Бемор кишидан дуо сўраш

Маймун ибн Маҳрон Умар ибн Хаттоб розияллоҳу анҳудан ривоят қиладилар:

«Расулуллоҳ соллаллоҳу алайҳи васаллам: «Қачон касалнинг олдига кирсанг, ҳақингга дуо қилишини сўра. Чунки уларнинг дуолари худди фаришталарнинг дуосига ўхшайди», дедилар».

Ибн Можа ва Ибн Сунний ривоятлари.

✅ Telegram | 💬 Facebook | 📸 Instagram | 📹 Youtube

#Ғафлатда_қолманг

Ашуро рўзаси

Ким ўтган йилги гуноҳлардан покланишни истаса Ашуро кунининг рўзасини тутсин!

Ашуро куни шанба куни 5 июль санасига тўғри келади. Суннат мукаммал бўлиши учун яна бир кунни ёки икки кунни қўшиб рўза тутиш афзал ҳисобланади. Бунинг учун қуйидаги уч кўринишнинг бирини танлашингиз мумкин:

4 июль 9 муҳаррам-1447
5 июль 10 муҳаррам-1447
6 июль 11 муҳаррам-1447

Рўзанинг нияти:

Навайту ан асуума совма шаҳрил муҳарроми (Жума куни ушбуни қўшиб айтилади: Явма ашурооа) минал фажри илал мағриби хоолисал лиллааҳи таъаалаа Аллоҳу акбар.

Оғиз очиш дуоси:

Аллооҳумма лака сумту ва бика аманту ва ъалайка таваккалту ва ъалаа ризқика афтарту, фағфирлии йаа ғоффаару маа қоддамту ва маа аххорту. Бироҳматика йаа арҳамар рооҳимийн.

✅ Telegram | 💬 Facebook | 📸 Instagram | 📹 Youtube

Сафарга чиқишни хоҳлаганда айтиладиган дуо

Анасдан розияллоҳу анҳу ривоят қилинади: «Расулуллоҳ соллаллоҳу алайҳи васаллам сафарни хоҳлаб ўринларидан турадиган бўлсалар

اللهُمَّ إِلَيْكَ تَوَجَّهْتُ، وَبِكَ اعْتَصَمْتُ؛ اللهُمَّ اكْفِنِي مَا هَمَّنِي وَمَا لاَ أَهْتَمُّ لَهُ، اللهُمَّ زَوِّدْنِي التَّقْوَى، وَاغْفِرْ لِي ذَنْبِي وَوَجِّهْنِي للخَيْرِ أَيْنَمَا تَوَجَّهْتُ

«Аллоҳумма илайка таважжаҳту ва бика иътасамту, Аллоҳумма икфиний ма ҳамманий ва ма ла аҳтамму лаҳу, Аллоҳумма заввидний тақво вағфирлий занбий ва важжиҳний лил хойри айнама таважжаҳту», деб айтардилар.

Маъноси: «Эй Раббим, Сенга юзланиб, Сенга илтижо қиламан. Эй Раббим, мени ташвишга солган ва аҳамият бермаган нарсамдан Ўзинг кифоя қилгин. Эй Раббим, тақвоимни зиёда қилгин, ва гуноҳларимни кечиргин. Қаерда юзлансам, яхшиликка юзлантиргин».

Табароний ривояти.

✅ Telegram | 💬 Facebook | 📸 Instagram | 📹 Youtube

Аллоҳга топширдим

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Кимки сафар қилишни хоҳласа, орқасида қолган кишиларга

أَسْتَوْدِعُكُمُ اللهَ الَّذِي لاَ تَضِيْعُ وَدَائِعُهُ

«Аставдиъу кумуллоҳаллазий ла тазийъу вадаиъуҳу», деб айтсин», дедилар».

Маъноси: «Сизларни омонати зое бўлмайдиган Аллоҳга топширдим».

Ибн Сунний ва бошқалар ривояти.

✅ Telegram | 💬 Facebook | 📸 Instagram | 📹 Youtube

Сафарга чиқмоқчимисиз, ушбу дуони унутманг!

Анас розияллоҳу анҳудан ривоят қилинади:

«Бир киши Расулуллоҳ соллаллоҳу алайҳи васалламнинг ёнларига келиб, «Эй Расулуллоҳ, мен сафар қилишни хоҳлайман, сафарга етарли нарса билан таъминланг», деганида, Расулуллоҳ соллаллоҳу алайҳи васаллам:

زَوَّدَكَ اللهُ التَّقْوَى

«Аллоҳ сени тақво билан таъминласин», дедилар.

Ҳалиги киши: «Яна зиёда қилинг», деганида, Расулуллоҳ соллаллоҳу алайҳи васаллам:

وَغَفَرَ ذَنْبَكَ

«Гуноҳингни кечирсин», дедилар.

Ҳалиги киши: «Яна зиёда қилинг», деганида, Расулуллоҳ соллаллоҳу алайҳи васаллам:

وَيَسَّرَ لَكَ الخَيْرَ حَيْثُمَا كُنْتَ

«Қаерда бўлсанг ҳам сенга яхшиликларни енгил қилсин», дедилар.

Имом Термизий ривояти.

✅ Telegram | 💬 Facebook | 📸 Instagram | 📹 Youtube

Расулуллоҳнинг ﷺ сафар қилувчига дуолари

Абу Ҳурайра розияллоҳу анҳудан ривоят қилинади:

«Бир киши: «Эй Аллоҳнинг Расули, мен сафар қилишни хоҳлайман, менга васият қилинг», деганида, Расулуллоҳ соллаллоҳу алайҳи васаллам: «Сенга Аллоҳдан тақво қилишингни ва ҳар бир баландликка кўтарилишда такбир айтишингни васият қиламан», дедилар. Ҳалиги киши орқасига қайтиб кетганида Расулуллоҳ соллаллоҳу алайҳи васаллам:

اللهُمَّ اطْوِ لَهُ البَعِيْدَ، وَهَوِّنْ عَلَيْهِ السَّفَرَ

«Аллоҳумма итви лаҳул баъийда ва ҳаввин ъалайҳис сафара», деб айтдилар.

Маъноси: «Аллоҳим, узоғини яқинлаштиргин ва сафарни унга енгил қилгин».

Термизий ва Ибн Можа ривоятлари.

✅ Telegram | 💬 Facebook | 📸 Instagram | 📹 Youtube

Дуоингда бизни унутмагин

Умар ибн Хаттоб розияллоҳу анҳудан ривоят қилинади:

«Расулуллоҳ соллаллоҳу алайҳи васалламдан умра қилишга изн сўрадим. У зот изн бериб: «Эй биродар, дуоингда бизни унутмагин», деб айтдилар. Ана шунда менга шундай сўз айтдиларки, у сўзни дунёга алиштириш мени хурсанд қилмас эди», деб айтдилар».

Абу Довуд ва Термизий ривояти.

✅ Telegram | 💬 Facebook | 📸 Instagram | 📹 Youtube

Уловга ва шунга ўхшаш нарсаларга минаётганда айтиладиган зикрлар

Аллоҳ таоло Зухруф сурасининг 14-оятида: «Бизларга бу (кема ёки от-улов)ни бўйсундириб қўйган Зот (яъни, Аллоҳ барча айбу нуқсондан) покдир. Бизлар ўзимиз бунга қодир эмас эдик. Шак-шубҳасиз, бизлар (барчамиз) «Парвардигоримизга қайтгувчидирмиз», дегайсизлар», деган.

Али ибн Рабийъадан ривоят қилинади:

«Али ибн Абу Толиб розияллоҳу анҳу отларини мингани келиб, оёқларини уловга қўйганларида «Бисмиллаҳ», дедилар. Қачонки, унинг устига ўрнашганларида

الحَمْدُ للهِ الَّذِي سَخَّرَ لَنَا هَذَا وَمَا كُنَّا لَهُ مُقْرِنِيْنَ، وَإِنَّا إلَى رَبِّنَا لَمُنْقَلِبُونَ

«Алҳамду лиллаҳиллазий саххора лана ҳаза ва ма кунна лаҳу муқринийн ва инна ила роббина ламунқолибун», деб айтдилар.

Маъноси: «Бизга буларни бўйсундириб қўйган Зотга ҳамд бўлсин. Бизлар ўзимиз бунга қодир эмас эдик. Барчамиз Парвардигоримизга қайтувчидирмиз».

Сўнгра уч марта «Алҳамдулиллаҳ» ва уч марта «Аллоҳу Акбар», сўнгра

سُبْحَانَكَ إِنِّي ظَلَمْتُ نَفْسِي فَاغْفِرْ لِي، إِنَّهُ لاَ يَغْفِرُ الذُّنُوبَ إِلاَّ أَنْتَ

«Субҳанака инний золамту нафсий фағфирлий иннаҳу ла йағфируз зунуба илла анта», деб кулиб қўйдилар. «Эй мўминларнинг амири, қайси нарсадан куляпсиз?» дейилганда, у зот айтдилар: «Расулуллоҳ соллаллоҳу алайҳи васаллам ҳам худди шу амални қилиб кулганларида, «Эй Расулуллоҳ, нима нарсадан кулдингиз?», деганимда, у зот: «Албатта Раббинг бирор банда гуноҳимни кечир, деб айтса, У: «Мендан бошқаси кечира олмаслигини билади», деб ажабланади», дедилар».

Абу Довуд, Термизий, Насаийлар ривоятлари.

✅ Telegram | 💬 Facebook | 📸 Instagram | 📹 Youtube