✨ Yorqinjon domlani xotirlab tadbir oʻtkazildi

Bugun «Hilol Nashr» nashriyotining majlislar zalida «Maʼrifat yoʻlining yorqin yulduzi» nomli Yorqinjon Fozilni xotirlab tadbir oʻtkazildi.

✔️ Tadbirga Ismoil Muhammad Sodiq, Zohidjon qori domla, Bahodir qori Rahmatulloh, Yahyo domla, Muhammad Shokir domla, Husaynxon Yahyo Abdulmajid, Muhammad Ayyubxon domla, Anvar Ahmad, Mirzo Kenjabek domla hamda boshqa koʻplab ustoz va muxlislar tashrif buyurishdi.

Shu bilan birga tadbirimizda Qoʻqondan qator mehmonlar, jumladan, Yorqinjon domlaning farzandlari Imdodulloh qori va domlaning qaynilari Umarxon domlalar ham ishtirok etishdi.

Tadbirni Ismoil Muhammad Sodiq ochib berdilar. Shundan soʻng Yorqinjon domla bilan oʻtkazgan damlari, domlaning sifatlari, ilmlari, taqvolari va boshqa fazilatlari haqida Husaynxon Yahyo Abdulmajid qori, Muhammad Ayyubxon domla, Anvar Ahmad, Muhammad Shokir domlalar soʻz soʻzladilar. ✨

Tadbir soʻnggida «Hilol Nashr» nashriyoti va islom.uz nomidan Yorqinjon domlaning ota-onalari: Obidxon hoji dada va Zubaydaxon hoji ayalarga tashakkurnoma va esdalik hadyalar topshirildi.

😊 Tadbir Yorqinjon domlaning haqlariga atab oʻqib tugatilgan 24 ta xatmi Qurʼonning bagʻishlovi va xayrli duolar bilan nihoyasiga yetdi.

Alloh taolo Yorqinjon Fozilning oxiratlarini obod qilsin, ustozimizni Oʻzining rahmatiga burkasin! 🤲

Siz tadbirga tashrif buyurdingizmi? Taassurotlaringizni boʻlishing

@hilolnashr

✨ Yorqinjon domlani xotirlab tadbir oʻtkazildi

@hilolnashr