گلبك من گد ماجاي يوجعك تحس انه ماراح يطيب بعد ..
بس راح يطيب
يطيب لدرجة تنسى انه انجرح بيوم لهاي الدرجة.

صوت الدمعة من تنزل من عينكم على خدكم
صوتها يكون معدوم وماتگدر الأذن البشرية انها تسمعه
بس صدگوني حتى هذا الصوت ربنا سامعه النا
سامع صوت دموعكم تتخيلون انه مايسمع صوتكم وانتوا تدعون؟.

مو دائمًا نعرف نحچي بس التعب يبين بعيون ماتركز بصوت ينكسر كلما يحاول يبين قوي بضحكة تطلع بتردد مو من الگلب

واحنا نكمل ونكمل ونكمل
لحد ما يجي يوم نوگف ونحس محتاجين حضن
مو من أحد ، حضن من نفسنا
حضن نعتذر بي لنفسنا ونطبطب عليها ونگلها " كلشي بيچ اليوم يستاهل حضن "♥️

كل الاشياء اللي تحسون ان گلبكم راح يوگف من الوجع بسببها

بعد فترة ماراح تتذكرون منها شي
راح تكونون عابريها
وراح تكون بعيدة هواي عنكم وماتگدرون تشوفوها بشكل واضح
راح تحسون انها چانت كابوس حلمتوا من نمتوا بشي ليلة مو شي حقيقي عشتوا
و كلشي راح يكون بخير بالأخير ♥️

وجود حلم او هدف بگلبك تسعى اله من احلى الاشياء بالدنيا!
أحب فكرة ان اكو حلم بگلبي
يعني اكو سبب اليه حتى اگعد كل يوم
اكو شي يخلي گلبي يدگ سريع من گد اللهفة اله
اكو شي يخليني اريد اعيش وأحب أعيش.

انت دخلت بحياتك ناس چان هواي عليهم انهم يشوفوك بحلم عابر.

انت مو مقصر ، حتى لو الأمور بعدها ما مشت مثل ماتتمنى ، أنت جاي تسوي كلشي تگدر علي ومرات هذا يكون اكثر من كافي.

أحب ان اني شخص ذكي حيل
واذا ردت استغبي بأرادتي واقرر انو ماشغل عقلي
ربنا مايقبل على اذيتي ويعلي صوت أحساسي حتى يحميني♥️ .

لا تنتظر الشخص يجي يگلك " اني ما أحبك "
الناس تگدر تگول هاي الجملة هواي بأفعالها مو الا تسمعها بصوتهم او تقراها برسالة منهم يلا تصدگها

شي يوم راح تنسى الدرجة القليلة اللي أخذتها بأكثر امتحان تعبت علي، وراح تنسى الليلة اللي ما گدرت تنام بيها من گد خوفك من اليوم اللي بعده،
وشي يوم راح يصير الكلام الجارح اللي گاله الك الأستاذ مجرد صدى بعيد ما تتذكر منه غير كم كلمة
راح يجي يوم كل هاي تصير مجرد ذكريات تحچيها لزميلك،
وإنت گاعد بمكانك، تشتغل بالشغلة اللي تحبها، بالمكان اللي حلمت توصله من زمان.

اتذكر مرة استاذي بالفيزيا بالسادس سنة 1
گلي مستواچ سبعينات ماتجيبين اكثر
واليوم اني طبيبة اسنان ⚡.

لو نسختك القديمة تگدر تحچي وياك مرة وحده
راح تعرف شگد هي فرحانة بكلشي گدرت توصله اليوم، كمل علمود تكمل فرحتها.

حتى الدموع اللي وگعت من عيونك بدون صوت، رب العالمين سمعها، والدموع اللي بسرعة مسحتهن ومحد شافهن هو چان شايفهن وكلهن محسوبات عنده وكاتبلك بيهن أجر.

رسمه جديدة على حسابي بالأنستا♥️

النتيجة حتكون بگد تعبك..
بگد كل مرة نمت بيها وگعدت ماتگدر تشيل نفسك من الفراش لان جسمك وروحك چانن يتوسلن بيك تبقى علي من التعب ..
بگد كل مرة گلت بيها "صباح الخير" وانت عيونك حمره من السهر ..
بگد كل مرة رددت بيها "يارب" بگلب مليان وماگلت غير " انت تعرف كلشي يارب"..
بگد كل مرة حسيت بيها إنك ماتگدر تكمل بس كملت.

صعبة تصدگ انك راح تكون بخير وانت بنص التعب و الاذية والزعل
بس راح تكون بخير بالأخير.

مو غلط تخاف ، بس لا تنسى انك ماوصلت لهاي المرحلة اليوم الا لأنك چنت أقوى من كل اللي خفت منه قبل♥️.