معاد فيها ياحبيبي سلامات
البحر عيني وازرق الدمع سفّنه
في نون عيني من غيابك علامات
وشابت رموش ٍ تعتلي حرف جفّنه
مات الأمل والشوق يامنوتي مات
واليأس جيشه داخلي وانت افّنه
ياليت حبك مات من ضمن الاموات
والحب لامن مات يكرم بدفّنه

‏عندي عتب بس استحي من عتابه ""
دامه نوى بعده : فأنَـا حقِّي اهمل

بس السؤال .. اللي يبي له إجابه !!
ليه البدايه دايم تكون اجمل ؟؟

بينك وبين الله عباده ومدلول
وبينك وبين اللي تشوفه سلامه ✋🏾

فالاوله رغبه ورهبه ومآمول 🤲🏽
والثانيه ما تستحق الملامه

‎

ماخاب من حبله موثق وموصول
مــع واحدفالكون عال ٍ. مقامه

والشعرمن جزل الفرايد كما اللول
والى تكلم صــادق في كلامــه

‏منك السموحه والعذر ياضنيني
النفس طابت لين قلبي عذرها

ماعاد باقي شي بينك وبيني
وانكان لك حاجه تعال اختصرها

اخذت من عمري حلاوة سنيني
كافي على قلبك اليامن ذكرها

غصب الفراق يصير ماهو بديني
اقدار مكتوبه ولاحد(ن) قدرها

توك تجي .. واتقول انك تبيني
وين انت يوم النفس تشكي كدرها ؟

كنت اترجى تتصل يوم فيني
كنت بحياتي غير .. قبل اتهجرها

خلاص لا تتعب قدمك وتجيني
كنت احترم جيّتك .. وصرت احتقرها

سبحان من خلاك عادي بعيني
من عقب ماكنت انت تسوى نظرها


‎#ثامر_شبيب
‎

‏✍🏻
ٰ

واقلبي اللي كل حسناء تشغفه
مرّت عليه اللي تشّب الشوق فيه

عود ٍ عبارات الغزل ما تنصفه
حاكت له النسمات ثوب ٍ يرتديه

وشلون ما تختال تِيه المترفة
المترفة من حقّها تختال تِيه

بعض الجمال أعظم من إنّك توصفه
ودّك تشوفه بس وتسمّي عليه ..!

‏ماهو صحيح القلب للقلب شاهد
لو هو صحيح اصبحت مفتون فيني

بيني وبينك حب من قلب واحد
ليته يجيك من الهوى ما يجيني

وليتك تعرف الشوق لا صار واجد
وليتك تعرف اوجاع كثر الحنيني

‏على الزعل ، والضيق : حنا كبرنا
ما عاد في اشياء تستاهل الضيق

واذا اعتزلنا : الكلّ ..محدٍ جبرنا !
العزله أصدق من وجيه المخاليق

حتّى على صدّ الحبايب : صبرنا !
الحلم لولا الصبر .. مافيه تحقيق

من كثر خيبات الحياه .. اعتبرنا !
العمر :لحظة ، واليالي : توافيق

‏تدري متى يلعب بك ألفين وسواس
وتحس نفسك فاهم الناس توّك

اليا ظلمك إنسان كان أقرب الناس
وأنصفك شخصٍ تحسب إنه عدوّك "

‏أشوف وأسمع وأجّحد السمع والعين
وأحـط نـفـسـي في مـحـل الـغـبـاوه

وإن جــاتـني كلـمـه تحلل بـوجـهيـن
أرد لــلــي قـــالـهــا بــ الــهـــداوه

والكلمـه اخـذها على وجـههـا الزيـن
خـوف النقـاش اللي يـسـبـب عـداوه

وأصبحت مثل مسدد الدين بالديـن
اثــر صـحـيــح لــكــل شـي طـراوه

ناس بحسن اخلاقها تسعد الناس
تضحك تجامل تبتسم من سعدها
:
ذولا مكانتهم على العين والراس
في المجتمع يا رب تكثر عددها

لا تتعب اقدامك على كل محضار
البعد عن بعض المجالس غنيمه

ما كل مجلس فيه حكمه وتذكار
ولا كل مجلس به كرامه وشيمه

بعض المجالس كنها مثل الاوكار
" اوكار للغيبه ونشر النميمه " .

رافق أصيلٍ في زمانك يصافيك
لا شاف زلاتك عن الناس غطاك

ترى الصديق اللي يحبك ويغليك
تلقاه هو عونك على الشدة ويمناك .

بعض المشاكل حلها بالفراسة
لا شان وجه الوقت وامتس حبله

يضيع فيها فيلسوف الدراسة
ويحلها لك شايبٍ يتبع ابله .

‏أبيك من بين البشر لي لحالي
أنت سحابة حب وأنت مطرها

لا يابعد عمري وكل الغوالي
حبك أخذ قلبي وروحي أسرها

‏إشـتقت لـك والـشوق حـرق ضنيني
يـا ويـل قـلبي مـن حريقه والأشواق




لـيـتـك قبالي بــس تـنـظر لـعـيني
تعرف بأني أشتاق لك موت وأشتاق

‏ㅤ
- مِن المَشاهد الشِعريّة الرائعة :

تحطيّن عِينك في عيُوني مِن الإعجَاب
وأنـا أحَط يَيدي فوُق قلبي مِن أهَـااتہ

‏أن زانت الأيام خيرٍ على خير

وأن شانت الأيام نرضى. ونصبر

الحكم للي في يديه التياسير

سبحان من هو للخلايق مدبّر

حلاّلْ صعبات الأمور المعاسير

ومن رحمته للي به الكسر. يجبر

أطلب رضاه ولايجي منك تقصير

وأحذر تباهى،،،،،، بالغرور وتكبّر