انتقل إلى رحمة الله تعالى الشيخ لطيف ال فرج الله الاسدي رحمه الله اخو زوج المله الشاعره ام شيماء فرج الله الاسدي ادعوا له بالرحمه رحم الله من قرأ له سورة الفاتحه وصلى له صلاة الوحشه في هذه الليله العظيمه المباركه رحمه الله تعالى

#غير_مبرئ_للذمة_من_يعيد_النشر_دون_رابط_القناة_.
#من_ديوان_جروح_لا_تشفى_الجزء_٢٨_.


مربعه للامام الحسين عليه السلام


عندي اويه الحنين اعتاب اطلبه بريحة الخوه
وندري الي تطيح ابضيج تنخه البيه المروه
🏴🏴💔🏴🏴
عندي اويه الحنين اعتاب يادفان تانيني
ناديت بهضم گلبي والدمعه بطرف عيني
خل باب اللحد مفتوح والوالي يحاچيني
بلچن لو حچيت اوياه اتهزه للولي النخوه
🏴🏴💔🏴🏴
عندي اويه الحنين اهواي كلام اوياه اريد احچي
ومن هضمي يدفانه للوالي اريد اشچي
اريد أتوسد ابلحده واجر حسراتي وابچي
حنين ومن بعد عيناه گلبي ما اله سلوه
🏴🏴💔🏴🏴
اريد انشد عزيز الروح عدمن بعده خلاني
اجر وناتي واتحسر واصيحن يادهر تاني
ليش اوياي متوازي وماخليت ولياني
چانولي نعم الاخوه ولومال الحمل تچوه
🏴🏴💔🏴🏴
اريد اعتب على ابن امي وبالخوه اطلبنه
خلاني ابغرب ديره حزينه وأجهر الونه
ما اهجع. ابطل النوح اريد أبهاي تخبرنه
واگله ابدنيتي كلها گلبي غيره مايهوه
🏴🏴💔🏴🏴
اه اليوگع ابشده يصرخ ياخلگ تدرون
يعني ايحشم اخوانه والخوه تگر العيون
واخيي امن اندهت باسمه ماگام وبقى بالكون
وانه ادري الولي گصته تنضح غيره ومروه
🏴🏴💔🏴🏴
اصيحن اه يبن امي انهض ليه يالوالي
طحت بيد النذل ادري وايد مايرحم بحالي
مدري ينسال مني وتدرون الخدر غالي
انه ام الخدر زينب دهري شوفو اشسوه
🏴🏴💔🏴🏴
أخليكم على الغبره هاذي تصعب اعليه
وامشي للنذل للشام من الكوفه مسبيه
يشيعه هاي اذكروها وصبوا ادموع مجريه
لاجلكم هاذي تضحيتي ولاجلكم گلبي اتچوه
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره المله العلويه المرحومه ام معتصم الذبحاوي*
*صاحبه ديوان📚جروح لا تشفى*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tgoop.com/haneen_Ali_Faris

يبقى دوم عالي بيرغ حسين
غصبا عالنواصب و المبغضين

صحنه بصوت عالي وماخفيناه
(ابد والله ما ننساك يحسين )

عهد لله ورسوله وفاطمة الزهره
وللمسموم اخوك والك كل حين

ماننسى مصابك دوم يالمظلوم
كل عام اليمر لجلك تهل العين

عين المابچت لمصيبتك والله
اگللها ولچ اعمي اشتنتظرين


((العين الماتبچيلك عميه ولا شافت ياريت))

زينب المشرفاوي

اللهم ارزقنا فطرة ونقاء وصفاء سريرة هذه الخادمة للحسين عليه السلام

قصده للحسين ع. عن لسان الشاعر
😭😭😭😭😭😭
نون طول السنه ونتذكر حسين
ووي شرب العذب تتهامل العين
عايش دوم. وياي
بزادي بشربت الماي
نون طول السنه ونتذكر حسين
😭😭😭😭😭😭
اذا مره انجرح والجرح ياذيني
اتصير جروح ابو اليمه گبل عيني
واذا اعطش واشرب ماي. يرويني
عطش جبده جمر يسري بشراييني
واذكر حرك الخيام
واضل الطم على الهام
نون طول السنه ونتذكر حسين
✍🏻العلويه ام مرتضى. الموسوي
😭😭😭😭😭😭
حسيني ساكن بنبضاتي واحساسي

وي شم الهوه مقرون بانفاسي

اميري صار ابو السجاد اعز ناسي

باسم احسين مولاي ارتفع راسي

ذكره شلون انساه
اظل للموت انعاه

نون طول السنه ونتذكر حسين

ام منذرالحجار
😭😭😭😭😭😭
من يگبل شهر عاشور وهلاله
يضل دمعي على ابو السجاد يتلاله
اذكرنه. لمن داسته الخياله
على كبر الكاع طشت. ويلي اوصاله
وتجي زينب تجمعه
تون وعليه. تنعه
نون طول السنه ونتذكر حسين
العــ✍🏻ـلويه ام مرتضى الموسوي
😭😭😭😭😭😭
من اذكر مصايبهم يهل دمعي

واظل طول العمر اذكرهم اوانعي

لو هل الحرم يختلف وضعي

لجل اضلوع ابو اليمه انحنه ضلعي

مامل ونيني دوم
يحسيني يامظلوم

نون طول السنه ونتكذر حسين

ام منذرالحجار
😭😭😭😭😭😭
ماانسه الغريب حسين ومصابه
ولاانسه الجمرلاحركت اطنابه
بضعة فاطمه ومسلبه اثيابه
مسلوبه خواته مذبحه أحبابه

لمن انظر الماي
من دم تهل عيناي
نون طول السنه ونذكر حسين

✍️هديل المياحيه
😭😭😭😭😭😭
من يجبل محرم تنعصر روحي

وجرح حسين احسه يلجم جروحي

من اول يوم يبدي وني ونوحي

وحس تتهدم من العالي اصروحي

اقيم المجلس ابيتي
بجاله يرتفع صيتي

نون طول السنه ونتذكر حسين

✍🏻 الحجيه ام علي
.😭😭😭😭😭😭

موشح خفيف (الذنوب اهوايه)


وين اوچي والذنوب اهوايه
وبس خدمتك للذنب محايه

خدمتك يابو علي تمحي الذنب
ياحسين وحبك اينور الگلب
النار تطفي بدمعه لو لجلك تصب
والصعاب ابحبك مگضايه وين اوچي

كل صعب يگضي ويصير النه سهل
لو على امصابك مدامعنه تهل
لو ذكرنا الراحن بظهر الهزل
من خذوهن للـلعين اسبايه وين اوچي

راحن اسبايه على النوگ العرج
بس حرم واطفال وابعيده الطرج
هالمصاب انذكره ونريد الفرج
بجاه ابو الكلفات راعي الرايه وين اوچي

بجاه ابو الرايه الترفرف عالنهر
ايفرج النه الله بظهور المنتظر
يزيح عن الناس همها لو ظهر
انريد تجبرنا يربي ابهايه وين اوچي

أبهاي ياربي نريد امجابره
ورحمه منك للگلوب الصابره
بجاه ابو صالح وامه الطاهره
أنريد نظره للاجن عزايه وين اوچي

للاجن للتعزيه وليها اعتنن
يعزن ام حسين وبحرگه بچن
عالمصاب الصار وآذه ام الحزن
مانسنها ونصبن الها اقرايه وين اوچي

اقضي ياربي حوائجهن اليوم
وزيح من اگلوبهن ثگل الهموم
بجاه ابو اليمه البقى بذيچ السموم
يسهل امر البچت والملايه وين اوچي


بقلم خادمة الحسين عليه السلام زينب المشرفاوي

https://www.tgoop.com/haneen_Ali_Faris

ليلة القاسم عليه السلام

طلع شباب امن الخيم ... گومي يزينب هلهلي
______

طلع مثل وجه الشمس گومي يزينب هلهلي
ما لابس اثياب العرس گومي يزينب هلهلي
عطشان من أول امس گومي يزينب هلهلي
اعليه الدمع ما ينحبس گومي يزينب هلهلي
جسام يا راعي الشيم گومي يزينب هلهلي

طلع شباب امن الخيم گومي يزينب هلهلي

بالحومه صارت زفته گومي يزينب هلهلي
اسيوف المنايه حاطته گومي يزينب هلهلي
ويلي عليه يا حسرته گومي يزينب هلهلي
متحني من دم رگبته گومي يزينب هلهلي
محد يداويله الالم گومي يزينب هلهلي

طلع شباب امن الخيم گومي يزينب هلهلي

خل الهلاهل تنسمع گومي يزينب هلهلي
عريس بس مامش شمع گومي يزينب هلهلي
طشن بل امخيم دمع گومي يزينب هلهلي
يا من دليلچ منشلع گومي يزينب هلهلي بعده شباب وما سلم گومي يزينب هلهلي

طلع شاب امن الخيم گومي يزينب هلهلي

خل المدامع دم تصب گومي يزينب هلهلي
عريس هاشم عل ترب گومي يزينب هلهلي
بسيوف داروه الغرب گومي يزينب هلهلي
ويلا نزف دم الگلب گومي يزينب هلهلي
ابطعنات واسيوف انلچم گومي يزينب هلهلي

طلع شباب امن الخيم گومي يزينب هلهلي

عريس وابعمر الورد گومي يزينب هلهلي
عطشان چبده منمرد گومي يزينب هلهلي
جسام مات او مايرد گومي يزينب هلهلي
عن امه رايح مبتعد گومي يزينب هلهلي
والحيل من انهدم گومي يزينب هلهلي
يزينب هلهلي
عن امه رايح مبتعد

ابو فاطمة الطائي


https://www.tgoop.com/haneen_Ali_Faris

لطميه لمأسآة السيده زينب عليها السلام بعد فقدها اخاها الامام الحسين عليه السلام

آيزينب آيذبح ازلامها
آيزينب آيحرگ اخيامها
بكربله مهضومه وضايعه ومظلومه
آيزينب آيزينب

بكربله مهضومه بت حامي الحمه
ضايعه وامست اخيمها امهدمه
تنحب ويلهب گلبها امن الضمه
ليش مال البين وي بت فاطمه
خله كل اخوتها بالطف نايّمه
واليتامه بالبراري هايمّه
دولبتها اهمومه بكربله مهضومه
آيزينب آيزينب

البين وي زينب گفه وبچاها
بالغرب من غير اهل خلاها
شلون حال الشاهدت وليها
اجساد عالغبره ويسيل ادماها
لا محب غسلها لا دفناها
وياهو يطلع لو مشت وياها
تنسبي المحشومه بكربله مهضومه
آيزينب آيزينب

شلون زينب لو مشت للكوفه
ابلا اخوان مسلبه ومچتوفه
ايعينها الله بعايله مكلوفه
الجيش يرفگها وتحفها اصفوفه
عگب اخوها وصولة المعروفه
جرح زينب بالگلب شيروفه
من الهضم ملچومه بكربله مهضومه
آيزينب آيزينب

اليوم ملچومه العقيله من الهضم
شافت ابطف كربله هم وآلم
اليوم مشدوهه وتحشم بالزلم
تگول والله اتحيرت يهل الشيم
وحيل مابيه بعد اركض والم
باليتامه الشردوها اهل الظلم
وليلي اجه بهمومه بكربله مهضومه
آيزينب آيزينب

شردو امن ايدي اليتامه بالخلي
من اجاني الكافر او وج منزلي
حاقد وحقده يدفعه وجابه الي
دوّه صيواني وصحت بويه علي
گوم شوف احوال بتك يالولي
الدللتها اليوم مدمعها هِلي
اهنا يسبع الحومه بكربله مهضومه
آيزينب آيزينب

اهنا يسبع الحومه يابويه صحت
شحالي وشحال اليتامه ما شفت
بويه باحزان الطفوف اتوهدنت
من دوه الصيوان باسمك حشمت
هاي كلفه ياعلي وشو ما گمت
اشلون عينك عالهضم يابه غفت
وتحله بيها النومه بكربله مهضومه
آيزينب آيزينب

الچ يم الحزن انه ارثي واگول
وأعله اخوچ الصار ملعب للخيول
ابجاهچ اعله الله يبت بت الرسول
اظل الكم خادمه ودمعي همول
الحساب اعليه ما ريده يطول
وقبلي مني هالنظم باحسن قبول
قبلي هالمنظومه بكربله مهضومه
آيزينب آيزينب


بقلم خادمة الحسين عليه السلام زينب المشرفاوي

https://www.tgoop.com/haneen_Ali_Faris

شوط كربلائي
لعودة السيدة زينب ع والعيال في الأربعين
______
مسبيــة چنت واليوم
ردت يخوتي ضعوني
جبت العيلة يلوليان
اخيتكـــــم تلگــــوني
زينب آنة بت حيــدر
عقيلتكــم تســــموني
محـــد شاهد خيالي
ولا غربة الي سمعوني
امــــي الزهرة الكرار
ابوي الناس يــدروني
بعد ذبحتكم بعاشور
شفت لوعات بعيوني
بچتلكم جارو العدوان
وياكم ريت ذبحوني
شفت الروس فوگ رماح
بگطع الروس فجعوني
شبو نار بالصــيوان
بضهر عاشور هضموني
بين الخيل والنيران
بين انذال عفتـــوني
يهل الغيرة والنوماس
يهون الكــم تخلوني
فوگ الهضم والآهات
بسبي لشام ودوني
هزيلة النوگ جابوهة
عليهة الكوم رچبوني
السبي آه السبي لوعات
لأن ارجاس يحدوني
وين حسين والعباس
بهل حالة ينضروني
يسمعون الحرم واطفال
بحسرة مـن ينادوني
وين الي كفل لضعون
بهل نشدة ينادوني
الصخر ون العلي سجاد
بحديد وياه گيدوني
الف وسفة الدهر غدار
منهلي الگوم حرموني
صاح آنة أمام الكون
چنكم مــا تعرفوني
ورقية الشبگت علراس
وصاحت بوية يتموني
ونت شهگت ومــاتت
عليهة تمطر چفوني
شسولف يا الم يا جور
شكثر هضمات راوني
ومرت أربعين وجيت
وادري مـــــا نسيتوني
بعيلتكم اجيت اليوم
كل ضنهم تسمعوني
وآنة انشـــد الدفان
يعمة مــــا تدلـوني
وينة گبر ابوك حسين
ريت ويـــاه دفنوني
اريد اگصد گبر عباس
واگلة اعداك ظلموني
سبع الگنطرة ترضة
انة زينب يشتمـوني
انخاكم گلت بلچن
تسمعون وتحضروني
جينة وشفنة بس گبور
چــــــا وين اليردوني
***************
خادم أهل البيت ع
سيد عادل الموسوي

تعـ.ـزية ومـ.ـواسـ.ـاة
في ذمـ.ـة الله
امنا
( الملة ام رعد )
وبمزيد من الحـ.ـزن والأسـ.ـى
انتقلت الى رحـ.ـمة الله تعالى
خادمة الامام الحسين الحاجة ام رعد

الفاتحة على روحها الطيبة

#المربعه_بديوان_الدموع_الزينبية_الجزء_١٤_.


مربعه للأمام الحسين عليه السلام


رديت أبهضم والباب دكيته
انشد عالحنين وشال عن بيته
●●●●●🧿●●●●●
رديت ابهضم والباب ادكنه
انشد عالحنين وجيت اشوفنه
لكيت البيت خالي وحملو عنه
اوياهم ما كعدنه ولاتسامرنه
يهلي الموت وياكم تمنينه
●●●●●🧿●●●●●
انشد دارهم ناديتهه اشمالج
ظلمه وموحشه من غرب اهلالج
وانه امدلوبه وحالي مثل حالج
لا ردلي المشه ولابعد ردالج
نايم عالرمل بالكبر خليته
●●●●●🧿●●●●●
نايم بالكبر مايرجع لحوشه
وانه لشوفته يادار معطوشه
لكيتج خاليه وبالحزن مفروشه
مشلوع الكلب وامكطعه اهروشه
ياريته الكًلب ينساك ياريته
●●●●●🧿●●●●●
كون ايشوفني عالحايط اتوجه
نحيله امن المذله وكاطعه السجه
عيني مولحاهه النوح والمبجه
شو عني رحت يالعندك اتشجه
حيلي بنومتك عالكاع هدميته
●●●●●🧿●●●●●
صوبت الكلب من نمت هالنومه
وجهك بالمكابر ضموا رسومه
شنسه والدهر ماتنسه اهمومه
والشايل وليهه اتصير مهضومه
وين انروح وانته البيت سديته
●●●●●🧿●●●●●
ماليه نفس بالبيت ماطبه
شايل والسفر ماينكطع دربه
علينه اخلاف عينك من يحن كلبه
ضربانه الزمان وتوجع الضربه
فكس عيني بعزيزي البين تاليته
●●●●●🧿●●●●●
فكس عيني بعزيزي وبعد شيعوده
امر بالدار والكه الدار مسدوده
ياضيم التحمله الروح ممروده
للمذبوح اون والكطعو ازنوده
الطم واللطم مايوم مليته
●●●●●🧿●●●●●

*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tgoop.com/amhejran12345

#من_قصائد_الملة_ام_ريام_دخيل_الركابي_.



فزاعية ندبة لام البنين عليها السلام


ها يم البنين انخاچ
وانتي الماترديني
💔💔🏴💔💔
ها يالطاهره الحره
اجيت وبالگلب عبره
عليچ بداعة الزهره
اريد امراد تنطيني
💔💔🏴💔💔
من ايدچ اريد امراد
ها يالفاگده الويلاد
امشي اعليچ ابو السجاد
بچفوفچ تشافيني
💔💔🏴💔💔
من ايدچ اريد ادواي
وانتي الماترد عناي
بجاه المات يم الماي
ابو فاضل بعد عيني
💔💔🏴💔💔
امشي اعليچ ابو الشاره
وبمجلسچ خطاره
ردي الغايب الداره
بحق زينب اسمعيني
💔💔🏴💔💔
واحفظي كل ولد لمه
وانتي الكاشفه الغمه
أنخه وبالگلب هضمه
اريدچ ما تفشليني
💔💔🏴💔💔
تنطين النخاچ ادري
كريمه يابعد عمري
نشفي كل دمع يجري
كلمه وعلم زيديني
💔💔🏴💔💔
اريد النضم مولاتي
وتقوين كلماتي
اخدم دون ساداتي
وبدفترچ سجليني
💔💔🏴💔💔


*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tgoop.com/haneen_Ali_Faris

#من_قصائد_الملة_ام_هجران_الركابية_العمارچية.


لطمية ندبة لام البنين عليها السلام


انخاها .. انخاها ام البنين انخاها
تحضر تحل كل شده ابجاه الكفيل وزنده
ام البنين انخاها
🏴🏴💔🏴🏴
ام البنين الفاگده تعرفيها
تحضر عزانه او واجب انعازيها
بالشده توگف ساعة التنخيها
يالبالكرم معروفه ام الگطيعه اچفوفه
وياها .. وياها خان الدهر وياها
🏴🏴💔🏴🏴
ام البنين الخان وياها البين
ماهمها من فگدت ولدها الطيبين
اتگول فدوه لو يرد ليه حسين
ضلت تون مهضومه بس للحسين ويومه
بضنواها .. بضنواها ضحت اله بضنواها
🏴🏴💔🏴🏴
عالدرب ضلت تنتحب ليل انهار
وتگول يايوم البرد ضعن السار
هاك العمر والروح يبن الكرار
اربع بنين أنطيتك واترد الي تانيتك
رجواها .. رجواها روحي انگطع رجواها
🏴🏴💔🏴🏴
مهدومه روحي وانتظر ليه تعود
ترجع ليالي الزاهيه بيك اردود
من يوم هجرك والگلب ضل ممرود
مانايمه وسهرانه والروح الك خلصانه
سلواها … سلواها روحي انگطع سلواها
🏴🏴💔🏴🏴
بالاربعه وبحسين كلنه انعزيچ
يوم القيامه هناك كلنه انلاگيچ
تحضرين كلمن بالعزه أتون اعليچ
كلمن يهل العبره ام البنين اتحضره
بحماها .. بحماها دنيه وحشر بحماها
🏴🏴💔🏴🏴
كلمن لطم وياچ لا تنسينه
من كل الم يم البطل شافينه
ابجاه الزچيه بالحشر حضرينه
كل مشكله حليها بجاه الوگع واليها
ولياها .. ولياها بجاه الگضو ولياها
🏴🏴💔🏴🏴


*تـــمت والـــــفضـــ🤲ـــل لله تعالى*
*بقلم✍الشاعره الملة ام هجران الركابية العمارچيه*
*صاحبه ديوان📚صبر العقيلة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tgoop.com/haneen_Ali_Faris

#من_ديوان_شفيع_الأخرة_الجزء_الاول


لطميه للامام الحسين عليه السلام

لاينساك كلبي ولاتنساك عيني
اون اعليك يحسين تستاهل ونيني
🏴🏴🏴💔🏴🏴🏴
اون عليك يحسين وني ولا اكطعه
الك دمعات بالعين دمعه تجيب دمعه
طولك وين اشوفه صوتك وين اسمعه
والمدفون بالكاع لدياره شيرجعه
يالبلكبر مدفون لدارك ترجع شلون
ماضنك تجيني ولا تنساك عيني
🏴🏴🏴💔🏴🏴🏴
ماضنك تجيني للدار شيردك
يالمصيوب كلبك يالمطعون جبدك
لا خلوني اغسلك لا خلوني اوسدك
مدري شلون عفتك بالميدان وحدك
عفتك موبديه من غصبن عليه
عنك ماخذيني ولا تنساك عيني
🏴🏴🏴💔🏴🏴🏴
عدوانك خذوني كوه موش برضاي
ودعتك امن بعيد اوداع الفاكده الراي
يالمذبوح عطشان وكبالك جره الماي
للديوان طبيت كالو بت علي هاي
صعبه وحيل صعبه اوكف بين غربه
ازلام مكابليني لا تنساك عيني
🏴🏴🏴💔🏴🏴🏴
بين الزلم يحسين اوكف تقبل شلون
كلهم عده وشمات بيه مايرحمون
زينب هاي زينب اسمعهم يكولون
مشمتين بيه وكبالي يضحكون
راووني مصايب ذبوني بخرايب
خويه وجاتفيني ماتنساك عيني
🏴🏴🏴💔🏴🏴🏴
خويه مجتفيني بحبال وسلاسل
رضيت شلون مدري عليه يعيل عايل
انه اختك يمضلوم هيبه وبت حمايل
دمعي من النوايب ضل للموت هامل
وفراكك كضاني صوبني وعماني
ياشمعت سنيني ولا تنساك عيني
🏴🏴🏴💔🏴🏴🏴



*تـــمت والـــــفضـــ🤲ـــل لله تعالى*
*بقلم✍الشاعره ألعلويه هجران الياسري*
*صاحبه ديوان📚شفيع الاخرة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tgoop.com/haneen_Ali_Faris

 

وجه الصباح علـي ليل مظلم

 ( جعفر الحلي )
 
وجه   الصباح   علي َّ    ليلٌ  مظلم ُ 
 
وربـيع   أيامي     علي َّ       محرم ُ 
والليل    يشهد   لي    بأني     ساهر
 
إن   طاب    للناس   الرقاد   فهوموا
بي    قرحة    لو   أنهـا    بيلملـم ٍ
 
نسفت     جوانبه     وساخ     يلملم ُ 
قلقا    تقلبني     الهموم     بمضجعي
 
ويغور   فكري   في   الزمان   ويتهم
من   لي  بيوم  وغى  يشب   ضرامه
 
ويشيب   فود    الطفل   منه    فيهرم
يلقي   العجاج   به   الجران      كأنه
 
ليل     وأطذرا      الأسنة      أنجم
فعسى أنال   من   الترات    مواضيا
 
تسدى     عليهن     الدهور    وتلحم
أوموتة    بين     الصفوف     أحبها
 
هي   دين   معشري   الذين    تقدموا
ما   خلت    أن  الدهر  من    عاداته
 
تروى  الكلاب   به  ويظمى   الضيغم
ويقــدم    الأمـوي    وهو   مؤخر
 
ويؤخر    الـعلوي     وهو     مقدم
مثل    ابن   فاطمة   يبيت    مشردا
 
ويزيد     فـي    لذاتــه     متنعم
يرقى     منابـر    أحمد      متأمرا
 
في   المسلمين   وليس   ينكر   مسلم
ويضيق    الدنيا  على   ابن    محمد
 
حتى    تقاذفه     الفضاء     الأعظم
خرج  الحسين   من   المدينة   خائفا
 
كخروج    مـوسى    خائفا    يتكتم
وقد انجلى  عن   مكة   وهو    ابنها
 
فكأنما    المأوى    عليه       محرم
لم  يدر  أين   يريح   بدن     ركابه
 
وبه    تشرفت    الحطيم     وزمزم
فمضت   تأم    به    راق    نجائب
 
مثل   النعام   بـه   تخب    وترسم
متعطفات       كالقسي        موائلا
 
وإذا  رتمت    فكأنما   هي     أسهم
حفته  خيـر  عصابـة      مضرية
 
كالبدر  حين   تحف   فيه      الأنجم
ركب   حجازيون     بي      رحالهم
 
تسري   المنايا   أنجدوا    أو   أتهموا
يحدون   في   هزج  التلاوة    عيسهم
 
والكل    فـي    تسبيحه        يترنم
متقلدين     صـوارمـا         هندية
 
من  عزمهم    طبعت    فليس   تكهم
حفتـه    خيـر   عصابة    مضرية 
 
كالبدر   حين    تحف    فيه   الأنجم
ركب   حجـازيون   بين   رحالهـم
 
تسري   المنايا    أنجدوا   أو  أتهموا
يحدون   في   هزج   التلاوة  عيسهم
 
والكل    فـي    تسبيحـه     يترنم
متقـلـدين     صوارمـا      هندية
 
من  عزمهـم  طبعت   فليس    تكهم
بيض  الصفاح     كانهـن   حائـف
 
فيهـا   الحمام    معنون    ومترجـم
إن أبرقت رعدت  فرائص   كل   ذي
 
بأس  وأم   مـن    جوانبـه    الدم
ويقومـون      عواليـا      خطيـة
 
تتقاعـد   الأبطـال     حن   تقـوم
أطرافها   حمـر    تزين    به   كما
 
قد  زين   بـالكف  الخضيبة   معصم
وتباشر    الوحش     المثار    أمامهم
 
بيديه    ساب     كما    يسيب  الأرقم
وتقمصـوا     زرد    الدموع    كأنه
 
ماء    به   غص    الـصبا   يتنسم
تقاسم   اهلي    الميراث   وانصرفوا
 
من   نـسج    داود    أشـد  وأحكم
نزلـوا   ابحومة    كربل    افتطلبت
 
منهـم   عوائدهـا    الطيور  الحوم
وتباشر   الـوحش     المثار  أمامهم
 
أن  سوف   يـكثر   شربه   والمطعم
طمعت    أمية    حين    قل  عديدهم
 
لطليقهم   في   الفتح    أن   يستسلموا
ورجـوا    مذلتهم    فقلن    رماحهم
 
من   دون    ذلك   ان   تنال  الأنجم
حتى  إذا   اشتبك   النزال  وصرحت
 
صيد   الرجال    بما    تجن    وتكتم
وقع    العذاب   على   جيوش   امية
 
من  باسل  هو   في   الوقائع    معلم
ما  راعهـم   إلا    تقحـم     ضيغم
 
غيـر    ان    يعجظـه     ويدمـدم
عبست وجوه   القوم   خوف   الموت 
 
والـ ـعباس  فـيهم  ضاحك   متبسم
قلب اليمين على الشمال  وغاص  في 
 
ال أوساط يحصد  في الرؤس  ويحطم
وثنى  ابو  الفضل  الفوارس    نكصا
 
فرأوا  أشـد    ثباتهم    أن   يهزموا
ماكر  ذو   بأس     لـه      متقـدا
 
إلا   وفـر   ورأسـه     الـمتقـدم
صـبـغ الخـيول برمحه حتى غدى
 
سـيـان أشـقـر لـونـها  والأدهم
مـاشـد  غـضـبانا  على   ملمومة
 
غلا وحل بـهـا الـبـلاء  الـمبرم
ولـه إلـى الأقـدام  سـرعة هارب
 
فـكـانـمـا هـو بـالـتـقدم يسلم
بـطـل تـورث مـن  ابيه  شجاعة
 
فـيـها أنـوف بـني الظلالة  ترغم
يـلـقـي الـسـلاح بشدة  من بأسه
 
فـالـبـيـض تـلثم  والرماح تحطم
عرف المـواعـظ لا تـفـيد بمعشر
 
صـمـواعن  النبأ  الأعظيم كماعموا
فـانـصاع  يخطب بالجماجم والكلى
 
فـالـسـيـف يـنثر والمثقف ينظم
أوتـشـتـكي  العطش الفواطم عنده
 
وبـصـدرصـعـدته  الفرات المفعم
لـوسـد  ذو  الأقرنين  دون  وروده
 
نـسـفـته هـمـته  بـماهو أعظم
ولـو اسـتـقـى نهرالمجرة لارتقى
 
وطـويـل   ذابـلـه    إلـيها سلم
حـامـي الـضـعينة اين منه ربيعة
 
أم أيـن مـن عـلـيـا أبـيه مكدم
فـي كـفـه الـيسـرى السقاء يقله
 
وبـكـفـه الـيـمنى الحسام المخذم
مـثـل الـسـحابة  للفواطم  صوبه
 
ويـصـيـب حـاصبة العدو فيرجم
بـطـل  إذا  ركـب  المطهم  خلته
 
جـبـلا أشـم  يـخـف  فيه مطهم

قـسـمـا بـصارمه  الصقيل وإنني
 
فـي غـيـرصـاعقة السما  لا أقسم
لولا  القضا  لمحى   الوجود  بسيفـه
 
واللـه  يقضـي   مـا  يشاء  ويحكم
حسمت  يديـه   الـمرهفات  وانـه
 
وحسامـه   مـن   حدهـن لأحسـم
فغدى  يهيم  بأن  يصول  فلم  يطـق
 
كـاللـيث    إذ   أطـرافـه  تتقلـم
أمن  الـردى مـن   كان  يذر بطشه  
 
أن   البغـاث   إذا   أصيب القشعـم
وهـوى    بجنب   العلقمـي فليتـه
 
للشـاربيـن   بـه  يـداف  العلقـم
فمشى  لمصـرعه   الحسين  وطرفه
 
بـيـن  الخيـام   وبينهـم  متقسـم
ألفـاه  محجـوب   الجمـال  كأنـه
 
بـدر  بمنحطـم    الوشيـج  ملثـم
فـأكب   منحنيـا   عليـه  ودمعـه
 
صبـغ  البسيـط   كأنمـا  هو عندم
قد  رام  يلثمـث  فلـم  يرى موضعا
 
لـم  يدمـه  عـض  السلاح  فيلثـم
نادى  وقـد  ملأ  البـوادي   صيحة
 
صـم    الصخـور   لهولـه تتألـم
أأخي  يهنيـك  النعيـم   ولم  أخـل
 
ترضى  بـأن   أرزى  وأنت  منعـم
أأخي  مـن   يحمـي  بنات  محمـد
 
إن   صرن  يستر حمن  من  لا يرحم
ما  خلت   بعدك   أن  تشل  سواعدي
 
وتكف  باصرتـي وظهـري   يقصم
ما بـي  مصرعـك لـفضيع وهـذه
 
إلا   كمـا   دعـوك   قبـل وتنعـم
هذا  حسامـك  مـن يـذب بـه لعدا
 
ولـواك    هـذا   مـن بـه  يتقـدم
هونت  يابن  أبـي  مصـارع فتـية
 
والجـرح  يكنـه   الـذي  هـو آلم
يا مالكا  صـدرالـشـريـعـة  إنني
 
لقـليـل     فـي     بكـاك   متمأم