الشاعر الي ينزف الجرح بالقاف
يكتب من الأبيات من حر ماجاه

ترجم شعوره بالورق حبره الجاف
وعيت عزومه للبقا عقب فرقاه

شوقه ذبحه وسطر أيامه عجاف
من يوم ودعه ، السعد راح خلاه

هذي علومه علمه اليوم ينعاف
يلي تدور علمه اليوم ودعاه

دون من الأبيات مقري وينشاف
كل القصايد في سجله معاناه

والناس مدري سخريه ولا هلطاف
علي قصيده اثنو اليوم محكاه

كنه جريحن مرتجي جيت اسعاف
والناس حوله تبتسم حزة بكاه

🦋

مااقدر افسر في خيالي معانيك..
لكن..تمنيت اوصل حدود بالك..

واعرف..وش اغلى ما تمناه واعطيك ..
ليت السعاده دايم الدوم فالك..

وجعل الزمن الي يزعلك يرضيك..
واشيل الهم عنك وازعل بدالك..

🦋

يســعد⁩ ‌ مساكم⁩.. بالقصايـد والأبيات
‏واجمل حروف الشعر واجمل قوافي

‏والورد والنرجس من القلب باقات
‏مـن قلب صافي للقلوب الصـوافي.

‏‌ #مساء_الخير

‏إسمع كلام القلب وتعيـش فاهـم
‏نصيحة إللي ما درّس هندسه وطبّ

‏كل شيّ تقدّر تشتريه الدراهـم
‏إلا سنين العمر والحظ والحّـب

يا ليتني أحـكي.. مثـل أكــثر الناس
‏حتى الكــلام إللي.. بصـــدري أقوله

‏لكن رقيب الذات. للــحرف مقياس
‏مـا كـل كلمـة... تنحكــــى بسهولــه

🦋

‏سلام ياللي حبك اكثر من العام
‏كل يوم تكبر قيمتك وانت غالي

‏الواقع اني في محبتك مالام
‏ياللي ملكت القلب فاول وتالي

‏عليك عنيت المشاعر و الاقلام
‏اكتبك شعر ولا تفارق خيالي

🦋


الكـون ماشـي وفـق حـسبه بسـيطه
‏واحـد مـع واحـد يسـاوي لـه اثنــين

‏لكن بدنـيا الحــب حـاله عـجـيبه
‏واحـد يسـاوي القـلب والـروح والعـين

حبيت فيك الصدق والطيب والذوق
كلك  ع  بعضك   ذهب  في  صفاتك

نادر   وما   يشبه  سجاياك   مخلووق
تعجز  حروف  الشعر  توصف  غلاتك❤️

‏أنت الوحيد اللي لك الباب مفتوح
ويبقى غلاك بداخل القلب ماراح

عالم تجي وتروح ماهزت الروح
وعالم غلاها قد سكن وسط الأرواح

‏حسبت قلبي ياهوى البال سالــي
لا والذي اعطاك في داخلي حـب

اطردك من قلبي واشوفك في بالي
واطردك من بالي والاقيك بالقلب

🦋

‏قالوا تمنــى قلـت ياما تمنيـت
الحظ ضــدي والأماااااني كثيره

ياما كتبت من القصايد وغنيت
الحظ عاااثر والخوااطر كسيره

مادام قلب اللي احبه وسعني

ماهمني ضيق الزمن واتساعه

‏أحتاجلك  لاضيّق  الوقت  صدري
أبيك تمسح عن عيوني شقاها


أحتاجلك  في  كل  لحظه  بعمري
لاصرت  روحي  كيف أحيا بلاها

أجمل عطايا الوقت انسـان وافي
و أجمل عطايا العمر انسان يغليك

مثل الذهب  في دايم الوقت صـافي
مهما يدور الوقت بالقدر يعليك

‏تبيعني بين المخاليق واشريك
‏عادات نشمي عاش بين البداوه
‏بالكلمه الحلوه يحبك معاديك
‏الذيب لاخاواك في البر خاوه

على خطاياك لا عاتِب ولا جافي
النفس متعوده ظلمك وتقصيرك .

يازارع الشوك في دربي واناحافي
تفكيري الصبر دام الظلم تفكيرك .

( ناصر ضيف الله عصيم )

هاذي نصيحه سعرها فوق الالماس
كتبتها للي يدور نصيحه

امشي مع اللي صحبته ترفع الراس
وابعد عن المترديه والنطيحه

العمر يمضي بين حلوه ومره
والموت حق وقابض الروح مأمور
..
ودام الحياة الفانيه مستقره
ورزقك يجيك وبين الأجواد مستور
..
لا تنشغل بالوقت برده وحره
وأحذر تصير بقسمة الناس مقهور

‏يمرني في زحمة الناس طاريك
‏مثل السحابة لا سبقها نسمها

‏المح بعيني صورتك يوم اراعيك
‏اثر الخفوق اللي بعيني رسمها !