هسة اجي لشغلي 🌚🤓 .. الجانب الديني ..
نفس فكرتنا السنوية .. صندوق الأعمال اليومية .. وانت مُخير بأختيار أحب الاعمال لقلبك ..
الفكرة للي ما يعرفها ..
عبارة عن صندوق .. نكتب بي ٣٠ عمل ويومياً نسحب ورقة شنو العمل الي طلع نسوي ♥️

هذه أمثلة .. وتكدرون تغيرون بيها ..

١ - دعاء العهد
٢ - صدقة باسم صاحب الزمان
٣ - ركعتين مهداة لصاحب الزمان
٤ - ركعتين بأسم الاموات
٥ - ركعتين باسم ام البنين
٦ - لا اله الا الله ٢٠٠مرة
٧ - لاحول ولا قوة الا بالله ٣٠٠
٨ - صلوات ١٠٠مرة
٩ - الاخلاص ١٠٠ مرة
١٠ - القدر ١٠٠ مرة
١١ - زيارة عاشوراء
١٢ - دعاء ام داوود
١٣ - دعاء القاموس
١٤ - سورة الملك واهداءها للاموات
١٥ - استغفر الله واتوب اليه مئة مرة
١٦ - صلاة الليل
١٧ - دعاء الفرج عشرة مرات
١٨ - زيارة ال يس
١٩ - افطار صائم
٢٠ - زيارة وارث
٢١ - اي الكرسي سبعة مرات
٢٢ - دعاء التوسل
٢٣ - دعاء النور خمسة مرات
٢٤ - حديث الكساء
٢٥ - دعاء العديلة
٢٦ - سورة الواقعة
٢٧ - دعاء يستشير
٢٨ - مناجاة المحبين
٢٩ - مناجاة التائبين
٣٠ - مناجاة المفتقرين

✨القرآن الكريم.. ✨
اهم شي بهالشهر .. نخصص وقت للقراءة..

عدد الختمات 🤍🌙 الي ح يتوفق يقرأ القــرآن الكريم

واكو هواي شغلات حلوة هم ڪــ تحديات رمضانية وأسئلة ڪــ معلومات تفيدكم كل شي بوقتها انشرها .. يجوز ح يكثر النشر ڪــ ادعية وأعمال.. لكن يكون مُنظم .. اكو مشتركين من العام .. التزمو بالأعمال الي ننزلها .. وسوة كمنا نسويها .. بس اني هم ما اعرف شوكت وقت كعدتكم .. كلمن جدول شكل والكل مشغول .. ويجوز بسبب كثرة النشر ح تسوون سكب للأعمال.. الحل هو تنظيم استخدام الموبايل وابتعد عن الشغلات الي تضيع الوقت .. الشهر عظيم يستاهل هالتعب ❤️‍🩹

هسة هواي شافوا الأعمال وهيج نصدموا ووين نلحك وما اعرف شنو ..
لا .. مو بكيفكم 🌚😂..
البنات (الطالبات او موظفات )
الصبح دوام راح الصبح
الظهر تصلين وتنامين خوش راح الظهر
العصر تساعدون الاهل هم ميخالف
يعني منا منا ورة الفطور يصير وقتكم ..
نايمين ومكملين شغل وفاطرين ..
ساعتين بس .. الفطور ب٦ وشوي
بلشي ب٨ الاعمال والقرآن وانتي وسرعتج ..اذا تكملين بساعتين او اقل ..
بعدين اكمل اذا دراسة اذا شغل جانبي لل١٢ هيج الي يحب ينام او يبقة للسحور ما اعرف ..
الي اريد اوصلة هو تنظيم وتعويد ويصير سهل وتسوون كلشي 👀💛 أسال مجرب 🌚🖐🏻

الولد سالفتكم اسهل ، لا تنظيف ولا فطور، الموظفين يكمل يومكم يأما الظهر او العصر
بس مو لازم يوميا طلعون ويا الاصدقاء 🌚 عادي هم تلحكون وزايد عليكم الوقت 🤍.. ولا بأس بالكلمة الطيبة على الاكل اذا ل امك ، اختك، زوجتك .. يروح التعب بكلمة ♥️

اكثر شي يتعب هو تنظيم الوقت خوب اذا انتي ام فــــ الله يساعدج بس والله بس تنوين ودوسين ع نفسج الله ح يبارك الج بالوقت .. اذكر العام جنت اشتغل واسوي الفطور ويا اهلي ومخلية المحاضرة للشيخ ياسين ومن اكمل اسجل المعلومات .. فــــ نكدر كلشي نكدر بس ابتعدي ع الموبايل والمسلسلات وضجة التصوير حتى طلعات اني انصح بتقليلها شهر عُزلة هذا ما يتعوض بكل ما تعنيهِ الكلمة .. واحنة وياكم وح نسهل هواي امور لان راح تنشر قبل وقت فــــ تلكوها بالقناة ..

واكو شي اني اسوي بالقنوات الي احبها واستفاد منها .. ما اسوي كتم للقناة ووقت الفراغ اكعد اقرة بيها استفاد اولاً وما يروح علية شي ثانياً .. فــــ اذا تشوفون قناتنا تلبي هالشي طبقّوا هالطريقة ✨💛
ولا تفتحون الرسائل غير وانتو مكملين شغلكم لان مراح ننشر غير ادعية واعمال و إن شـــاء الــلّٰــــه ما تتعبر قناتنا من الي يضيع الوقت بيها بلا فائدة

واكو شغلة مهمة حابة تشتغلون عليها .. تقرون عن الصيام من كل النواحي عن شهر رمضان وفضلهُ ومفطرات الشهر ومستحباتة كلشي كلشي يخصه .. ما معقولة كلنا كبار ولهسة نسأل عن المفطرات وهالسوالف وانت عندك عالم كاملة الي هو الموبايل مو عيب تسأل لكن مو نفس السؤال وخاصة اذا يخص دينك فــــ تفقهوا وابحثوا
وهم اكو قنوات وبرامج ع الموبايل خاصة بهالشي فــــ ابد ماكو عذر !

لحد الان اشوف ناس هواي شغلات بأساسيات دينها خطأ ، من الوضوء ، والصلاة شوكت جهراً وشوكت لا ، وامور تعتبر بسيطة ، مو عيب احنة ما نعرفها عادي ، بس العيب نكدر نبحث واغلب الوقت ع الموبايل وما نكلف نفسنا نعرفها !

بالنهاية كل عمل اساسهُ النَّـية .. فقط النيّه تاخذ أجر عليها ،فقط أنوي والباقي على الله ..لا تضوج اذا ما لحكت تسوي هواي اعمال كلشي علية أجر حتى الفطور الي انتي تسوي ♥️ لا تنسونا بالدعاء وربي يوفقنا ويوفقكم بهالشهر وأعذرونا اذا نكثف آلنشر والأعمال..
🤍🤍✨

أخواتي الفاطميات .. فكرة رائعة لشهر رمضان 🌙
كل إمرأة وهي تحضر ( تطبخ) الفطور
كل يوم
تنوي الفطور ( السفرة) حسب الإسم الذي في الجدول التالي:
جدول سفرتنا لشهر رمضان الكريم :
،
1 النبي محمد صلى الله عليه واله
2 مولاتنا الزهراء عليها السلام
3 الامام علي عليه السلام
4 الامام الحسن عليه السلام
5 الامام الحسين عليه السلام
6 الامام السجاد عليه السلام
7 الامام الباقر عليه السلام
8 الامام الصادق عليه السلام
9 الامام الكاظم عليه السلام
10 الامام الرضا عليه السلام
11 الامام الجواد عليه السلام
12 الامام الهادي عليه السلام
13 الامام العسكري عليه السلام
14 الامام المهدي عجل الله فرجه
15السيدة نرجس ام الامام المهدي
16 السيدة فاطمه بنت اسد
17السيدة زينب بت الامام علي
18 السيدة رقية
19 باب الحوائج الطفل الرضيع
20 مسلم بن عقيل
21 هاني بن عروة
22 خوله بت الامام الحسين
23 ابو الفضل العباس
24 علي الاكبر
25 القاسم بن الحسن
26 حبيب بن مظاهر
27 سلمان المحمدي
28 السيدة فاطمة المعصومة
29 السيدة خديجة
30 السيدة شريفه بنت الامام الحسن
حتى تكثر البركة في الفطور

وسر هذا للبنات 👀 لا تشتغلين وانتي ساكتة ، يعني يأما تشوفين محاضرة وانتي بالمطبخ أو تخلصيها صلوات ، زيارة عاشوراء وشوفي تأثيرها

https://www.youtube.com/live/9e74jsAq6zo?si=1mYhAwfc8B9aeabG

اسرع تطبيق ، أفلس التمر وأسمعها👀🤍😂

"فكُلُّ تَسْبِيحةٍ صدقَةٌ"📿


#تعالوا..
كلنا نهدي تسبيح فاطمة الزهراء
عليها افضل الصلاة والسلام
لمولانا القائم عجل الله فرجه
بنية حفظه وسلامة قلبه 💜

دعاء النور المروي عن سيدتنا فاطمة الزهراء (عليها السلام)
 
بِسمِ الله الرّحْمنِ الرَّحيمِ  
بسم الله النور، بسم الله نور النور، بسم الله نور من نور، بسم الله الذي هو مدبّر الأمور، بسم الله الذي خلق النور من النور، الحمد لله الذي خلق النور من النور، وأنزل النور على الطُور، في كتاب مَسطور في رَقٍّ منشور، بَقَدر مقدور، على نبيٍّ مَحبُور، الحمد لله الذي هو بالعز مذكور، وبالفخر مشهور، وعلى السَّرَّاء والضَّرَّاء مشكور، وصلى الله على سيدنا محمد وآله الطاهرين.

بسم الله …

الادعية اللي ننشرها بالقناة يومياً ❤️‍🩹🕊️

⭕️بميزة التلكراف،
أيّ يمكنك تعديل حجم الخط وشكله
والإضاءة؛ لقراءة سهلة📖🩵

اضغط على العبارة الزرقاء 👆🏻🦋

‏"إذا دعوت اللهَ أن يُبلغك رمضان؛ فلا تَنْس أن تدعوه أن يبارك لكَ فِيه، فليسَ الشأنُ في بلوغِه، وإنَّما الشأنَ في ماذا ستعملُ فيه.
‏اللهُـمَّ بلّغنا رمضان بلاغ توفيق وقبول وعتق وغفران، وبارك لنا فيه"

نية الصيام..🌙✨

شهرُ رَمَضانُ يُوشِكُ أنْ يَهُبَّ هَبُوبُهُ
وتَذُوبَ في نَفَحاتِهِ أرواحُنا ..🤍