چا حسبالك أنته .. فرگتك هينه
چا هو الوجع بالروح .. ياسونار ليبينه .

_حيدر قاسم المالكي💚
.

غفت من الوجع روحي

_حيدر قاسم المالكي💚


غفت مكسوره خاطر
لا تفززها ..

غفت من الوجع گوه طفل ممتون
خل طيفك بعيد ولا تگمزها ..

ترفه رويحتي من الكلام اتموت
ويذبحها الحچي مو بس يبززها .. .
.

وانه احبك
وانه ما عندي سوالف غير گلبك .

وانته عندك
مدري چم غافي بخيالك
ليش ما جينه اعله بالك

_حيدر قاسم المالكي💚
.

اول مـره نتـلاگـه

ومـحد يـشبگ الثانــي . .

اول مره بچاني


_حيدر قاسم المالـكي💚 .
.

هيـه مـو قصـة اجيك ومــــا اجيك

القصـه متعـــــود عليك . . ❤️








_ حيدر قاسم المالكي 💚 .

يوم (2022/2/2) مميز ك عينيك .




.

هلا يالباصم بعشره
وهلا ياناكر العشره
محبتك ماصخه وگشره

وچماله الگلب بسمك يغني
هلا يالمستلذ باليوجعني

_حيدر قاسم المالكي💚 .
.

_حيدر قاسم المالكي💚


ارياش عينچ
سودنني ..

ووعود خصرچ يستلذ بي اليغني ..

ياطعم راحه
شملذ اشفايفچ من تبتسم

حلوه يل چنچ رسم

وفاهيه مثل الفجر

الله يمكن خالقچ بس للصور .. .
.

_حيدر قاسم المالكي💚

امتاني باقي
بلكي الله وبيك جيه

شني ذنبي ..؟
واختنگ كل ما يمر الليل بيه

فرگتك .. جيثوم وتربع عليه .
.

_حيدر قاسم المالكي💚

اشتاگ
بس ما بين ..

واحچي بقساوه اوياچ
لكن شيفيد
حتى بقسوتي اعليچ ابقى احنين ..

وگلبي الصلب .. وياچ كلش لليين ..

ماريدچ
ومو بالسهل تنعافين
بس جرحي منچ والجرح مو هين .. .
.

بشفاك اشتهيت انحب
وضوگك واعتز بضوگك ..

وافرح من اشوفك جاي
والتم والتف بشوگك .. .

_حيدر قاسم المالكي💚
.

تعال بساع

ضيگه الدنيا وعيونك عليه اوساع .. .

_حيدر قاسم المالكي💚
.

_حيدر قاسم المالكي💚

ليش أكابر
وليش معتز بضياعي
وليش من دون الخلگ مامرني ساعي

يابريد شبيك ماناسي رساله
خملي گلبك جوز ذاكرني قديم

ليش من اشتاگ اگول الله كريم

ارد اكحل عيني بيهم
شمحله من (الچاء) لبنبرة حچيهم

يابريد
هواي احن
چا ليش مامش ..
والله گلبي ع الرسايل باقي عايش .. .

خملي گلبك
لا تعز تعبك عليه

وأنه ساكت
ما مسولف على الجكاره
اشسوت برجفات اديه

الشوگ لاعب للعب بيه

وماحچيت ..

يابريد اليل للعاشگ طويل وبي اذيه

الليل ما يعرف خطيه

خملي گلبك ..
.

إذا مني خذوك بعيد
واذا لا سامح الله وبعد مالوحك

اريدك تعتني بروحك

_حيدر قاسم المالكي💚 .
.

هيـه مـو قصـة اجيك ومــــا اجيك

القصـه متعـــــود عليك . . ❤️





حيدر قاسم المالكي 💚 .
.

چذب
هم بعدك اتحبني
وتجي ملهوف الاشعاري ..

وبعدك
مثل الاول
تسأل إبلا شوف .. ؟
عسى الله وتلگه واحد جايب اخباري ..

وأنه مثلك
والك وازود
يوميه اطلع عذر ما مر بيك
الى ان خلصت اعذاري ..

واگلك بعد مااحبك
وأحبك وانته ما داري ..

يكاتلني
واحبنك
واخاف اعليك من عندك
وخافن من بشر مغرم يجيك يطالب بثاري

وشتلگه بعد مني ..
گطرة ماي وتبديت .. ظلمه والنهر جاري

احبك حيل احبنك
احبك وابقى احبك دوم الآخر كلمه بشعاري.

_حيدر قاسم المالكي💚
.

گلتله
العيد موعدنه ..
ونسيت
العيد مو عدنه ..


_حيدر قاسم المالكي💚 .
.

ريت بصباح العيد .. ما يندگ الباب
خاف افتح وماشوف جيه من الاحباب .

_حيدر قاسم المالكي💚
.

الحچي
الماينحچي يأذي

لذلك من يضكني الشوگ
أطلع صورتك وهذي

وادور بالملامح غاد
ووگف يم رمش عينك

وفوگ خدودي ينزل ماااااااااي
مالح
لحد ما انگع بطينك

وادور
بالصور
نبضات من گلبك
بلكت بعدك اتحبني ..
بلكت الگه شي مني بشراينك. .

والك وينك ..

_حيدر قاسم المالكي💚
.