رايتهم _ على حسين
تعله رايتنه .. تحلى الونه .. على حسين
____

واجب نقدم شكرنه بكل مسيه
هالسنه مكتوب نخدم بالعزيه
جانه لمحرم ومنه الروح حيه
سجلتنه بدفتره الزهره الزچيه
فاطمه الزهرا .. بالعزا وتقرا .. على حسين
بالضلع حنّه .. تحلى الونه .. على حسين
____

ياللي رايد تمحي ذنوب الكبيره
خلي لك ويا الحسين أصدق بصيره
بالمجالس خلي دمعاتك غزيره
وذكر المشيت غصب للشام أسيرة
صيح يا زينب .. والقلب يلهب .. على حسين
دمعه بخدنه .. تحلى الونه .. على حسين
____

البس احزام الخدم خليك واعي
تاجر بصيت الشرف للخدمه راعي
كنّس المجلس أو اقرا لك نواعي
وبثوابه الچاي وزعه وكون ساعي
اسعه للخدمه .. وبذل بهمه ،، على حسين
خدمته جنه .. تحله الونه .. على حسين
____

مالك اذا رايد اتعمره وتزيده
للمواتم ابذل المال التريده
درهم الواحد ترى الزهرا تعيده
يكثر اجرك والحسين ايزيده بيده
ثروتك تكثر .. والذنب يغفر .. على حسين
حبه مالكنه .. تحلى الونه .. على حسين
____

هذي شهرين التجاره والمطالب
وصلت وبيها المغانم والمكاسب
لا تقصر باللطم وبني المواكب
ساعد ابلوعاتك المهدي الغايب
بالحسينيه .. اقرا لطميه .. على حسين
امشي وتعنه .. تحله الونه .. على حسين
____
خادمة الزهراء
فاطمة حبيب

*" زينب وهلال محرم " *🏴

يلهلال لا تمر اقبالي
يلهلال ذَكَّرِتْني الغالي  
__           

صورتك ترسم فجايع بالدهر ماتنّسا
من تشوفك بالنواظر فاطمه خير النسا
يعنه ماتم للحسين وتحضر امه مجلسه
تصفق الراس ابعشرها تبچي يبني كل مسا

يلهلال ابتدت قصتها
يلهلال فاطمه ودمعتها
__

من اشوفك بالحراره يشتعل قلبي جمر
وذكر امنازع حبيبي من اجا وقت الظهر
قابض الشيبه البهيه وينحر ابراسه الشمر
وعوجيه اخيول عشره تطحن اضلاع الصدر

يلهلال وذَّروها اوصاله
يلهلال داسته الخيّاله
__

حتى صوت الماي يجرح بالهضيمه دمعتي
والدمع ماريد اشوفه خاف ابلها چبدتي
مايمر الماي چبدي والعطش فتّ اخوتي
كلها برض الطف ضحايا راحت اهلي وعزوتي

يلهلال هذي اول ليله
يلهلال والصبر اشكيله
__

تشبه حسين ابظهورك من تعنه للنهر
انحنه شايل چفوفه والظهر منه انكسر
ظهره يشبه صورة اهلالك إذا جانه الشهر
صاح يازينب تعالي للنهر طاح القمر

يلهلال ما بقالي كافل
يلهلال ودعِت بو فاضل
__

انته ساس الفجعه وبشهرك سبوا بيت النبي
والسياط اللي ولتهم صارت بظهري تجي
سكنه وقبالي رقيه وهنه خوله تنولي
كلها تصرخلي يَ عمّه النار وصلت للعبي

يلهلال شتتوها اعيالي
يلهلال ضيعوها اطفالي
__
زينب آنه والمصايب من اعدها تحتمل؟
من بعد عز الهواشم يحدي الناقه نذل
ياهضيمه يافجيعه بت علي و اركب هِزل
امشي للشام وعلى امتوني يشدون الحبل

يلهلال ويني وين المجلس
يلهلال كلها اسمع تهمس
__
تهمس ابصوت الشماته وين اهلها والزلم
هذي مو بت الاكابر ترضه اهلها تنشتم
يدري العباس تدخل ولا ما عنده علم
مادرى ابحال السبيه لو طفه عينه السهم

يلهلال كلها نادت بيّه
يلهلال زينب المسبيه
___
تمت بعون الله
خادمة الزهراء فاطمة حبيب
نسأل الله القبول

قصيدة للخدمة
.
انفتح ديوان عاشر
والخدم شدت بيارق
….. هله بخدام الحسين ..

.
بالهدوم السوده طلعت .. شدّت حزام الوفه
عالسطح نصبت بيارق .. والفرح صوته اختفه
للحسين بونه صاحت .. والجزع ليها صفه
واحسيناه واحسيناه .. من بدا هلاله ولفه

كل سنه امحرم تناطر
والخدم شدت بيارق
….. هله بخدام الحسين ..

.
للحُسينيه تكنس .. والتعب طاب و حله
والعرق لو صب بدنها .. ماتحس ساعه إله
تحضر ابصفها الملايك ... عن بدنها تحمله
كل نَفَس منه طهاره .. يمحي ذنبه ويغسله

هالعمل مذخور باچر
والخدم شدت بيارق
….. هله بخدام الحسين ..

.
بالصبح والليل تنعه .. والوكت كله عزه
ترفع الچاي اعله حبه .. وبدموع اتجهزه
مو أجر خدمه تدوّر .. لا شكر او جائزه
كون ترضا الزهره عنهم .. باچر بيوم الجزا

نصبوا ابحيّهم جوادر
والخدم شدت بيارق
….. هله بخدام الحسين ..

.
يصعد الرادود يقره .. وفاطمه الزهره اتحضر
من يقول حسين طايح .. داسه بنعال الشمر
تصرخ بونه ييمه .. وتلطم الراس بعشر
والحوافر من يعدها .. تنزف بجرح الصدر

القلبها من يجابر
والخدم شدت بيارق
….. هله بخدام الحسين ..

.
كلمن بكيفه يخدمه .. باب واسع خدمته
بالضماير حبه فطره .. رابح الهل دمعته
خدمة مابيها خساره .. والنجاة ابخيمته
بالحشر كل عين تبچي .. الا عين البچيته

اليعادي حسين خاسر
والخدم شدت بيارق
….. هله بخدام الحسين ..

تمت بعون الله
خادمة الزهراء
فاطمة حبيب

طور قصيدة ( أسم لحسين كتبته بروحي )

.
للهلال
.
هل بالجروح يمهدي اهلاله

صدري بالنوح ترس دلاله

واحسيناه يصيح الساني

ودمعة العين جرت هماله


يامهدي يا مهدي يا مهدي
يامهدي يا مهدي يا مهدي

ــــــــــــــــ ❖ ❖ ❖ ـــــــــــــــــ 


الله يعينك رجع شهر المصايب

قلبك ابالهموم والأحزان ذايب

آا يمذبوح تنعى وتنوح

تمشي ويا الزهره كل صبح ومسيه

تلتفت في وين منصوبه العزيّه

بين هالناس تلطم الراس

شايل عمامتك من راسك

ليل لهلال ذبح احساسك

راحت اهلك ذبح بالعاشر

نار لخيم توج بنفاسك


يا مهدي يا مهدي يا مهدي
يا مهدي يا مهدي يا مهدي

ــــــــــــــــ ❖ ❖ ❖ ـــــــــــــــــ 

عندك جنازه بقت فوق الوطيه

داست اعليها بنات الأعوجيه

راس مرفوع نحره مقطوع

تستمع هاي العشر أعظم مصيبه

طاح بو اليمّه عطش فوق التريبه

ماحد اوياه والشمر جاه

فوق صدره ركب بنعاله

صدره متروس سهم ونباله

چبده من الظمه مفتوته

والرمل حار فطر دلاله


يا مهدي يا مهدي يا مهدي
يا مهدي يا مهدي يا مهدي

ــــــــــــــــ ❖ ❖ ❖ ـــــــــــــــــ 

مو دمع من عينك دموم وتصبها

عاللي شافت مصرعه وسلبوا خدرها

زينب تشوف تصفق كفوف

لا عشيره ولا أخو ذبحوا اهلها

بالشريعه طاح ابو فاضل عمدها

سهمه بالعين ماله كفين

هجمت الخيل عليها ودارت

شابحه العين ياخويه صاحت

حرمه وايتام بقيت بحالي

والخيم من إيدينه راحت


يا مهدي يا مهدي يا مهدي
يا مهدي يا مهدي يا مهدي

ــــــــــــــــ ❖ ❖ ❖ ـــــــــــــــــ 

عمتك فوق الهزل مشيت أسيره

طبت الكوفه وسف وين العشيره

صعدت النوق طبت السوق

وبوسط ديوان حيره وقّفوها

وبعصاته ايزيد كسّر ضرس اخوها

بالدواوين مالها امعين

زينب ام الخدر مفجوعه

شافت الضيم وعاشت لوعه

سوط وحبال سبي والالامه

شام ويلاه تطب موجوعه


يا مهدي يا مهدي يا مهدي
يا مهدي يا مهدي يا مهدي

ــــــــــــــــ ❖ ❖ ❖ ـــــــــــــــــ 

باب ابو الساعات اذاها هضيمه

بالحبل خلوا يتيمه بصف يتيمه

عيد بالشام صار أيام

يابو صالح ماتجي وتنهض لثارك

يا عزيز الزهره ما تطفيها نارك

سيف لفقار يطلب الثار

كل محرم تعيشه بوحدك

تبچي من دم مصايب جدك

بالفرج ندعي لك يوميه

نحيي كل المآتم عندك


يا مهدي يا مهدي يا مهدي
يا مهدي يا مهدي يا مهدي

ــــــــــــــــ ❖ ❖ ❖ ـــــــــــــــــ 
خادمة الزهراء
فاطمة حبيب

[ ليلة العليلة ]

ياهلي كل ساعه ونشد عن صوركم
بلكي اسمع بالدرب راجع ضعنكم
قلبي ذايب … يالحبايب
___________________
طالت السفره وعلي اوحش نزلكم
لا خبر لا صوت من انده بسمكم
ولله مشتاقه اشم ريحة عطركم
وبكتركم يا هلي اسمع حچيكم
قلبي ذايب .. يالحبايب
_______________
يا فرح عقب الاهل بيدي اشيله
والهجر نيرانه ما تبرد غليله
يا شمع اضويهن وما بيه حيله
والمرض خلاني بفراشي عليله
قلبي ذايب .. يالحبايب
_______________
يا حلاة الخيه من تنشد عختها
لو مرضها تزايد وزادت عللها
تبرى ليها ولو ألمها يفت بدنها
ما تهدها بساعة الشدة وتعبها
قلبي ذايب … يالحبايب
_______________
يا خواتي ليش عني ما سألتوا
بالألم روحي تموج و ما قصدتوا
شالسبب يا روح اختكم ما نشدتوا
ذاب عمري من حنيني وما رجعتوا
قلبي ذايب .. يالحبايب
_______________
ساهرت ليلي على صوت النوايح
هودت عيني ودمع من خدي سايح
يا كتر لحسين ابويه الساعه طايح
راسه مدري يا بلد هالليله رايح
قلبي ذايب .. يالحبايب
_______________
ما مثل حالي جرى بهاي الوسيعه
راحت اخواني طبق برض الفجيعه
يا عـمـر بـعـد الأبـو يزهر ربـيـعـه
يا هوا اتـتنـفـسـه بعد الـوديـعـه
قلبي ذايب .. يالحبايب
_______________
خادمة الزهراء فاطمة حبيب

ليلة الطفلة العليلة

ياهلي شلون .. عني ترحون
ليش الجفا علموني
شمسويه عفيّه اخذوني
ياهلي شلون
…….…….
يابعد روحي ونظرها وكل حياتي
ليش حالي مو مثل باجي خواتي
للسفر ما جهزتهن حاجياتي
ماشلت وياي سجادة صلاتي

ذايب احشاي ..ونتظر هاي
بالمحمل اتشيلوني
شمسويه عفيّه اخذوني
ياهلي شلون
…….…….
ليش كاروك الطفل مو في محلّه
خلوا عبدلله اناغيه واقبله
تدري سفرتكم يبويه ماهي سهله
خاف عن غفله تصيب بحلقه نبله

والدرب حار .. اعله لصغار
ما يحتمل صدقوني
شمسويه عفيّه اخذوني
ياهلي شلون
…….…….
عمي يا عباس ريض يا بوفاضل
عندي حاجه ونته للمحتاج كافل
ويا سكنه خذني ابهاي المحامل
ووعدك للماي ما اطلب وسايل

جايه ادخيل … والهم اثقيل
سوده الصور بعيوني
شمسويه عفيّه اخذوني
ياهلي شلون
…….…….
قاعده وإيدي اعله خدي وهذا حالي
ونتظر يمكن تقولوا لي تعالي
بلكي بالناقه اشوف امكان خالي
والحزن يرحل ويرجع دلالي

وي رقيّه .. كل مسيّه
وياها تغفه جفوني
شمسويه عفيّه اخذوني
ياهلي شلون
…….…….
لا تروحون و تعذبوني بجفاكم
من صوركم خلنه نشبع من هواكم
هالغياب شقد يعذبني وغلاكم
حافيه اركض عالرمل وبچي وراكم

اصفق الراح .. والضعن راح
طحت اعله وجهي شلوني
شمسويه عفيّه اخذوني
…….…….
ارجعت للدار مكسورة خواطر
بالجدار اتوچه وعميه النواظر
التروح اهله يظل للملقى ناطر
وآنه اهلي تروح من تحت الحوافر

مايردون .. مايعودون
خابت رجاوي ظنوني
شمسويه عفيّه اخذوني
…….…….
خادمة العليله
فاطمة حبيب

نعي ليلة العليلة

مثل الشمس من تغرب يفل الضوه
غاب الضعن ونفاسي غصت بالهوه
وجدامي بنص الدرب عثرت سوه
مثل الشمع دلالي ابناره انچوه
واحسيناه .. واحسيناه
..

ظليت اون والشهقه مني تعتلي
ظنيت ابويه بدمعته يرجع إلي
وبناقته اشبق رقيه وكل هلي
ساعه بكتر سكنه وكتر لكبر علي
واحسيناه .. واحسيناه
..

ازحف على القاع واون متألمه
وجروحي اتسيل بنزف فيض الدمه
روحي بضعنكم قوَّضت يهل الحمه
من صيحتي ناحت ملايكة السمه
واحسيناه .. واحسيناه
..

امروتك يابو علي رد الضعن
ولله النزل صاير لفاطمتك كفن
مثل القبر ماينفتح طول الزمن
شوفت عيونك يل أبو بيت ووطن
واحسيناه .. واحسيناه
..

يا أهل يثرب ما لَكُم بيها مقر
باچر اموتن من يجي ناعي الخبر
ميت ابوچ بكربله ذبح وقهر
فوق البوادي جسمه والراس بسفر
واحسيناه .. واحسيناه

..
خده بلواهيب الشمس ذايب عطش
وحسين من كثر التعب لا ما رمش
وبعشرة خيول الجسم منه انفرش
ماحد عليه كبّر ولا جاب النعش
واحسيناه .. واحسيناه

..
كبّر عليه سيف الشمر من منحره
بوداجه يقطع وخته عنده وتنظره
نادت عليه زينب تصيح امحيره
بسقي اخويه الماي چبده مفطره
واحسيناه .. واحسيناه

..

خادمة العليلة
فاطمة حبيب

في شجاعة مسلم بن عقيل

طبها خطّاف الأجل
مسلم وبيده حمل
موت أحمر من نزل

.. على اعداء الحسين
……………..
بالّرقب لو عبـر المنيّه بـكـيـفـه
صارمه بـالدِّمه يشرب وشد حيفه
والـنـبي طالبـي من علي توصيفه
ما دروا وشردوا من عبرهم طيفه

قل أعوذ امن الحسد
بالوغى طب الأسد
موت أحمر من نزل

.. على اعداء الحسين
……………..
مرعبه خزرته فزّت اهل الكوفه
خيبـره عادها صولته المعروفه
والبطل يشمره يـقصده ميـعوفـه
حاسمه ضربته تسلم النه كفوفه

والعدو بخوفه اختنق
هذا ابهذا لصق
موت أحمر من نزل

.. على اعداء الحسين
……………..
رايــتــه من ترف زلـزلت بـالـبيـده
چن صقر صـاد إله بالمـعارك صيـده
نـظـرتــه ثـاقـبـه ياخذ اللي ايريده
والـيـفـر للقصر بن عقيل ايصيده

دار سيفه و يبتسم
والحرب عيد الزلم
موت أحمر من نزل
.. على اعداء الحسين
……………..
مدرسه للــفـــدا نــادره أفـعـالــه
بالضمه والعطش يسـتعر دلالـــــه
واليحس بالـخـطر ما تشوف اخياله
ابن ابوه الـيـجـيـه يا هـو اليـدنـالـه

حيّه بن عم الوفه
چنه ابو فاضل لفه
موت أحمر من نزل

.. على اعداء الحسين
……………..
لو زعل لو غضب يشتعل بـركانـه
محتزم يـرتـجـز ثـابت بميـدانه
يـرتـعد يرتجف صار ابن مرجانه
والقصر بالعجل غلّـقوا بـيـبـانـه

والحسين بكربله
وصلت أخباره إله
موت أحمر من نزل
.. على اعداء الحسين
……………..
خادمة مسلم بن عقيل
فاطمة حبيب

[ سلام مسلم بن عقيل للحسين من على سطح الإمارة ]

مسلم بالسطح ويودع حسينه
عرَّج بالعشق رافع له چفينه
======
عرَّج بالعشق دمعاته مذروفه
سلم عالحسين وقيده بچفوفه
من فوق القصر ترعبهم اوصوفه
غيره ومرجله خطاها بيمينه
======
هاي اول زياره وعن بُعد صارت
من فوق القصر ذبوها وطاحت
ورجاس الدعي يم جثته دارت
وبسيف الظلم راسه امقطعينه
======
مسلم بالعطش خلَّصها انفاسه
وبقصر الاماره اشقد محن قاسه
حيره وغربه عنه اتفرهدت ناسه
وبحبل الغدر امقيَّده ايدينه
======
مسلم واسه لحسين بقطع نحره
مثله ابكربله اضلاعه متكسره
لحسين بخيول امنعله وعشره
مسلم بالسطح ذبوا عداوينه
======
بسواق وسكك لجنازه شدوها
وبلوم وخبث ياحسره صلبوها
وين اهل المجد جثته يخلصوها
وين اليرسل اخباره لبو سكينه
======
من جاه الخبر اصفرت الوانه
وبخده انحفر كل دمعه وحزانه
صد لم الخدر ونهدت اركانه
وين ابنيته نادى بدمع عينه
======
جابوها وعلى هامتها قبَّلها
وحساس اليتم يجرح مدامعها
نادت والحزن ذوبها اُو فتها
چن راح الابو ونقصفت سنينه
======

خادمة مسلم بن عقيل
فاطمة حبيب

(عذّبني لفراق )

https://youtu.be/IeXiTRQTUiM
طور : قصيدة لا تظن غايب ملا باسم


طالت الفرقه وللغالي مشتاق
يا حبيب اهواي عذّبني لفراق

فرقه طالت والعمر اتراكضت ايامه
عام راح وعام جاي وبعدي مو قدامه
كلها وصلت كربله وتحزمت بحزامه
وآنه ليلي ما انامه وسهر بآلامه

ارسم جروحي بدموعي لشواق
يا حبيب اهواي عذّبني لفراق

سجل اسمي ابدفتره وكتبني من زواره
وبطريقه خذني رايه يا كبير انصاره
لو على باب المواكب باسمه ارفع ثاره
والدرب لو هو صعب لا ما تهمنه اخطاره

رايد ازياره وديني لعراق
يا حبيب اهواي عذّبني لفراق

عندي حاجه وبالمواقف منشهر تعطيها
باچر ابفرض الزياره مو صعب تگضيها
رايه رايه وخطوه خطوه بالدرب امشيها
ياهله بالزاير اسمع من اطب واديها

هالتعب يسوه لو تعبت الساق
يا حبيب اهواي عذّبني لفراق

بين لحسين وكفيله يحله ولله الممشه
هالزيارة تعني إني زاير الله ابعرشه
قعده بين الحرمين وتحله ولله القعده
حتى جفن العين ماريده يقفل رمشه

شوقي للقبه بفادي حرّاق
يا حبيب اهواي عذّبني لفراق

ياحبيب وبيّه حسره ونته تعلم بَ امري
واليعيش بحسرته انفاسه بالهم تسري
اردن بدرب الزيارة فرضي انهي وعمري
والمنيه لو لفتني هناك يصبح قبري

اصبح بجنه ولو هالقبر ضاق
يا حبيب اهواي عذّبني لفراق

جنة الله وبالارض تزخر عطر تربتها
كربله من نور مخلوقه أصل طينتها
بالحسين اتميزت وتعلّت ابرتبتها
ولله هنياله الوصل سلّم على ميتها

شيعه ونزوره من كل الافاق
يا حبيب اهواي عذّبني لفراق

١١ محرم ١٤٤٥ هـ
خادمة الزهراء
فاطمة حبيب

أقسم بدم الغريب
سجل اسمي يا حبيب
………
مـن يهل سـادس محرم ترتفع لـك رايـه
يـا حبيـب و للـمـواتـم نقصدك عـنَّـايـه
كلمه وحده نصيح كلنا وهذي أكبر غايه
سجل اسمي يـا حبيـب بهالسنة مـشّايه

كـون ازوره عـن قـريـب
سجل اسمي يــا حبيب
….

ودي اوصل كربله ووصل لقبر الظامي
وبچي لو بعيوني انظر للصحن قدامي
ويــا لـيـزورون ارفــع رايـتـي وعـلامـي
ما لــي بالدنيا أمـاني زيـارتـه احلامي

ياللي لجـروحي طبيب
سجل اسمي يا حبيب
…

خـل ازور حسـين وبـنـوحي اذوب بحـسـره
وقـعـد بكــتــره وبــلل مــن دمـوعي قـبـره
مـن زيـارة وارث ابـدي لـو اطـب الحـضـره
والطم بصدري على الطحنوا جناجن صدره

حزنه خـالـد مــا يطيب
سجل اسمي يــا حبيب
…

ارد اوصل منحره وتفـجع اعله مصابه
من هوى للقاع سوى وسـاده من ترابه
جاه شمر وقلّبه و زيّد لجـرح اصــوابـه
من قفاه حز النحر وبدمه صار اخضابه

وقسم بشيبه الخضيب
سجل اسمي يــا حبيب
….

ومشي لچفوف ابو فاضل وعتني برجليني
وبچي سهم الصاب عيــنه بمدامع عيـني
كربله بروحي تـعـيش ولـو تطـول سنيني
هـالزياره مـا اعـوف ومـا اعـوف حسـيني

إي وحق راس الحبيب
سجل اسمي يا حبيب
….

بينه كم واحد صبر وسنين هذا حاله
ميّت بلهفة حـنـيـنـه ومنفـطـر دلاله
كـل سنه يمشون عنه ودمعته همّاله
وحده ما راح الزياره ولا هو شد ارحاله

نخوته الليله نـحـيـب
سجل اسمي يا حبيب
….
خادمة حبيب بن مظاهر
فاطمه حبيب