📎📎📎📎📎

📆 МЭЛЫЛЪФЭГЪУМ и 3, мэфэку.

Непэ Адыгеим 🌧 Жьыбгъэм 1/нэгъ. метри 4-6 илъэшыгъэщт.

Лъэгуахэ lахьым ирайонхэм :

мафэм  +15... +17
чэщым +9

Къушъхьэм мафэм +4

🔻Къэралыгъом и Президентэу Владимир Путиным пшъэрылъ къызэришIыгъэм тетэу Урысыем ишъолъырхэм яхэнэрэ Дунэе Iофтхьабзэу «ШIэжьым и Чъыгхат» зыфиIорэр ащэкIо. Адыгеири чанэу хэлажьэ.

🔻ЗэкIэмкIи агъэтIысхьанэу агъэнафэрэр чъыг миллион 27-рэ — Хэгъэгу зэошхом илъэ­хъан фэхыгъэ нэбгырэ пэпчъ ишIэжь ыкIи хэушъхьафыкIыгъэ дзэ опе­рацием лIыхъужъныгъэ щызезыхьагъэхэм апай.
Мы илъэсым Iофтхьабзэм имэхьанэ нахь ин – ТекIоныгъэш­хом ия 80-рэ илъэс зыщыдгъэ­мэфэкIырэм къэралыгъом ишъо­лъыр пстэуми, IэкIыбыми шIэжь чъыгхэр ащагъэтIысхьащтых.

ЛIыхъужъыцIэ къыфагъэшъошэгъагъ, ау къыIукIэжьыгъэп.

⬇️СтIашъу
Ахьмэд
Ерэджыбэ ыкъу
Адыгэ хэкум икIэлэ лIыбланэхэм ащыщэу и Хэгъэгу пае псэемыблэжьэу зэуагъэ, Советскэ Союзым и ЛIыхъу­жъыцIэ къылэжьыгъ, ау къы­фаусыгъэп. Лениным иорден лъапIэ къыратыгъ.

➡️СтIашъу Ахьмэдрэ Биданэкъо Къасимэрэ апэ къызэджагъэхэм ащыщыгъэх.
1942-рэ илъэсым мэкъуогъум и 23-м Батайскэ фэзэогъэ дзэм Ахьмэд хэтыгъ.

📎А мафэм зэошхор бэрэ кIуа­гъэ. Лъэмыджыр аштэнэу нэмыцхэми пшъэрылъ шъхьаIэу зыфагъэуцужьыгъагъэу къы­чIэкIын, ямурад ахэми агъэцэкIэн гухэлъы­шхо яIагъ.
Пыим иавтоматчик­хэм Ахьмэд къауцухьэу, джабгъу лъэны­къомкIи сэмэгубгъумкIи къыкъоукIхэу зэрэфе­жьагъэхэм гу лъитагъ. Ардэдэм Ахьмэд ищэ­хэри ыухыгъэу къычIэ­кIыгъ. Нэмыц автоматчикхэр къепшылIэхэу зелъэгъум, дзэкIолIым гранатэу ыбг пышIагъэр къыпипхъоти, чекыр къыритхъи, ежь окопым зэрэдэтэу ыдзы­нэу ри­хъухьи шъхьаем, пыимэ анимыгъэсынэу къышIошIыгъэти, окопым къыдэпкIыгъ.
Андырхъое Хъусен фэдэу, ежь хэкIодэщтми, пыйхэр зыдихьын ыгу хэлъэу гранатыр ыдзынэу къызеIэтым, нэмыц топыщэр къэуагъ, чIыгоу дзэ­кIолIыр зытетыр къэушъорэ­кIыгъэм фэдэу къыIэтыгъ ыкIи омакъэу къэIугъэм Ахьмэд ытхьакIумэхэр къыIуигъаохи, ышъхьэ ыгъэутэбжьагъ. Сапэу топыщэм къыIэтыгъэр зетIысэхым, СтIашъур къызэрэмы­тэ­джыжьыгъэр игъусэмэ алъэ­гъугъ.