‏كن في راسي صليل سيوف وخيولٍ تعادا
‏بينها عزوة شجاع ، وعقبها دمعة يتيمة .

‏صاحبك ماهوب محتاجك تحقّق حلمه
‏بس في حاجة من يصحّيه من كابوسه .

‏طاحت دموع التّعازي على وجه الرحيل
‏ما بقى لـ غيابك المُرّ - " حجَّة مقنعة " :)

‏بعيد الدرب و أبواب المحبة تفقد الزوار
‏وأنا واقف على أعتاب الرحيل وما قدرت أبعد

‏عليك من الوداع اللي يجيبك يا غريب الدار
‏سحابة وصلنا رغم المسافه تبرق و ترعد

‏ولا تسأل عن الدمعه ولا تنشد وش اللي صار
‏ترى غصبٍ على ظروف الليالي بيننا موعد :)

‏يالله إني في ذراك من الردى والحاجه
‏و رفقةٍ ما تبلج أحجاجي و ترفع راسي

‏على صوره موقفني حنيني لي ثلاث شهور
‏وعيّت لاتدور الأرض مدري عيّت الصوره .

‏الله يعين الكبير اللي طموحه كبير
‏وظروفه تحاول تهزه . . ولا هزته

‏لو الليالي خذت من ما بغاه الكثير
‏والله ما ترهي وتاخذ شي من عزته .

‏ما تركتك في توقّاد الهوى والشوق واعي
‏كيف عاد أترك دروبك والزمان يحدّ سيفه

‏كئيب يْضايق أسوار الطريق بخطوته لا جال
‏مثل ليلٍ بلا موعد ، مثل موعد بدون شْعور

‏عزاي إني على قيد الأمل لو السنين تميل
‏مثل شمسٍ تعداها المغيب ، وتنتظر بكره

‏فلا تنشد بعيد الدار لامنه رجع وش جاب
‏تعذّر له ترى يمكن طواري البعد موجعته .

انا ودمعّات المحبه ؟ ومااضييك
نبكي على الفرقا ونرجي وصاالك

اكثرت يـ زينَ الوصاايف تغليك
وصديت ماتدري جميع الغلا لك

راح وتبعك دربك وضيع خطاويك
شافك بعييد وطال هجرك وطالك

ومن طال وعيونه من البعد تبكيك
غمض وطاح الدمع يـ طول بالك

و أقفى يبي وصلك وصوته يناديك
وهو مع اسرأب المحبه عنا لك

يا قو قلبك يوم بالصوت يدعييك
وتقول له يـ هيه مالي ومالك

رجيت مير اليوم خاب الرجا فيك
ما غرك العذال غرك جماااالك

رح لاتجي يعني . . نسيتك ولا ابيك
ما دام مع غيري زماانك صفاالك .

كل ما اشيّد من احلامي مشاريع وعماير
‏لا انتهى ليلي . . تصبحها " مراسيم الازاله "

‏كان حبك ميول , وصار حبك هَوَس
‏خايف تصير حلم أصحى عشانه وأنام

‏تضيع الضيعه اللي ما تبي فيها ، رجاحة راي
‏لا شفت احلامك يكبّر عليها الوقت ويسمّي

‏كلام الناس وإنكار الجميل وطعنة الاصحاب
‏رماحً كل واحد فالضمير . . اقوى من الثاني

‏أنا ذاك الدليل اللي يعرف الدرب لكن تاه
‏أفيد الناس لكني بعدك أخلفت وجهاتي

‏إن ضاقت الأرض كان الحب ياسعنا
‏معقولة أيامنا صارت من الماضي ؟

‏كل ما جلست بمكانٍ كان يجمعنا
‏يملاني الشوق من كرسيّه الفاضي

‏مستخيرٍ من دروب اهل الهوى ومجنّب
‏ ذايق طول السهر . . فيها و قل الرقده

‏ما تبقّى من لذيذ الشوق في قلب المتيّم
‏اجمل من اللي مضى والعاقبه فاللي تبقّى